Контакт

Економија

Бектеши-Лука: Односите меѓу Македонија и Косово на највисоко ниво досега

Објавено пред

Македонско-косовските односи се на највисоко можно ниво досега, на повидок се нови заеднички проекти во енергетскиот сектор. Ваков е заклучокот од средбата што денеска ја остварија министерот за економија, Крешник Бектеши, и косовскиот министер за економски развој, Валдрин Лука.

Министерот Бектеши ги претстави актуелните енергетски проекти и можностите за заедничка соработка со косовската страна.

„Во наредниот период актуелен проект за реализација од страна на двете држави е поврзувањето на електроенергетските системи на двете земји со ревитализација на 220 кв далноводи кон Косово. Ова би значело и уште една дополнителна врска со електроенергетските системи на ЕУ бидејќи Косово преку Албанија ќе се поврзе со Италија, што значи зголемување на доверливоста на нашиот електропреносен систем. Исто така, набргу од наша страна ќе се објави меѓународен тендер за доделување премии за електрична енергија произведена од фотонапонски електроцентрали, што ќе значи преку тендер да се додели правото на производителот на електрична енергија од обновлив извор на енергија да користи премија како дополнителен фиксен износ на цената што ја остварил со продажбата на произведената електрична енергија на пазарот на електрична енергија на големо“, рече Бектеши додавајќи дека ново поле на соработка во наредниот период нуди и гасификацијата бидејќи во согласност со физибилити-студијата за гасификацискиот систем на Република Македонија со идеен проект, покрај постојната интерконекција со Бугарија кај Деве Баир, предвидени се 6 дополнителни потенцијални интерконекции, меѓу кои и спојување со Косово кај Скопје.

Министерот за економски развој, Валдрин Лука, изрази интерес за проектот за гасификација бидејќи со него се отвара можност за развој на оваа мрежа во двете држави напоменувајќи дека корисна би била и размената на искуства во развојот на обновливите извори на енергија, со цел постигнување на целите во рамките на исполнувањето на барањата на енергетската заедница.

„Подготвувањето на заедничките проекти ќе ни овозможи на двете држави заедничко претставување пред странските финансиски институции со цел ангажирање средства за реализација на заедничките проекти“, истакна Лука.

Меѓу темите на разговор на средбата беше и термоелектраната „Осломеј“ и нејзиното евентуално снабдување со висококалориски јаглен од Косово, што допрва треба да биде предмет на истражување, потоа ХЕЦ „Чебрен“ и „Галиште“ како потенцијален балансер во електроенергетските системи во регионот, како и инвестициските проекти од двете страни, кои значат и следење на европската енергетска транзиција.

Текот на реализацијата на автопатот Скопје-Блаце, што претставува еден од приоритетите на ЈП за државни патишта, како и подготовката на проектна документација за делниците Тетово-Јажинце и Опаје-Станишиќ, се најдоа меѓу темите на разговор на двете страни, како и можностите за продолжување со проектот за едношалтерскиот систем, а операционализација на дел од споменатите проекти може да донесе и заедничката седница на македонската и на косовската влада планирана кон средината на оваа година.

По завршување на работниот состанок меѓу делегациите од двете земји, министерот Бектеши и министерот Лука го потпишаа и меморандумот за разбирање во енергетскиот сектор помеѓу двете министерства. Двајцата министри се согласија дека меѓусоседските односи меѓу Македонија и Косово се на највисоко можно ниво досега, што треба да се искористи за продлабочување и проширување на соработката во сите области.

Економија

Министерството за финансии: Новите услови го зголемија интересот за „Купи куќа – купи стан“

Објавено пред

Министерството за финансии изготви прирачник за проектот „Купи куќа – купи стан“, кој е поставен на веб-страницата на Министерството. Од МФ велат дека за неполни три месеци кога стапиле во сила новите услови, интересот кај граѓаните е голем, а причина за тоа се намалените каматни стапки, новиот модел „Купи стан за млади“, како и дополнителната едногодишна субвенција на месечната рата за секое новородено или посвоено дете.

„Во согласност со новите услови каматната стапка за моделот ‘субвенција на рата’ за првите три години изнесува 2,9 процента, а за третата и за четвртата година 3,9 проценти. Намалена е и каматната стапка за моделот ‘субвенција на учество’. Таа сега изнесува 4 проценти за целото времетраење од исплатата на кредитот зголемена за 6-месечен еурибор. За младите до и со наполнети 35 години се воведе нов модел ‘Kупи стан за млади’“, велат од Министерството.

Притоа, корисниците што ќе го одберат моделот „субвенција на рата“ од државата ќе добијат субвенции во висина од 70 проценти од ратата во првите пет години од отплатата на станбениот кредит. Така, на пример, за кредит од 50.000 евра вкупниот износ на субвенцијата изнесува 11.900 евра.

Оние, пак, што ќе го изберат моделот за помош при отплата на учеството од државата ќе добијат субвенција во висина од 70 проценти од учеството за станот. За кредит од 50 илјади евра, државата ќе субвенционира 8.750 евра.
Дополнително, корисниците на субвенциониран станбен кредит за секое новородено или посвоено дете ќе добијат дополнителна едногодишна субвенција на месечната рата во висина од 30 проценти, појаснуваат од Министерството.

Новина има и кај моделот „Купи куќа за возраст над 35 години“. Сега оние што ќе аплицираат за овој модел ќе добијат поголема субвенција.

Лицата над 35 години ќе добијат субвенции од 80 отсто од месечната рата во првите пет години за изградба или купување нова куќа или 80 проценти од учеството при купување или изградба на куќа.

Прикажи повеќе...

Економија

„Алкалоид“ инвестира 11 милиони евра во проширување на производните капацитети

Објавено пред

Новите производни одделенија ќе се простираат на површина од 7.000 квадратни метри и ќе создадат услови за реализирање на 200 нови вработувања.

Посветеноста на перманентниот раст и развој, следењето на трендовите и најновите достигнувања во сферата на фармацијата, се главните причини поради кои во изминативе дваесет години „Алкалоид АД Скопје“ се задржа на курсот за континуирано инвестирање вложувајќи преку 200 милиони евра, алоцирани воглавно во сегментот фармација.

Инвестициските потфати во производствени капацитети и опрема, лаборатории, институт за истражување и развој, центар за контрола на квалитетот, модерен SAP софтвер, технологија и добро обучен персонал – менаџментот на „Алкалоид“ ги смета за неопходни предуслови за зголемување на пласманите и интензивирано глобално позиционирање на производите на брендот „Алкалоид“. Во таа насока, се инвестициите во новите производни одделенија чиј износ ќе достигне 11 милиони евра и кои како и останатите, ќе се изведуваат во согласност со строгите барања за Добра производствена практика (GMP).

Од планираните 11 милиони евра, 3,5 милиони ќе бидат наменети за целосно технолошко подготвување на одделението „Пакување на цврсти форми“, со површина од 2.000 квадратни метри (м²). За потребите на одделението, нарачана е техничко-технолошка опрема во вредност од 5,2 милиони евра, вклучувајќи две автоматски линии за пакување. 2,3 милиони евра ќе бидат инвестирани за изградба на два нови ката наменети за производство на цврсти фармацевтски форми и придружен простор за техничко-технолошка опрема со вкупна површина од 5.000 м².

Сето ова ќе овозможи зголемување на капацитетите за производство за најмалку 50%, односно од сегашниот капацитет од речиси 2 милијарди таблети и капсули годишно, на повеќе од 3 милијарди парчиња цврсти фармацевтски форми.

„Согласно стратегијата за развој и долгорочниот план за капитални вложувања, ‘Алкалоид’ иницира нова фаза во инвестициските активности која има за цел зголемување на производните капацитети на компанијата. Планираната инвестиција е во склад со политиката на компанијата за вложување во капитални проекти, а со оглед на тројното зголемување на консолидираните приходи од продажби во изминативе 15 години, ваквиот потфат беше неопходен за овозможување на уште поинтензивни пласмани и континуиран раст“, изјави Живко Мукаетов, генерален директор и претседател на Управниот одбор на компанијата.

Комплетирањето на оваа инвестиција, планирано за првата половина од 2020 година, ќе создаде услови за реализирање на околу 200 нови вработувања во сегментот Фармација.

(ПР-текст)

Прикажи повеќе...

Економија

Трамп против соработката со „Хуавеј“, дури и доколку се повлече забраната

Објавено пред

Американскиот претседател, Доналд Трамп, изјави дека поради националната безбедност, не сака САД да соработуваат со кинеската технолошка компанија „Хуавеј“, дури и доколку администрацијата одлучи да го продолжи грејс-периодот за таа компанија.

Западните медиуми очекуваат американскиот оддел за трговија да ги одложи санкциите за „Хуавеј“, со што ќе биде дозволено фирмата да купува ресурси од американските компании за да може да ги сервисира постојните купувачи.

Привремената дозвола за „Хуавеј“ ќе биде продолжена уште 90 дена.

Трамп вчера нагласи дека не сака да соработува со „Хуавеј“ од безбедносни причини потенцирајќи дека некои помали делови од работењето на компанијата би можеле да бидат исклучени од забраната, но, како што рече, и тоа ќе биде комплицирано.

Прикажи повеќе...

Најново

Регион11 час

Според Мета, Албанија не може да биде дел од дијалогот Косово – Србија

Албанскиот претседател Илир Мета вели дека „Албанија не може да биде дел од дијалогот Косово – Србија“. Во изјавата што...

Свет12 часа

Литванија со јод ќе се бори против радијацијата

Литванската влада соопшти дека ќе купи повеќе од четири милиони таблети јод во вредност од 900.000 евра, бидејќи соседна Белорусија...

Регион12 часа

Меркел: Европа ќе биде целосно обединета кога Западен Балкан ќе се приклучи на ЕУ

Европа ќе биде целосно обединета кога Западен Балкан ќе влезе во Европската Унија, рече германската канцеларка Ангела Меркел. Таа ја...

Европа12 часа

Французи зеле 40 килограми песок од Сардинија, се соочуваат со казна до 6 години затвор

Туристи кои зеле како сувенир 40 килограми песок од плажа во Сардинија се соочуваат со затворска казна до 6 години....

Топ15 часа

Расправија за пасишта во Арачиново заврши со пукање, едно лице е рането

Расправија околу пасиштата во Арачиново завршила со пукање, при што едно лице е рането. Како што информира МВР, вчера во...

Топ16 часа

Полицајци фатиле струмичанец додека се обидувал да ограби куќа

Полицајци фатиле струмичанец додека се обидувал да ограби куќа. Според МВР, синоќа во 21:00 часот на улица Панче Пешев во...

Македонија17 часа

Во државата нема вештак што ќе оцени дали Исмет Гури преправал потписи

Нова пауза на денешното рочиште за предметот „Титаник 3“ даде судијката Марија Клетничка. Советот, по паузата, одлучи да не го...

Македонија18 часа

Катица не ги иззема Фетаи и Бубевски

  Шефицата на СЈО во оставка, Катица Јанева, не ги иззема обвинителите Фатиме Фетаи и Гаврил Бубевски од застапување во...

Македонија22 часа

Адвокатот Миланов бара изземање на Јанева од „Титаник 3“ поради тензиите во СЈО

Адвокатот на обвинетиот Исмет Гури во предметот на СЈО, „Титаник 3“, Еленко Миланов, побара да бидат изземени Катица Јанева и...

Топ22 часа

Возач загина во сообраќајна несреќа кај Свети Николе

Четириесет и петгодишен возач од Куманово загина во сообраќајна несреќа на регионалниот пат Куманово – Свети Николе. Како што соопшти полицијата,...

Македонија22 часа

15-годишник се удави во Пчиња

Петнаесетгодишник од селото Љубодраг влегол во вода од ископ на сепарација на реката Пчиња и починал. Како што соопшти МВР, телото...

Македонија23 часа

Фетаи: Постапката за „Рекет“ ја води друго обвинителство и не сакам да се мешам

Обвинителката Фатиме Фетаи пред почетокот на денешното рочиште за предметот „Титаник 3“ рече дека не сака да се меша во...

Европа23 часа

Три децении од падот на Железната завеса

Унгарскиот премиер Виктор Орбан и германската канцеларка Ангела Меркел денеска во пограничното место Шопрон ќе ја одбележат 30-годишнината од падот...

Свет24 часа

Трамп за купувањето на Гренланд: Не е приоритет, но стратешки е интересно

Американскиот претседател Доналд Трамп повторно ја коментираше идејата за купување на Гренланд од Данска, наведувајќи дека тое не е приоритет,...

Македонија1 ден

(Видео) Пожар над Усје

Нов пожар над скопската населба Усје избувна вечерва, откако пожарникарите со часови се обидуваат да го локализираат огнот над населбата...

Свет2 дена

Голем пожар на Канарските острови, евакуирани над 4.000 лица

Околу 4.000 лица се евакуирани поради пожар што избувна по втор пат за една недела и уништи рурална област на...

Свет2 дена

Жителите на Нов Зеланд доброволно предале над 10 илјади парчиња оружје на полицијата

Повеќе од 10,000 парчиња огнено оружје се предадени доброволно на властите во Нов Зеланд, како дел од акцијата што беше...

Македонија2 дена

Димитров: ,,Рекет” е раскрсница – едниот пат води кон иднина, другиот кон бездна

Дискредитацијата на СЈО преку аферата ,,Рекет” е со цел да и се избега на правдата, смета министерот за надворешни работи...

Свет2 дена

1,7 милиони луѓе на протест во Хонгконг

Најмалку 1,7 милиони граѓани излегоа на улиците во Хонгконг, на уште еден од низата масовни продемократски протести, соопштија организаторите на...

Спорт2 дена

Ландстрам со гол во сите четири англиски лиги – Шефилд јунајтед со победа (видео)

Шефилд јунајтед имаат одличен старт на својата прва премиерлигашка сезона по долга пауза, откако со 1:0 ги победија Кристал палас...

Досие