Контакт

Економија

Ангеловска-Бежоска – Вујчиќ: Заеднички приоритет ни е зајакнување на финансиската стабилност

Објавено пред

Наш заеднички приоритет е секојдневно зајакнување на финансиската стабилност на нашиот регион и затоа заеднички работиме и ќе работиме на тоа во рамки на нашиот мандат. Во тој контекст, продолжуваме уште повеќе да разменуваме мислења и искуства и околу банкарската супервизија и регулатива, особено од аспект на спроведувањето на меѓународните стандарди и прудентните принципи. Ова се дел од пораките коишто ги упатија гувернерката на Народната банка на Република Северна Македонија, Анита Ангеловска-Бежоска, и гувернерот на Хрватската народна банка, Борис Вујчиќ, на првиот дел од нивната средба денеска во Скопје.

Вујчиќ пристигна во дводневна посета на нашата земја на покана на гувернерката Ангеловска-Бежоска, со цел продолжување на разговорите во кои акцентот е ставен на засилување на билатералната соработка во рамки на склучениот меморандум меѓу двете централни банки. Веќе се разговара и за соработка којашто би се одвивала преку натамошна размена на мислења и искуства од областа на централнобанкарската статистика, на истражувањето и на економското моделирање, како и во сферата на платежните услуги и платните системи.

Вујчиќ оценува дека со спроведените реформи, со унапредувањето на регулативата и со проектите остварени во изминатиот период, нашата централна банка постигна забележливи резултати, применувајќи голем дел од најдобрите европски и меѓународни практики. Како што кажа тој, тоа е дополнителен мотив хрватската и натаму да биде партнер и поддржувач на нашата централна банка, особено во усогласувањето со највисоките европски стандарди.

Ангеловска-Бежоска му се заблагодари на својот колега за досегашната поддршка, особено во рамки на проектите финансирани од Европската Унија. Во тој контекст, двајцата гувернери разговараа и за проектот за јакнење на капацитетите на нашата централна банка на патот кон нејзино членство во ЕСЦБ, чија почетна конференција се одржа минатата недела. Ангеловска-Бежоска и Вујчиќ оценија дека овој проект во којшто партнери на нашата се централните банки на Германија и Хрватска е исклучително значаен, особено поради тоа што опфаќа четири клучни области од централнобанкарското работење. Како што беше кажано, тој ќе придонесе за унапредување на сликата и на регионалната централнобанкарска заедница.

Во натамошниот тек на посетата на гувернерот Вујчиќ, подетално ќе се разговара за сите сфери во кои може да се интензивира комуникацијата меѓу експертите од двете централни банки, во насока и на унапредување на централното банкарство во целиот регион.

Економија

Завршни активности за модернизација на трафостаницата во Валандово

Објавено пред

Заменичката на престедателот на Владата за економски прашања Мила Царовска, генералната директорка на АД МЕПСО Ева Шуклева и градоначалникот на Валандово Перо Костадинов, реализираа работна посета на трансформаторската станица во Валандово, кадешто се во тек низа на завршни инвестициски активности за модернизација на преносната енергетска мрежа.

Вицепремиерката за економски прашања Мила Царовска посочи дека во изминатиот период Владата навистина покажа дека вложувањето во енергетскиот сектор се приоритетно прашање.

„Тоа го покажавме и со носење на Закон за енергетика, нов, европски и усогласен со сите директиви. Ја воведовме евтината тарифа за струја, а со тоа укажуваме дека ги намалуваме трошоците за секое семејство. Од друга страна покажавме дека инвестираме со капитални инвестиции, со вложувања во енергетскиот сектор и во стабилна достава на енергија во нашата држава“, нагласи Царовска.

Вицепремиерката додаде дека државните енергетски компании, како што е МЕПСО, вложија многу труд и посветеност во реализација на капитални инфраструктурни проекти за стабилноста на електро-енергетскиот систем, при што се спроведуваат низа на проекти за модернизација и дополнителна сигурност на системот, што ќе биде од бенефит за сите граѓани, но и компании кои функционираат во земјата.

„Не е сето тоа е само политичка волја, доколку немаме оперативци, како што е директорката на МЕПСО, коишто сите овие финансиски средства и вложувања ги операционализирааат и ги внесуваат во системот и обезбедуваат да тие станат реалност и да постигнеме една стабилна мрежа на достава на електрична енергија во нашата држава. Со ваков тип на вложувања, како што денеска ги гледаме во трафостаницата во Валандово, се намалуваат трошоците за одржување, добиваме поголема доверба на граѓаните и на реалниот сектор за оваа мрежа на достава, односно во енергетскиот систем на нашата држава, но се исто така поттик да други инвеститори дојдат и да можат да ги искористат потенцијалите на нашата држава“, додаде вицепремиерката за економски прашања Мила Царовска.

Генералната директорка на АД МЕПСО, Ева Шуклева посочи дека основна стратешка мисија на компанијата е да обезбеди доверба во преносниот систем, намалување на оперативните трошоци, сведување на минимум ризици, испади, дефекти, овозможување и искористување на потенцијал за развој на регионите во делот на обновливи извори на енергија и последно, но не и по значење поддршка на македонски компании кои би добиле знаења и искуства во дел на енергетиката и тоа знаење би останало во нашата држава.

„Во оваа стара трафостаница во Валандово, која долги години ни служеше доверливо, извршивме замена на стара опрема која беше во функција скоро 40 години, со нова високонапонска опрема. Заменети се старите со нови прекинувачи и разделувачи во целата постројка, освен во полето ВЕЦ Богданци кои се нови и во целост, во сите полиња заменети се потпорни изолатори и мерни трансформатори. Инвестицијата од 770 илјади евра во нова опрема за АД МЕПСО, ќе значи намалување на трошоци за одржување и дефекти, а за стопанството сведување на минимум на ризици од испади. Покрај новата опрема на долг рок ќе овозможи зголемена доверба во работата на трансформаторската станица. Истата ќе овозможи зголемена сигурност во напојувањето на потрошувачите приклучени на дистрибутивната мрежа и тоа во Валандово, Богданци и Гевгелија. Со реконструкција на трафостаницата обезбедуваме стабилност на две врски кои се од круцијално значење. Првата е снабдување со квалитетна електрична енергија на железница, инфраструктура на македонски железници, а втората е прием на електрична енергија од производителот на ветерните централи Богданци“, потенцираше Шуклева.

Директорката Шуклева додаде дека АД МЕПСО со новата опрема е подготвен на овој енергетски јазол во иднина да приклучи и нови производители или потрошувачи на електрична енергија на преносната мрежа. Таа нагласи дека во транспаретна, јавна постапка на меѓународен тендер финансисран од Европската банка за обнова и развој, како изведувач на работите е за прв пат избрана домашна фирма, “Бенингсан“.

„Со тоа освен што го поддржуваме македонското стопанство ние како општествено одговорна компанија инвестираме и во знаење на македонски компании и македонски стручни кадри. АД МЕПСО ја заврши модернизацијата на ТС Валандово во пократок рок од првично планираното“, заврши генералната директорка на АД Мепсо Ева Шуклева.

Градоначалникот на Валандово, Перо Костадинов, од името на сите граѓани на општина Валандово, изрази благодарност за реализација на овој значаен проект за енергетската стабилност на Валандово, но и целиот Југоисточен регион.

„Со реализација на овој проект, добиваме доверба и стабилност на електро-енергетскиот систем, при преносот и снабдувањето со електричната енергија. Оваа трафостаница која е изградена во 1973 година, сега е со нова опрема, комплетно реконструирана, и сите оние испади кои се случуваа на енергетскиот систем, со реализација на овој проект се веќе минато“, констатираше градоначалникот на Валандово, Перо Костадинов.

Прикажи повеќе...

Економија

(Видео) ФИТР објави повик за финансиска помош, фирмите со добивка ќе треба да ги вратат парите

Објавено пред

Околу 150 домашни микро, мали и средни компании имаат можност да добијат поддршка за брзо прилагодување на последиците од Ковид – 19 во Фондот за иновации кој за оваа намена има буџет од 3,3 милиони денари, а аплицирањето почнува денес.

Компаниите ќе добијат државна помош во висина од 70 отсто од буџетот за планираните проекти, а останатите 30 отсто се обврзани сами да ги обезбедат. Микро компаниите можат да побараат најмногу 750.000 денари, малите компании 1,5 милион денари и средните компании можат да добијат поддршка која не треба да го надмине износот од 3 милиони денари.

Новитет во овој повик од Фондот за иновации како инструмент за технолошки развој за брзо прилагодување е на последиците од кризата е тоа што компаниите ќе имаат обврска да ги вратат парите кои ќе ги добијат од државата доколку имаат добивка.

„Посебна новина за оваа мерка која сакам да ја акцентирам е дека владата станува партнер за развојна мерка, ова не е мерка за ликвидност, ова не е поддршка за опстанување, ова е поддршка за побрзо заздравување. Воведуваме иновативен пристап во финансирањето. Не даваме кредити, не даваме грантови значи нема поклон пари. Средствата кои ги доделуваме подразбираат поврат, но не по цена на опстанокот на компанијата и опстанокот на работните места. Ако сме партнер во добивката, односно во остварените резултати, ќе бидеме партнер и во делењето на ризикот. Компаниите кои ќе добијат средства за повратот ќе имаат обврска овие средства да ги вратат меѓутоа како процент од бруто добивката во првите три години по завршување на инвестицијата“, вели Јован Деспотовски, директор на Фондот за иновации.

Во Фондот направиле симулација на новиот модел на финансирање согласно финансиските резултати кои ги остваруваат компаниите кои во моментот ги финансира Фондот. Станува збор за финансиски резултати од 2018 и 2019 година.

„Тие покажуваат дека моделот што го предлагаме, а тоа е 15 проценти од бруто добивката во првите три години по завршување на инвестицијата, гарантира дека средствата ќе бидат вратени. Ова гарантира е секако релативна категорија бидејќи сепак сме во пост кризен период и никој со сигурност не може да каже колку ова ќе трае, меѓутоа тоа не не ослободува од обврската да се обидеме и да го забрзаме заздравувањето“, објасни директорот Деспотовски.

Рокот на реализација на проектите е 12 месеци. Аплицирањето за повикот почнува денес, а повикот ќе боде отворен до 26 јуни.

Спецификата на оваа мерка и на овој инструмент, според директорот Деспотовски е тоа што се фокусира на развојна поддршка на домашните компании кои имаат потенцијал за успешно работење. Потенцијалот се базира и на тоа како компаниите работеле во периодот пред кризата.

Новина во овој повик е и тоа што со добиените средства може да се покриваат и платите за оние кои ќе работат на реализација на проектите. Платите може да се предвидат како трошок.

Со буџетот од 3,3 милиони евра ќе се поддржи дигитализација во компаниите, воведување на протоколи за заштита на вработените, подобрување на организационата структура и реорганизација на работните процеси, воведување на нови производи и услуги или значително подобрување на постојните, особено на оној сегмент за кој што постои зголемена побарувачка и во време на криза и за кој се очекува дека ќе постои побарувачка и во време на пост кризниот период, обука за среднорочно планирање на бизнисот и обука за вработените како и сите мерки кои компаниите сметаат дека ќе им помогнат не само во подобро прилагодување туку и во развој, ќе се сметаат за подобни за финансирање со овој инструмент.

Пари од Фондот може да се побараат и за набавка, изнајмување или изработка на опрема, со тоа што под опрема не се подразбира само информатичка технологија туку може да биде било што што се смета за технологија.

Специфично за овој повик е и тоа што еден од критериумите е компанијата апликант во изминатите две години да нема регистрирано загуба.

Предност на овој повик ќе имаат компаниите од помалку развиените региони и компаниите управувани од жени или компании кои во сопственичката структура имаат жени.

Прикажи повеќе...

Економија

Петров: Обезбедуваме домашна платежна картичка и ваучери за туризам и ИТ обуки

Објавено пред

Обезбедуваме директна помош за граѓаните, домашна платежна картичка и ваучери до 150 евра и ваучери за обуки и тренинзи за млади до 29 години, изјави на прес-конференција, Коста Петров, потпретседател на СДСМ.

Тој рече дека третиот пакет економски мерки ќе овозможи заживување на македонската економија преку директна финансиска поддршка на граѓаните.

„Ова се мерки за нова, развојна македонска економија, во вредност од 355 милиони евра наменет за 730,000 корисници, кои ќе ја трансформираат нашата економија и ќе ја направат поконкурентна, со тоа што ќе ја зголемат приватната потрошувачка и ќе стимулираат раст и промоција на домашните производи и услуги“, рече Петров.

Како што појасни, првиот столб од третиот пакет на економски мерки усвоен од Владата предводена од СДСМ ги опфаќа сите невработени лица, социјално ранливите категории, младите, домаќинствата со ниски примања и медицинските лица. Со овие мерки, вели Петров, се зајакнува домашната потрошувачка со фокус на домашни производи и услуги, се зголемуваат безготовинските плаќања и со тоа се намалува сивата економија. Но пред сѐ, се зголемува куповната моќ на граѓаните и со тоа се олеснува животот во услови на криза.

Домашна платежна картичка за граѓаните – по 150 евра за македонски производи и услуги

Оваа картичка ќе ја добијат над 100,000 граѓани односно сите невработени лица, активни баратели на работа кои немаат над 15,000 месечни приходи според УЈП, како и примателите на гарантирана минимална помош. Со оваа картичка во период од 30 дена ќе можат да се купуваат домашни производи и услуги а платежната картичка ќе можат да ја добијат и лицата кои имаат блокирани сметки бидејќи се работи за посебна сметка.

Ваучер за домашен туризам од 100 евра и домашна платежна картичка од 50 евра

Со оваа мерка се опфатени 100,000 граѓани, односно сите вработени граѓани што примаат плата помала од 15.000 нето месечно и немаат други приходи, според УЈП.

Електронскиот ваучер ќе има посебен QR код за секој индивидуален корисник а ќе може да се користи во домашните хотели и други регистрирани сместувачки капацитети, додека со платежната картица поттикнуваме купување на домашни производи и услуги.

Вредноста на оваа мерка е 16 милиони евра.

Парична поддршка за млади од 100 евра и платежна домашна картичка од 50 евра

Оваа мерка опфаќа електронски ваучери од 100 евра за покривање на партиципација во Универзитет како и сместување во студентски, ученички домови и регистрирани сместувачки капацитети за студенти и средношколци.

Младите ќе добијат и платежна картичка, во вредност од 50 евра за домашни производи и услуги.

Ваучери за кофинансирање на обуки, тренинзи и курсеви за ИТ и дигитални вештини

Оваа мерка ќе опфати од 7,000 до 10,000 млади до 29 години, кои ќе посетуваат академии во земјава за дигитални и ИТ вештини.

 

Прикажи повеќе...

Најново

Македонија11 минута

Се бара казна од 10.000 евра за поранешната директорка на кожната клиника

Скопското обвинителство денеска до надлежниот суд поднесе Предлог за издавање казнен налог против поранешната директорка на ЈЗУ Клиника за дерматовенерологија,...

Економија34 минути

(Видео) ФИТР објави повик за финансиска помош, фирмите со добивка ќе треба да ги вратат парите

Околу 150 домашни микро, мали и средни компании имаат можност да добијат поддршка за брзо прилагодување на последиците од Ковид...

Македонија41 минута

(Видео) Американски и грчки воени авиони летаа над нашата земја

Два авиони на американското воено воздухопловство придружувани од два воени авиони на Грција околу 11 часот извршија прелет над територијата...

Македонија56 минути

Бугарија го укинува задолжителниот карантин за патниците од Македонија од 1 јуни

Бугарија планира од 1 јуни да го укине задолжителниот 14-дневен карантин за патниците од Македонија и од повеќето земји на...

Свет2 часа

Нов Зеланд има само еден активен случај на коронавирус

Седум дена по ред Нов Зеланд не потврди ниту еден нов случај на коронавирус. Здравствените власти соопштија дека во моментот...

Свет3 часа

(Видео) Немири во Минеаполис поради смртта на црнецот, запалена полициската станица, прогласена вонредна состојба

Демонстрантите влегоа во полициската станица во Минеаполис, предизвикаа пожари и уништија сè што им се нјаде на патот во текот...

Регион4 часа

Хрватска го објави протоколот за свадби – најмногу 150 гости, на подиумот да се држи растојание од два метра

Хрватскиот завод за јавно здравје објави детаљни препораки за одржување свадби, кои од неодамна повторно се дозволени во Хрватска. Некои...

Свет4 часа

Кина се закани со напад на Тајван

Кина ќе го нападне Тајван ако нема друг начин да се спречи неговата независност, предупреди еден од главните кинески генерали,...

Европа5 часа

Идејата за имунитет на стадото во Британија не успеа

Речиси седум проценти од луѓето во британската покраина Англија биле инфицирани со коронавирус, покажале резултатите од тестот на антитела на...

Свет5 часа

Итна седница на ОН за спорниот закон за безбедност за Хонгконг што го донесе Кина

САД и Велика Британија побараа седница на Советот за бесбедност на ОН за спорниот закон за безбедност, кој Кина го...

Македонија5 часа

Македонија додадена на листата на земји чии граѓани може да патуваат во Црна Гора

Националното координативно тело на Црна Гора, синоќа, по предлог на Институтот за јавно здравје, одлучи дека од 1 јуни ќе...

Македонија18 часа

Агенцијата за национална безбедност го демантира Чулев: Не располагаме со опрема за следење на комуникации

Агенцијата за национална безбедност не располага ниту со опрема за следење на комуникации, ниту со медијациски уреди за активирање на...

Регион19 часа

Црна Гора на чекор до прогласување крај на епидемијата

Во Црна Гора ниту денеска нема нов случај на коронавирус, а црногорските медиуми пишуваат дека ако овој тренд продолжи уште...

Топ21 час

АД „Водостопанство“ и еден раководител ќе одговараат за смртта на 15-годишното момче што се удави во Пчиња

Полицијата поднесе кривична пријава против АД „Водостопанство“ на Македонија и раководител на сектор за речен слив и речни корита поради...

Македонија21 час

Филипче: ВМРО-ДПМНЕ прави сериозна манипулација со бројките за смртност од коронавирус

ВМРО-ДПМНЕ прави сериозна манипулација со бројките за смртност од коронавирусот и тоа е навистина загрижувачки. Не разбирам како може да...

Македонија21 час

Пријава за фирма од Скопје – продавала производ за кој лажела дека нема глутен

Полицијата поднесе пријава против фирма во Скопје и нејзиниот сопственик поради измама на купувачи – односно продажба на производ на...

Македонија23 часа

Хрватските граници нема да бидат отворени за туристи од Македонија

Хрватскиот премиер, Андреј Пленковиќ, најави денеска отворање на границите за туристи од 10 земји, меѓу кои не е Македонија. „Успеавме...

Македонија24 часа

При влез во ресторан ќе се покажува лична карта, а следните 10 дена се период за едукација на угостителите

Инспекторатите нема да ги казнуваат гостите во угостителските објекти, туку фирмите доколку не се почитуваат протоколите за работа, најави директорот...

Македонија1 ден

Потврдени 38 нови случаи на Ковид-19, од кои над 20 се од Скопје, починаа уште 3 лица

Денеска, потврдени се 38 нови случаи на Ковид-19, со што вкупната бројка на дијагностицирани е 2.077 лица, oздравени се 16...

Македонија1 ден

Чулев: На литијата во Струга имаше затајување на функцијата на полицијата, истрагата е во тек

Техничкиот министер за внатрешни работи, Наќе Чулев, вели дека ѝ натаму се работи на идентификација на лицата што учествувале на...

Досие