Контакт

Економија

(Видео) Заев: Инвестициските можности на нашата земја се отворени и постојано се зголемуваат

Објавено пред

Во рамките на работната посета на Обединетото Кралство премиерот Заев и вицепремиерот Анѓушев учествуваа на форумот „Инвестициски можности во брзорастечкиот регион“ во организација на „Фајненшл тајмс“, посветен на земјите од Западен Балкан.

Во чест на гостите на форумот, заменик-премиерот на Обединетото Кралство, Дејвид Лидингтон, организира и работен појадок за премиерите на земјите-учеснички од Западен Балкан – Србија, Албанија и Северна Македонија, на кој се разговараше за перспективите за унапредување на регионалната соработка и за значајната улога што Обединетото Kралство ја има во воспоставувањето добри и релаксирани политички релации меѓу земјите од Западен Балкан и за унапредување на економската соработка и размена.

Денешниот форум во организација на „Фајненшл тајмс“ беше оценет како значаен чекор во исполнувањето на тие цели. Свои воведни обраќања на форумот имаа директорот на Европската банка за обнова и развој, Сума Чакрабарти, кој ја оцени нашата земја како успешен пример на лидерство кое ги отвори перспективите за развој на земјата преку храбри одлуки и регионалната директорката на Светската банка за Западен Балкан, Линда ван Гелдер, која рече дека земјите од Западен Балкан треба да работат на забрзување на економскиот раст и ја наведе нашата земја како успешен пример бидејќи се наоѓа на десеттото место на Дуинг бизнис, извештај на Светската банка.

„Инвестициските можности на земјата се отвораат и се зголемуваат. Агенцијата ‘Фич’ го подобри кредитниот рејтинг на нашата земја од ББ на ББ+ и тоа е прво подобрување на кредитниот рејтинг на земјата по цели 13 години. Ова е потврда на квалитетот на економските политики и на одличните ефекти што тие ги даваат“, рече премиерот Заев на панел-дискусијата со премиерите на Србија и Албанија, Ана Брнабиќ и Еди Рама.

Премиерот Заев рече дека Западен Балкан се разликува многу за разлика од периодот пред 10 години, земјите денеска работат на поврзување и на интензивирање на економската соработка, што е добра причина инвеститорите да го препознаат овој дел од Европа како атрактивна бизнис-дестинација.

„По завршувањето на билатералните спорови и постигнувањето договори со Грција и Бугарија, ние ги отворивме нашите евроинтеграциски процеси и перспективите за економски развој. Со Грција ја зголемивме трговијата речиси 20 проценти по постигнувањето на договорот. Вкупниот извоз ни бележи раст од 16,8 отсто. Очекувам конкретни позитивни одлуки за нашата земја и Албанија“, рече премиерот Заев.

Тој додаде дека според последно објавениот извештај на Конференцијата на ОН за трговија и развој за инвестициите во светот, странските директни инвестиции пораснале 260 отсто од просекот во последните години и минатата година изнесувале 737 милиони долари и посочи дека економските индикатори се значително подобрени, намалена е невработеноста 4,8 отсто, 8 отсто пораснато е индустриското производство, економскиот раст во првиот квартал изнесува 4,1 отсто, а ќе се работи посветено на негово забрзување за да се достигнат стапки од 6 или 7 отсто потребни за побрзо да се достигне европскиот стандард.

Премиерот Заев рече дека земјите од Западен Балкан работат на зголемување на регионалната соработка преку берлинскиот процес и како пример го наведе отворањето на One Stop Shop како модел за олеснување на трговијата меѓу земјите. Премиерот Заев ги повика присутните претставници на компании од Обединетото Кралство да инвестираат во земјите од Западен Балкан кои нудат добри можности за нови инвестиции, што за компаниите ќе значи профит, а за нашите држави нови работни места, пренос на знаења и компетенции и раст на БДП.

Економија

Отворен 50. Светски економски форум во Давос

Објавено пред

Педесетиот Светски економски форум во Давос беше отворен синоќа со концерт на Младинскиот оркестар на Европската унија, Симфонискиот оркестар од Сао Паоло и солисти од Кина, Јапонија, Јужна Африка, Бразил и Италија.

Претседателката на Европската комисија, Урсула фон дер Лајен, му честиташе на основачот и претседател на Светскиот економски форум, професор Клаус Шваб на 50-годишнината од настанот.

„Отсекогаш сте имале визија како да се изгради подобра иднина за Европа и светот. Вие бевте меѓу првите кои ја доведовте во прашање зависноста на Европа од фосилни горива и повикате на поодржлив економски развој“, рече претседателот на Европската комисија.

Во чест на 50-годишнината, Светскиот економски форум го издаде Манифестот Давос, збир на етички принципи за водење компании за време на Четвртата индустриска револуција.

На годинешниот Форум, штo завршува в петок, 24 јануари, се очекуваат вкупно 3.000 бизнисмени, политичари и други функционери од 118 земји. Меѓу 53 шефови на држави или влади чие присуство е најавено се претседателите на САД, Ирак, Доналд Тармп, Брахам Салих, германската канцеларка Ангела Меркел, стотици директори на компании, банкари и активисти на граѓанското општество, меѓу нив активистката за животна средина Грета Тунберг од Шведска.

Веб-страницата „Давос-Клостерс“ на Светскиот економски форум наведува дека е „најважната креативна сила за ангажирање на водечки светски лидери во соработка активности за обликување на глобални, регионални и индустриски програми на почетокот на секоја година“.

Прикажи повеќе...

Економија

Во 2019 година се отворале по 14 нови е-продавници месечно

Објавено пред

Македонските граѓани сѐ повеќе купуваат онлајн, но и отвораат онлајн продавници, а доказ за ова е порастот кој го бележиме по бројот на трансакции, порастот по вредноста на трансакции, но и порастот по бројот на уреди на виртуелни места на продажба.

Според податоците кои ги објави Народна Банка, во текот на првите девет месеци од 2019 година, реализирани се вкупно 4.611.964 онлајн трансакции, наспроти 3.783.185 онлајн трансакции во истиот анализиран период во 2018 година, што претставува раст за 828.779 онлајн трансакции односно, пораст од 21,9%.

Вредноста на трансакциите реализирани на виртуелните места на продажба во текот на првите девет месеци од 2019 година, пак, изнесува 124,2 милиони евра, наспроти 99,1 милиони евра во истиот период во 2018 година. Ова значи дека вредноста на онлајн трансакциите се зголемила за 25,1 милиони евра, односно за 25,3%.

Дека е-трговијата е во вистински подем говори и фактот што не само растат трансакциите и нивната вредност, туку има зголемување и кај бројот на уреди на виртуелните места на продажба, односно бројот на новоотворени е-продавници. Во моментов се активни 968 веб-страници за е-трговија. Станува збор за активни и регистрирани витруелни продажни места кои се пријавени од страна на петте банки во нашата земја кои нудат е-трговија како дел од своето портфолио на услуги во моментов. На крајот на претходната 2018 година имало 871 активни виртуелните места на продажба, што значи дека за период од 9 месеци во 2019 година бројот на онлајн продавници се зголемил за 127 новоотворени, или за 14 нови е-продавници месечно во просек.

Прикажи повеќе...

Економија

Димковски: Целокупниот систем за наводнување ќе биде ставен во функција за новата сезона за сеидба на ориз

Објавено пред

Денеска во Кочани министерот за земјоделство, шумарство и водостопанство, Трајан Димковски, заедно со градоначалникот на општина Кочани, Николчо Илијев, одржаа работен состанок со земјоделци од Кочанскиот Регион.

На состанокот се разговараше за повеќе теми коишто се од интерес за земјоделците, односно состојбата со каналите за наводнување и одводнување, пристапните патишта до нивите, искористувањето на мерките од ИПАРД 2-програмата, справувањето со палењето на стрништата и друго.

Министерот Димковски посочи дека преку мерките од Програмата за рурален развој општините добија финансиска поддршка за капитални инвестиции во локалната патна и канализациска мрежа. Општина Кочани преку мерките од Програмата за рурален развој конкурираше со 3 проекти за инвестиции во изградба на локални патишта и улици, за што од Агенцијата за финансиска поддршка во земјоделството и руралниот развој доби финанасиска поддршка од 32,8 милиони денари. Дополнително, општината со уште еден проект конкурираше Центарот за развој на Источен Плански Регион за изградба на пристапен пат, за што доби финансиска поддршка од 13 милиони денари.

Во однос на годинешната седиба на ориз, Димковски потенцираше дека во моментов активно се чистат каналите за наводнување и одводнување.

„Како ресорно министерство заедно со општина Кочани веќе ги преземавме сите потребни активности во делот на каналите за наводнување и одводнување, со цел да бидат подготвени за годинешната сезона за сеидба на ориз. Очекуваме за една недела да се објави јавна набавка со која за подрууниците на АД Водостопанство, меѓу кои е и подружницата во Кочани, ќе се направи една голема набавка во вредност од 50 милиони денари, со којашто ќе ги обезбедиме потребите на подружниците за резервни делови, градежни материјали и сè друго што им е потребно, со цел целокупниот систем за наводнување да биде ставен во функција за новата сезона за сеидба на ориз“, изјави министерот Димковски.

Притоа Димковски посочи дека се разгледува можноста како да им се помогне на локалните самоуправи во делот со справување со палењето  стрништа.

Градоначалникот на општина Кочани, Илијев, потенцираше дека општина Кочани интензивно работи на реконструкција и изградба на пристапните патишта до нивите, особено до површините на коишто годинава ќе се сее ориз. И градоначалникот Илијев потенцираше дека се разгледуваат повеќе опции како локалната самоуправа да помогнеме во собирање на остатоците од посевите.

Прикажи повеќе...

Најново

Свет11 минута

Почнува судењето за импичмент на Трамп, адвокатите повикаа веднаш да се ослободи претседателот

Во Сенатот на американскиот Конгрес почнува судскиот процес за импичмент на претседателот Доналд Трамп. Минатата недела Претставничкиот дом ги испрати...

Економија18 минути

Отворен 50. Светски економски форум во Давос

Педесетиот Светски економски форум во Давос беше отворен синоќа со концерт на Младинскиот оркестар на Европската унија, Симфонискиот оркестар од...

Регион26 минути

Во БиХ секоја година умираат по 3 300 луѓе како последица на загадениот воздух

Во Босна и Херцеговина секоја година прерано умираат околу 3 300 луѓе како последица на изложеноста на воздух загаден со...

Забава3 часа

Автомобилите на Пол Вокер продадени на аукција за 2,33 милиона долари

Дваесет и едно возило во сопственост на трагично починатиот актер Пол Вокер, најпознат по улогата во популарната филмска франшиза „Брзи...

Македонија13 часа

Атиџе од „Медена земја“ добива работа во Општина Лозово и ќе сними две песни

Градоначалникот на општина Лозово, Ацо Велковски, објави дека Атиџе Муратова од филмот „Медена земја“ по турнеите ќе биде работно ангажирана...

Македонија17 часа

Царинска управа: Го подигнавме степенот на проверка на секаков отпад

Во контекст на актуелизирањето на увозот на отпад во земјава, посебно по случувањата во соседството, Царинската управа дополнително го подигнала...

Економија17 часа

Дизелот поевтинува

Од ноќеска на полноќ дизелот ќе поевтини 1,5 денар, а цената на бензините ќе остане иста, соопшти Регулаторната комисија за...

Македонија19 часа

Командир од Полициската станицата Гази Баба сексуално вознемирувал полицајки

Командир во полициската станица Гази Баба сексуално вознемирувал три колешки. Против него ќе биде поведена постапка за утврдување дисциплинска одговорност...

Македонија19 часа

(Видео) Горан Ангелов ќе биде сменет, ќе се истражува каков отпад бил согоруван на „Дрисла“

Утре ќе биде разрешен досегашниот директор на депонијата „Дрисла“, а на 29 јануари на седница на Советот ќе бидат избрани...

Свет20 часа

Во светот има 2.153 милијардери со богатство поголемо од 4,6 милијарди луѓе

Во светот има 2.153 милијардери со поголемо богатство од 4,6 милијарди луѓе, што претставува 60 проценти од светската популација, се...

Македонија21 час

(Видео) Заев: Укинувањето на договорот од Преспа е опасност за државата

„Како што се наближуваат изборите, сегашното раководство на ВМРО-ДПМНЕ продолжува да заговара опасни идеи за укинување или поништување на договорот...

Македонија23 часа

(Видео) Рочиштето за „Рекет“ одложено, се разболеле адвокатите на Јанева

Поради влошена здравствена состојба на адвокатите на ексшeфицата на СЈО, Катица Јанева, Дељо Кадиев и Ирена Фрчкоска, утринава се одложи...

Македонија23 часа

Одложено судењето против Елизабета Канческа-Милевска

Поради новото закажано рочиште за ТНТ, се одложи судењето за „Тендери“, во кој првообвинета е ексминистерката за култура, Елизабета Канческа-Милевска....

Топ23 часа

Еден загинат и тројца повредени во сообраќајна незгода во Струмичко

Еден човек загина, а тројца се тешко повредени во сообраќајна несреќа што се случи вчера попладне кај крстосницата кај Габровските...

Свет23 часа

Хари: Меган и јас немавме избор, одлуката не беше лесна

„Меган и јас продолжуваме кон непознато, но навистина немавме избор“, порача принцот Хари на првиот настап во јавноста по најавите...

Свет1 ден

Шестмина загинати во поплави во Бразил

Најмалку шест лица загинаа, а едно е пријавено за исчезнато по силните поплави во јужниот дел на Бразил, соопштија властите....

Македонија1 ден

Албанија, Црна Гора, Србија и Северна Македонија со рекорден број затвореници во регионот

Албанија, Црна Гора, Србија и Македонија имаат рекорден број затвореници во регионот. Ова го покажуваат податоците на Евростат, според кои...

Свет1 ден

Берлин: Постигнат договор да се почитува ембаргото за оружје во Либија

Земјите кои имаат интереси во долгогодишната граѓанска војна во Либија се договорија во Берлин да го почитуваат ембаргото за оружје...

Свет1 ден

Пожарите би можеле да го чинат австралискиот туризам 3,1 милијарди долари

Разорните пожари во Австралија би можеле да го чинат туристички сектор најмалку 3,1 милијарди американски долари до крајот на годината....

Свет1 ден

Како ќе заработуваат Хари и Меган по заминувањето од кралското семејство

Многу прашања остануваат отворени за иднината на принцот Хари и Меган по одлуката да не користат кралски титули и да...

Досие