Контакт

Економија

Ангеловска-Бежоска – Вујчиќ: Заеднички приоритет ни е зајакнување на финансиската стабилност

Објавено пред

Наш заеднички приоритет е секојдневно зајакнување на финансиската стабилност на нашиот регион и затоа заеднички работиме и ќе работиме на тоа во рамки на нашиот мандат. Во тој контекст, продолжуваме уште повеќе да разменуваме мислења и искуства и околу банкарската супервизија и регулатива, особено од аспект на спроведувањето на меѓународните стандарди и прудентните принципи. Ова се дел од пораките коишто ги упатија гувернерката на Народната банка на Република Северна Македонија, Анита Ангеловска-Бежоска, и гувернерот на Хрватската народна банка, Борис Вујчиќ, на првиот дел од нивната средба денеска во Скопје.

Вујчиќ пристигна во дводневна посета на нашата земја на покана на гувернерката Ангеловска-Бежоска, со цел продолжување на разговорите во кои акцентот е ставен на засилување на билатералната соработка во рамки на склучениот меморандум меѓу двете централни банки. Веќе се разговара и за соработка којашто би се одвивала преку натамошна размена на мислења и искуства од областа на централнобанкарската статистика, на истражувањето и на економското моделирање, како и во сферата на платежните услуги и платните системи.

Вујчиќ оценува дека со спроведените реформи, со унапредувањето на регулативата и со проектите остварени во изминатиот период, нашата централна банка постигна забележливи резултати, применувајќи голем дел од најдобрите европски и меѓународни практики. Како што кажа тој, тоа е дополнителен мотив хрватската и натаму да биде партнер и поддржувач на нашата централна банка, особено во усогласувањето со највисоките европски стандарди.

Ангеловска-Бежоска му се заблагодари на својот колега за досегашната поддршка, особено во рамки на проектите финансирани од Европската Унија. Во тој контекст, двајцата гувернери разговараа и за проектот за јакнење на капацитетите на нашата централна банка на патот кон нејзино членство во ЕСЦБ, чија почетна конференција се одржа минатата недела. Ангеловска-Бежоска и Вујчиќ оценија дека овој проект во којшто партнери на нашата се централните банки на Германија и Хрватска е исклучително значаен, особено поради тоа што опфаќа четири клучни области од централнобанкарското работење. Како што беше кажано, тој ќе придонесе за унапредување на сликата и на регионалната централнобанкарска заедница.

Во натамошниот тек на посетата на гувернерот Вујчиќ, подетално ќе се разговара за сите сфери во кои може да се интензивира комуникацијата меѓу експертите од двете централни банки, во насока и на унапредување на централното банкарство во целиот регион.

Економија

Ангеловска-Бежоска: Треба да забрза процесот на реална конвергенција кон економијата на ЕУ

Објавено пред

„Со оглед на фактот дека нивото на доходот кај нас е само 37 отсто од европскиот просек, еден од главните предизвици за нашата економија е постигнувањето повисок степен на реална конвергенција кон економијата на Европската Унија“, истакна гувернерката на Народната банка, Анита Ангеловска-Бежоска, на самиот „Македонија 2025“.

Таа учествуваше на панел-дискусијата на тема „Југоисточна Европа: Раст на неизвесности или посветла иднина?“

Ангеловска-Бежоска посочи дека побрзата реална конвергенција бара повисоки стапки на економски раст, а тоа е можно само ако се зголеми потенцијалот за долгорочен раст. Затоа, како што рече таа, неопходни се структурни промени, кои ќе влијаат позитивно на трите долгорочни фактори на раст: човечкиот капитал, физичкиот капитал и продуктивноста.

Во рамките на дискусијата гувернерката стави особен акцент на политиките што треба да придонесат за поголема искористеност на факторите на економскиот раст. Во однос на трудот како фактор таа ги посочи потребата за зголемување на стапката на учество, намалувањето на јазот помеѓу побарувачката и понудата на одредени вештини и зголемувањето на квалитетот на човечкиот капитал. Одделно се осврна и на потребата од зголемување на инвестициите, особено во инфраструктурата, истражувањето и развојот, со оглед на тоа што показателите упатуваат на постоење поголем јаз во однос на поразвиените економии. Актуелните податоци за вкупната продуктивност во нашата економија, пак, според Ангеловска-Бежоска, јасно посочуваат на потребата за продолжување со структурни и институционални реформи со цел поддршка на продуктивноста и забрзување на реалната конвергенција.

Ангеловска-Бежоска се осврна и на улогата на дијаспората во економскиот развој на земјите од каде што потекнува. Притоа посочи дека дијаспората може да даде значаен придонес преку повеќе канали: приватните трансфери, поттикнувањето на странските инвестиции, поттикнувањето на трговијата, но и трансферот на знаењето и вештините, што може да влијае позитивно на продуктивноста и конкурентноста на малите економии.

На оваа панел-дискусија на самиот „Македонија 2025“, покрај гувернерката Анита Ангеловска-Бежоска, учествуваа и регионалниот главен економист на Европската банка за обнова и развој, Петер Табак, раководителот на канцеларијата на Меѓународниот монетарен фонд за Република Србија, Себастијан Соса, и претседателот на Стопанската комора на Македонија, Бранко Азески. Со дискусијата модерира главната извршна директорка на „Македонија 2025“, Никица Мојсоска-Блажевски.

Прикажи повеќе...

Економија

Со медијација до брзо и успешно решавање на деловните спорови

Објавено пред

Со меморандум за соработка, Комората на медијаторите ја зацврсти соработката со Академијата за судии и јавни обвинители на прес-конференцијата во рамките на Сојузот на стопанските комори на Македонија (ССК).

Меморандумот го потпишаа претседателот на Комората на медијаторите, Славе Младеновски, и директорот на Академијата за судии и јавни обвинители, Наташа Габер-Дамјановска, во рамките на првиот Центар за медијација формиран според европски модел во Сојузот на стопанските комори.

Определбите на Комората на медијаторите стана содржина на меморандумот за соработка со Академијата на судии и обвинители и заеднички се преточени во конкретни области и активности за реализација.

„Во Комората постои неподелено мислење, медијацијата да ја направиме да биде постапка, која за страните во спорот е прво, единствено и последно решение во доаѓањето до заеднички договор, со што ние сме ја завршиле успешно нашата работа како медијатори. Наши конкретни задачи и активности во наредниот период се запознавање на граѓаните и институциите со можностите и со позитивните карактеристии на медијацијата во насока на намалување на водењето парница во судска постапка и на намалување на степенот на конфликтност со мирно решавање спор. Тоа мислиме да го направиме преку соодветни обуки, работилници и предавања. Во овој поглед станува збор активности во кои како учеасници би биле претставници од правосудниот систем, претставниците од бизнис-секторот, граѓанскиот сектор и новинарите“, истакна Младеновски и додаде дека за медијаторите од суштинска важност е промоцијата и афирмацијата на медијацијата како соодветно, практично и ефикасно решение за решавање спор, кое мора да биде во интерес на двете страни.

По потпишувањето на меморандумот, деловната заедница во Сојузот, во рамките на Центарот за медијација при ССК, кој официјално почна со работа на 17 јули годинава, го проследи предавањето на лиценцираните медијатори, претседателот Славе Младеновски и Дејан Белевски, претседател на Надзорниот одбор на Комората на медијаторите, на тема: „Медијацијата и бизнисот – брзо решавање спор, потреба и цел“.

Целта е деловната заедница што поконретно да се запознае со предностите на медијацијата со која страните го решаваат својот спор со помош на трета неутрална страна – медијатор. Медијацијата е доброволна, неформална, доверлива, брза и слободна постапка. Медијаторот на двете страни им помага да дојдат до решение на заемно задоволство, односно крајниот исход на медијацијата е двете страни да бидат победници. Вештината на медијаторот се состои во периодот на запознавање на страните со постапката на медијација да им даде колку што е можно повеќе корисни информации. Постапката на медијација, според законот, не смее да трае повеќе од 60 дена, но праксата покажува дека спорот се решава по само неколку состаноци.

Последниве две години во земјата има напредок во бројот на предмети решени со медијација.

Прикажи повеќе...

Економија

Хасан: Северна Македонија е вистинска дестинација за турски компании

Објавено пред

Министерот без ресор задолжен за странски инвестиции, Елвин Хасан, е во работна посета на Република Турција, каде што ќе престојува неколку дена. Во рамките на посетата предвидено е да ги посети градовите Коџаели, Сакарја и Бурса.

Министерот Хасан се сретна со градоначалникот на Коџаели, Тахир Бујукакин, и гувернерот на Коџаели, Хусеин Аксој. На средбите се размениле идеи и мислења за актуелни политички и економски случувања и се дискутирало за потенцијални заеднички активности во насока на продлабочување на билатералните односи. Хасан се сретнал и со градоначалничката на Измит, Фатма Каплан Хуријет.

Во рамките на посетата министерот се сретнал и со претставници на Трговската комора и Стопанската комора на Коџаели.

„На средбите министерот им ги презентира можности за инвестирање во Северна Македонија, подобрените услови на кои владата постојано работи со цел бизнис-климата во Северна Македонија да повикува нови инвестиции. Министерот истакна дека Северна Македонија е вистинската дестинација за турски компании и дека нашата земја нуди поволни услови во повеќе полиња“, соопштија од неговиот кабинет.

Прикажи повеќе...

Најново

Македонија27 минути

Минималната плата ги скара пратениците од власта и опозицијата

Минималната плата ги скара пратениците од власта и опозицијата, при што за едните е популистички чекор, а за другите решение...

Македонија29 минути

Обвинителството: Случајот со катната гаража на „Никофон“ е во предистражна постапка

Случајот за кривичната пријава во врска со катната гаража, што „Никофон“ треба да ја гради кај „Аутомакедонија“, сè уште е...

Македонија4 часа

Нападнати двајца новинари во близина на угостителски објект во Скопје

Двајца новинари синоќа биле физички нападнати од страна на неколку 20-годишни лица. Од МВР информираа дека нападот се случил на...

Македонија4 часа

Сведочење на полицаец: Проверив 78 луѓе од Избирачкиот список, ниту еден не беше на пријавената адреса

Полицаецот Агрон Кранлиевски од Ресен во предметот „Титаник“ на СЈО сведочеше дека во 2012 година правел проверки на живеалишта на...

Македонија4 часа

Контрола на автобуси и комбиња во Тетово – 14 возеле патници со неисправни сопирачки, 8 без технички преглед

Вчера, во Тетово, била спроведена акциска контрола за техничка исправност на возилата што вршат јавен превоз на патници, најмногу автобуси...

Македонија4 часа

Заев заедно со Мицотакис и Борисов учествува на самит во Солун

Претседателот на Владата, Зоран Заев, денеска учествува на годинашниот самит во Солун, кој е под покровителство на претседателот на Република...

Свет5 часа

Насилството во Хонгконг ескалира: демонстрантите со стрели ги гаѓаат полицајците

Полицијата во Хонгконг соопшти денеска дека демонстрантите со стрели ги гаѓале полицајците што патролирале во близина на Политехничкиот универзитет, а...

Европа6 часа

(Видео) Вонредна состојба во Венеција

Италијанската влада денеска ќе прогласи вонредна состојба поради поплавата во Венеција со цел што побргу да се мобилизираат средства за...

Македонија7 часа

Едно од девет возрасни лица во Северна Македонија има дијабетес

Во Северна Македонија едно од девет возрасни лица има дијабетес или околу 175 илјади луѓе, објави Асоцијацијата за детски дијабетес на...

Регион17 часа

Полициско куче откри рекордна количина хероин во Словенија, вредна речиси 90 милиони евра

Словенечката полиција и цариниците заплениле 730 килограми хероин во пристаништето Копер, што е најголема количина хероин запленета во историјата на...

Свет18 часа

(Видео) Трамп: Се обидуваат да ме спречат

Ова е најголема измама во историјата на американската историја, порача американскиот претседател Доналд Трамп, во врска со почетокот на јавните...

Македонија18 часа

(Видео) Пендаровски: Реформите се потребни за да ја вратиме довербата на граѓаните

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на...

Регион19 часа

Страшна сообраќајна несреќа во Словачка, најмалку 12 загинати и 20 повредени

Најмалку 12 лица, од кои четири деца, загинаа денеска во судир на автобус и камион во западниот дел на Словачка....

Македонија20 часа

(Видео) Заев-Мас: Да се изнајде начин што побрзо до позитивна одлука за Северна Македонија

Претседателот на Владата, Зоран Заев и министерот за надворешни работи на СР Германија, Хајко Мас изразија жалење за одлуката на...

Македонија23 часа

„Никофон“ платил 1.800 место 5.000 денари за квадрат за гаражата кај „Аутомакедонија“, Центар бара раскинување на договорот

Заедно со граѓаните до крај ќе се бориме кај „Аутомакедонија“ да не се изгради катна гаража, туку парцелата да им...

Македонија1 ден

(Видео) Зеќир Рамчиловиќ изгласан за потпретседател на Собранието

Со 62 гласа „за“, 16 „против“ и без воздржани, пратеникот Зеќир Рамчиловиќ е изгласан за потпретседател на Собранието. За оваа...

Македонија1 ден

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија...

Македонија1 ден

Груевски нема да одговара за „Траeкторија“ поради застареност на делото

Експремиерот во бегство, Никола Груевски, нема да одговара за кривичното дело во предметот „Траекторија“, кое се однесува на изградбата на...

Македонија1 ден

Закажано првото рочиште за „Рекет“

Првото рочиште за предметот „Рекет“, во кој се обвинети Бојан Јовановски – Боки 13, поранешната специјална обвинителка, Катица Јанева, и...

Македонија1 ден

Заев: „Југохром“ ќе биде затворен додека не се стават филтрите

„Југохром,“ додека не се стават филтрите, нема да функционира, истакна премиерот Зоран Заев пред вчерашната владина седница во Тетово зборувајќи...

Досие