TrustFin и DEKRA Македонија официјално започнаа стратешка соработка за развој и промоција на платформата JobLink by DEKRA – современо дигитално решение кое има за цел поефикасно да ги поврзе компаниите со талентираните кандидати и да придонесе за понатамошен развој на пазарот на труд во Македонија.

Ова партнерство ги обединува меѓународната експертиза и долгогодишното искуство на DEKRA во областа на човечките ресурси со консултантското искуство на TrustFin, со заедничка цел да создадат модерна и иновативна платформа која ќе одговори на потребите на современите работодавачи и кандидати.

JobLink by DEKRA е развиена како дигитален простор каде компаниите можат лесно да ги промовираат своите работни можности, да го зајакнат својот Employer Branding и да привлечат квалитетни кандидати, додека барателите на работа добиваат брз и едноставен пристап до релевантни работни позиции и кариерни можности.

Платформата нуди огласи за редовни вработувања, како и посебна JobLink Зона наменета за сезонска работа, практикантски ангажмани и први кариерни искуства за младите. Дополнително, корисниците имаат пристап до корисни содржини и информации поврзани со кариерен развој, професионални вештини и пазарот на труд.

„Веруваме дека дигитализацијата игра клучна улога во современите процеси на регрутација и управување со таленти. Преку ова партнерство сакаме да создадеме платформа која ќе им овозможи на компаниите поголема видливост и поефикасен пристап до кандидати, а на барателите на работа полесен пристап до нови професионални можности“, истакнуваат од TrustFin и DEKRA Македонија.

По повод официјализирањето на соработката и понатамошниот развој на платформата, компаниите ќе можат да ја искористат промотивната понуда која важи до 30 јуни 2026 година и вклучува бесплатно објавување на работни позиции, бесплатно поставување рекламни банери и дополнителна промоција на компаниите на платформата.

Сите заинтересирани компании и кандидати можат да се информираат за можностите кои ги нуди платформата на www.dekrajoblink.mk

(ПР)

Одржлив раст на економијата преку крупни инвестиции во инфраструктурата на стратешките коридори 8 и 10, како и подобрување на ефикасноста во траспортот, беа тема на панел дискусијата на која говореше заменик претседателот на Владата, Александар Николоски, а во организација на Европската Бизнис Заедница.

Вицепремиерот во своето обраќање посебен фокус стави на инвестициите во патната и железничката мрежа на Kоридорот 8 и Kоридор 10 и кракот 10 -д, потенцирајќи дека на среден и долг рок овие инвестиции ќе придонесат за одржлив економски развој и регионална поврзаност.

Изградбата на автопатите на Коридор 8 и 10 -д, се реализираат со засилена динамика, истите ќе мултициплираат развој на регионот, ќе привлечат нови инвестиции и ќе понудат нови работни места, потенцираше вицепремиерот, додавајќи дека постојат конкретни рокови за нивна реализација.

Во однос на конкуретноста на домашната економија, дополнително ќе влијае и изградбата на брзата пруга на Коридор 10 која ќе придонесе за брз и предвидлив транспорт, реални планови за развој на компаниите и позиционирање на Македонија на главата транспортна рута за Централна Европа, посочи Николоски.

Вицепремиерот говореше и за регионалата соработка која се потпира на заеднички проекти со соседните земји кои ќе го олеснат транспортот, ќе придонесат за регионална интеграција и регионален економски развој.

За да се реализираат овие долгорочни мерки и политики, работиме на крупни инфраструктурни проекти преку кои ќе ја постигнеме посакуваната цел, а тоа е конкуретна економија, одржливи услови за развој на компаниите, ефикасен и брз транспорт, зелени ленти на граничните премини и регионална соработка, додаде вицепремиерот Николоски пред компаниите членки на Европската Бизнис Асоцијација во Македонија.

„Оперативниот план за вработување за 2026 година e значаен чекор во насока на зајакнување на економијата и унапредување на пазарот на труд, a посебен акцент се става на отворање на нови работни места и намалување на невработеноста. Владата предводена од ВМРО-ДПМНЕ во фокус го става отворањето нови работни места и создавање можности за вработување, со што се настојува да се подобри економската состојба и да се намали стапката на невработеност во земјава“, кажа Ели Панова, член на ИК на ВМРО-ДПМНЕ и пратеник.

„Оперативниот план за вработување за 2026 година предвидува опфат на над 10.000 лица и е во вредност од скоро 40 милиони евра.

Главен приоритет е отворањето нови работни места, при што предвидени се повеќе од 32 милиони евра коишто се директно наменети за таа цел.

Младите повторно се во фокусот, а според Оперативниот план за оваа година, најголем дел од средствата се насочени кон лицата до 29 години.

Севкупно, Оперативниот план за 2026 година предвидува вклучување на речиси 6.000 млади лица до 29 години.

Дополнително, предвидена е стимулација за вработување на младите во производните капацитети, каде за околу 3.500 млади лица до 23 години се предвидува младински додаток од 3.000 денари. Воедно, се предвидуваат и обуки, практикантства и мерки за подобрување на вештините и квалификациите со цел полесна интеграција на пазарот на труд.

Преку мерката Самовработување-претприемништво се очекува отворање на над 2.000 нови работни места, додека со мерката Поддршка за креирање нови работни места ќе се поддржи вработувањето на над 1.500 лица. Со овие две мерки се предвидува поддршка за повеќе од 3.500 лица.

Во споредба со 2025 година, за прв пат беа воведени таргетирани мерки за младите и како дел од оваа поддршка во Програмата за самовработување со грант (претприемништво) беа вклучени над 2.600 лица, од коишто скоро 1500 млади до 29 години, а како резултат на тоа пак беа отворени скоро 2200 нови правни субјекти.

Почитувани, Владата предводена од ВМРО-ДПМНЕ работи за домашната економија, за намалување на невработеноста. Преку различни мерки и политики настојуваме да се поттикне економски раст, да се поддржат малите и средни претпријатија и да се подобри животниот стандард како и условите за вработување“, изјави Ели Панова, член на ИК на ВМРО-ДПМНЕ и пратеник.