Контакт

Економија

(Видео) Заев: Над 70 работни места и бруто плати од околу 2.000 евра со новата прва јужнокорејска инвестиција

Објавено пред

Новата инвестиција ќе донесе нови и добро платени работни места, што е од голема важност за економскиот раст во земјава. Остануваме посветени на подигнување на стандардот и условите за живот во Северна Македонија“, рече премиерот Зоран Заев во своето обраќање по повод означување на почетокот на новата прва јужнокорејска инвестиција во нашата земја, од страна на компанијата „Алмак-Дура Екстружн“ во Технолошко-индустриската развојна зона – Скопје 2.

Премиерот Заев рече дека станува збор за заедничка инвестиција во вредност од 29.9 милиони евра во земјава, на две глобално реномирани компании во својата дејност американската „Дура Аутомотив Системс” и јужнокорејската „Алмак“.

„Плановите на инвеститорите за работа се детално и долгорочно предвидени. Нашите заложби како Влада уште на самиот почеток се да помогнеме во креирање на добро платени работни места. Во таа насока она што е особено важно е дека во новата инвестиција се очекува просечната бруто плата за високо кавалификуваните кадри да изнесува околу 2.000 евра. Согласно планот на инвеститорите ќе бидат отворени повеќе од 70 нови работни места од технолошките дејности кои ќе придонесат во развој на локалната економија, почнувајќи од 2022 година, кога се очекува да стартува и производството за извоз. Го подигнуваме нивото за развој на квалитетен и квалификуван кадар за потребите на компаниите во соработка со деловната заедница. Заедничка цел е да придонесеме во имплементирање на позитивни практики и стандарди за унапредување на работата, производството, продуктивноста, а со тоа и на конкурентноста на компаниите“, рече премиерот Заев и додаде дека новите инвестиции и резултатите ја потврдуваат економската активност во Технолошко-индустриските развојни зони која е во постојан раст, како во поглед на извоз, така и во број на вработени.

Според директорот на ТИРЗ Јован Деспотовски, овие позитивни трендови, се резултат на новиот концепт на привлекување инвестиции на ТИРЗ и Владата кој се базира на анализа на 10 годишни инвестициски планови врз основа на кои се проценува капацитетот на компанијата и инвестицијата, и се подготвува индивидуализиран пакет за учество на државата.

„Ова е инвестиција која најдолго патувала до Северна Македонија – дури 8.400 километри. Успеавме со 0 денари за скапи хотели, патувања и промоции да постигнеме договор кој тежи скоро 30 милиони евра. Само од почетокот на годинава веќе броиме над 120 милиони започнати или инвестиции пред започнување, кои се резултат на новиот паметен пристап во работењето на ТИРЗ и Владата. Покажавме дека со отворен и фер пристап, со чист образ и со таргетирани сет мерки можеме да креираме нов развоен концепт на македонската економија кој ќе се базира на инвестиции од кој ќе имаат бенефит и компаниите, и државата, но и граѓаните. Ова е само вовед во големата приказна. По најдалечната, наскоро ќе ја објавиме и досега најголемата странска инвестиција во Северна Македонија“, рече Деспотовски.

Менаџментот на новата компанија ги потврди поволните услови и можностите за економски развој кои ги креира Владата и посочија дека нивната стратешка локација во Скопје ќе им служи на европските клиенти. Изградбата стартува годинава, а производството во 2022 година.

Јужнокорејската компанија, како што изјави нејзиниот основач и директор Сојун Парк, ја користи зелената електрична енергија во процесот на производство и 100 проценти ги рециклира остатоците при процесот на производство.

„Ова ново партнерство не симболизира само бизнис, туку спој на две култури, учење на еден од друг и можност да се создаде подобар свет. Ќе работиме на градење успешна приказна на која ќе се гордееме сите“, порача Парк.

„Комбинираната експертиза и сопствени технологии за производство на „Алмак“ и „Дура“ им овозможуваат на производителите на автомобили супериорен производ, дизајниран за оптимална сила, димензиониран интегритет и перформанси. Задоволни сме што имаме партнер како „Алмак“, кој е лидер во својата област“, рече Карл Беквит, извршен директор на „Дура Аутомотив Системс“.

Компанијата од Јужна Кореја, „Алмак“, ќе има мнозински удел во заедничкиот инвестициски проект од 70%, а главна причина за нивната одлука за инвестирање во Северна Македонија, како што беше истакнато, е позитивното искуство на нивниот бизнис партнер „Дура аутомотив системс“, кои ја потврдија одличната деловна клима во земјава и можноста за долгорочно планирање и развој на заедничкиот проект.

Економија

(Видео) Битиќи во посета на Крушево: Инвестираме во авантуристички туризам

Објавено пред

Вицепремиерот задолжен за економски прашања, Фатмир Битиќи, заедно со градоначалникот на Крушево, Томе Христоски, извршија увид на завршните активности поврзани со потпроектот „Кругот на адреналинот – развој на авантуристичкиот туризам во Крушево“, кој се имплементира во рамките на Проектот за локална и регионална конкурентност, кој е ко-финансиран од Европската Унија и Владата, со техничка помош од канцеларијата на Светска Банка во нашата земја.

За време на посетата на Крушево, вицепремиерот и градоначалникот Христоски реализираа обиколка на реновираната спортска сала, вештачкиот карпест ѕид за искачување и на дел од обележените велосипедски патеки.

Христоски и директорката на Проектот за локална и регионална конкурентност, Антонија Шишак информираа и за останатите активности извршени во рамките на потпроектот како што се новите сувенирници на локацијата Гумење и за опремувањето и спроведената обука на спасувачката служба.

Вицепремиерот Битиќи истакна дека оние посетители кои сакаат подобро да се запознаат со природата на Крушево, сега ќе можат да го истражуваат овој крај многу полесно, со новите обележани велосипедски и пешачки патеки, каде се поставени и информативни табли и знаци кои ќе им помогнат на посетителите полесно да се ориентираат во околината.

„Имаме навистина голем туристички потенцијал кој треба само да се поддржи. Крушево со својата историја и уникатност е навистина интересна дестинација, која сега благодарение на овој проект добива нови интересни содржини. Вкупниот буџет за потпроектот изнесува 45.939.080,00 денари, од кои 39.737.304,00 денари се обезбедени од Европската Унија и Владата, а 6.201.776,00 денари беа инвестирани од страна на Општина Крушево. Ова е еден од 57-те проекти низ целата држава, кои имаат за цел да го зголемат учеството на туризмот во локалниот економски развој”, изјави Битиќи.

За време на обиколката, во разговор со вицепремиерот, градоначалникот на Крушево укажа на тоа дека љубителите на адреналинот веќе го препознаваат Крушево како врвна дестинација за туризам, поради погодната клима и атрактивните предели кои отвораат многу можности за уникатни приказни и авантури.

Со новата инвестиција од Проектот за локална и регионална конкурентност, опциите за адреналински туризам дополнително се зголемуваат, а од Општината сметаат дека тоа ќе придонесе и кон привлекување на повеќе туристи во овој регион.

„Овој проект, кој општината го реализираше во соработка со Владата, преку проектната единица на Проектот за локална и регионална конкурентност, а со поддршка од Европската Унија, овозможи Крушево да добие мултифункционална спортска сала, која беше оставена на забот на времето, која ќе може да се користи за повеќе спортови и за повеќе намени, со комплетен систем на греење и ладење и други пропратни содржини. Во рамките на проектот поставени се и сувенирници на локацијата Гумење, каде општината изгради и пешачки патеки. Обележени се и велосипедски патеки со вкупна должина од 42 километри, кои ќе придонесат за дополнително привлекување на спортски екипи кои се занимаваат со планински велосипедизам“, подвлече градоначалникот Христоски.

Прикажи повеќе...

Економија

(Видео) Ковачевски: Го оживеавме проектот Топлификација на Битола, изградбата почнува во октомври

Објавено пред

После 40 години постоење на РЕК Битола и децениско размислување за реализирање топлификација, ние, од проект оставен во фиока и тргнат на страна, за само две години стигнавме до потпишување договор и подготовка за изградба на топловодот од РЕК Битола до градот Битола, изјави Васко Ковачевски, генерален директор на АД ЕСМ.

Како што нагласи тој, топлификацијата се гради со кредит од германската KFW банка во вредност од околу 40 милиони евра, а компанија дополнително ќе инвестира 7 милиони евра сопствени средства.

„За разлика од сите претходни најави за изградба на топлификацијата од РЕК до Битола, овојпат има неколку суштински причини заради кои ја уверувам јавноста дека овој проект ќе се реализира.

Јавниот повик за претквалификација беше распишан во октомври 2019 година, јавниот повик за комплетни понуди за првата фаза беше распишан годинава, а договорот со избраниот изведувач беше потпишан пред 10 дена. KFW Банката, консултантот IC consulenten и нашиот тим од Секторот развој и инвестиции вложија максимални напори во 20 месеци да спроведат успешна постапка и да имаме договорен орган. Тоа е конзорциумот RBA Termo JV, составен од три реномирани фирми: АД Гранит, Рапид билд и бугарската фирма Атом енерго ремонт, коj ги исполни сите критериуми на KFW банката како кредитор и на нашата компанија како инвеститор, односно нарачател.

Изведувачот има рок од две години за изведување на првата фаза од проектот за која е потпишан договорот, а тоа е ископ за трасирање на топловодот и поставување на топловодните цевки од РЕК Битола до градот Битола, како и секундарна мрежа во градот. Веќе следниот месец, започнуваат активностите на терен, по што ќе биде поставена потстаница која ќе го поврзе РЕК Битола со цевките, а потоа и потстаница на влезот на Битола која ќе го поврзува топловодот со разгранетата мрежа низ градот.

Планот е на топлификацијата, на почетокот да се приклучат 35 општински и државни институции во Битола кои ќе искористат една третина од капацитетот на системот. Со другите две третини ќе се задоволат потребите на големите станбени и деловни згради и на индивидуалните куќи во Битола, Новаци и Могила.

Топловодот дополнително ќе даде можност и за загревање на земјоделски оранжерии, со што ќе обезбеди поддршка на развојот на земјоделството во пелагонискиот регион.

Сакам да потенцирам дека овој проект за Топлификација што го реализираме, АД ЕСМ го направи економски исплатлив, што не беше случај претходно. Имено, со предвидената изградба на когенеративна гасна електрана во РЕК Битола за производство на електрична и топлинска енергија, инвестицијата во топловодната мрежа станува економски оправдана во иднина. Претходно беше нејасно што ќе биде со топловодната мрежа кога РЕК Битола ќе го замени јагленот со еколошки прифатливи ресурси за производство на струја.

Кога сме кај екологијата, еколошките придобивки од Топлификацијата се исклучително значајни, односно со воведување на ваков вид на греење во голема мера ќе се исфрли од употреба загревањето на горива кои загадуваат, како во институциите така и во домовите. На тој начин, создаваме долгорочно и одржливо решение за намалување на загадувањето во Битола и околината”, истакна Ковачевски во своето обраќање.

Прикажи повеќе...

Економија

Бесими: Реформските мерки ќе бидат насочени кон зелена и дигитална транзиција, подобрување на деловното опкружување и намалување на неформалната економија

Објавено пред

Министерот за финансии, Фатмир Бесими, заедно со вицепремиерот за економски прашања, Фатмир Битиќи, министерката за образование и наука, Мила Царовска, министерот за транспорт и врски, Благој Бочварски, министерката за труд и социјална политика, Јагода Шахпаска, министерот за животна средина и просторно планирање, Насер Нуредини, заменик-министерот за земјоделство, шумарство и водостопанство, Трајан Димковски, и членовите на меѓуресорската работна група за подготовка на програмата на економски реформи 2022 – 2024, го одржаа вториот состанок во рамките на процесот на подготовка на програмата.

На состанокот имаше дискусија за предлог-реформските мерки што ќе бидат вклучени во програмата за 2022 – 2024, а ќе бидат насочени кон зелена транзиција, дигитална трансформација, подобрување на деловното опкружување и намалување на неформалната економија, како и унапредување на човечкиот капитал.

Предложените мерки, кои ќе бидат дел од ПЕР 2022 – 2024 година, произлегуваат од препораките што се дел од усвоените заклучоци на годинашниот дијалог за економски политики одржан во јули 2021 година со претставниците на земјите членки на ЕУ, Западен Балкан и Турција, како и оценката на ЕК за програмата на економски реформи 2021 – 2023.

Се дадоа препораки за подобрување на првиот нацрт-текст на предлог реформските мерки. Тие во наредниот период ќе бидат разгледувани во рамките на советодавната мисија на ЕК и дадени на консултации со јавноста.

Ова е континуиран процес што се спроведува заедно со ЕУ и претставува подготовка за учество во процесот на економски и фискален надзор на државите членки на ЕУ со цел спроведување на клучните реформски процеси во земјата, кои ќе го интензивираат дијалогот со ЕУ.

Програмата на економски реформи ја прикажува усогласеноста на среднорочната макроекономска и фискална рамка со секторските структурни реформи за промовирање на конкурентноста и растот. Целокупниот процес на подготовка на документот го координира Министерството за финансии со учество на релевантните државни институции. Програмата треба да биде доставена до ЕК најдоцна до 31 јануари 2022 година.

Прикажи повеќе...

Најново

Топ7 минути

Приведени пет лица поради напад врз полицајци на вчерашниот протест во Тетово

Тетовската полиција вчера уапсила три лица – Б.А.(31) од кичевското село Туин, Н.Б.(52) од тетовска Мала Речица и Џ.С.(33) од...

Топ2 часа

Жител на Сарај уапсен поради кражба на графички картички и струја за „копање“ на биткоини

Во скопското село Љубин, вчера околу 19.30 часот, единицата за интервентна полиција при СВР Скопје го уапсила 39-годишниот Е.А. Како...

Свет3 часа

Американската војска призна: Во нашиот напад со дрон во Кабул загинаа 10 цивили

Американската војска во петокот потврди дека нејзиниот последен напад во Кабул кон крајот на август, во кој загинаа десет цивили,...

Македонија16 часа

Заев: Со Бугарија ќе бараме европско решение за двојна победа

Актуелниот момент поврзан со членството на Северна Македонија во ЕУ и состојбите во регионот беа главна тема на средбата на...

Македонија20 часа

Почина двегодишно дете со Ковид-19 кое имало претходни здравствени проблеми

Од Министерството за здравство информираат дека во денешната статистика за Ковид-19 на Институтот за јавно здравје ќе биде заведено и...

Македонија21 час

Од следниот месец сертификатот за вакцинација ќе важи само со две дози

Од следниот месец сертификатот за вакцинација ќе важи само со две дози, најави министерот за здравство, Венко Филипче. Тоа значи...

Македонија23 часа

„Избери живот, гласај зелено!“ – ДУИ го откри слоганот за локалните избори

„Избери живот, гласај зелено!“ е слоганот со кој Демократската унија за интеграција ќе настапи на претстојните локални избори, кои ќе...

Македонија1 ден

Русковска барала вештачење на телефонот со кој бил фотографиран Рашковски

Шефицата на обвинителството за организиран криминал и корупција, Вилма Русковска, стапила во контакт со сопственикот на порталот каде што беше...

Македонија1 ден

Обвинителството почна да ја разгледува документацијата за модуларната болница во Тетово

Основното јавно обвинителство за гонење организиран криминал и корупција пред два дена ја добило документацијата за модуларната болница во Тетово...

Македонија1 ден

Маричиќ: Власта не се меша во истрагата за пожарот во Тетово

Власта воопшто не се меша во истрагата за пожарот во модуларната болница во Тетово. Да сакаше да се меша, немаше...

Македонија1 ден

(Видео) Мисајловски: Одбивањето оставки од Владата за трагичниот случај во Тетово значи дека немаат морал

Потпретседателот на ВМРО-ДПМНЕ, Владо Мисајловски, на денешната прес-конференција во врска со трагедијата во Тетово и прашањето за оставки во Владата...

Македонија1 ден

Бугарија ѝ донира на Македонија 50.000 вакцини од „Фајзер“

Синоќа, во 21 часот пристигнаа вкупно 51.480 „Фајзер-Бионтек“ вакцини како донација од Бугарија. „Вчера, Северна Македонија доби донација од повеќе...

Регион1 ден

Словенија воведе задолжителна вакцинација за вработените во јавната администрација

Сите вработени во јавната администрација во Словенија, кои не прележале коронавирус и кои не се вакцинирани, задолжително ќе мора да...

Свет1 ден

И Холандија воведе сертификат за вакцинација за влез во ресторани, кафулиња, музеи…

Во Холандија од 25 септември за влез во кафулињата, рестораните, музеите, театрите и на културни настани ќе биде потребен сертификат...

Македонија2 дена

Косовскиот премиер не одговори дали ќе ги екстрадираат осудените во случајот „Монструм“

Министрите за правда на Македонија и Косово се во директен редовен контакт и тие соработуваат во однос на прашањето за...

Македонија2 дена

Нови правила за Македонците – влез во Швајцарија само со сертификат, во Белгија карантин за невакцинираните

Швајцарија, Белгија и Австрија донесуваат нови ковид-правила за патниците што влегуваат во нивните земји.  За Швајцарија, повеќе не е во...

Свет2 дена

(Видео) Бајден го заборави името на австралискиот премиер, нов гаф на американскиот претседател

Американскиот претседател Џо Бајден го заборави името на австралискиот премиер Скот Морисон, па го нарече „тој човек одоздола“ за време...

Македонија2 дена

МВР: На Рашковски му е дозволено да излегува од куќен притвор за да оди на лекар

Поранешниот генерален секретар на Владата, Драги Рашковски, смее да се оддалечува од домот каде што издржува куќен притвор, тврдат од...

Свет2 дена

Француската војска уби лидер на ИСИС

Францускиот претседател, Емануел Макрон, објави дека припадниците на француската војска го убиле водачот на Исламската држава во Сахара, Аднан Абу...

Македонија2 дена

Во соработка на македонската и германската полиција запленета марихуана вредна над 100.000 евра

Во Германија е запленета марихуана вредна над 100.000 евра во заедничка акција на полициите на Македонија и Германија, соопшти МВР....

Досие