Економија
Бабовски: Продолжен рокот за аплицирање за субвенции за произведено и предадено млеко и за заклани несилки

Агенцијата за финансиска поддршка во земјоделството и руралниот развој ги информира сите млекопроизводители дека по барање на фармерите го продолжи рокот за поднесување барања за директни плаќања за произведено и предадено млеко, за период мај – септември 2019 година. Дополнителен рок за поднесување барања за директни плаќања имаат и одгледувачите на амортизирани несилки заклани во регистрирани кланични капацитети во период мај – септември 2019 година.
Директорот на АФПЗРР, Николче Бабовски, преку соопштение информира дека новиот рок за доставување на барањата е 22 ноември 2019 година.
Исто така, од денеска може да се поднесуваат и барањата за дополнителни директни плаќања за предадено јагне во регистриран кланичен капацитет во 2019 година. Рокот за поднесување на барањата за предадено јагне во кланичен капацитет е до 15 декември 2019 година.
Сите фармери кои ги исполнуваат условите за добивање финансиска поддршка барањата можат да ги поднесат електронски со помош на компјутер. За да се аплицира, потребно е да се најават на веб-страницата на Агенцијата, односно на www.ipardpa.gov.mk и во полето „Директни плаќања-е барање“ ќе може да се поднесе електронското барање за предадено јагне, за произведено и предадено млеко или за амортизирани несилки заклани во регистрирани кланични капацитети во период мај – септември 2019 година. Сите фармери, кои имаат проблем сами да креираат, односно да поднесат електонско барање, може да побараат помош во подрачните единици на Mинистерството за земјоделство шумарство и водостопанство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Се укинува Законот за трговија на зелените пазари

На денешната седница Владата го усвои предлог-законот за престанување на важноста на Законот за трговија на зелени пазари. Потребата за донесување на овој закон со кој престанува да важи Законот за трговија на зелените пазари е предизвикана од неисполнувањето на очекувањата утврдени во одредбите на Законот за трговија на зелените пазари кои предизвикаа социјални, даночни и фискални последици за трговците на зелените пазари. Како резултат на реакциите од страна на граѓаните што на пазарите вршат трговија на мало, Владата донесе нов закон за да престане со важност Законот за трговија на зелени пазари.
Економија
(Видео) Бектеши: Законот за трговија на зелените пазари ќе престане да важи, се изготвува нов

Владата го усвои предлог-законот за престанување на важноста на Законот за трговија на зелените пазари. Како што изјави министерот за економија, Крешник Бектеши, законот за трговија беше предложен од група пратеници во Собранието и донесен минатата година, а имаше одложено дејство на примена од почетокот на следната година.
„При предлагањето и донесувањето на овој закон Министерството за економија не беше воопшто консултирано. Министерството за економија, врз основа на направените анализи, компаративни советувања и процени, констатира дека досегашното искуство покажува оти одредбите од Законот за трговија на зелените пазари не се применуваат, односно анализата на овие одредби покажа дека натамошната примена на овој закон би довела до социјални, економски и фискални последици врз продавачите на зелените пазари, што генерално ќе се одрази на целокупниот систем според кој функционираат зелените пазари од аспект на нивната трговија поради што се оцени дека е потребно овој закон да престане со важност“, потенцира Бектеши.
За таа цел, како што информира министерот, Министерството за економија уште во ноември годинава достави мислење со кое ја информира Владата дека како орган надлежен за уредување на оваа област и носител на регулативата, активно ја следеше состојбата во периодот од донесувањето на овој закон, па сè до денеска, по што врз основа на направените анализи е оценето дека е потребно престанување со важност на примена на овој закон со оглед што тој не даде позитивни законски решенија во периодот на неговото донесување и применување.
„Ова законско решение предизвика големи незадоволства и негативни реакции од самите фактори – учесници во трговијата на зелените пазари. Потребата за донесување на овој закон, со кој престанува да важи Законот за трговија на зелените пазари, е предизвикана од неможност да бидат исполнети условите утврдени во одредбите на Законот за трговија на зелените пазари. Притоа се констатира дека пропишаните услови предизвикуваат негативни реакции од страна на лицата што на овие пазари се јавуваат како трговци на зелени пазари што вршат трговија на мало на тезги и пазари, кои посочија дека натамошната примена на овој закон ќе предизвика социјални, даночни и фискални последици врз нив, што ќе се одрази на поширок сегмент засегнати граѓани, односно кај трговците на зелените пазари, коморите на трговците, организаторите на пазарите и државните институции што треба да го имплементираат законот“, изјави Бектеши.
Бектеши информира дека во моментот Министерството за економија работи на ново законско решение, кое ќе треба да биде донесено в година, со кое ќе се уреди оваа тематика, а за неговото изготвување се прават консултации со сите засегнати страни.
Економија
МТСП: Компаниите да им исплатат К15 на вработените

Министерството за труд и социјална политики ги повикува компаниите да ги почитуваат обврските утврдени со законот и со колективниот договор, меѓу кои е и исплатата на К15 до крајот на годината.
„Исплатата на регресот за годишен одмор (К15) е право утврдено со спогодба за изменување и дополнување на Општиот колективен договор за приватниот сектор од областа на стопанството. Во спогодбата е утврдено дека работникот има право на регрес за годишен одмор во висина од најмалку 40 отсто од основицата под услов работникот да работел најмалку шест месеци во календарската година кај ист работодавец“, потсетуваат од Министерството.
Од таму ги повикуваат работниците неисплатата на К15 да ја пријавуваат на дежурниот телефонски број на Државниот иснпекторат за труд – 15 131.
„Напоменуваме дека во случаите каде што ќе се утврди дека не е постапено во согласност со Законот и колективните договори, Државниот инспекторат за труд ќе преземе мерки во согласност со законот“, велат од МТСП.
- Топ3 месеци
Газда полеан со бензин, а неговиот џип запален во Кисела Вода
- Забава3 месеци
Дошла на преглед поради постојан замор, а докторите ѝ рекле дека ќе умре за 72 часа
- Култура3 месеци
„Болка и слава“ на Алмодовар го отвора фестивалот „Браќа Манаки“, кинематограферот Алкаине гостин во Битола
- Книги2 месеци
Промоција на „Небо во кафез“ од Д.А. Лори
- Црна хроника2 месеци
Се урна тераса во Скопје – повредени татко и неговите три малолетни деца
- Hitech3 месеци
(Видео) Возач и совозач во „тесла“ спијат додека автомобилот вози со 100 на час
- Култура1 месец
Десет најчести прашања и одговори за програмата „Креативна Европа медиа“ на „Синедејс“
- Црна хроника3 месеци
Деветнаесетгодишник со автомобил удрил во девојче во Кавадарци