Контакт

Економија

„Алкалоид“ донира 200.000 евра и ги намалува цените на 158 производи од својот асортиман

Објавено пред

„Алкалоид“ донира 200.000 евра и ги намалува цените на 158 производи од својот асортиман. Од компанијата велат дека веќе две недели функционираат во извонредно турбулентни услови.

„Се бориме за обезбедување залихи на производи кои не ни се примарна дејност, но во моментов се од суштинско значење за сите; се соочуваме со огромни логистички предизвици во услови на затворени граници, блокирани и поскапени суровини и амбалажи; секојдневно носиме одлуки кои се од исклучителна важност за компанијата, при тоа ставајќи акцент на врвниот приоритет – здравјето на луѓето.

Сето ова се случува во услови кога над 200 наши вработени кои припаѓаат на ризичните групи граѓани се отсутни од работа, па мораме да ги пополнуваме упразнетите места во производните погони со кадар од административните сектори. Почнувајќи од денес, ќе мораме да ги адаптираме и сменските работења во согласност со дозволените термини на движење, имајќи предвид дека голем дел од нашите вработени доаѓаат на работа од подрачја кои гравитираат кон градот Скопје, а сè со цел да ги исполниме барањата на пазарот со наши производи.

Во услови кога сите светски економии се оставени сами на себе и се борат за ублажување на ефектите од нова економска криза, кога губењето на работни места е неминовен дел од таа сурова реалност, кога логистичките пречки ја добиваат битката за пласман на производите, ретки се компаниите кои можат да ги надминат овие предизвици и да помогнат на своите економии во вакви тешки времиња.

Додека сè уште се консолидираат ресурсите за справување со посилен импакт од вирусот Ковид-19, „Алкалоид АД Скопје“ и покрај сите логистички и ресурсни предизвици, одлучи да ги намали цените на 158 свои производи кои во моментов се наоѓаат на листата на потреби веројатно на секое македонско домаќинство: фармацевтските брендови „Аналгин“, „Кафетин“, „Прокулин“, „Бетадине“„Ацерола“, „Блокмакс“, „Бронлес“, лекови за намалување на телесната температура, одредени помошни лековити средства, разни витамини и додатоци во исхраната, средствата за чистење од колекцијата „Глос“, сите дезинфициенси, антисептици, средства со антибактериско дејство и други слични производи. Информацијата за намалувањето на цените на овие производи е проследена до сите чинители во дистрибутивниот синџир (веледрогерии, аптеки, дистрибутери и поголеми ланци на маркети) и истото намалување очекуваме дека ќе се пренесе до крајните корисници.

„Алкалоид АД Скопје“ денес донираше износ од 12.300.000 денари (200.000 евра) на посебната наменска донаторска сметка на македонското Министерството за здравство формирана за целите на справување со здравствената криза.

Осврнувајќи се на сите кризи низ кои компанијата минала во изминативе 84 години постоење, оваа е можеби најневообичаената до сега. Изолација сред цивилизација, страв од непознато, борба за зачувување на најскапоценото: здравјето на луѓето. Љубезно апелираме до целата македонска јавност да ги следи и најодговорно да ги почитува препораките на Министерството за здравство и Владата со цел да се превенира најлошото можно сценарио.

Во оваа прилика, ние како компанија, би сакале да упатиме голема благодарност и желби за добро здравје на сите здравствени работници во земјава и на сите македонски граѓани, а како традиционален партнер на македонското здравство и фармација и како еден од столбовите на македонската економија, подготвени сме со сите научни, технолошки и кадровски капацитети да помогнеме во справувањето со оваа здравствена криза, затоа што здравјето е пред сè, велат од компанијата преку соопштение.

Економија

(Видео) Лицата кои останале без работа добиваат брз влез во системот на социјална заштита

Објавено пред

Лицата кои останале без работа или биле дел од неформалната економија добиваат брз влез во системот на социјална заштита, најавија заменик министерот за труд и социјална политика Ѓонул Бајрактар и дополнителната заменик министерка Санела Шкријељ.

„За да добијат минимална гарантирана помош, материјалната необезбеденост за лицата ќе се утврдува врз основа на вкупната просечна висина на сите приходи на сите членови на домаќинството по сите основи, сметано од последниот месец, наместо досегашните три месеци. Оваа мерка ќе трае два месеци, април и мај 2020. На ваков начин покажуваме дека системот на социјална заштита е така дизајниран што лесно се прилагодува на потребите на граѓаните, стигнува до оние на кои помошта им е најпотребна а најранливите членови на заедницата ниту во екстремни услови како моменталните, не се занемарени“, рече заменик министерот Бајрактар.

Околу 30.000 постоечки корисници во системот на социјална заштита ќе добијат износ од 1.000 денари плус, во април и мај.

„Предвидовме уште една мерка, постоечките корисници во системот на социјална заштита, ќе добијат дополнителна исплата на енергетски додаток за месеците април и мај. Тоа се околу 30.000 корисници кои ќе добијат износ од 1.000 денари плус, во април и мај“, нагласи заменик министерот за труд и социјална политика Бајрактар.

Со мерките се опфатени и децата, како најранливи на стресовите кои едноподруго се случуваат во кризни услови.

„Затоа е многу значајно децата од семејства без или со ниски приходи да добијат дополнителна поддршка. Владата донесе уредба за престанување на важење на условот за потврда за редовност за исплата на додатокот за образование за третиот и четвртиот мерен период за учебната 2019/2020 година, со цел да го олесниме пристапот до овие права. Тоа значи дека исплата на образовен додаток ќе добијат околу 17.000 деца“, рече дополнителната заменик министерка за труд и социјална политика Шкријељ.

Продолжени се и роковите за поднесување на барањата за остварување на право на еднократна парична помош за новороденче, за остварување и продолжување на право на родителски додаток за трето дете, за продолжување на правото на родителски додаток за четврто дете. Барањата за овие права можат да се поднесат за три месеци од денот на истекот на траењето на вонредната состојба.

Прикажи повеќе...

Економија

Бектеши: Ќе се укине забраната за извоз на брашно, резерви храна има доволно

Објавено пред

Министерот за економија, Крешник Бектеши, најави дека ќе се укине забраната за извоз на брашно. Тој рече дека од почетокот на пандемијата на коронавирусот земјава немала проблеми со снабдување со брашно.

„Од почетокот на оваа пандемија Северна Македонија немаше големи проблеми со снабдување брашно за граѓаните, ниту со зголемување на цените на брашното. Ние донесовме одлука за замрзнување на цената на основните прехранбени продукти, со што овозможивме да се заштитат граѓаните од ценовни шокови. Сакам да ја информирам јавноста дека во согласност со сите податоци што ги имаме, оваа индустрија работи одлично и во моментот има доволно резерви брашно, особено кога Србија повторно дозволи извоз на пченица. Во таа насока Министерството за економија работи на измена на уредбата со која беше забранет извозот на пченица и брашно во други земји и повторно да биде дозволен. Со тоа се овозможува оваа индустрија повторно да може да ги извезува своите производи“, информира министерот Бектеши по состанокот со мелничарите.

Претседателот на здружението на мелничко-пекарската индустрија, Горан Малишиќ, истакна дека во почетокот на кризата предизвикана од коронавирусот се создаде зголемена побарувачка на брашното, со самото тоа се зголемија и цените на пченицата на светско ниво и во опкружувањето. Но, тој истакна дека нема потреба од создавање паника кај граѓаните бидејќи има доволно резерва кај граѓаните.

„Резервите се доволни, нема потреба за паника, извозот на пченица од Србија во регионот е дозволен и нема проблем со транспортот. Имавме мала правна блокада со уредбата што ја донесе Владата, но, еве, во разговор со министерот добивме уверување дека тоа ќе се реши“, истакна Малишиќ.

Прикажи повеќе...

Економија

ЕУ понуди пакет од 100 милијарди евра за спречување на отпуштањето работници

Објавено пред

Европската комисија предложи нов финансиски пакет за да се обезбеди целосна исплата на работниците во компаниите погодени од пандемијата на Ковид-19.

Шемата наречена SURE ќе обезбеди вкупно 100 милијарди евра заеми за земјите членки на ЕУ за да се спречат милионските отпуштања работници. Планот е инспириран од германскиот модел со кој работниците би работеле скратено работно време, но би добивале целосни месечни плати.

Идејата е Европската комисија да земе заем на меѓународниот пазар и да го пренесе на членките, што ќе им обезбеди значително подобри услови на земјите со кревка економија.
Сепак, многу е неизвесно дали земји како Германија и Холандија, кои традиционално се спротивставуваат на мешање на долговите, ќе го одобрат последниот предлог на Комисијата.

Прикажи повеќе...

Најново

Економија37 минути

(Видео) Лицата кои останале без работа добиваат брз влез во системот на социјална заштита

Лицата кои останале без работа или биле дел од неформалната економија добиваат брз влез во системот на социјална заштита, најавија...

Македонија1 час

Град Скопје се откажа од кредитот за луна-паркот, ја намали и таксата за закуп на јавен простор

Град Скопје ја намали комуналната такса за закуп на јавен простор од 15 на 5 денари за квадрат, колку што...

Топ2 часа

Обвинителството побара притвор за двајцата насилници што тепаа девојче во Штип

Основното јавно обвинителство во Штип денеска поднесе предлог за определување притвор за двајцата насилници што тепаа девојче во зграда во...

Економија3 часа

ЕУ понуди пакет од 100 милијарди евра за спречување на отпуштањето работници

Европската комисија предложи нов финансиски пакет за да се обезбеди целосна исплата на работниците во компаниите погодени од пандемијата на...

Македонија4 часа

Телефонска психолошка поддршка и за трудниците и за родилките, како и за лицата со нарушен слух, говор и глас

Министерството за здравство информира дека во соработка со Клиниката за психијатрија отворени се уште три нови телефонски броеви за психолошка...

Регион4 часа

„Твитер“ избриша повеќе од 8.500 налози поврзани со Вучиќ

Компанијата „Твитер“ соопшти денеска дека избришала над 8.500 налози за промоција на српскиот претседател Александар Вучиќ и Српската напредна партија....

Регион5 часа

Расте бројот на бугарски пратеници заразени со вирусот

Уште двајца бугарски парламентарци се позитивни на тестот на коронавирусот. Станува збор за претседателката на парламентарната група на владејачката централнодесничарска...

Свет5 часа

Трамп незадоволен кога затвореници во САД завршија на слобода поради коронавирусот

Американскиот претседател, Доналд Трамп, изјави дека не му се допаѓа одлуката на затворските власти во Калифорнија, Мичиген и во Пенсилванија...

Свет5 часа

Кинеските власти објавија 31 нов случај на коронавирус

Кинеските власти соопштија дека има пријавено 31 нов случај на коронавирус, при што 29 се поврзани со лица од странство,...

Регион6 часа

Сасоли: ЕУ бара начин како да му помогне на Западен Балкан да се справи со пандемијата

„Живееме во време на предизвик без преседан, предизвикан од пандемијата со Ковид-19. Глобалните проблеми не може да имаат национални решенија...

Свет17 часа

Британија го зголемува бројот на дневни тестирања на 100.000

Британскиот министер за здравство вети за десетпати дека ќе го зголеми бројот на дневните тестирања на коронавирус, со што до...

Свет17 часа

Над еден милион луѓе се заразени со коронавирус во светот

Бројот на заразени со коронавирус во светот достигна еден милион и сега изнесува 1.000.168, покажуваат податоците на страницата „Ворлдометерс“. Од...

Македонија20 часа

На коронавирус позитивен психијатар од Демир Хисар, колегите од болницата испратени во изолација

Во Психијатриската болница во Демир Хисар доктор психијатар кој работел во болницата е позитивен на коронавирусот, информираше министерот за здравство,...

Свет22 часа

СЗО: Над 95 отсто од починатите од коронавирус во Европа се лица над 60 години

Шефот на канцеларијата на Светската здравствена организација (СЗО) за Европа, Ханс Клуге, рече дека официјалните податоци покажуваат дека повеќе од...

Економија23 часа

Финансиска помош и за занаетчиите и вршителите на самостојни дејности

Владата денеска ја донесе уредбата со законска сила за финансиска поддршка на физички лица што вршат самостојна дејност, а кои...

Економија23 часа

(Видео) По 14.500 денари месечно за вработен за април и мај или 50 отсто од трошоците за придонеси

Државата спасува работни места, 14.500 денари месечно за вработен за април и мај за сите фирми погодени од кризата или...

Економија23 часа

Спасовски: Со уредба ќе ги замрзнеме кредитите ако банките го гледаат само својот интерес

По понудените решенија за одложување на кредитите, техничкиот премиер, Оливер Спасовски, вели дека чекаат да видат какви ќе бидат ефектите....

Македонија24 часа

Потврдени 30 нови случаи на коронавирус, вкупниот број се искачи на 384

Министерството за здравство информира дека во изминатите 24 часа регистрирани се 30 нови случаи на коронавирус во земјата. По градови:...

Топ1 ден

Уапсени насилниците што тепаа девојче во влез на зграда во Штип

Во врска со видеото со насилство врз девојче, кое од утрово се споделува на социјалните мрежи, штипската полиција информира дека...

Свет1 ден

Австралија почна со тестирање на две потенцијални вакцини против коронавирусот

Научници од Австралија почнаа со тестирање на две потенцијални вакцини против новиот коронавирус, што може да биде голема пресвртница која...

Досие