Мисија за спас на Земјата: Летало ќе се забие во астероид, за да му го смени курсот

Ако астероид  тргне кон Земјата, што можеме да направиме за да ја  заштитиме? Ова е прашање што загрижува многу астрономи.

Најновата мисија на Европската  вселенска агенција треба да покаже дали со забивање во астероид ќе може да се смени неговиот курс, пишува Daily Mail.

Мисијата ќе се одржи во два дела. Овој месец ќе почне со подготовки, а првото летало треба да се лансира во октомври 2020 година, кон астероидите Дифимос.

Околу главното тело со пречник од 800 м се движи помало тело со пречник од 170 метри, неформално наречено Дидимун. Целта е помалото тело, а леталото ќе направи скенирање на неговата површина и составот.

Ќе се соберат важни информации за обликувањето на нашиот соларен систем.

Ова летало е придонес на Европа кон мисијата АИДА на  НАСА. Кон крајот на 2022 година сонда на НАСА, дел од мисијата, ќе се забие директно во астероидната месечина со брзина од 22.530 км/ч со цел да го промени неговиот курс.

Ќе следуваат анализи како астероидот реагира на овој вид енергија. Мисијата треба да даде основа за планирање идни планетарни одбранбени стратегии.

„Ќе добиеме увид во видот на силата која е потребна за да се промени патеката на кој било астероид насочен кон Земјата и подобро ќе разбереме како техниката може да се примени во случај на вистинска закана“, порачуваат стручњаците.