Контакт

Економија

(Видео) Анѓушев и Бектеши: Секое домаќинство или компанија да стане и производител на електрична енергија

Објавено пред

Заменик претседателот на Владата задолжен за економски прашања Кочо Анѓушев и министерот за економија Крешник Бектеши, учествуваа на јавната расправа, на која беа презентирани предлог текстовите на Правилникот за обновливи извори на енергија и Уредбата за мерките за поддршка на производството на електрична енергија од обновливи извори на енергија, подзаконски акти кои произлегуваат од новиот Закон за енергетика.

Вицепремиерот Анѓушев истакна дека подзаконските акти кои се презентираат, се обврска која произлегува од Законот за енергетика, усвоен во мај 2018 година, a со кои се деблокираат процесите за изградба на производни капацитети од обновливи извори на енергија, особено за фотонапонски и ветерни централи.

„Со Правилникот се воведува нова катергорија корисник-производител, односно се дава можност да секое домаќинство или компанија да стане и производител на електрична енергија. Домаќинствата или малите погони, може да инсталираат фотоволтаични панели, и на тој начин освен што ќе ја користат електричната енергија за сопствени потреби, односно се потрошувачи, ќе може да станат и производители на електрична енергија. Очекуваме голем интерес кај домаќинствата и стопанствениците, со што ќе се придонесе за заштеди во домаќинствата и поекономично работење на компаниите, како и поголема инсталирана моќност во Република Македонија“, нагласи Анѓушев.

Преку Уредбата за мерките за поддршка на производството на електрична енергија од обновливи извори на енергија се дефинира дека фотонапонските и ветерните централи во најголема мерка од досегашните „Фидиг“ тарифи преминуваат на таканаречените „Премиум“ тарифи.

„Досега постоеше лимит за изградба на фотоволтаични електрани со фидиг тарифи, односно субвенционирани цени, до изградена моќност од 18 мегавати. Откако се достигна лимитот, беше стопирана изградбата на овие централи, веќе неколку години, а сите знаеме дека Република Македонија е земја која што има услови за производство на електрична енергија од сонце. Преку усвојување на подзаконските акти се деблокира овој процес. Државата ќе распишува аукции, на кои секој заинтересиран инвеститор ќе може да учествува, а еден од главните критериуми ќе биде пониската понуда за субвенции од државата. Притоа за да се развива слободниот пазар на електрична енергија, инвеститорите произведената енергија ќе ја продаваат на слободен пазар “, потенцираше Анѓушев.

Владата на Република Македонија веќе има одредени парцели државно земјиште, кое ќе биде урбанизирано и ќе се направат напори да се овозможи приклучок на електропреносната мрежа, а потоа на транспарентен начин ќе се овозможи на сите инвеститори да аплицираат за изградба на фотонапонски централи на овие парцели. За да биде задоволен интересот на сите инвеститори, ќе се распишат аукции и за фотонапонски централи со моќност од 10 мегавати или повеќе, но и за помали централи со моќност од 1, 2 или 3 мегавати.

„На овој начин очекуваме, во наредниве година-две, да бидат изградени фотоволтаици со инсталирана моќност до 200 мегавати, енергија која и е неопходна на Република Македонија“, подвлече Анѓушев.

Министерот Бектеши потенцираше дека Владата силно се залага за промоција на користењето на обновливите извори на енергија и создавање на услови за поголемо вклучување во користењето на овие извори.

„Врз основа на анализите на техничко-технолошките услови, начинот за приклучување и начинот за користење и пристапот на електро-дистрибутиниот систем на оваа јавна расправа понудивме решение со кое домаќинствата-потрошувачи може да произведуваат електрична енергија од обновливи извори на енергија за сопствена потрошувачка, а вишокот да го предаваат во електро-дистрибутивната мрежа. Со ова се дава можност на граѓаните, како и на фирми, кои се мали потрошувачи на електрична енергија и на буџетските корисници да инсталираат соодветни панели и да произведуваат електрична енергија за сопствени потреби“, кажа Бектеши.

Предлогот на текстовите на Правилникот и Уредбата се подготвени од експертска група, во соработка со Кабинетот на вицепремиерот за економски прашања и Министерството за економија, а со финансиска и техничка поддршка на УСАИД.

Економија

Бектеши: Над 53 милиони денари годинава за малите и средни претпријатија

Објавено пред

Министерот за економија, Крешник Бектеши, денеска ги промовираше мерките од Програмата за конкурентност, иновации и претприемништво 2019 година, за која од година во година расте интересот кај бизнис-заедницата, со оглед на максималниот степен на реализација на средствата од оваа програма. Годинава е обезбедено и зголемување на средствата за таа намена во оваа програма, која е збогатена со нови мерки на барање на бизнис-заедницата, согласно со нивните потреби за зголемување на нивната конкурентност, а со тоа и конкурентноста на македонската економија.

„Сакам да напоменам дека оваа програма во континуитет бележи зголемување на буџетот, согласно со популарноста на мерките во неа и интересот на малите и средните претпријатија за користење на средствата од овие мерки. Ќе потсетам дека во втората половина од 2017 година, со ребалансот на буџетот овие средства ги зголемивме за цели 180%, односно тогашните 10-тина милиони денари ги дополнивме со нови 16 милиони, па претприемачите имаа на располагање солидна сума од 25 милиони денари, со која на над 150 бизнис-субјекти им помогнавме барем малку да ги подобрат своите бизнис-перформанси. Во 2018 година таа поддршка повторно ја зголемивме, односно бизнис-субјектите имаа на располагање 47 милиони денари, а годинава имаат дури нешто над 53 милиони денари. Оваа програма содржи 3 дела, и тоа за мерки за МСП, за мерки од индустриска политика, за кластерско здружување, а од годинава имаме и нов дел, тоа се мерки за општествена одговорност“, рече Бектеши на пресот.

Притоа за мерките во делот на МСП обезбедени се 41.280.000 денари, што претставува зголемување од речиси 3 милиони денари од минатата година, и тоа за кофинансирање проекти за поддршка на претприемништвото, МСП и занаетчиството, обезбедени се средства за проекти на граѓанскиот сектор и коморите, кои се во насока на остварување на целите зацртани во двата стратешки документи: Националната стратегија за мали и средни претпријатија 2018-2023, како и Стратегијата за женско претприемништво. Притоа, за разлика од минатата година, оваа година максималната сума по проект е зголемена на 450 000 денари за поддршка на претприемништвото и 300 000 денари по проект за поддршка на занаетчиството со цел да се добијат што поквалитетни проекти кои ќе придонесат кон поттикнување на претприемништвото и унапредување на конкурентноста на малите и средни претпријатија и промоција на занаетчиството.

Со мерката субенционирање на МСП, занаетчии и претпријатија раководени од жени, се предвидува надомест од по 300 000 денари за МСП за набавка на опрема и алати, но од оваа година и за набавка на софтверски решенија, како и консултантски услуги за поврзување во синџирите на добавувачи и изработка на проекти со цел аплицирање во  фондовите на ЕУ, бидејќи ова произлезе како потреба на бизнис-субјектите од бројните посети и средби минатата година. И оваа година се поддржуваат МСП во делот на подобрување на нивната конкурентност преку воведување нстандарди за ИСО и ХАЛАЛ (3 милиони), а од оваа година ќе ги поддржиме и во настапите на саемите, со кофинансирање на трошоците за закуп на штанд, и тоа на домашни, регионални и меѓународни саеми. И ова се покажа како потреба на компаниите за да се зголеми нивната видливост на домашниот и меѓународните пазари. Во насока на обезбедување стручен кадар за потребите на бизнис-секторот, оваа година ќе се поддржи опремување на акредитирани претпријатија за обука и стекнување вештини со 50% од трошоците, но не повеќе од 400 000 денари за набавка на опрема и алат што ќе служат исклучиво за обука, а воедно ќе се финансираат и сертифицираат обуки за потребите на бизнис-секторот во износ од 50% од трошоците или 60 000 по апликант.

Во делот индустриска политика обезбедени се средства во вкупен износ 3.700.000 денари преку неколку мерки, како поддршка за зголемување на конкурентноста на деловните субјекти од преработувачката индустрија во вкупен износ од 2.500.000 денари, кофинансирање за организирање на специјализирани обуки – длабински и детални технолошки обуки за преработувачката индустрија во вкупен износ од 1.200.000 денари, при што се воведени нови обуки како специјализирани обуки во кожарската и чевларската индустрија, за воведување на концептот на „зазеленување – greening of manufacturing industries“ во повеќе избрани сектори од преработувачката индустрија, како и за воведување на концептот на циркуларна економија во преработувачката индустрија.

Во делот поддршка и развој на кластерското здружување, средствата се зголемени од 5 на 7 милиони денари, а одобрувањето на средствата ќе се одвива преку реализација на повеќе активности и проекти од кластерските здруженија, со иста динамика како и во 2018 година, во континуитет, додека во делот општествена одговорност за првпат се воведува поддршка за развивање, одржување и применување на социјално прифатливи практики на деловните субјекти во вкупен износ од 1.200.000 денари. Во овој дел се креирани мерки за воведување и сертификација на систем за општествена одговорност на претпријатието, согласно со стандардот SA 8000, кој обезбедува етичко управување при производство на стоки и услуги и бара да се гарантираат основните права на работниците, во вкупен износ од 831 000 денари, како и за воведување и сертификација на систем за одговорни односи на пазарот, согласно со сертификациската марка Фер со потрошувачот, кој обезбедува систем за електронско управување со поплаки од потрошувачи и купувачи и спогодбено решавање на проблеми и спорови, во вкупен износ од 369 000 денари.

„Со сите овие новитети во програмите, од типот на мерки кои се реална потреба на бизнис-секторот, како и со зголемениот буџет во поедините делови и во програмата во целост, верувам дека ќе го поддржиме зголемувањето на конкурентноста на нашите мали и средни претпријатија, а со тоа и зголемување на вработувањата во нив и подобрување на конкурентноста на домашната економија во целост. Така ќе ги оствариме нашите заеднички очекувања – 2019 година да биде економска година, со придобивки што ќе ги почувствуваат граѓаните“, рече Бектеши.

Прикажи повеќе...

Економија

Забави германската економија, најслаб раст за пет години

Објавено пред

Германската економија забележала раст од 1,5 процент во 2018 година, што е најслаба стапка на раст за пет години и претставува значително забавување во споредба со претходната година, се наведува во прелиминарната процена на Федералното биро за статистика.

Германските компании се соочуваат со проблемот на ладење на глобалната економија, трговските спорови предизвикани од политиката на американскиот претседател Доналд Трамп за Америка на прво место и ризикот дека Британија ќе ја напушти Европската Унија без договор во март, пренесува агенцијата „Ројтерс“.

Прелиминарната процена за растот на БДП е во согласност со пазарните очекувања и доаѓа по стапката на раст од 2,2 отсто во 2017 година, наведува британската агенција.

„Германската економија забележа раст деветтата година по ред, иако залетот ослабе“, велат од заводот за статистика додавајќи дека минатогодишниот економски раст се должи на домашната побарувачка и државните трошоци.

Прикажи повеќе...

Македонија

ВМРО-ДПМНЕ не нуди алтернатива, продолжува да игра на картата за спас на името

Објавено пред

ВМРО-ДПМНЕ, очигледно, продолжува по патот што го трасира екслидерот на партијата, Груевски, продолжува да игра на картата за спас на името. Раководство на партијата, кога се гласаа уставните измени, реши да молчи. Се затвори во партиските простории, а до јавноста стигаа информации дека се одржуваат состаноци со органите на партијата. На денот на промената на името немаше поддршка ниту на протестите што ги организира „Македонија блокира“. По изгласувањето, лидерот на партијата Мицкоски даде изјава во која побара избори за спас на Македонија, односно за спас на името.

„ВМРО-ДПМНЕ и мнозинството македонски народ и мнозинството граѓаните на Македонија не го подржаа овој договор. ВМРО-ДПМНЕ ќе направи сè што е во нејзина моќ во иднина да се исправи оваа неправда“, изјави Мицкоски.

Со слична изјава се јави и потпретседателот на партијата, Александар Николовски, кој рече дека со Грците бил можен договор, без да се менувало името. Тој додаде дека кога ќе дошле на власт, ќе го поништеле договорот од Преспа.

„Возможно е Македонија да е дел од ЕУ и НАТО и во исто време да не треба да се промени Уставот со цел промена на името, тоа е возможно со силна дипломатија и експерти покрај себе. Сè е менливо и минливо во животот и во таа насока мислам дека силна дипломатија проследена со експерти може да го направи тоа“, изјави Николовски.

Се поставува прашањето зошто тогаш ВМРО-ДПМНЕ во изминатите 11 години, додека беше на власт, не успеа да го реши спорот за името во корист на Македонија. Експремиерот Груевски тврдеше дека црвените линии на Македонија се неменување на Уставот, идентитетот и јазикот. Бараше меѓународна поддршка Грција да ја деблокира Македонија.

„Ситуацијата може да биде деблокирана ако Грција се најде под притисок од земји како САД, Германија и Франција. Но, ако не дојде до ова, тогаш тоа нема да се случи“, изјави Груевски во 2013.

Но, Груевски не ја доби меѓународната поддршка и спорот за името остана статус-кво. Во целиот овој период од 10 години решение на повидок не се гледаше.

На последните парламентарни избори целата камапања на ВМРО-ДПМНЕ беше во патриотски стил, при што главни теми беа неменување на името и да не се спроведе двојазичност на целата територија на државата. Но, партијата не успеа да осигури мнозинство од 63 пратеници како што очекуваше за да ги одбрани, како што тврдеше, Уставот и идентитетот и јазикот.

Сегашното раководство повторно бара избори, при што реториката за придобивање гласачи би била да се спасува Македонија. Притоа ВМРО-ДПМНЕ не кажува каков е планот за решение со Грција доколку го поништат, како што велат, договорот на Заев и Ципрас од Преспа. Надежта на опозицијата за добивање на изборите е огорченоста на народот по оваа срамна одлука, како што ја нарече Мицкоски.

„Не бараме избори да победи ВМРО-ДПМНЕ , туку да престане Македонија да губи“, изјави тој.

ВМРО-ДПМНЕ засега не кажува и како ќе дејствува како опозиција во наредните две години доколку не се распишат предвремени избори. Останува да почекаме дали и каков план има партијата, односно дали ќе продолжи со протести, ќе има порадикални мерки за притисок до власта или, пак, ќе се помири со идејата да биде опозиција во наредните две години, со што ќе има време за консолидирање во редовите на партијата.

 

Прикажи повеќе...

Најново

Регион36 минути

Најмалку седум деца мигранти речиси измрзнале на планинскиот премин меѓу Хрватска и БиХ

Најмалку седум деца мигранти, кои со родителите вчера тргнале пешки од Босна и Херцеговина преку планината Пљешевица, се сериозно повредени,...

Македонија41 минута

Путин: Постои надворешен притисок околу зачленувањето на Македонија во НАТО

Кога станува збор за ситуацијата на Балканот, тогаш може да се каже дека тука сериозен дестабилизирачки фактор тука преставува политиката...

Регион1 час

Романија ја претстави програмата за претседавање со ЕУ

Романската премиерка, Виорика Данчила, вчера пред Европскиот парламент ги презентираше приоритетите на романското претседателство со Европската унија. „Првата фаза ќе...

Вести1 час

Грчкиот парламент ќе гласа недоверба на владата на Алексис Ципрас

Денеска во грчкиот парламент продолжува седницата на чии дневен ред е една точка – недоверба на владата на Алексис Ципрас....

Македонија1 час

Владата една и пол година ги слави празниците на Груевски, Законот за празниците нечепнат

Владата една и пол година ја разгледува можноста за укинување дел од неработните денови и  измена на Законот за празниците,...

Свет2 часа

Британскиот парламент ќе гласа за недоверба на владата на Меј

Британската премиерка Тереза Меј денеска треба да се соочи со гласање за недоверба, еден ден откако парламентот го отфрли нејзиниот...

Свет2 часа

Помпео: Иранските ракети за сателити се закана за Европа и Блискиот Исток  

Неуспешниот обид на Иран да ландира сателит во орбитата со трифазна ракета покажува дека намерата на Исламиската Република е да...

Свет3 часа

Американскиот  Стејт департмент: Американските граѓани во странство се цел на терористите од ИД и Ал Каеда

Американскиот Стејт департмент во својата најнова серија совет и препораки за своите граѓани низ светот предупреди дека американските граѓани се...

Свет4 часа

Отава побара од Пекинг помилување за канадскиот државјанин осуден на смрт

Канадскиот министер за надворешни работи, Кристија Фриленд, во вторникот информираше дека Отава официјално побарала од Пекинг да го поштеди животот...

Свет14 часа

Тереза Меј доживеа голем пораз, парламентот го одби нејзиниот предлог за брегзит

Британските пратеници вечерва гласаа против предлогот на премиерката Тереза Меј за договор за излез на Велика Британија од Европската Унија,...

Регион14 часа

Девојче од БиХ почина од сепса предизвикана од сипаници

Деветгодишно девојче од Читлук во Босна и Херцеговина починала во неделата во болница во Задар, откако настанале компликации за време...

Регион15 часа

Приштина попушти и ги повлече даноците на дел од производите од Србија и БиХ

Привремените приштински институции одлучија да ослободат од стопроцентно зголемените даноци на дел од производите од Србија и БиХ, пренесуваат српските...

Свет16 часа

(Видео) Најмалку петмина убиени во нападот на хотелски комплекс во Најроби

Најмалку пет луѓе се убиени, а четворица се повредени во напад на луксузен хотелски комплекс во Најроби, кој полицијата го...

Македонија18 часа

(Видео) Филипче бара максимална казна за „Македонијалек“ за техничката грешка со декларацијата на МРП-вакцините

Министерот за здравство, Венко Филипче, денеска изјави дека е завршен увидот на инспекторите од МАЛМЕД во сите места каде што...

Истражувања19 часа

(ВИДЕО) Градоначалничката на Арачиново со службени пари купувала суџук, мирисливи свеќи, пилешки гради и дрвени лажици

Цигари, влажни марамчиња, мирисливи свеќи, калап за печење мафини, решо, дрвени лажици, чајник, се дел од работите што Општина Арачиново...

Култура20 часа

Министерството за култура унапредува по етничка основа, а брка реномирани советници

На почетокот на годината Министерството за култура унапреди 20 службеници во разни сектори, а се поздрави со советникот и креатор...

Македонија21 час

(Видео) Претседателските избори ќе се одржат на 21 април, а ќе има и локални во 3 општини

Поради Велигден, за една недела ќе се помести првичната идеја за одржување на претседателските избори на 14 април. Според процените...

Македонија21 час

(Видео) Џафери: Не чувствувам одговорност, постапив во согласност со надлежностите

Вчера, во својство на претседател на Собранието, во согласност со моите надлежности, потпишав два указа и ги испратив во „Службен...

Вести22 часа

Каменос: Ќе сторам сè актуелната влада да не добие поддршка

Ќе ги искористам сите расположливи механизми што ми се на располагање сегашната влада да не добие поддршка за договорот од...

Македонија22 часа

Иванов: Објавувањето на Законот за јазиците во „Службен весник“ е противуставно и незаконски

Објавувањето на Законот за јазиците во „Службен весник“ е противуставен чекор, велат од кабинетот на претседателот Ѓорге Иванов. Оттаму велат...

Досие