Економија
Бочварски: Насекаде низ државата се работи со силна динамика
Првиот вицепремиер на Владата на Република Северна Македонија, Артан Груби, министерот за транспорт и врски, Благој Бочварски, заменик министерот Беким Реџепи, заедно со директорот на ЈП за државни патишта, Ејуп Рустеми и директорот на ЈП за одржување на магистралните и регионални патишта, Костадин Ацевски, денеска извршија увид на рехабилитација на автопатската делница Скопје – Тетово, дел од инвестицискиот циклус на Владата за изградба и модернизација на европскиот Коридор 8.
Се рехабилитираат оштетените делови од автопатската делница Скопје – Тетово, инвестиција со вкупна вредност од преку 470 милиони денари, а воедно се поставуваат и звучни бариери на делови од автопатот.
При увидот тие истакнаа дека модернизацијата на Коридорот 8 ќе донесе многу бенефити и позитивни импликации врз економскиот развој.
„Правиме увид на сите градежни активности на Коридорот 8, почнувајќи од заштитните бариери пред првата патарина кај населеното место Кондово и сега сме тука кај Тетово, дел кој се рехабилитира од страна на Јавното претпријатие за државни патишта. Можам да констатирам дека како што се работи во овие години во однос на инфраструктурата, никогаш не се работело. Се работи буквално во секој регион од државата и за тоа сакам да им честитам на министерот Бочварски и на директорите Рустеми и Ацевски за посветената работа. Коридорот 8 се гради, стариот пат се рехабилитира, а новиот треба да започне со градежни активности на средината на септември. Во овој мандат ги заокружуваме најголемите проекти во инфраструктурата во државата“, изјави првиот вицепремиер во Владата, Артан Груби.
Министерот Бочварски истакна дека модернизација на Коридорите 8 и 10-Д е стратешки приоритет на оваа Влада.
„Сите активности кои ги видовме денеска се во насока на подобрување на патната инфраструктура во земјата, безбедни патишта се наш врвен приоритет и интерес. Активно работиме на рехабилитација на овој автопат од Скопје кон Тетово, но работиме и на две позиции на автопатот на Коридорот 10, правците Демир Капија – Неготино и Катланово – Петровец. Исто така работиме на рехабилитација и на 5 позиции на 5 гранични премини, тоа се патните правци кон Бугарија, Косово, кон Грција кај Битола, Струга – Ќафасан, практично насекаде низ државата се работи со силна динамика. Го поздравувам овој напредок, дефинитивно ова го заслужуваат нашите граѓани, го заслужуваме сите“, изјави министерот Бочварски.
Директорот Рустеми истакна дека оваа година имаат најобемна програма во изградба и рехабилитација на патната мрежа во земјава.
„Програмата на ЈП за државни патишта за 2023 година е амбициозна, во која имаме предвидено изградба на нови патишта, рехабилитација, модернизација и одржување на автопатиштата и останатите државни патишта. Активно ги следиме активностите на овој дел од Коридорот 8, каде имаме предвидено рехабилитација на најоштетените делови од делницата Скопје – Тетово, за која од буџетот издвоивме 7,5 милиони евра. Би сакал да известам дека по оваа рехабилитација кај клучката Брвеница, продолжуваме со градежни активности на рехабилитација на влезот кон Скопје, а во наредниот период ќе започнеме и со модернизација на патарините кај Глумово и Желино. Продолжуваме со сите активности, сите сме сведоци на засилената и активна градежна офанзива.“ – изјави директорот на ЈП за државни патишта, Ејуп Рустеми.
Вицепремиерот Груби, министерот Бочварски, заменик министерот Реџепи, заедно со директорите Рустеми и Ацевски работната посета во Тетово ја заокружија со посета на саемот за вработување во организација на компанијата Бехтел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Дизелот од полноќ поевтинува за 1 денар, се намалува и цената бензинот 98
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,18 % во однос на одлуката од 2.12.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,463%, кај дизелот за 1,862%, кај екстра лесното масло намалувањето е за 0,882% и кај мазутот зголемувањето е за 1,83%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,2082%.
Од 11.12.2024 година од 00:01 часот максималните цени на нафтените деривати ќе изнесуваат:
Моторен бензин „Евросупер БС“ – 95 76,00 (денари/литар)
Моторен бензин „Евросупер БС“ – 98 78,00 (денари/литар)
Дизел гориво „Евродизел БС“ (Д-Е V) 70,00 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 45,775 (денари/килограм)
Малопродажната цена на „Евродизел“ (Д-Е V) се намалува за 1,00 ден/лит.
Малопродажната цена на бензинот „Евросупер БС -98“ се намалува за 0,50 ден/лит.
Малопродажните цени на бензинот „Евросупер БС-95“ и на Екстра лесното масло за домаќинство на (ЕЛ-1) не се менуваат.
Малопродажната цена на Мазутот М-1 НС се зголемува за 0,517 ден/кг и сега ќе изнесува 45,775 ден/кг.
Ова се максималните цени на нафтените деривати од 00:01 часот на 11.12.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Економија
Мицкоски: Потпишан е договор со „ДМ-БАУ интернационал“ за нова инвестиција од 7 милиони евра и 200 нови вработувања
Потпишан е договор со ДМ- БАУ Интернационал за нова инвестиција од 7 милиони евра и 200 нови вработувања, објави премиерот Христијан Мицкоски.
Договорот за државна помош кој се потпишува денес предвидува инвестиција од најмалку 7 милиони евра во следните 5 години и најмалку 200 нови работни места. Согласно последните информации добиени од менаџментот на компанијата, инвестицијата ќе го надмине овој минимален износ на кој договорно се обврзува.
Инвестицискиот план, како што образложи Мицкоски, вклучува вложувања во купување на земјиште, целосна изградба на погоните и нивно опремување со машини и опрема за производство на модуларни објекти со различна намена. ДМ Бау Интернационал е дел од групација ДМ Бау – швајцарски производител на модуларни објекти со преку 100 години историја.
„Покрај производството на ваквите објекти, компанијата се јавува и како изведувач на истите. Со годишен обрт од околу 10 милиони швајцарски франци, над 70 вработени и 30-тина проекти годишно, ДМ Бау се вбројува меѓу најголемите европски производител во овој сегмент. Моменталното производство се одвива на две локации во Швајцарија, а плановите за интернационализација и зголемување на капацитетите ДМ Бау одлучи да го реализира преку Македонија. Во индустриска зона во близина на Куманово, ДМ Бау Интернационал ќе изгради голем комплекс составен од повеќе објекти за производство, монтажа и складирање, со вкупна површина од околу 35.000 метри квадратни под покрив. За таа цел, во 2024 година компанијата купи земјиште со големина од околу 72.000 метри квадратни. Моментално таму се изведуваат првични земјени работи за нивелирање на земјиштето, по што, во текот на 2025 година ќе отпочне изградбата на нивните производни погони“, рече премиерот.
Напомена дека компанијата ДМ Бау Интернационал е во сопственост на наш сограѓанин, со потекло од Македонија, кој живее и работи во Швајцарија, но одлучил своите инвестициски планови да ги реализира токму во нашата земја.
Економија
Инженери од МАКО СИГРЕ ја посетија биогасната електрана Сарамзалино
Инженери од реномираното стручно здружение МАКО СИГРЕ ја посетија биогасната електрана Сарамзалино, заедничка инвестиција на фирмите Централинвест-Скопје, Агриа-Велес и АСПП-ПАК-Охрид.
Инженерите од МАКО СИГРЕ, кои работат во различни делови од електроенергетиката во земјава, се интересираа за технологијата на работа на биогасната електрана, опремата која е вградена, нус производите од процесот на производство на електрична енергија, како и за предизвиците во работењето на оваа се уште нова технологија на нашите простори.
Раководните лица на електраната, која е лоцирана на територија на општина Лозово, ги запознаа инженерите со сите фази на произвдството во биогасна електрана, од складирањето на силажа и обезбедувањето отпад со кои се полни дигесторот, биохемискиот процес на вриење при кој настанува гасот метан, неговото складирање во посебен простор, спроведување на гасот и негово согорување без загадување на воздухот во процесот на производство на електрична енергија, и на крај нуспродуктите кои остануваат: течно земјоделско ѓубриво и хумус.
Биогасните електрани се вистински пример на циркуларна економија и затворен производствен процес со нула отпад.Централинвест, сестринската фирма на ФЕРОИНВЕСТ, останува општествено одговорна и посветена на зајакнување на стручните знаења на инженерите и споделува заеднички вредности со МАКО СИГРЕ, а тоа се приближување на академската заедница, индустријата и сите останати чинители во електроенергетскиот сектор и размена на знаења и искуства меѓу нив.
ПР Објава
(Видео) Најмалку шест лица загинаа во рускиот воздушен напад врз Запорожје
Бројот на загинати во рускиот ракетен напад кој вчера уништи клиника во украинскиот град Запорожје се искачи на шест, додека...
(Видео) Израелските сили извршија околу 480 напади во изминатите два дена врз Сирија
Падот на режимот на Башар ал Асад во Сирија предизвика интензивен израелски воен одговор, вклучувајќи воздушни и копнени операции низ...
Полицијата упадна во канцеларијата на претседателот на Јужна Кореја, поранешен министер се обиде да се самоубие
Полицијата во Јужна Кореја изврши рација во претседателската канцеларија во Сеул, по неуспешниот обид на претседателот Јун Сук Јеол да...
(Видео) Русија: Го транспортиравме Асад на најбезбеден начин
Русија го транспортираше Башар ал Асад, кој беше соборен со молскавична офанзива од позицијата на претседател на Сирија, на „најбезбеден...
Новиот сириски премиер: Време е луѓето да уживаат во стабилност и мир
Новиот премиер задолжен за транзицијата во Сирија, Мохамад ал-Башир, во интервју за Ал Џезира вети стабилност и мир на сирискиот...
„Тие што треба да не штитат, не трујат со наши пари“: Граѓаните со протестен марш против загадувањето
Со протестен марш, кој започна пред Министерството за животна средина, попладнево иницијативата „Зелен хуман град“ заедно со други граѓански организации...
Под истрага 23 лица во акцијата „Адитив“
По двонеделна предистражна постапка што започна да се спроведува од 21.11.2024 година кога предметот е доставен на надлежно постапување на...
За Мицкоски, ДУИ е политички глодач: Знаат дека утре ништо нема да се случи со Законот за јазиците, но ќе излезат и ќе кажат дека поради нивниот притисок, сè е одложено
На членовите на Демократската унија за интеграции им е многу јасно дека утре не може ништо да се случи со...
Доказите за црната листа на САД се лесно достапни, македонските институции може самите да ги обезбедат, рече американската амбасадорка Агелер
Американската амбасадорка Ангела Агелер вели дека се разгледува можноста за дополнителни санкции за поранешниот вицепремиер Артан Груби и за судијата...
Васко Ковачевски не е во државата веќе подолго време, но Мицкоски очекува бргу денеска да биде обезбеден и вратен
Васко Ковачевски не е во државата подолго време, но очекувам и да го обезбедиме и да го вратиме во државата,...
Силјановска-Давкова очекува судот и Обвинителството да постапaт по црната листа на САД
Лицата што се нашле на црната листа на САД не треба да продолжат со редовни активности, смета претседателката Гордана Силјановска-Давкова...
Петрушевски за полициската акција: ЕСМ и РЕК „Битола“ беа користени од поранешните функционери за испумпување милиони преку тендери
ВМРО-ДПМНЕ ги охрабрува институциите да продолжат во спроведување на законот и овозможување на правдата во врска со денешната полициска акција...
Македонец почина во зимски центар во Бугарија
51-годишен маж од Македонија почина на патеката Шилигарник над Банско во Бугарија, објави „Бгнес“. Веројатна причина за смртта на мажот...
ДУИ: Ја почитуваме одлуката на Стејт департментот
Демократската Унија за Интеграција соопшти дека ја почитува одлуката на Стејт Департментот на САД. „Како партија, остануваме посветени на стратешката...
Голема акција на МВР поврзана со РЕК „Битола“
Голема акција на Министерството за внатрешни работи поврзана со работењето во РЕК Битола. Утрово има големи претреси во Битола, Велес,...
Парламентот да усвои закон за политичка одговорност за сите што се на црната листа на САД, предлага Демократскиот сојуз
Демократски сојуз смета дека сите што се на црната листа на САД поради криминал, треба да понесат политичка и кривична...
ВМРО-ДПМНЕ: Со одлуката за црната листа на САД се докажа дека претходната влада е до гуша во корупција
Власта на СДС и ДУИ, предводена од Артан Груби, се докажа дека е до гуша во корупција, Груби и Беџети...
Победниците и губитниците од падот на Асад
Oткако бунтовниците брзо го зазедоа Дамаск и го принудија на бегство сирискиот моќник Башар ал-Асад, светот се обидува да го...
Ердоган: Останаа двајца искусни лидери во светот
Турскиот претседател Реџеп Таип Ердоган вчера изјави дека во светот останале само двајца лидери со долгогодишна служба и искуство во...
Орбан се сретна со Трамп и Маск на Флорида
Унгарскиот премиер Виктор Орбан синоќа се сретна со Доналд Трамп и милијардерот Илон Маск во домот на новоизбраниот американски претседател...
