Контакт

Економија

Агенцијата за финансиска поддршка на земјоделството тврди: Ако не ги искористевме парите, ќе ни беа одземени од ЕУ

Објавено пред

Агенцијата за финансиска поддршка на земјоделството и руралниот развој тврди дека јавната набавка на софтверска и мрежна опрема е направена во согласност со Годишниот план за јавни набавки на АФПЗРР и по планот на Владата за модернизација на институциите.

„Средствата наменети за оваа јавна набавка изнесуваат 7 милиони денари, од нив 4 милиони денари се планирани и обезбедени од Програмата за помош при транзиција за институционална надградба, средства од ИПА-фондови. Три милиони денари се обезбедени од Програмата за финансиска поддршка во руралниот развој. Доколку не ги искористевме овие средства, ќе ни беа одземени од ЕУ. Овие средства се наменети за набавка на софтверска и мрежна опрема, а со цел доопремување и унапредување на условите на Агенцијата за финансика поддршка на земјоделството и руралниот развој. За оваа набавка има добиено согласност и од Националниот совет. Огласот за реализирање на оваа јавна набавка, освен на електронскиот систем за јавни набавки, е испратен и до службеното гласило на ЕУ и се очекува да биде објавен наредните денови“, се вели во соопштението.

Според Агенцијата, со оваа набавка, која е овозможена со средства од ЕУ, треба да се забрза обработката на апликациите и барањата и по националните и по ИПАРД-програмата за да се овозможи поголема искористеност на средствата што ни се дадени на располагање. Во врска со бројот на вработени, ве информираме дека во АФПЗРР моментно работно се ангажирани 222 вработени.

„Компјутерите што се набавуваат мора да имаат гаранција од три години, а тригодишна гаранција мора да има и лиценцираниот „Виндоувс офис“ затоа што се бара максимална заштита на податоците со кои располага АФПЗРР бидејќи во оваа институција има доверливи податоци, информации за пријавените кои се корисници и на средствата што ги нудиме во националните програми, но и за ИПАРД-програмата. Оваа набавка треба да овозможи АФПЗРР со своите софтвери лесно да може да се поврзува со софтверите на другите институции со кои соработува АФПЗРР за да може апликациите на земјоделците и на бизнис-заедницата што аплицира по националните и ИПАРД-програмите бргу да се завршуваат и да се овозможи поголема искористеност на средствата што ни се на располагање.

Компјутерите што се набавуваат мора да се изведат од доставувачи што имаат сертификат за инсталација и конфигурација на опремата. Исто така, мора да бидат со најдобри можни перформанси во делот на процесорите, дисковниот и другите компоненти. Мора да поседуваат и сертификати за квалитет и сертификати што се однесуваат на информатичка опрема. Во однос на информациите за избор на најниска понуда, ве информираме дека предметот на оваа јавна набавка налагаше како критериум да биде земена најниската цена.

Во однос на гаранцијата на понудата, АФПЗРР има побарано изјава за сериозност и таа е побарана во точката 4.6 од тендерската документација. За банкарската гаранција, АФПЗРР има побарано услов за потпишување на договорот со избраниот најповолен понудувач да биде гаранцијата за квалитетно извршување на договорот во висина од 10 отсто од вредноста на договорот“, се додава во соопштението.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

(Видео) Анѓушев: Владата ќе продолжи со унапредување на политиките за побрз и одржлив раст на стопанството и економијата

Објавено пред

Владата и бизнис-секторот имаат отворена и искрена комуникација преку која се креираат и имплементираат најсоодветни политики за побрз и одржлив економски раст во Република Северна Македонија, истакна вицепремиерот за економски прашања, Кочо Анѓушев, на денешната трета седница на Комисијата за јавно-приватен дијалог, која се одржува во рамките на проектот за подобра бизнис-регулатива, спроведуван од Стопанската комора на Македонија, Сојузот на стопанските комори, МАСИТ и Стопанската комора на северозападна Македонија, во соработка со центарот ЕПИ, поддржан од УСАИД.

Вицепремиерот нагласи дека со меѓусебна соработка помеѓу Владата и стопанството, претставувано од стопанските комори, во изминатиот период се донесени низа економски политики, закони и мерки, кои се во насока на технолошки развоj и воведување иновации, а со тоа и подигнување на конкурентноста на компаниите, но и за раст на плати и подобрување на животниот стандард на граѓаните.

„Законот за финансиската поддршка овозможува еднаква поддршка за домашните и странските компании, со новиот Закон за енергетиката се раздвижува енергетскиот сектор и се овозможени инвестиции во обновливите извори на енергија, како и Законот за јавните набавки и Законот за практиканството, сите овие законски решенија се донесени преку отворени дебати и по барање на стопанството, пред сè, во насока на подобрување на бизнис-климата во земјата“, појасни Анѓушев.

Вицепремиерот дополни дека продолжуваат активностите во изградба на квалитетна патна и железничка инфраструктура, како и гасификацијата и електроенергетските проекти, за зголемување на конкурентноста на економијата во Северна Македонија, при што најави дека во периодот што следува Владата ќе објави нови мерки кои ќе стимулираат забрзан раст на платите, но и на севкупната економија.

Претставниците од стопанските комори изразија очекување дека соработката помеѓу Владата, министерствата и бизнис-секторот ќе продолжи да се развива во позитивна насока и дека ќе се задржи позитивниот тренд да бидат консултирани при носењето важни законски решенија, со кои би било засегнато стопанството.

Прикажи повеќе...

Економија

Бектеши: Градиме предуслови за иднината на Попова Шапка

Објавено пред

Интензивно се работи на реконструкција на патотот од Тетово – Попова Шапка, а се очекува до крајот на септември оваа делница долга 18,2 километри да биде целосно реконструирана, изјави министерот за економија, Крешник Бектеши, кој заедно со министерот за транспорт и врски, Горан Сугарески, директорот на Јавното претпријатие за државни патишта, Зоран Китанов, и градоначалничката на општина Тетово, Теута Арифи, денеска направија увид во изградбата на овој пат кој води до зимскиот центар Попова Шапка.

Како што истакна министерот Бектеши, овој патен правец е исклучително важен, не само за локалното население во Тетово туку и за сите туристи коишто ќе сакаат да ја посетат Попова Шапка. Бектеши информираше дека Владата е во тесна соработка со локалните власти за да се изнајде решение и за внатрешната инфраструктура на ски-центарот Попова Шапка.

„По завршувањето на реконструкцијата на главниот пат кој го поврзува Тетово со Попова Шапка во директна соработка со Општина Тетово ќе започнеме со реконструкција и на локалните улици во Попова Шапка“, истакна Бектеши.

Министерот информираше дека Владата е посветена да се врати сјајот на Попова Шапка како туристичка дестинација, а активностите за тоа веќе се започнати.

„Жичницата на Попова Шапка е во завршна фаза и во моментов вработени ЕЛЕМ Турс се обучуваат за да се стави во функција. На сите посетители на Попова Шапка ќе им обезбедиме дополнителна можност за да ја користат жичницата, која ги исполнува сите меѓународни критериуми, не само во текот на зимската сезона за скијање, туку ја разгледуваме можноста жичницата да работи и во други сезони земајќи го предвид растечкиот тренд на планинскиот туризам“, кажа Бектеши.

Во однос на иднината на зимскиот центар Попова Шапка, во чии рамки е ски-центарот Попова Шапка, како и хотелите  „Славија” и „Попова Шапка“, министерот информираше дека во моментов се изготвуваат длабинска анализа и физибилити-студија од страна на компанијата „Прајсвотерхаус Куперс“ кои треба да покажат која е економската оправданост за инвестиции во иднина.

„До 20 октомври ЕЛЕМ Турс треба да ја добие анализата на ‘Прајсвотерхаус Куперс’ која се однесува на моделот на трансформација и ние како Влада ќе одлучиме на кој начин во иднина ќе ја развиваме Попова Шапка. Може да се даде под концесија, може да се даде на јавно-приватно партнерство, но ние не можеме да донесеме одлука пред да имаме готова анализа за економската оправданост“, потенцираше министерот Бектеши.

Министерот за транспорт и врски, Горан Сугарески, истакна дека ова е многу значаен пат кој не само ќе придонесе за унапредување на туризмот туку ќе даде и дополнителен стимул во развојот на Попова Шапка и за Тетовскиот Регион.

Прикажи повеќе...

Економија

Елези: Вработеноста ќе расте, просечната плата повисока за 5 отсто годинава

Објавено пред

Вработеноста ќе продолжи да расте годинава, додека растот на просечната нето-плата се очекува да биде околу 5 проценти, се проекциите на Министерството за финансии.

Заменик-министерката за финансии, Ширет Елези, образложувајќи ја завршната сметка за 2018 во Собрание, рече дека поволните економски движења од минатата година продолжиле засилено годинава, па се очекуваат и подобри економски резултати.

Елези рече дека во 2018 година бруто-домашниот производ забележал забрзан раст од 2,7%, што е многу блиску до проекцијата на Министерството за финансии од 2,8%.

„За споредба, есенските проекции на другите релевантни институции се движеа меѓу 1,6% и 2,5%. Ова е јасна потврда за зајакнатиот капацитет и посветеност на Министерството за финансии. Имено, кредибилноста на економските проекции е клучна за кредибилно дизајнирање на буџетот, а со тоа и кредибилно водење на фискалната политика“, рече Елези.

Заменик-министерката посочи дека растот на економската активност во 2018 година е резултат на зголемената потрошувачка и на позитивниот придонес на нето-извозот врз економскиот раст. Таа посочи и дека бројот на вработени во 2018 година се зголемил за 18,4 илјади лица споредено со 2017 година.

За извршувањето на буџетот во 2018, заменик-министерката рече дека реализацијата на приходите биле согласно очекувањата, додека расходите се извршувале редовно и навремено.

Таа додаде дека финансирањето на буџетскиот дефицит и редовното сервисирање на обврските по основ на домашниот и надворешниот долг во 2018, беше обезбедено преку еврообврзница и поволни кредити и кредитни линии наменети за финансирање на одделни проекти, како и државни хартии од вредност. Истовремено отплатени се обврски по основ на главница во износ од 28,12 милијарди денари и 7,699 милијарди денари по основ на каматни плаќања, меѓу кои и PBG 2 заемот од Светска банка од 2013 година од 95 милиони евра.

Прикажи повеќе...

Најново

Свет2 часа

(Видео) Во пожар во детски камп во Русија, загинаа најмалку пет деца

Најмалку пет деца загинаа во пожар во детски камп во ски-центарот Холдоми во рускиот Далечен Исток. Според информациите, загинати се...

Свет6 часа

Трамп: Би можел веднаш да го средам Авганистан, но не сакам да убијам 10 милиони луѓе

Американскиот претседател, Доналд Трамп, изјави дека САД во последните неколку недели постигнале голем напредок во преговорите со талибанците и јасно...

Европа8 часа

Нов топлотен бран во Европа

Уште еден топлотен бран оваа недела ќе зафати делови од Централна и Северна Европа, со рекордни температури кои се очекува...

Македонија9 часа

Зависниците од наркотици ќе можат да примаат терапија и во Аеродром, Ченто и Психијатриската болница

Зависниците од наркотици ќе можат да примаат терапија и во поликлините во Аеродром, Ченто и Психијатриската болница. Досега околу 520...

Европа10 часа

Џонсон е новиот премиер на Велика Британија

Поранешниот британски шеф на дипломатијата, Борис Џонсон, е избран за нов претседател на Конзервативната партија, а според тоа и нов...

Македонија11 час

(Видео) Јанева: Најодговорно тврдам дека не сум вмешана во случајот „Рекет“

Во врска со мојата наводна вмешаност во случајот „Рекет“ најодговорно тврдам дека ниту свесно, ниту несвесно, ниту со сторување или...

Македонија13 часа

Заев: Борисов не ме повика за Камчев

„Бугарскиот премиер Бојко Борисов во никој случај не ме повика за македонскиот бизнисмен Орце Камчев“, изјави премиерот, Зоран Заев во интервју...

Топ14 часа

Обвинение за сопругата која со секира го уби мажот во Студеничани

Основното јавно обвинителство Скопје поднесе обвинение против 50-годишна жена од Скопје за убиство на нејзиниот сопруг во Студеничани. „Обвинетата на...

Македонија14 часа

Пронајден вториот мобилен телефон на Катица Јанева за кој велеше дека ѝ е изгубен

Обвинителството вчера го пронајде вториот мобилен телефон на специјалната јавна обвинителка Катица Јанева, за кој таа велеше дека ѝ е...

Македонија15 часа

Новиот закон за Јавното обвинителство влегува во собраниска процедура

Предлог-закон за Јавно обвинителство денеска влегува во собраниска процедура, при што пратениците ќе ги изнесат своите ставови, а ако имаат...

Македонија16 часа

Села бара јавен обвинител од странство

Зијадин Села од Алијансата за Албанците објави неколку забелешки за владиниот предлог закон за Јавното обвинителство. Тој истакна дека ќе...

Македонија16 часа

Заев: Не присвојуваа Македонците туѓа историја, туку Груевски и неговата политичка елита

„Не присвојуваа Македонците туѓа историја, туку Груевски и неговата политичка елита и нивните послушници квазиексперти кои тргнаа во медиумска офанзива...

Регион16 часа

Грчкиот парламент изгласа доверба на новата Влада

Со 158 гласа „за“ и 142 „против“ Владата на Кирјакос Мицотакис доби доверба од грчкиот парламент. Расправата траеше три денa,...

Македонија1 ден

Инспекторот Илиевски поднесе прекршочна пријава за ректорот и за тетовскиот универзитет

Просветниот инспектор Ѓорѓи Илиевски поднесе прекршочна пријава во тетовскиот Основен суд за Државниот универзитет во Тетово и за ректорот Вулнет...

Македонија1 ден

Жбогар е уверен дека законот за Обвинителството ќе биде донесен со консензус

Eвроамбасадорот Самуел Жбогар при денешната посета на Општина Новаци изрази надеж дека парламентот ќе го донесе законот за Обвинителството со...

Македонија1 ден

Обвинителството го доби извештајот од телефонот на Јанева

Обвинителството за организиран криминал и корупција го доби извештајот од вештачењето на мобилниот телефон на обвинителката Катица Јанева, но во интерес...

Македонија1 ден

Заев на одмор во Охрид и Грција, Шекеринска во Скандинавија, Царовска во Турција

Премиерот Зоран Заев со семејството ќе замине на одмор по празникот 2 Август, Илинден, во Охрид и во Грција, министерката...

Македонија1 ден

Хелсиншки комитет: Рекорден број дела од омраза во 2018 година, негативниот тренд продолжува и годинава

Во периодот од 2013 до крајот на 2018 година Хелсиншкиот комитет евидентирал 508 инциденти сторени поради омраза, беше соопштено на денешната прес-конференција по повод Европскиот...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија2 дена

Кривичниот суд вторпат го одби барањето на Кочан за одложување на казната

Кривичниот суд по вторпат го одби барањето на бизнисменот Сеад Кочан, осуден во предметот „Труст“ на специјалното јавно обвинителство, да...

Свет2 дена

Итна седница на британската Влада, се бара безбедна пловидба во Заливот

Британската Влада свика итна седница на која ќе се расправа за одговорот што треба да се испрати на Иран, по...

Досие