Контакт

Економија

АСОМ: Уредбата за онлајн обложување треба да се преточи во трајно законско решение

Објавено пред

Асоцијацијата на спортски обложувалници на Македонија смета дека уредбата со која во земјава се овозможи онлајн спортско обложување преку домашните лиценцирани сајтови треба да се преточи во трајно законско решение. Законското решение ќе има заемни придобивки и за државата и за индустријата, што всушност го потврди и носењето на самата уредба.

Уредбата придонесе спортските обложувалници да ги задржат сите вработени, но и да се овозможи прилив на средства во државниот буџет и кревката економија погодена од ковид-кризата. Според проекциите на АСОМ од мај до крајот на годинава, од 4-те посто посебна давачка за онлајн ќе се слеаат околу 35 милиони денари, а од 15-те посто данокот на личен доход, околу 65 милиони денари, или 100 милиони денари за пет месеци само од оваа услуга.
Уредбата се покажа како одлично решение за одржливост на оваа индустрија, која вработува околу 4.500 луѓе и има силен придонес во државната економија, дотолку повеќе што спортското обложување беше едно од најпогодените гранки од кризата. Најнапред поради немањето пласман и откажаните натпревари и првенства насекаде во светот, а подоцна и поради тоа што објектите на спортските обложувалници со рестриктивните мерки на Владата беа затворени речиси два месеца.

„Оваа уредба на Владата е донесена како соодветен одговор на корона-кризата и таа де факто помогна да се зачуваат многу работни места кои директно и индиректно ги одржува индустријата на игри на среќа, како и егзистенцијата на повеќе од 54.000 лица кои целосно или делумно зависат од генерираниот личен доход во целиот синџир на вредности кој го создава оваа индустрија“, појаснуваат од АСОМ.

Потенцираме дека од особена важност е да не се дозволи ниту ден прекин помеѓу уредбата и законското решение бидејќи тоа би предизвикало недоверба кај играчите, нивно сигурно враќање на странските сајтови и одлив на средства.
„И покрај тоа што онлајн обложувањето, согласно член 19 од Законот за игри на среќа на странските сајтови е спротивно на законот и ваквиот начин не гарантира никаква безбедност во однос уплатите и исплатите, играчите сепак практикуваа и сé уште практикуваат онлајн обложување на странски сајтови, меѓу другото и поради тоа што го избегнуваат данокот на личен доход. Онлајнот кај нас е во зачеток и потребно е луѓето да се навикнат да ја користат оваа услуга, но и да се придобијат оние кои веќе играат на странските сајтови каде што се одлеваат средства, според нашите анализи помеѓу 40 и 50 милиони евра годишно“, велат од АСОМ.

Уредбата е донесена на 24 април и истата е со важност до 22 декември. Во услови на Ковид-19 и намалено движење на граѓаните во зимскиот период, доколку не се регулира онлајн спортско обложување преку македонските спортски обложувалници, постои опасност да се намалат приходите во оваа индустрија и државниот буџет на сметка на одлевање на средствата на играчите на странски сајтови за обложување.

Асоцијацијата на спортски обложувалници на Македонија е активен чинител во општеството и заедно со своите членки работи одговорно, создава услови за работа и кариера, придонесува во економијата и активно делува на полето на општествената одговорност за поддршка на заедницата. АСОМ е формирана 2013 година, а членки на асоцијацијата се: Моцарт, Спорт лајф, Златна копачка, Евротип и Марбет.

Економија

Прв состанок на платформата „За татковината со љубов“

Објавено пред

Политики коишто резонираат со потребите на реалниот сектор и на потребите на граѓаните, како и наоѓање на системски решенија за решавање на проблемите се вредности по кои се водам при секојдневното донесување одлуки. За да сме сигурни дека решенијата и политиките се одржливи и соодветни, сметам дека е од исклучителна важност тие да се донесени преку инклузивен процес на сите засегнати страни, кажа во своето воведно излагање на првиот состанок на платформата „За татковината со љубов“, вицепремиерот за економски прашања Фатмир Битиќи.

Платформата „За татковината со љубов“ е иницирана токму од Битиќи за поголема вклученост на експертската јавност и професионалците од сите економски сфери во носењето на државните политики и отворање на вратата за сите добронамерници коишто сакаат да придонесат за економскиот развој на Северна Македонија.

„Вредноста на инклузивноста и намерата за стратешко среднорочно и долгорочно планирање на економскиот развој е отсликана во платформата „За татковината со љубов“. Таа ќе претставува советодавно тело кое ќе служи за доброто на државата и ќе има за цел – економски развој, креирање на предвидлива бизнис клима и подобрување на животниот стандард на граѓаните. Преку оваа платформа ќе се обединат и ќе дискутираат водечките економски експерти во земјава од повеќе различни области: макроекономија, јавни финансии, даноци, инвестиции, царина, претприемништво, човечки капитал, стратешко планирање и др. Оваа платформа ќе биде ризница на знаење и искуство од домашни експерти и истата нема да прави поделба по политичка, родова, етничка или било каква припадност, напротив ќе спојува, создава и движи напред во насока кон одржлив и стабилен економски развој“, нагласи Битиќи.

Вицепремиерот посочи дека идејата е преку оваа платформа да се соберат најдобрите економски умови коишто мислат добро на државата и преку заеднички влог да се креира нашата иднина.

Во ова неформално тело, покрај вицепремиерот за економски прашања, поканети се да даваат свои мислења и да дискутираат поранешни министри, универзитетски професори, економски експерти од граѓански организации и стопанственици, без разлика на нивната политичка наклонетост, родова или етничка припадност, за да се креираат најдобри можни системски решенија, стратегии, политики и мерки за побрз и одржлив економски раст и развој.

Прикажи повеќе...

Економија

Групацијата АРИКОМА ја купува компанијата „Сеавус“

Објавено пред

Претставниците на Групацијата АРИКОМА (ARICOMA), која е дел од чешката Групација ККЦГ(KKCG) на Карел Комарек, најавуваат значаен чекор поврзан со меѓународната експанзија на компанијата. Согласно купопродажниот договор, Групацијата АРИКОМА ја купува „Сеавус“, компанија за развој на софтвер и консалтинг. Со оваа аквизиција, Групацијата АРИКОМА продира во другите пазари во Европа и ја зајакнува својата позиција во САД. Во исто време, ја зацврстува својата меѓународна позиција во ИТ-индустријата, со консолидирани приходи од 300 милиони евра, добивка пред камати, оданочување и амортизација (EBITDA) од над 23 милиони евра, и повеќе од 2.800 вработени.

„Оваа аквизиција ја остварува долгорочната стратегија на Групацијата KKCG во полето на информатичките технологии. Уште од основањето на компанијата, преку која ги консолидиравме најголемите играчи на чешкиот ИТ-пазар, имавме визија нареден чекор да биде меѓународна експанзија. Јас сум навистина задоволен што успеавме да ја комплетираме трансакцијата и покрај предизвиците со кои се соочува денешницата“, изјави Мајкл Томанек, директор за инвестиции во технологија на Групацијата KKCG.

Групацијата АРИКОМА (платформа за консолидација на ИТ-услуги на Групацијата KKCG) продолжува да ја исполнува својата амбиција да стане најголем европски давател на ИТ-услуги што, според Томанек, ќе опфати група специјализирани компании кои заедно ќе нудат интегриран опсег на услуги за дигитална трансформација.

„Со својот опсег на услуги фокусирани на ИТ-консалтинг, развој на софтвер, имплементација на софтверски решенија и производи за одржување и поддршка, менаџмент на инфраструктури, кибер-безбедност и усогласеност, ‘Сеавус’ совршено се вклопува во портфолиото на Групацијата АРИКОМА“, вели Милан Самеш, извршен директор на Групацијата АРИКОМА. Самеш има позитивно мислење и за историјата на „Сеавус“, компанија која е основана во 1999 година и оттогаш работи со постојан развој. Веројатно најдобар доказ за квалитетот на 800-те вработени во „Сеавус“ е фактот што компанијата обезбедува услуги во многу земји во Европа, вклучувајќи ги основниот Скандинавски Регион, земјите од Бенелукс, Швајцарија и САД. Дел од поголемите клиенти од портфолиото на „Сеавус“ се компании од телекомуникацискиот сектор (како на пр. Sunrise, Tele2, А1, Globalstar), банкарската индустрија (Erste Bank, Banka Intesa, Maginalen Bank), и технолошки компании како Bosch. „Искуството што го стекнавме оваа година, кое беше толку фундаментално обележано со пандемијата на коронавирусот, ни кажува дека дигиталната трансформација на компаниите се одвива побрзо отколку што очекувавме. Во ова гледаме огромна можност за понатамошен раст. Аквизицијата на ‘Сeaвус’ совршено се вклопува во овој план“, вели Самеш.

Една од главните цели на Групацијата АРИКОМА е посилно етаблирање на странските пазари, истовремено поддржувајќи го подинамичниот развој на сопствените SW-решенија и услуги.

„Веруваме дека вклучувањето на силен стратешки партнер, како што е Групацијата АРИКОМА, ќе ја забрза иновативноста и дополнително ќе ги зајакне нашите можности да им нудиме висококвалитетни услуги за развој на софтвер и напредни технологии на нашите клиенти ширум светот. Сега, ние не само што ќе бидеме посветени на успешно работење, туку ќе бидеме уште помотивирани во остварувањето на нашите цели – да го прошириме нашето портфолио на клиенти, да станеме доверлив партнер во нивниот процес на дигитализација, и со тоа да станеме еден од водечките ИТ-провајдери во Европа. ‘Сеавус’ ќе биде значаен дел од успешната приказна на KKCG“, изјави Игор Лештар, претседател на Одборот на Групацијата „Сеавус“.

Со оваа аквизиција, оперативното и деловно работење на компанијата ќе продолжи непроменето, во блиска иднина. Групацијата „АРИКОМА“ е посветена на одржување на лидерството, како и основните вредности кои ја етаблираат „Сеавус“ како доверлив партнер, давател на услуги и сигурен работодавач.

За финансиската страна на продажбата, „Сеавус“ беше советуван од страна на тимот за стратегија и трансакции на EY од Стокхолм. Тимот го водеше Мадс Кунов, обезбедувајќи корпоративни финансиски услуги, како и и услуги за финансиска помош на добавувачи.

Bird & Bird, предводена од Јан Бистром во Стокхолм, беше во улога на правен советник за меѓународните трансакции за финансиската страна на продажбата.

„Сеавус“
„Сеавус“ е компанија за развој на софтвер и консалтинг-услуги со докажано искуство во успешни софтверски бизнис-решенија. Компанијата брои преку 800 ИТ-специјалисти ширум светот и нуди широк спектар на софтверски производи, решенија и услуги, успешно покривајќи ги европскиот и американскиот пазар преку неколку канцеларии и претставништва во светот. Портфолиото на решенија и услуги вклучува BSS/OSS, CRM, CEM, Business Intelligence решенија, ALM, Embedded програмирање, бизнис и потрошувачки производи, мобилни апликации и гејминг решенија, Managed Services, како и консалтинг и развој на апликации по барање на клиентите. Во портфолиото на Seavus се вбројуваат над 4.000 клиенти, меѓу кои светски телеком оператори и производители на мобилни и електронски уреди, организации од банкарскиот и финансискиот сектор, технологија, образование, здравство, итн.
Денес „Сеавус“ има петнаесет оперативни канцеларии лоцирани во неколку земји, вклучувајќи ги Шведска, САД, Македонија, Белорусија, Молдавија, Швајцарија, Србија, Босна и Херцеговина, со стратегија за континуиран раст.

Групација АРИКОМА
Најголемиот ИКТ-холдинг во Чешка. Во групата спаѓаат компаниите AUTOCONT, Cleverlance, DataSpring, AEC, Cloud4com и Internet Projekt. Компаниите во Групацијата Арикома обезбедуваат ранг на услуги, почнувајќи од дизајнирање на ИКТ-архитектура, инфраструктура и cloud услуги, имплементација на корпоративни апликации, па сè до развој на сопствени сеопфатни софтверски решенија и аутсорсинг. Минатата година вкупниот приход на групата надмина 7 милијарди чешки круни.

За KKCG
Групацијата KKCG, основана и предводена од успешниот чешки претприемач Карел Комарек, е меѓународна инвестициска компанија со повеќе од 6 милијарди евра (книговодствена вредност) средства. KKCG работи во 19 земји и нејзините клучни стратешки сектори вклучуваат игри на среќа, нафта и гас, технологија и недвижнини. Групацијата KKCG ги вклучува Групацијата SAZKA, Групацијата Арикома, Групацијата MND, американскиот Methanol, капиталниот фонд Springtide Ventures и други.

Прикажи повеќе...

Економија

Ново на пазарот: Хипокредит – само со залог на недвижен имот до вашиот кредит за биснис потреби

Објавено пред

По неколку години успешна работа на македонскиот пазар, повеќе од 50.000 задоволни корисници и секојдневно унапредување на своите производи, финансиското друштво Диџитал фајнанс интернешал одлучи на пазарот да воведе нов кредитен производ, кој меѓудругото е наменет и за бизнис-корисниците. Станува збор за кредит обезбеден со залог на недвижен имот, во висина до 4.000.000 денари и рок на отплата до 15 години – https://hipocredit.mk/mk

Според извори од Диџитал фајненс интернешнал, основната идеја е поттикната со желба во кризата настаната од ковид-пандемијата да се помогне на приватниот сектор, кој е важен столб во економијата во земјава. Еден од начините е токму обезбедувањето на парични средства преку Hipocredit, кој може да ги покрие речиси сите потреби.

 

Зошто да го одберете Hipocredit?

Hipocredit е наменет за компаниите на кои им е потребна помош за полесно пребродување на кризата која ги погоди сите со пандемијата, но и да се постигне напредок во работата на посакуваниот начин. Без разлика дали сте претприемач или сопственик на мал или голем бизнис, отпочнувате нов бизнис и ви треба помош на самиот почеток, бизнис-кредитот како што е Hipocredit е идеалната опција за вас.

Со аплицирање за Hipocredit, со залог на недвижен имот, можете да добиете кредит до 4.000.000 денари и со рок на отплата до 15 години. Трошоците за Hipocredit кредитот се повисоки споредено со хипотекарните кредити што ги даваат банките, меѓутоа погодната и поедноставена процедура, адаптирана за да му овозможи на крајниот корисник брзо и лесно да дојде до посакуваните средства е од огромна предност. Средствата ги добивате во просек од 7 до 10 дена од аплицирањето и самиот недвижен имот не е задолжително да биде во сопственост на компанијата. На пример, директор на мала компанија може да го заложи својот стан или деловен простор и за брзо време да дојде до потребните средства за својата компанија. Значи, еден сосема поинаков и флексибилен концепт на хипотекарни кредити.

И се ова, е одговор на главните предизвици со кои се соочуваат претприемачите и компаниите денес, а тоа е самата достапност до изворите на финансирање, како и брзината во обезбедување на истите.

Во своето портфолио на кредитни производи, освен хипотекарните кредити Hipocredit, финансиското друштво Диџитал фајнанс интернешнал нуди останати типови на кредити, кои овозможуваат финансиска поддршка во сите облици и за сите потреби.

Во претходните години, најпрво голема популарност стекна брендот Forza https://forza.mk/ кој е наменет за физички лица. Овие брзи позајмици се движат до 30.000 денари со рок на отплата од 30 и 60 дена и исплата во рок од 15 минути. Исто така, во понудата е и Kreddy https://kreddy.mk/ до 180.000 денари и рок на отплата до 36 месеци.

Она што е обележје на сите продукти е брзината и леснотијата за доаѓање до потребните парични средства, а тоа е воедно и една од најголемите погодности за овој тип на кредитирање. При тоа не постојат скриени трошоци.

Политиката на Диџитал фајнанс интернешнал, кој стои зад овој бренд www.hipocredit.mk, од самиот почеток е јасна, тие нудат едноставен, брз и лесен пристап до парични средства. Нивната мисија е да ви олеснат и заштедат време, па затоа сите иновации и новитети водат кон тоа.
Единствено прашање кое треба да си го поставите е кој облик на кредитирање е најпогоден за вашите потреби.

Доколку се одлучите финансиите за унапредување или опстанок на вашиот бизнис да ги побарате од Hipocredit, се што треба да направите е да ги посетите на www.hipocredit.mk. За сите прашања и нејаснотии, на располагање е и нивната корисничка поддршка на тел. 071 22 11 00.

(ПР текст)

Прикажи повеќе...

Најново

Македонија18 минути

„Политико“: Вархеји и ЕПП не се доволно остри кон Борисов и Софија за блокадата за Македонија

Еврокомесарот за добрососедство и проширување Оливер Вархеји беше премногу мек кон Софија, а Европската народна партија (ЕПП) не беше доволно...

Свет25 минути

Генералниот директор на „Бајонтек“: Веруваме дека ова е почеток на крајот на пандемијата

Угур Сахин, генералниот директор на компанијата „Бајонтек“, која заедно со „Фајзер“ ја разви единствената вакцина што е пуштена на пазарот,...

Регион1 час

Руската вакцина „Спутник 5“ на проверка во Србија

Русија денеска ќе достави 20 дози од својата вакцина против коронавирус „Спутник 5“ до Српската агенција за лекови и медицински...

Европа2 часа

Германски експерти: Вакцинацијата може да потрае некое време

Експертите од германскиот државен епидемиолошки институт „Роберт Кох“ предупредија на прекумерна еуфорија поради вакцината за коронавирус, наведувајќи дека поради различни...

Свет3 часа

Пандемијата ќе има негативно влијание на фертилитетот во Европа, предупредуваат експертите

„Време е да станете мајка“, гласи пораката што стотици Португалки ја добија на своите мобилни телефони минатиот месец. Пораката испратена...

Свет3 часа

Франција ќе проверува џамии поради екстремизам

Француската влада во борбата против верскиот екстремизам ќе преземе низа акции, масовни и без преседан, меѓу кои и проверка на...

Регион3 часа

Силен земјотрес ја погоди Турција

Силен земјотрес со јачина од 5 степени по Рихтер утрово го погоди југоистокот на Турција. Управата за катастрофи и вонредни...

Европа14 часа

Белгија планира да почне со вакцинација од 5 јануари

Белгија планира да почне со вакцинација на 5 јануари доколку се одобри вакцина развиена против коронавирусот. Премиерот Александер де Кро...

Свет15 часа

Убиецот на словачкиот новинар осуден на 25 години затвор

Словачкиот Врховен суд го осуди убиецот на истражувачкиот новинар Јан Куцијак на 25 години затвор. Оваа пресуда на апелацискиот суд...

Спорт15 часа

Синот на Марадона бара Меси да се откаже од „десетката“ во чест на татко му

Диего Синагра, попознат како Диего Јуниор, синот на Диего Марадона, вели дека бил потресен од гестот на Лионел Меси со...

Македонија16 часа

946 нови случаи на Ковид-19 во земјата, починаа 33 лица

Министерството за здравство информира дека во последните 24 часа се направени 2.564 тестирања, а регистрирани се 946 нови случаи на...

Македонија17 часа

Лингвистите апелираат: Не прифаќајте разговори за јазик, нација и историја

„Прифаќањето договори за добрососедство, анекси и слично, во кои македонскиот јазик ќе биде заменет со синтагми од типот – официјален...

Македонија20 часа

Сеизмолошка опсерваторија: Земјотресот во Скопје со јачина од 3,5 степени

Телеметриската сеизмолошка мрежа во Македонија објави дека денешниот земјотрес бил со јачина од 3,5 степени според Рихеровата скала. Епицентарот на...

Свет20 часа

Во Виена развиен најбрз тест за Ковид-19 во светот

На Виенскиот универзитет за технологија (ТУ Виен) е развиен нов метод на тестирање за коронавирус, кој е исклучително чувствителен и...

Македонија22 часа

Пратениците да покажат бојадисано јајце за Велигден, бара опозицијата во еден од амандманите

Во еден од амандманите на опозицијата се вели дека за време на велигденските празници, пратениците кои ќе учествуваат во работата...

Македонија22 часа

ИЈЗ: Се намалува бројот на новозаболени, расте бројот на оздравени пациенти

Бројот на новозаболени со коронавирус во периодот од 23 до 29 ноември се намалува, додека расте бројот на оздравени пациенти,...

Македонија22 часа

Филипче: Го подготвуваме здравствениот систем за вакцинација за Ковид-19

Здравствениот систем го подготвуваме за вакцинација за Ковид-19. Ова ќе биде една од најголемите логистички операции која ќе треба да...

Македонија23 часа

Кузеска: ВМРО-ДПМНЕ не ги исплатила долговите за 270 уметнички слики со позлатени рамки

ВМРО-ДПМНЕ е партија во стечај со блокирани сметки и замрзнати недвижности, меѓу кои и мегаломанското квази барокно здание, седиште на...

Економија23 часа

Групацијата АРИКОМА ја купува компанијата „Сеавус“

Претставниците на Групацијата АРИКОМА (ARICOMA), која е дел од чешката Групација ККЦГ(KKCG) на Карел Комарек, најавуваат значаен чекор поврзан со...

Свет23 часа

Русија почна со вакцинација на војниците против коронавирус

Во Централниот воен округ на Русија почна вакцинација на војниците со вакцината против коронавирус „Спутник V“ и прво ќе се...

Досие