Daily news
Седум делови од телото што не треба да ги допирате со раце
Ако мислите дека вашето тело е храм, и ваша е одлуката како ќе го користите, сепак, треба да знаете, дека има одредени делови од телото кои никако не треба да ги допирате со раце.
Ако мислите дека вашето тело е храм, и ваша е одлуката како ќе го користите, сепак, треба да знаете, дека има одредени делови од телото кои никако не треба да ги допирате со раце.
„Истражувањата покажуваат дека дланките играат огромна улога во пренесувањето на бацили“, вели Кели Рејнолдс, професор соработник на Закерман колеџот за јавно здравје на Универзитетот во Аризона. „И по соодветно миење, дланките и прстите постојано се контаминираат од околината која ве опкружува“.
Ако не ги сечете ноктите редовно, се зголемува можноста за зголемено присуство на бацили. Истражувачите од Универзитетот во Небраска сугерираат дека оние кои имаат два милиметра, или подолги, нокти имаат повеќе бацили на рацете.
Покрај редовната хигиена на рацете, држете ги понастрана од овие делови од телото за да бидете поздрави.
Ушниот канал
Никогаш не треба да ги пикате прстите, или нешто друго, во вашите уши. „Ставање на нешто во вашите уши може да ја скине тенката кожа која го заокружува вашиот ушен канал“, вели Џон Нипарко, доктор и професор на катедрата за оториноларингологија на Училиштето за медицина Кек.
Ако чувствувате постојано чешање во увото подобро одете на лекар, отколку да пробате да се почешате со нешто. „Оториноларингологот ќе ве спаси од чешањето, без разлика дали ќе ви исчисти ушен восок, дали е егзема на кожата или инфекција, како уво на пливач на пример. Сепак, не трба да се запостави хигиената на ушите“, вели Нипарко.
Лицето
Со рацете може да се послужите за да го измеиете лицето или да нанесете крем за заштита, но во други случаи држете ги понастрана од него. Кога рацете стојат на површина полна со бацили, а потоа го чепкате лицето со нив, ја зголемувате можоста да се разболите. Прстите содржат масла кои можат да ги затвраат порите, вели советникот за дерматологија Аднан Насир.
Задникот
„Анусот содржи бактерија која може да биде потенцијално опасна“, вели д-р Џаред Клејн. Откако ќе извршите голема нужда или го допрете задникот од која и да е причина, веднаш измијте ги рацете.
Очите
Ако не ставате контактни леќи или миете некое делче кое нашло пат до вашите очи, не фаќајте ги со рацете. Лесно може да внесете бактерии во нив. Тие бацили можат да предизвикаат сериозни инфекции. Д-р Кимберли Кокерхам, вели „Не ги допирајте и не ги тријте“. Ако ве чешаат, или ви се суви, или не ви е пријатно со контактните леќи, појдете на очен лекар. Тој ќе го најде проблемот.
Устата
Најновите истражувања во Велика Британија покажаа дека луѓето ги ставаат прстите во или околу устата просечно 23,6 пати додека се досадуваат на работа. Сепак и кога се многу зафатени тоа го прават во просек 6,3 пати. Тоа е проблем. Во студија објавена во Журналот за применета микробиологија, третина до четвртина од бацилите кои испитаниците ги имале на рацете биле пронајдени и околу устата.
Носот
Престанете да `копате руда`. Во студија од 2006 година за ушите, носот и грлото, објавена во весникот за Контрола на инфекциите и болничка епидемиологија, оние кои копаат во носот имаат 51 отсто поголеми шанси да се носители на бактеријата staphylococcus aureus во нивната кивавица, отколку оние кои ги држат рацете настрана од носот.
Кожата под ноктите
Многу гадни бактерии, вклучително и стафилококи, може да живеат таму. „Вашите нокти треба да бидат куси за да се намалат шансите да бидете носител на бактерија, а на такви нокти им е потребна само четка за отстранување на остатоците“, вели Дејвид де Бекер, консултант дерматолог, во Британскиот дерматолошки центар.
Да се копа под ноктите е многу опасно, понекогаш може да се предизвика и онихолиза, или отпаѓање на ноктот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.