Контакт

Економија

Ангеловска: Капиталните инвестиции се реализирани 78 отсто

Објавено пред

Капиталните расходи во буџетот за 2019 година се реализирани 78 отсто во однос на проекцијата. Во апсолутен износ капиталните инвестиции изнесуваат 17,8 милијарди денари, што е 5,7 милијарди повеќе во однос на 2018 година или 46,6 отсто повеќе, рече министерката за финансии, Нина Ангеловска, презентирајќи ги првичните податоци за реализација на буџетот за 2019 година.

Како што посочи, реализацијата на капиталните расходи во декември била исклучително добра со реализација на 6,7 милијарди денари капитални расходи во рамките на кои се реализирани набавка на лесни оклопни возила за потребите за НАТО-членството, гасификација, откуп на акции од АД „Гама“, инвертери, колекторскиот систем во Охрид и други проекти.

„Ќе истакнам дека треба да продолжиме да работиме на подобрување на реализацијата на капиталните расходи. Еден од начините на кој може да се влијае е фискалната транспарентност. Кога ја објавивме алатката за капитални расходи, со кои на располагање ѝ ја ставивме на јавноста реализацијата според буџетски корисници, веднаш потоа имавме подобра реализација речиси кај сите буџетски корисници. Понатаму, при планирањето на годинешниот буџет, при утврдувањето на сумите кај капиталните проекти го зедовме предвид и поведението на буџетските корисници, односно претходната реализација на капиталните проекти. На долг рок подобра реализација на капиталните расходи ќе обезбедиме преку подобрување на среднорочното планирање на буџетот, како и преку воведување интегриран систем за управување со јавните финансии предвидени со новиот закон за буџети“, рече Ангеловска.

Таа како буџетски корисници кои имале највисока реализација на капитални инвестиции како процент од планираното и како апсолутен износ на реализација ги посочи Министерството за транспорт и врски со 3,4 милијарди денари или 85,4 отсто од проекцијата, Владата со реализирани 2,9 милијарди денари или 98,9 отсто, Министерството за одбрана со 1,2 милијарда денари или 81,3 отсто, Министерството за внатрешни работи со 931 милион денари или 92,2 отсто, Министерството за финансии со 908 милиони денари или 87,9 отсто реализација и Агенцијата за финансиска поддршка на земјоделството со 718 милиони денари и 99,7 отсто реализација.

Ангеловска рече дека буџетските приходи се реализирани во износ од 203,9 милијарди денари, што е 97 отсто од проекцијата и е раст од 8,2 отсто во однос на 2018 година. Во рамките на вкупните приходи, даночните приходи и придонесите се реализирани во износ од 97,2 отсто или 178,9 милијарди денари, што е зголемување од 4,6 отсто во однос на 2018 година. Придонесите се реализирани во износ од 101,2% отсто, а данокот на додадена вредност е реализиран во целосен износ од проектираното, односно 100 отсто или во апсолутен износ 52,1 милијарди денари и тој е 5,7 отсто повисок во однос на минатата година.

Вкупните расходи во 2019 година година се реализирани во износ од 217,6 милијарди денари (3,5 милијарди евра) или 95,3 отсто од проектираното со буџетот. Ангеловска посочи дека со овие средства редовно се сервисирале обврските на државата, како редовна исплата на платите и пензиите, на социјалните трансфери, субвенциите, блок-дотациите кон општините итн.

Буџетскиот дефицит за 2019 изнесува 13,6 милијарди денари или 1,95 отсто од проектираниот БДП за 2019 година и за негово финансирање, како и за отплата на долгот се користеле домашни и странски извори, односно 148,7 милиони евра нето-повлекување преку државни хартии од вредност, 125 милиони евра ДПЛ-кредит од Светската банка, како и дел од депозитот од претходната година.

Министерката за финансии посочи дека економијата е во добра кондиција со раст од 3,6 отсто во првите три квартали од 2019.

„Овој раст е на широка основа, односно имаме раст и во градежништвото и индустријата со 5,6 отсто раст од почетокот на годината, заклучно со третиот квартал, и во земјоделството со 4,2 отсто, во бруто-инвестициите со раст од 5,3 отсто, потрошувачката со 3,8 отсто и извозот со 12,2 отсто раст, заклучно со третиот квартал“, рече Ангеловски и посочи дека и вработеноста продолжила да расте, така што во третиот квартал од 2019 година има 40 илјади лица повеќе вработени во однос на третиот квартал од 2018 година.

Просечната плата во согласност со последните податоци на Државниот завод за статистика во октомври изнесува 25.726 денари или тоа е годишен раст од 3,7 отсто, рече Ангеловска.

Економија

Истражување на непознатото: Porsche Taycan

Објавено пред

Првиот електричен автомобил нa производителот на спортски автомобили Porsche – Taycan, заедно со проектот Discover The Unknown (Откриј го непознатото), започна со „електрична“ експедиција во истражување на уникатноста на градовите и спектакуларните места кои ја претставуваат природната убавина на регионите во Централна, Источна Европа и Балканскиот Полуостров.

Како дел од проектот, во нашата држава преку јужната граница, пристигна караванот кој го сочинуваа снимателска екипа, тимот за поддршка од Порше Македонија на главниот истражувач – Porsche Taycan Turbo S и нашите Порше-пријатели во државата.

„Експедицијата“ го започна истражувањето од историскиот Охрид, по чии улици во потполна тишина се движеше електричниот Porsche Taycan, низ Горна Порта до Самуиловата тврдина, преку Античкиот амфитеатар и автентичните тесни улици помеѓу уникатната архитектура на охридските куќи, до главното пристаниште во центарот на градот. Од тука, конвојот се упати кон пазувите на Бушева Планина кон највисокиот град на Балканот – Крушево, преку Битола и Прилеп. Спектакуларниот поглед од највисоката точка во близина на Крушево – Манастирот Св. Преображение ја истакнува убавината на Пелагонискиот Регион.

По оваа локација, Taycan се упати назад кон Охрид, преку Ресен до планината Галичица покрај Преспанското Езеро, кон панорамскиот поглед во кој се спојуваат двете најголеми езера во нашата држава. По 340 изминати километри и 20% преостанат досег на 800 волтната батерија, Porsche Taycan Turbo S беше надополнет на Porsche Destination Charging полначите поставени во хотел Unique во Охрид.

На вториот ден од експедицијата, Taycan се упати кон планината Бистра, преку Маврово и Ростуше, кон Галичник, каде што перформансите на двата електрични мотора кои генерираат 760 коњски сили и 1050 Nm го одведоа Taycan до пределот каде небото и облаците се споени со земјата на прекрасната висорамнина и погледот кој го одзема здивот надополнет со препознатливите галички бачила.

Експедицијата беше завршена во главниот град Скопје, каде можност да го запознаат Porsche Taycan одблиску имаа неколку вистински ентузијасти на Porsche, како и многуте минувачи чии очи беа заробени од дизајнот на последната едиција на производителот на спортски автомобили Porsche.

Видеоматеријалите од проектот Discover The Unknown: Macedonia ќе бидат објавени наскоро.

(ПР текст)

Прикажи повеќе...

Економија

(Видео) Младите од Струмичко порачуваат – ако не проработи рударскиот комплекс, ќе се иселиме сите

Објавено пред

Жителите од неколку струмички села даваат јавна поддршка на отворање на мега проектот „Рудник на можности“ и заедно со инвеститорот „Еуромакс ресоурцис“ подготвија куси видеа во кои зборуваат зошто на регионот му е потребен силен инвестициски проект, каков што е рударскиот комплекс Иловица – Штука. Повеќето жители потекнуваат од селата кои се наоѓаат во близина на локацијата каде што ќе се развива проектот Иловица и Штука, но дел се и од соседните села Босилово, Турново, Еднокуќево и Секирник, како и од соседна Струмица.

Кај младите соговорници забележително е дека веруваат оти со отворање на планираниот комплекс ќе запре иселувањето на населението од југоисточниот дел на Македонија.

„Ако се отвори рудникот останувам тука, ако не и јас чекам бугарски пасош и бегам за странство“, вели Томе Митров, жител на Штука. Бошко Јованов од соседна Иловица вели дека не би сакал да се одвои од семејството и да замине во странство: „Ако може тука да се инвестира, тоа ќе биде за сите нас, за да биде подобро“. Александар Божинов, жител од Босилово, вели „повеќето млади од Босилово сме на став да се отвори рудникот“.

И нивните постари соседи веруваат дека итно е потребна силна инвестиција којашто ќе влијае да се подобри животниот стандард и да се намали иселувањето на младите.

„Луѓето се обидоа сè, и мајстори, занаетчии и земјоделци, сè. Не бива и бараат спас во други држави. Ни таму не им е лесно, ама тука се чувствуваат несигурни, страв им е да формираат фамилии“, дополнува Ѕвонко Ичев, жител од Иловица.

Дел од жителите веруваат дека странскиот инвеститор, заедно со неколку големи домашни инвеститори ќе помогнат да се унапредат работничките права на жителите во околината.
„Те ценат како работник, минимална плата е 500 евра и се работи по 8 часа од понеделник до петок“, вели Аргир Јанев, жител на Штука.

„Од лично искуство може да кажам дека има условите за работа, обезбедената заштита за работа, бенефитот и солидната плата каква што во околината на Струмица нема и ако не се сменат работите ќе нема во догледно време. Најголемата инвестиција е жално и трагично да биде запрена“, вели Жарко Ристов, жител на Струмица.

Заедничко за сите соговорници е очекувањето дека ќе се подобри инфраструктурата во местата каде што живеат.

Погледнете го колажот изјави од повеќемина жители кои веруваат дека на регионот му е потребна силна инвестиција која ќе го подобри живеењето во селата во општините Босилово, Ново Село, Василево, во Струмица и пошироко.

(ПР текст)

Прикажи повеќе...

Економија

Заев на средба со претставници на Градежната комора

Објавено пред

Претседателот на Владата, Зоран Заев, придружуван од министерот за транспорт и врски, Благој Бочварски, се сретна со претседателот на Градежната комора на Македонија, Ивица Јакимовски, и со членови на Градежната комора при Сојузот на стопанските комори на Македонија.

На состанокот преку интернет беше вклучен и заменик-претседателот на Владата задолжен за економски прашања, координација на економските ресори и инвестиции, Фатмир Битиќи.

На средбата се поздравени заложбите на премиерот Заев за подобрување на деловното опкружување во државата.

Истакнати се определбите на Градежната комора за продолжување на партнерскиот однос и за соработка во активностите, важни за развојот на економијата.

Разгледани се и конкретно актуелните состојби во секторот градежништво и е разговарано за можностите за реализација на капиталните инвестиции од значење како за градежниот сектор така и за граѓаните и за државата.

„Нашата цврста определба е раст на домашната економија, во што голем придонес може да дадат домашните фирми со активната работа, меѓу кои и компаниите од секторот градежништво. Ја поддржуваме иницијативноста на Градежната комора да помогне во овој процес кој ја има поддршката на Владата“, рече премиерот Заев на средбата со претставниците на Градежната комора на Македонија.

Прикажи повеќе...

Најново

Македонија19 минути

Заев: Директорот на Македонска пошта, Ејуп Рустеми од ДУИ, ќе биде директор на ЈП „Државни патишта“

Актуелниот директор на Македонска пошта, Ејуп Рустеми од ДУИ, ќе биде назначен за директор на ЈП„Државни патишта“, потврди денеска премиерот...

Македонија52 минути

За една недела 49 лица починале од коронавирус во Македонија

Министерството за здравство информира дека согласно извештајот на Институтот за јавно здравје кој се однесува на периодот од 12 до...

Европа1 час

Ломбардија воведува полициски час од 22 октомври

Од 22 октомври ќе се воведе полициски час во северната италијанска покраина Ломбардија, која се смета за „локомотива“ на италијанската...

Македонија1 час

Заев: Оваа Влада ќе го негува и унапредува македонскиот јазик

Сè дури постои македонскиот јазик ќе постојат и Македонците, сè додека постојат Македонците ќе постои и македонскиот јазик, изјави премиерот...

Македонија2 часа

МОН објави упатство: Наставниците да го прилагодат оценувањето согласно учењето на далечина

Министерството за образование и наука и Бирото за развој на образование ги известија училиштата за начинот на следење и оценување...

Европа3 часа

Курц: До следното лето ќе се вратиме во нормала

Австрискиот канцелар, Себастијан Курц, верува дека вакцината против коронавирус ќе биде достапна во првата половина на следната година. „До следното...

Македонија3 часа

Весковски: Водоснабдувањето во Скопје нормализирано, ваков дефект се јавува еднаш на 10 години

Водоснабдувањето кое во текот на вчерашниот ден беше прекинато во голем дел од Скопје, како резултат на голем дефект на...

Македонија4 часа

Новите мерки против коронавирусот на дневен ред во Владата и Собранието

Новите мерки во борбата против коронавирусот денеска ќе се најдат на седници на Владата и на Собранието. Владата треба да...

Свет4 часа

Во Москва 49 нови смртни случаи од коронавирус за 24 часа

Рускиот главен град во понеделникот регистрираше 49 нови смртни случаи поврзани со коронавирус, соопшти Московскиот кризен штаб. „Четириесет и девет...

Свет4 часа

Ирска воведе најстроги мерки против коронавирусот во Европа

Ирскиот премиер Михаел Мартин го потврди враќањето на највисоко, петто, ниво на ограничувања во борбата со коронавирусот, кое ќе трае...

Свет4 часа

Норвешки лекар тврди дека коронавирусот мутирал

Нова мутација на САРС-КоВ-2 коронавирус е откриена во Норвешка, тврди главниот лекар на општината Трондхајм, Тове Рестад. Од друга страна,...

Македонија19 часа

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет19 часа

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Македонија21 час

Дванaесет починати и 161 нов случај на коронавирус во Македонија

Дванaесет лица починаа, а потврден е 161 нов случај на коронавирус во земјата во последните 24 часа, соопшти Министерството за...

Македонија23 часа

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија23 часа

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет23 часа

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија23 часа

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ23 часа

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Македонија24 часа

Од отворањето на градинките, од корoнавирус заболеле 18 деца и 55 вработени

Од отворањето на градинките на 9 септември досега од коронавирус заболеле 18 деца и 55 вработени, информира министерката за труд...

Досие