Контакт

Економија

Битиќи и Тренчевска ​на Саем за вработување и кариера: Преку младински политики и мерки инвестираме во младите

Објавено пред

Заменик-претседателот на Владата на РСМ, задолжен за економски прашања, координација на економските ресори и инвестиции, Фатмир Битиќи и министерката за труд и социјална политика, Јованка Тренчевска, како владини претставници, постојаниот претставник на УНДП, Армен Григоријан, ректорот на Универзитетот на Југоисточна Европа, проф. д-р Абдулменаф Беџети, градоначалникот на Општина Тетово, Билал Касами и претседателот на Совет на Општина Гостивар, Валбон Лимани, како претставници на локалната власт, се обратија на отворањето на дводневниот Саем за вработување и кариера во Младинскиот ресурсен центар „ I Can“ во Гостивар.

dobivaj vesti na viber

Целта на настанот е директно поврзување на младите невработени лица со приватниот сектор од Полошкиот Регион и пополнување на отворените работни позиции во неколку индустрии, како и поттикнување дискусија за соодветните модели за младинско активирање на пазарот на трудот.

„Јасна слика и визија за иднина е она што тие сакаат и мораат да го видат, но и да веруваат дека е можна! Визија, која мора да биде доволно јасна, конкретна и во склад со нивните потреби што ќе им овозможи со неа тие да ги идентификуваат своите амбиции и животот кој посакуваат да го живеат и ќе сакаат да го реализираат во својата држава. Токму затоа минатата година започнавме еден навистина инспиративен и сеопфатен процес на креирање документ/стратегија кој претставува заедничка визија за развојот на нашата држава и општество во претстојните две декади. За што си даваме доволно време за да овозможиме најголема можна инклузивност и транспарентност за да ги слушнеме сите кои сакаат да придонесат кон заедничкото креирање на нашата иднина.

Ова ќе резултира со креирањето на Националната развојна стратегија 2022 – 2042 година, која се надевам дека ќе им ја овозможи таа јасна слика во која секој од нив ќе може да се види и препознае. Која ќе им дава насока, но и слобода, слобода која се добива само кога се чувствуваш сигурен дека позади тебе стои силна и стабилна држава во која и со која можеш да ги реализираш сите твои замисли и потенцијали. Ова е мојата мисија со која влегов во политика и поради која секое утро влегувам во канцеларија“, рече Битиќи.

Министерката за труд и социјална политика Јованка Тренчевска се осврна на политиките и мерките кои Министерството за труд и социјална политика ги реализира изминативе години, а се во насока на развивање на системски пристап во решавањето на предизвиците со кои се соочуваат младите, преку имплементација на политики за вработување и носење посебни закони.

„Високата реализација од 94,6 % реализирани мерки на Оперативниот план за активни програми и мерки 2021 година со опфат од 11.292 невработени лица, од кои 66% се млади лица до 29 години, зборува за посветеноста на политиките насочени кон младите лица. Со цел зголемување на конкурентноста на младите невработени лица до 34 години со средно образование на пазарот на труд, овозможивме стекнување на практични работни знаења и вештини, преку мерката Практиканство. Во 2021 година вкупно 1287 млади лица или повеќе од 90% од планираниот број успешно се вклучија во мерката и се стекнаа со знаења и работни вештини во реални работни услови. Оваа година, вкупно 957 компании покажаа интерес за практиканти и аплицираа во Центрите за вработување. Досега се склучија 655 договори помеѓу компании и лица -практиканти, а склучувањето на договори продолжува и понатаму. Побарувачката за лица -практиканти од овие компании која надмина 1000 лица, ја потврдува атрактивноста на мерката Практиканство“, рече Тренчевска.

УНДПМК е долгогодишен партнер на Министерството за труд и социјална политика во реализација на неколку активности и проекти поврзани со креирање можности за работа за сите, со посебен фокус на ранливите категории вклучително и младите.

„Со поддршка на швајцарската амбасада во 2020 година го отворивме Младинскиот ресурсен центар со цел презентирање можности и модели за младите невработени лица и нивно поефикасно активирање на пазарот на трудот. Во таа мисија, партнерствата со различните чинители од локалните заедници се многу важни во создавање поволна почва за искористување на младинскиот потенцијал и креирање атмосфера за нови и подобри работни места“, изјави Армен Григорјан, постојаниот претставник на Програмата за развој на Обединетите нации во земјава.

Дводневниот саем за вработување и кариера, организиран од Младинскиот ресурсен центар, претставува одлична можност за поврзување на универзитетите, претприемачите и младите, односно трасирање на патот на младите од дипломирањето кон вработувањето.

Економија

Николовски: Со формирањето на националниот Агро Совет, земјоделците директно учествуваат во носењето на одлуки

Објавено пред

Вистинската грижа за земјоделците подразбира изнаоѓање на решенија за нивните проблеми, а најдобрите решенија се оние кои се подготвени заедно со земјоделците, слушајќи ги нивните маки и нивните предлози. Токму вака креираните мерки на Министерството за земјоделство, шумарство и водостопанство (МЗШВ) веќе го даваат вистинскиот ефект и резултати.

dobivaj vesti na viber

„ Кога го подготвуваме Националниот план за производство на храна отворивме широк консултативен процес, односно ги слушавме потребите и предлозите на земјоделците и стручната јавност. Се водевме од тоа да изнајдеме решение и да креираме мерка за секое барање и проблем кој тие го посочија. Така се подготви Националниот план, така се креираа мерките од Интервентниот фонд и затоа ефектот од овие мерки е толку голем, односно се соочуваме со рекорден интерес и апликации. Токму затоа можеме да очекуваме дури и во услови на светска криза, стабилно домашно производство на храна, но и зголемени приноси во клучните земјоделски гранки“, истакна министерот Николовски.

Сите мерки по завршување на широкиот консултативен процес, досега се подготвуваа во соработка со потсекторските групи во рамки на министерството, а во кои членуваат претставници на земјоделците и земјоделските стопанства. Еден од позитивните примери за ваквата соработка е поддршката за набавка на специјализирани комбајни за ориз и мобилни сушари за ориз, но и неодамнешното зголемување на грантот за поддршка на руралната жена од 3.000 на 6.000 евра, мерки кои се воведени по барање на земјоделците за олеснување и развој на земјоделското производство.

Со цел поголема улога на земјоделците во носењето на одлуки и креирање на мерки за финансиска поддршка повторно е формиран националниот Агро Советот, односно Советот за земјоделство и рурален развој. Со Советот раководи министерот за земјоделство, а во него членуваат претставници на земјоделците, земјоделските стопанства, земјоделските здруженија, стопанските комори, универзитетите и претседателите на потсекторските работни групи.

„ Повторното активирање на овој Совет дава уште поголема шанса на земјоделците за директно учество во креирање на политиките и мерките на министерството. Земјоделците имаат можност да одлучат за што и како ќе се распределат средствата на министерството на транспарентен и отворен начин“, посочи Николовски.

Советот за земјоделство и рурален развој ќе ја одржи својата конститутивна седница во првата половина од месец јули годинава.

Прикажи повеќе...

Економија

5 работи што треба да ги земете предвид при купување нов дом

Објавено пред

Започнете го новото поглавје на вашиот живот во домот од соништата во „Гранд Ривер“

dobivaj vesti na viber

Изборот на нов дом претставува инвестиција во иднината. Одлуката која ќе ја донесете директно ќе влијае на квалитетот на вашето живеење, и токму затоа е потребно е соодветно да се информирате и истражите пред да го дефинирате конечниот избор. Пронаоѓањето на место кое ќе го наречете свој дом е еден од најважните процеси кои влијаат на обликувањето на вредноста на живеењето, па токму затоа подолу ви презентираме пет клучни работи кои треба да ги земете предвид при купување нов дом.

Локација

Локацијата е првиот приоритет кој треба да го имате на ум кога избирате место каде ќе ја градите својата иднина. Сетете се дека откако ќе купите нов дом, во него може да измените многу работи, но единственото нешто што не може да го смените е локацијата каде сте инвестирале. Затоа локацијата се смета за основата и клучниот аспект кој дава вредност на домот. Локацијата креира посакуваност на недвижноста, а посакуваноста пак, креира побарувачка што директно влијае на вредноста на инвестицијата.

Добрата локација силно влијае на квалитетот на живот, овозможувајќи близина и достапност на сите погодности кои живеењето го прават убаво и вредно.

Поглед

Со изборот на нов дом отворате ново поглавје во вашиот живот. При изборот размислете кој е погледот со кој сакате да ја започнете новата етапа на вашето живеење и всушност погледот со кој ќе се будите секое утро. Погледот кој ќе го краси вашиот нов дом директно ќе влијае на вашето расположение и енергија. Токму затоа е многу важно при изборот на вашиот нов дом да имате креирано јасна слика во каков поглед би сакале да уживате секој ден. Објектите кои се конструирани на начин максимално да го искористат погледот кој го нудат и да ја внесат убавината на природата во вашиот дом, секогаш треба да бидат приоритет во вашиот избор.

Квалитет на градба

Не сѐ што е убаво однадвор е убаво и во внатрешноста. Токму затоа пред да се одлучите каде ќе го градите вашиот живот, потребно е детално да се информирате за квалитетот на градба на недвижноста која ќе стане ваш дом. Потребно е да ги соберете сите информации за материјалите со кои е граден објектот и да дознаете дали се запазени сите стандарди за безбедност. Тука треба да земете предвид дали е применета конструкција за поголема стабилност и за сеизмичка отпорност на објектот, дали се работи за енергетски-ефикасен објект кој ќе ви ја заштеди потрошувачката на енергија, какви се патничките лифтови, каква е звучната изолација, безбедносните системи итн. Изборот на ваш нов дом нека биде место кое влева сигурност и доверба и е градено по светски стандарди.

Карактер

Кога избирате нов дом многу е важно истиот да одговара на вашиот карактер. Потребно е да најдете дом кој има свој карактер, уникатен стил и дизајн и се издвојува од другите, а одговара на вашиот карактер. Знаејќи ги вашите карактерни особини, дефинирајте што вие барате во карактерот на вашиот нов дом. Оваа насока многу ќе ви помогне при изборот, бидејќи ќе ја истакне вашата индивидуалност и ќе ве насочи на вистинскиот пат при изборот на ново катче каде ќе градите спомени. Од тој аспект, повторно е важно локацијата да ви понуди богат избор на содржини кои ќе го отсликуваат вашиот начин на живот, независно дали се тоа содржини за спорт и рекреација, активности за деца и семејството, трговски или деловни центри, барови и ресторани и сл.

Вредноста која ќе ја добиете

Големи се шансите дека инвестицијата во вашиот нов дом ќе биде еден од најголемите финансиски предизвици кои ќе си ги зададете некогаш. Пред да се одлучите да го купите домот од вашите соништа, мора да бидете свесни за вашите долгорочни планови и да направите проекција каква ќе биде вредноста на имотот кој сега го купувате во иднина. Имајте предвид дека инвестицијата во добра локација е секогаш најсоодветна опција и гаранција за тоа дека сте инвестирале во дом кој има потенцијал да ја зголемува својата вредност.

Отворена можност за домување на најатрактивната локација во Скопје

Во моментов отворена е продажбата на станбено-деловниот објект „Гранд Ривер“ кој нуди единствено искуство и можност за живот и работа во јадрото на Скопје, со многубројни квалитетни содржини на чекор до вас. Објектот кој се гради согласно светските стандарди, никнува во непосредна близина на реката Вардар спроти хотелот„Холидеј Ин“ и се наоѓа во близина на живописното шеталиште на кејот на најголемата река во земјата, овозможувајќи бројни активности и погодности.

Заинтересираните може да добијат пероснализирана понуда во продажниот салон на комплексот „Гранд Скопје“ во ГТЦ на 1 кат или да контактираат со тимот задолжен за продажба на телефонскиот број: 070 355 351 и 070 233 055, како и на e mail: [email protected] .

ПР

Прикажи повеќе...

Економија

Премиера на целосно новата Toyota bZ4X

Објавено пред

• Првото 100% електрично возило (BEV) на Toyota

dobivaj vesti na viber

• Првото 100% електрично возило (BEV) на Toyota

• Првиот модел на Toyota од “Beyond Zero” под-брендот

• Удобно, просторно и автентично теренско возило, достапно со нов систем за погон на сите тркала со теренски можности од светска класа

• Водечки светски квалитет и издржливост на батериите засновани на четвртина век искуство во инженерството на електрифицирани возила на Toyota

• Напредни технологии: Toyota T-Mate системи за безбедност и помош на возачотЦелосно новиот bZ4X, е првиот модел на Toyota од “ beyond zero” семејството на електрични возила (BEV).

Истовремено, покрај тоа што го означува понатамошниот развој на оддамна воспоставените технологии за електрифицирани возила на Тоyota, bZ4X исто така испорачува и важни иновации во безбедноста, системите за помош на возачот и мултимедијалната конекција. Покрај ова, bZ4X ја проширува и улогата на автомобилот, така што тој не претставува само превозно средство од точка А-до-Б, туку нуди и поддршка на нови можности за мобилност.

Новата Toyota bZ4X
bZ4X е просторно и удобно теренско возило, со нов систем за погон на сите тркала кое обезбедува водечко теренско управување и перформанси, со посебни електрични мотори за секоја оска. Ова е првиот модел што Toyota го развива целосно како BEV, но исто така и првиот модел што ја користи новата платформа eTNGA на компанијата која е посветена на BEV. Врз основа на филозофијата на eTNGA (Toyota New Global Architecture), батеријата се вградува како составен дел на шасијата, под подот на возилото. Ова носи повеќекратни придобивки, вклучително и низок центар на гравитација, одлична рамнотежа на предната и задната оска и висока цврстина на каросеријата. Сето тоа дава позитивен придонес за безбедноста, возењето и управувањето.

Надворешен дизајн
Надворешниот дизајн е елегантен, моќен и едноставен. Препознатливите тенки предни светла и акцентот на предните агли ја  отсликува моќноста на автомобилот. Страничниот изглед се одликува со тенки предни столбови и ниска линија на оската што го рефлектира нискиот центар на гравитација. Големите тркала (до 20-инчен дијаметар) доведени до самите агли на каросеријата го изразуваат автентичниот SUV карактер на автомобилот. Дизајнот на задниот дел од автомобилот е со нагласени  агли и препознатливо задно светло.

Аеродинамички карактеристики
Дизајнот вклучува аеродинамички елементи кои управуваат со протокот на воздух над и под возилото и придонесуваат за досегот на возење. Тие вклучуваат отвори на предниот браник, кои придонесуваат да се создадат мазни воздушни завеси. Тенката долна решетка има затворач што се прилагодува се со цел да го канализира протокот на воздух за ладење на батеријата, а воедно помага и да се намали отпорноста на ветерот.

Внатрешен дизајн
Долгото меѓуоскино растојание овозможува пространа, отворена и удобна кабина со пет седишта кој потсетува на пријатен амбиент на дневна соба. Инструмент таблата е ниско поставена, што го зголемува чувството на отвореност и видливост на возачот. Принципот „рацете на воланот, очите на патот“ е поддржан од дизајнот на кабината насочена кон возачот во која  7” TFT екран е сместен директно во предната линија на возачот, над линијата на воланот.Простор за нозете е водечки во класата, за сите патници. Багажниот простор има капацитет до 452 l со исправени задни седишта.

Изведба
Изведбата со погон на предните тркала на bZ4X се напојува со помош на електричен мотор од 150 kW. Тој испорачува 204 DIN КС и 265 Nm вртежен момент, овозможувајќи забрзување од 0-100 km/h за само 8,4 секунди и максимална брзина од 160 km/h. Моделот со погон на сите тркала има максимална моќност од 217,5 DIN КС со 336 Nm вртежен момент; максималната брзина е непроменета, додека забрзувањето до 100 km/h е намалено на 7,7 секунди. Системот нуди опција за „Single pedal drive“ со кој се засилува регенерацијата на енергијата при сопирање што му овозможува на возачот да го забрза и забави возилото користејќи ја само педалата за гас.

Загарантиран квалитет на батеријата
Тоyota го искористи повеќе од 25-годишното искуство во технологијата за електрифицирани возила се со цел да се осигура дека новата литиум-јонска батерија во bZ4X има светски квалитет, издржливост и доверливост. Ваквата доверба во технологијата се рефлектира во програмата за продолжена грижа, која гарантира дека батеријата сè уште ќе работи со минимум 90% од нејзиниот оригинален капацитет, по изминати најмногу 10 години или поминати 240.000km, под услов клиентот да го носи своето возило во овластен Toyota сервисен центар за годишна проверка на состојбата.

Ова ниво на квалитет и перформанси е поддржано со повеќекратно следење на напонот, струјата и температурата на батеријата, на ниво на поединечни ќелии. Ако се открие какво било абнормално создавање топлина, контролите автоматски се активираат. Воведени се контрамерки за да се ублажи секаква деградација на материјалот и постојат заштитни мерки во процесот на производство со цел да се спречи влегување на туѓа материја во батеријата.

Изведба за ладно време
Благодарение на ефикасниот и ефективен топлотен систем, перформансите и досегот се одржуваат дури и во ладна клима. bZ4X користи топлинска пумпа, односно црпи топлина од надворешниот воздух за да го загрее автомобилот, што е поефикасно и користи помалку енергија од стандардните системи за климатизација.За дополнителна топлина во кабината, како опционална опрема се нуди и систем за греење за возачот и совозачот, кој е инсталиран под воланот и таблата со инструменти, а чија цел е загревање на долниот дел од нозете и стапалата. Во комбинација со грејачите на седиштата како една од опциите, се обезбедува многу побрзо загревање на кабината, за само една минута.

Досег
Батеријата има капацитет од 71,4 kWh и се очекува да овозможи досег на возење повеќе од 450 km (применувајќи ги параметрите за тестирање WLTP). Батеријата може брзо да се полни без да се загрози безбедноста или рокот на траење: полнење од 80% може да се постигне за околу 30 минути со систем за брзо полнење од 150 kW (CCS2).

Погон на сите тркала
Системот користи посебни мотори со моќност од 80 kW за придвижување на предната и задната оска. XMODE му овозможува на возачот да избере режим на возење што одговара на условите на патот. Благодарение на водечките способности во овој сегмент, возачите можат да го носат својот bZ4X каде и да ги води патот со целосна доверба, без разлика на условите.

Сеопфатни еколошки перформанси
Позитивниот еколошки профил на bZ4X не е ограничен само на перформансите со нулта емисија на штетни гасови. Тоyota прави широка употреба на рециклирани материјали во конструкцијата на автомобилот и работи со програма за повторна употреба и рециклирање на батеријата, обезбедувајќи максимален животен циклус на неговите компоненти и материјали.Системи за безбедност и помош на возачот од новата генерација на T-MatebZ4X е опремен со напредни Toyota T-Mate системи за активна безбедност и помош на возачот.Третата генерација на Toyota Safety Sense носи нови и подобрени функции за да се заштитите од уште поширок опсег на ризици од незгоди. Најновите безбедносни системи ги зајакнуваат способностите како партнер на возачот, напредувајќи поблиску до крајната цел на општеството за мобилност „нула жртви и повреди во сообраќајни незгоди“.

Благодарение на надградената предна камера и радар; проширена е способноста на автомобилот да препознава опасности и пречки во уште повеќе сценарија за возење.

• „Системот за избегнување судир“ (Pre-Collision System) може да открие возила и мотоцикли кои доаѓаат од спротивната страна.

• „Помош за свртување на крстосницата“ (Intersection Turn Assistance) сега може да идентификува сообраќај што се приближува преку две соседни ленти наместо само една, како и да детектира сообраќај што се приближува од страната на раскрсницата.

• „Системот за помош при управувањето за итни случаи“ (Emergency Steering Assist) обезбедува дополнително благо сопирање со цел да го задржи автомобилот во сообраќајната лента кога возачот се движи за да избегне опасност како што е пешак, велосипедист или паркиран автомобил.

• „Системот за предупредување при наидување на возила на раскрсница од напред“ (Front Cross Traffic Alert) предупредува при наидување на возила на крстосница, а новиот систем „Асистенција за безбедно излегување од возилото“ (Safe Exit Assist) може да помогне да се избегне судир помеѓу отворена врата на возилото со возила или велосипедисти кои се приближуваат одзади.

И за максимална удобност, целосно новиот „Напреден систем за паркирање“ (Advanced Park), кој користи четири камери за мониторинг со панорамски поглед и 12 ултразвучни сензори околу автомобилот, може дури и да влезе и да излезе од паркингот без возачот да биде на возачкото седиште – целосно од далечина!
Toyota Safety Sense, исто така, го мониторира однесувањето на возачот со внатрешен монитор кој ја снима неговата вообичаена положба на возење и активира предупредување доколку открие какво било отстапување што може да сигнализира опасно одвлекување на вниманието или дека возачот не се чувствува добро или заспива.

Мултимедијален систем
bZ4X ја користи најновата, помоќна мултимедијална платформа на Toyota со интуитивен екран на допир од 12” , овозможувајќи пристап до навигација базирана на облак (cloud) која овозможува планирање на патувањето, како и пренесување на најновите информации за сообраќајот и паркирањето. Исто така, обезбедува информации специфични за BEV, како што се досегот на возење, поддршка за возење и детали за станицата за полнење.

Возачот може да комуницира со возилото преку контролите на допир и гласовни команди. Функцијата за  препознавање на гласовни команди вклучува опции кој може да ги активира функциите на возилото, како што се прилагодување на климатизацијата или отворање/затворање на прозорците, вклучувајќи и мултимедијални услуги како аудио и навигација.

bZ4X е веќе достапен во продажниот центар на Toyota и е во понуда со почетна цена од 50.990 Евра.

ПР – текст

Прикажи повеќе...

Најново

Спорт9 часа

Нуров со злато за Македонија на Медитеранските игри!

Магомедгаџи Нуров го освои златниот медал во борење во категоријата до 97 килограми на Медитеранските игри во Оран, Алжир, откако...

Свет10 часа

Пристигна првата реакција на Москва за влезот на Шведска и Финска во НАТО

Русија е толку моќна сила што приемот на Шведска и Финска во НАТО пактот не е важен во глобална стратешка...

Европа11 час

Ердоган попушти – постигнат договор за членство на Финска и Шведска во НАТО

Турција го поддржа членството на Финска и Шведска во НАТО, соопшти кабинетот на финскиот претседател Саули Нииниште. Во меѓувреме потврда...

Македонија11 час

Мицкоски: Власта на дивјачки начин прави дефокус од тешкиот живот, инфлацијата и предавството со Бугарија

Срам за демократијата, очигледно дека некој ги охрабрува вака да се однесуваат, ова е чин на дивјаштво што можеше да...

Свет12 часа

Макрон: Русија не смее да ја добие војната во Украина

Францускиот претседател Емануел Макрон денеска по самитот на Г7 во Германија изјави дека плановите на Русија во Украина ќе пропаднат....

Македонија13 часа

ИДЧПД: Адеми е недостоен да ги претставува граѓаните

Институт за демократија, човекови права и дигнитет – Скопје го осудува вчерашниот инцидент во македонското собрание. Оттаму жалат што повторно...

Македонија15 часа

И денес тензично на Комисијата за европски прашања, потпретседателката не дозволи процедурални обраќања

Пратеничката Дафина Стојановска од ВМРО-ДПМНЕ побара процедурални обраќања, а не амандманска расправа за измените на Законот за работни односи. Таа...

Македонија15 часа

Силјановска-Давкова: И за лаик е јасно законот кој доведе до тепачка не може да одредува пензионирање на судии и обвинители

Пратеничката Гордана Силјановска-Давкова од ВМРО-ДПМНЕ посочи дека не и е јасно како на дел од судиите и обвинителите им се...

Македонија17 часа

Нови 168 ковид-позитивни – нема починати

Во согласност со податоците од Институтот за јавно здравје, Министерството за здравство информира дека во последните 24 часа направени се...

Македонија18 часа

Високи тонови и караница во Собранието, каде што вчера имаше тепачка

Со високи тонови и карање почна денешната седница на Комисијата за европски прашања, каде што вчера имаше тепачка. Координаторот на...

Регион20 часа

Одел во Грција на одмор со семејството, го уапсиле за воени злосторства

Соседна Грција одредила притвор за 59-годишен српски државјанин, кој е уапсен по европска потерница од хрватските власти поради воени злосторства...

Македонија21 час

Милошоски со кривична пријава против Азири, кој напиша „Антиалбанец како Милошоски заслужува и повеќе“

Пратеникот Антонио Милошоски од ВМРО-ДПМНЕ поднесе кривична пријава против државниот секретар во Министерството за култура, Валмир Азири. Ваквиот чекор доаѓа...

Европа21 час

Поранешен функционер на ЦИА: Во Кремљ се подготвува заговор против Путин, би можел да заврши како Троцки

Даниел Хофман, поранешен висок офицер на ЦИА, кој служел како шеф на станица во Москва, тврди дека Путин би можел...

Свет22 часа

Во камион во Тексас починале 46 мигранти

Американските служби јавуваат дека најмалку 46 тела се пронајдени во приколка на напуштен камион на периферијата на Сан Антонио, Тексас....

Европа22 часа

Зеленски: Русите извршија терористички чин со нападот на трговскиот центар

Украинскиот претседател Володимир Зеленски утрово ја осуди Русија за нејзините пресметани воздушни напади врз трговскиот центар во градот Кременчук велејќи...

Македонија23 часа

(Видео) „Како на Дивиот Запад“ – собранискиот инцидент во медиумите од соседството

Во Собранието на Северна Македонија дошло до физичка пресметка кога пратеникот на СДСМ-ДУИ, Арбер Адеми, со шолји за кафе и...

Македонија23 часа

ВМРО-ДПМНЕ: Адеми да си поднесе оставка како пратеник, а потоа да одговара за нападите

ДУИ си го брани криминалот со физички напади врз пратениците, Ковачевски да го осуди дивеењето на Арбер Адеми, реагираат од...

Европа24 часа

Медведев: Секој упад на Крим ќе биде објава на војна на Русија

Поранешниот руски претседател Дмитриј Медведев изјави дека секој упад на полуостровот Крим од страна на земја членка на НАТО може...

Македонија1 ден

Џафери свикал итна координација: Граѓаните самите ќе проценат од снимките кој го предизвика инцидентот

Претседателот на Собранието на Република Северна Македонија, Талат Џафери, попладнево свика итна координација на која беа поканети сите координатори и...

Македонија2 дена

Вархеји очекува Скопје и Тирана во наредните денови да ги отворат пристапните преговори со ЕУ

Говорејќи пред членовите на Европскиот парламент и парламентите на земјите на патот кон членство во ЕУ, еврокомесарот за проширување Оливер...