Контакт

Економија

„Алкалоид“ потпиша нов меморандум за практикантство со уште два факултета при УКИМ

Објавено пред

Со цел да се поттикне развојот на креативноста кај студентите, нивното лично и професионално профилирање, како и подготвеноста за соочување со идни професионални предизвици „Алкалоид АД Скопје“ потпиша меморандум за соработка за програмата за практикантство со уште два факултети при Универзитетот „Св. Кирил и Методиј“ од Скопје – Медицинскиот и Технолошко-металуршкиот факултет.

Практикантството во „Алкалоид АД Скопје“ е заеднички проект на компанијата, Универзитетот и студентите, кои ја претставуваат идната работна сила во Република Македонија.

На церемонијата на потпишувањето на овој меморандум за соработка за програмата за практикантство генералниот директор и претседател на управниот одбор на „Алкалоид АД Скопје“, Живко Мукаетов, изјави:

„Како опшествено одговорна компанија, би сакале на студентите да им се овозможиме вклучување во секојдневните компаниски процеси и активности со цел да се зајакнат нивните професионални вештини. Преку оваа програма, сакаме да изградиме синергија од која бенефит ќе имаат сите инволвирани страни, а научно-истражувачката работа во земјава ќе се подигне на едно ново, повисоко ниво. Соработката на оваа тема со Универзитетот ‘Св. Кирил и Методиј’ од Скопје за првпат е почната во април 2018 година, со Фармацевтскиот факултет и ПМФ – Институт за хемија, а првиот циклус на практиканство веќе е комплетиран во септември истата година. 11 од вкупно 17 практиканти останаа да работат во компанијата и интересно е колку малку мотив им е потребен на младите луѓе за постигнување одлични резултати! Заради особениот интерес, одлучивме соработката да ја прошириме со уште два факултети каде истражувањата укажаа дека се јавува дефицит од кадри. Годинава, согласно важечките законски прописи во државата, ќе имаме простор за вкупно 30 нови практиканти од четирите факултети со кои имаме соработка на овој проект“.

Благодарност и задоволство од оваа програма и укажаната можност за усовршување на студентите изразија и деканите на двата нови факултета од оваа програма:

„Денешното потпишување на меморандумот за соработка со ‘Алкалоид АД Скопје’ во програмата за практиканство отвора можност студентите од Технолошко-металуршкиот факултет од Скопје да стекнат практични вештини, знаења и искуство во најголемата фармацевтска компанија во земјава. Веруваме дека студентите ќе ја искористат оваа можност и стекнувајќи практично искуство, ќе ја зголемат својата атрактивност на пазарот на труд по дипломирањето“, истакна деканот Јон Магдески.

Професорката Соња Топузовска, декан на Медицинскиот факултет при УКИМ, истакна:

„Програмите за практиканти што ги нуди ‘Алкалоид’ можат многу да им помогнат на студентите по медицина  во стекнување нови практични искуства, со што тие понатаму ќе можат многу полесно да применуваат некои свои теоретски знаења и да ја развијат визијата за својата иднина. За нас, како факултет, искуството од ангажирањето студенти како практиканти ќе отвори перспективи за креирање нови студиски програми, како и осовременување на постоечките. Ваквите иницијативи се особено важни за студентите по медицина да се охрабрат дека сè повеќе се создаваат услови за надградување на нивното стручно знаење, вештини и можноста за професионална реализација во сопствената држава“.

„Алкалоид АД Скопје“ и водечкиот универзитет во земјава, преку проектот за практиканство планираат заеднички да ги разработат, адаптираат и структурно да ги усогласат програмите за едукација и развој на практикантите согласно заемните потреби, во обем кој е оптимален за образовните програми. Првиот оглас за ангажман на новата група практиканти во компанијата се планира во март годинава.

Економија

„Тесла“ доби одобрение за производство во Кина

Објавено пред

Компанијата „Тесла“ е додадена на списокот на кинеската влада за овластени производители на автомобили, соопшти денеска Министерството за индустрија, откако на производителот на електрични возила му е издаден сертификат неопходен за да започне со производство во земјата.

Списокот го објави кинеското Министерство за индустрија и информатичка технологија, пренесе агенцијата „Ројтерс“.

„Ова значи дека Тесла во целост доби зелено светло за производство во Кина“, рече Џел Џанг, шеф на консултантската компанија „Аутомотив форсајт“, со седиште во Шангај, додавајќи дека „Тесла“ може да започне со производство во секое време.

Фабриката вредна 2 милијарди американски долари што „Тесла“ ја гради во Шангај е првиот странски објект на компанијата.

„Ројтерс“ неодамна објави дека „Тесла“ планира да започне со производство во својата фабрика во Кина во текот на месецов.

Компанијата планира во фабриката да произведува најмалку 1.000 примероци од „модел 3“ неделно до крајот на годинава, бидејќи се обидува да ја зголеми продажбата на најголемиот светски автомобилски пазар и да ги избегне повисоки тарифи за увоз на американски автомобили.

Властите во Шангај понудија помош за „Тесла“, со цел да се забрза изградбата на погоните, а на 30 август Кина ги ослободи моделите на „Тесла“ од данокот од 10 проценти за продажба на возила.

Прикажи повеќе...

Економија

Почнал од нула, а сега годишно заработува 115 милиони евра

Објавено пред

Економистот Тимо Болт, сопственик на фирмата „Густо“, поради прекувремена работа немал време да готви, но проблемот го решил многу успешно.

„На 26 години работев како економист во лондонска корпорација. Дури и кога готвев или ако купев нешто во продавница, најголем дел од таа храна ја фрлав во ѓубре “, се сеќава Болт, денес сопственик на лондонската компанија „Густо“, која го решава проблемот со набавка на намирници на сите оние кои немаат време да одат на пазарење.

„До оваа идеја всушност дојдов инспириран од моите потреби. Сфатив дека има голем број на луѓе кои сакаат да готват јадење дома, но едноставно немаат време да одат на пазарење. Во тоа време имаше неколку слични компании во Германија од кои презедов некои делови од работењето“, додава Болт.

Како што објаснува, неговата компанија на домашната адреса на клиентите ги доставува сите намирници кои тие ќе ги нарачаат, а им се потребни за подготовка на оброк. Состојките претходно се мерат и се прилагодуваат на потребите на клиентите, а со нив доаѓа и рецепт за подготовка на јадењето.

Болт посочува дека, најчесто негови клиенти се млади семејства со деца и вработени луѓе кои живеат сами.

Денес, седум години подоцна, неговата компанија годишно од продажба остварува приходи во виснина од 100 милиони фунти (115,3 милиони евра), а како што пренесува Си-ен-ен заедно со своите конкуренти, компанијата на Болт, е дел од индустрија која во моментов само во Британија вреди повеќе од милијарда долари. Според проекциите, до 2025. година оваа индустрија на глобално ниво ќе вреди над 9 милијарди долари.

Со седиште во Хамерсмит и сопствена фабрика, фирмата на Болт во моментов е во состојба да испорача во просек 250.000 пакувања месечно. Вработени се повеќе од 500 луѓе низ цела Британија, а тој планира следната година да го зголеми бројот на вработени на 1.200.

Прикажи повеќе...

Економија

Гувернерката и министерката за финансии на средби со ММФ и Светската банка

Објавено пред

Делегација предводена од гувернерката на Народната банка, Анита Ангеловска-Бежоска, и министерката за финансии, Нина Ангеловска, учествува на годишните средби на Меѓународниот монетарен фонд (ММФ) и групацијата на Светскатa банка (СБ) во Вашингтон, САД. Предвидено е делегацијата да оствари средби со високи претставници на ММФ, СБ, Европската инвестициска банка (EИБ) и Меѓународната финансиска корпорација (ИФЦ), како и со претставници на други меѓународни финансиски организации и институции.

Како што соопшти Народната банка, закажани се одделни состаноци на делегацијата со директорот на ММФ за Европа, Пол Томсен, со извршниот директор на ММФ задолжен за Конституенцата, во која членува нашата земја, Антони де Ланој, и неговиот заменик Ричард Дорнбош, како и со вишата резидентна претставничка на ММФ за Западен Балкан, Штефани Ебле, и со шефицата на мисијата на ММФ за Република Северна Македонија, Берглјот Бјорнсон Баркбу. Се очекува дека на овие состаноци акцентот ќе биде ставен и на монетарната политика, економскиот развој и економските показатели што ги следи централната банка, како и на состојбите во банкарскиот сектор кај нас.

Постигнатите резултати од досегашната успешна соработка меѓу Народната банка и ММФ подетаљно ќе бидат анализирани на состаноците што гувернерката Ангеловска-Бежоска ќе ги оствари со раководителите на неколку дирекции на оваа меѓународна организација, вклучително и дирекциите за статистика, за монетарни и капитални пазари и за фискални прашања. На нив ќе продолжат веќе почнатите дискусии во врска со можностите за поддршка од ММФ за дополнително унапредување на работата на Народната банка преку техничка и советодавна соработка во неколку сфери на централнобанкарското работење.

Предвидено е делегацијата да оствари состаноци и со потпретседателот на СБ за Европа и Централна Азија, Сирил Мулер, со регионалната директорка на СБ за Западен Балкан, Линда ван Гелдер, како и со извршниот директор на СБ за Конституенцата, во која членува и нашава земја, Кун Дависе. На овие состаноци ќе се говори и за финансискиот и банкарскиот систем, како и воопшто за финансиската стабилност на нашата земја.

Гувернерката на Народната банка и министерката за финансии ќе остварат средби и со потпретседателката на ИФЦ за Латинска Америка, Карибите, Европа и Централна Азија, Георгина Бејкер, и со потпретседателот на ЕИБ, Андре Мекдовел. На средбата со Мекдовел се очекува дека ќе се дискутира и за остварувањето на зацртаното во меморандумот за соработка меѓу Народната банка и ЕИБ во спроведувањето на анкетата за кредитната активност за земјите од Централна, Источна и Југоисточна Европа, кој беше склучен во април годинава во рамките на пролетните средби на ММФ и СБ.

Како претставник на шесте земји од регионот, кои сѐ уште не се членки на Европската Унија, во рамките на средбите во Вашингтон, Ангеловска-Бежоска ќе учествува и на состанок на надзорниот одбор на Виенската иницијатива 2.

Годишните средби на ММФ и СБ се одржуваат секоја година и на нив учествуваат гувернерите на централните банки и министрите за финансии на земјите членки. Редовно, во дискусиите на средбите акцентот е ставен на актуелните случувања во светската економија и на важни теми, како што се поттикнувањето на економскиот раст, намалувањето на сиромаштијата и промовирањето одржлив и инклузивен економски развој за сите целни групи во општеството.

Прикажи повеќе...

Најново

Топ8 минути

Скопјанец со пиштол на дијаболи сакал да ограби златарници во Охрид

Дваесет и тригодишен скопјанец со пиштол на дијаболи влегол во златарници во Охрид, сакајќи да ги ограби. Според информациите на...

Топ38 минути

Расчистено убиството во Кочани – синот го избодел татка си до смрт

Полицијата го расчисти убиството што се случи на крајот на септември во Кочани. Истрагата покажала дека синот со нож го...

Македонија54 минути

Заев – Тимерманс: ЕУ да донесе одлука за старт на преговорите

Европската Унија сега треба да го направи одлучниот чекор и да донесе одлука за старт на преговорите за пристапување во...

Европа1 час

Постигнат договор за брегзит

Договорот за брегзит конечно е постигнат денес во Брисел, јавуваат странските медиуми. Велика Британија и ЕУ се согласија околу новиот...

Македонија2 часа

Меркел : Се исплаќа на Северна Македонија и на Албанија да им се даде европска перспектива

„Мислам дека се исплаќа на Северна Македонија и на Албанија да им се даде европска перспектива“, порача германската канцеларка Ангела...

Европа3 часа

Лаура Ковеси стана главен обвинител на ЕУ – ќе се бори против измами

Поранешната шефица на романската Дирекција за борбата против корупцијата, Лаура Кодрута Ковеси, ќе биде главен обвинител на Европската унија за...

Регион4 часа

Во Сараево малолетничка го убила новороденчето со помош на мајка си

Припадници на сараевската полиција уапсија малолетничка под сомнение дека го убила своето новороденче, а ја уапсиле и мајка ѝ под...

Свет4 часа

Турција нема да прогласи прекин на огнот на северот на Сирија

Турција нема да прогласи прекин на огнот во северна Сирија и нема да преговара со курдските борци, рече портпаролот на...

Европа4 часа

(Видео) Немири во Барселона, протестите не стивнуваат

Нови немири се случија синоќа во Барселона, кога се судрија демонстрантите и полицијата на третиот ден од протестите против пресудите...

Македонија15 часа

Заев и Туск очекуваат да се изнајде решение за почеток на преговорите

Во пријателска атмосфера и во искрен разговор вечерва во Брисел се одвиваше средбата меѓу премиерот, Зоран Заев и претседателот на...

Македонија16 часа

(Видео) Макрон: Ни треба малку повеќе време за позитивни сигнали кон Скопје и Тирана

По завршувањето на француско-германскиот совет на министри одржан во Тулуз, францускиот претседател Емануел Макрон и германската канцеларка Ангела Меркел одржаа...

Македонија19 часа

(Видео) Заев до европските лидери: Бидете наши херои, не гасете ја ѕвездата кон која се стремиме

Премиерот Зоран Заев попладнево е во Брисел, каде што заедно со еврокомесарот Јоханес Хан одржа прес-конференција во обид да издејствува...

Европа20 часа

Карл Билд: Ветото на Франција би значело колапс за кредибилитетот на ЕУ на Балканот

Шведскиот политичар Карл Билд на „Твитер“ порача дека ЕУ се соочува со можноста за пропаѓање на целиот нејзин кредибилитет на...

Македонија22 часа

АВМУ: Досега не е побарана промена на сопственоста на „1ТВ“

„1ТВ“ досега нема побарано да се изврши промена на сопственоста, соопшти Агенцијата за аудио и аудиовизуелните медиумски услуги. Од таму појаснуваат...

Македонија23 часа

Велика Британија го ратификува протоколот за членство на Северна Македонија во НАТО

Велика Британија денеска го ратификува протоколот за полноправно членство на Северна Македонија во НАТО. Британскиот министер за надворешни работи, Доминик...

Македонија23 часа

Заев: Ако нема одлука за датум, Владата може да падне

Понатамошно одлагање за добивање датум за преговори со Европската Унија би можело да доведе до пад на Владата, рекол премирот...

Македонија24 часа

Прогласени пет нови природни реткости – меѓу нив и Чинарот во Охрид

Министерот за животна средина и просторно планирање донесе решение за прогласување 5 нови природни реткости: Киселичката пештера, Чинарот во Охрид,...

Свет1 ден

(Видео) Кара: Додека не го исчистиме регионот од терористи, акцијата во Сирија нема да престане

Операцијата „Извор на мирот“ на Турција во Сирија ќе продолжи сè до расчистување на регионот од терористи. Досега се убиени...

Регион1 ден

Малолетник украл автобус и ги развезувал патниците низ Белград

Младо момче, според неофицијални информации малолетник, за време на такси-блокадата во Белград, украл автобус на линијата 59, кој го држи...

Македонија1 ден

Јанакиески: Не можам да бидам вработен, една година сум во притвор

На повторниот нов почеток на судењето за предметот „Насилство во Општина Центар“, судијата Душан Јосифов им го утврдуваше идентитетот на...

Досие