Контакт

Економија

(Видео) Заев на средба со бизнисмени од Македонија, Грција и од Бугарија

Објавено пред

Претседателот на Владата на Република Македонија, Зоран Заев, денеска, во Гевгелија се сретна со стопанственици од југоисточниот регион на Македонија и од Грција и Бугарија, со кои разговараше за економските придобивки од членството на Македонија во ЕУ и НАТО и од воспоставеното пријателство со Република Грција преку постигнувањето на договорот во Преспа.

Премиерот Заев, кој беше придружуван од амбасадорот на Република Грција Димитрис Јанакакис, заменик-министерот за животна средина и просторно планирање, Јани Макрадули, градоначалникот на Гевгелија, Сашо Поцков, и други градоначалници од регионот, со претприемачите разговараше за подобрувањето на односите и за градење пријателски релации со Република Грција и со другите соседи на нашата земја.

„Овој регион е многу важен бидејќи партиципира сериозно во вкупниот БДП, трговската размена, извозот и увозот што Македонија ги има. Потенцијалот што го отвораме по успешниот референдум е уште поголем. Грција е втор најголем трговски партнер на Македонија по Германија. Ми е многу драго што уште во најава на имплементацијата на договорот веќе бројките покажуваат сериозно следење од страна на бизнис-заедницата на трендот на раст на тоа пријателство и партнерство. Повеќето од фирмите од Македонија и Грција се партнери, со мешовит капитал, пријателството отвора сериозни перспективи. Во првите седум месеци од 2018 година, во споредба со јануари-јули 2017 година, вкупната трговија пораснала 16,5 проценти изразена во евра или 27,9 проценти изразена во долари. Ако била 419 милиони евра трговијата меѓу Македонија и Грција, во првиот квартал или првите седум месеци од 2018 година таа пораснала на 489 милиони евра, а договорот е во фаза на имплементација, по што следува референдумот“, рече премиерот Заев, кој посебно истакна дека Република Грција е втора по ред земја со која Македонија има најголема трговска размена по обем, веднаш по Германија, што покажува дека се подобрува економската соработка и се очекува во иднина уште поголемо интензивирање на ваквите позитивни трендови“, рече премиерот Заев.

Премиерот Заев пред присутните бизнисмени истакна дека вториот дел од договорот за решавање на македонско-грчкиот спор и стратешко партнерство, кој не е многу експониран во јавноста, определува интензивирање и збогатување на соработката помеѓу двете земји, што ќе обезбедува само бенефити за стопанствениците од двете земји.

Амбасадорот на Република Грција, Јанакакис, се заблагодари на позитивните оценки на премиерот Заев за пограничната соработка меѓу Грција и Македонија наведувајќи го како пример на добра соработка меѓу двете земји денешното пуштање во употреба на пречистителната станица на отпадни води во Гевгелија, инвестиција со вкупна вредност од 10 милиони евра, финансиска поддршка на швајцарската влада и од владите на Република Македонија и Република Грција и општина Гевгелија.
Грчкиот амбасадор изрази уверување дека заедничката соработка меѓу соседните земји Македонија и Грција уште повеќе ќе се интензивира кога ќе се реализира договорот, кој беше потпишан во Преспа.

Премиерот Заев упати апел до бизнисмените, до производствените компании, оние што го прошируваат својот обем на работа и воведуваат иновативност, да конкурираат да добијат подршка од буџетот за проекти во ТИР-зоните, каде што е предвидено ослободување од данок, односно да се заинтересираат за мерките што  Владата ги презема да ги мотивира стопанствениците.

Како проект, кој ќе обезбеди дополнителна работа за приватните компании, премиерот Заев го спомена договорот со Грција за гасификација на целиот Југоисточен Регион, како и средствата за прекугранична соработка обезбедени од ЕУ.

Премиерот Заев повтори дека Македонија нема друга перспектива, освен зачленувањето во ЕУ и НАТО, акцентирајќи дека со отворањето на граничните премини на бизнисмените од регионот ќе им се отвори европскиот пазар на половина милион жители, што ќе обезбеди економски развој на државата и повисоки приходи за граѓаните, поголеми инвестиции и нови работни места.

На средбата со премиерот Заев претприемачите разговараа за конкретни начини за поддршка на бизнис-проекти и беше поздравена иницијативата за погранична соработка меѓу стопанствениците од Македонија и од Грција со цел размена на искуства и поттикнување взаемни инвестиции.

Истовремено, претставниците на деловната заедница изразија поддршка на реформските политики на Владата на РМ во областа на земјоделството, енергијата, животната средина, индустријата, инфраструктурата, инвестициите, туризмот, трговијата и транспортот.

Економија

Практикантите ќе добиваат надоместок од 42 до 74 отсто од минималната плата

Објавено пред

Владата на 107. седница го усвои и до Собранието ќе го достави предлог-законот за практиканство. Законот ќе овозможи целосно да се искористи потенцијалот на практичната работа, како и голем број млади невработени лица без практично искуство одреден временски период да реализираат практична работа во реални услови, со што тие ќе станат поконкурентни и полесно потоа ќе се вклучат на пазарот на трудот.

Предлог-законот предвидува практикантот за време на практичната работа кај работодавецот да добива месечен надоместок, и тоа: од 42 до 74 отсто од минималната нето-плата за практикантска работа до три месеци и во висина на минималната нето плата за практикантска работа над три месеци.

Прикажи повеќе...

Економија

Кинески суд ја забрани продажбата на повеќе модели на „ајфон“

Објавено пред

Кинески суд наложи забрана за продажба на повеќе постари модели на „ајфон“ во Кина поради спорот кој производителот на чипови „Куалком“, инаку кинески добавувач, го води против „Епл“ во врска со патентите.

Судот во кинескиот град Фуџоу, според соопштението на „Куалком“, утврдил дека „Епл“ во два случаја го прекршил Законот за заштита на патенти кои се во сопственост на „Куалком“, поради што е наложена итна забрана на постари модели на „ајфон“, од 6с до Х, пренесува агенцијата „Ројтерс“.

Ова предизвика пад на акциите на „Епл“ и создаде нова неизвесност за компанијата во време кога таа се соочува со проблем поради намалената побарувачката за новите модели на „ајфон“.

Од „Епл“ соопштија дека сите модели на „ајфон“ остануваат во продажба во континенталниот дел на Кина и дека до судот е доставено барање за повторно разгледување на овој случај.

„Напорите на ‘Куалком’ да забрани наши производи се само уште еден очајнички чекор на компанијата чија незаконска работа е под истрага на регулаторите ширум светот“, соопштија од „Епл“.

Прикажи повеќе...

Економија

Цуклев: Прогресивниот данок не прави разлика меѓу вреден професор и некој што поседува викендички и дуќани

Објавено пред

Дали е богат ИТ-инженер, универзитетски професор или менаџер во ТИРЗ зона, наспроти група луѓе кои стекнале капитал на различен начин во минатото, праша пратеникот на ВМРО-ДПМНЕ, Драган Цуклев, на комисиската расправа во Собранието за воведување прогресивен данок.

Од опозицијата преку амандмани бараат да не се воведува прогресивен данок, туку да остане рамното оданочување, посочувајќи дека тоа е подобро и за спречување на сивата економија, но и за пофер оданочување.

„Немате мерило кој е богат. Оваа решение не прави никаква разлика помеѓу професор кој заработил со пот 100 000 денари и оној што поседува викендички и дуќани. Велите ќе инкасирате од богатите 25 милиони евра во буџетот по овој основ. Тие пари во 2017 секако беа собрани. Се знае, имаше покачување 15 отсто за оние кои даваат имот под закуп. Нема никаков фискален ефект“, рече Цуклев.

Пратеникот Цуклев ова го образложи откако беа отфлени двата амандмана, едниот да остане рамен данок, а вториот да не се оданочуваат прогресивно, односно со 18%, доходите кои граѓаните ги заработиле по основ на плати или продажба на земјоделски продукти.

Тој зборуваше дека ова решение негативно ќе се одрази и врз странските инвеститори и врз зголемувањето на вработувањето.

„Ако рамниот данок беше адут во ракавот за привлекување странски капитал, сега веќе го немаме“, додаде тој.

Пратеникот од ВМРО-ДПМНЕ истакна дека се намалила сиромаштијата при што наведе дека во 2006 имало 434 илјади формално вработени наспроти во 2016 кога се искачил на 590 илјади со рамниот данок. Исто така се намалил и бројот на неформално вработени од 174, на 133 илјади, што покажува дека се намалила сивата економија, наведе пратеникот.

За министерот за финасии, Драган Тевдовски, овие тези не се прифатливи и тој остана на ставот дека 1% биле богати во државата со примање од 4.300 евра, наспроти останатите, кои, според анализите на Министерството за финансии, биле со примања меѓу 380 и 280 евра.

Во врска со ова прашање, поднесни се 22 амандмани, најголем дел од опозициската ВМРО-ДПМНЕ. На комисиската расправа се дебатира по законот за личен доход кој предвидува прогресивно оданочување од 10 на 18 отсто за оние кои оствариле приход од над милион денари на годишно ниво. На расправата во Собранието ѝ претходеше јавна расправа, на која во однос на оваа тема остро реагира претставници на бизнис-заедницата.

Прикажи повеќе...

Најново

Европа23 минути

Пукање во Стразбур – еден загинат и шестмина повредени

Едно лице загина, а шестмина се повредени во пукање во центарот на Стразбур во близина на плоштадот Клебер, каде што...

Свет2 часа

(Видео) Бразил: Вооружен маж пукал во верници во катедрала – шестмина мртви

Вооружен маж пукал во верници во катедрала во близина на Сао Пауло на југот на Бразил, при што убил пет...

Бегството на Груевски3 часа

На интернет се шири фотографија од Груевски и Трајковски во Будимпешта

Фотографија на која се гледа експремиерот Никола Груевски, сега унгарски азилант, како се шета низ Будимпешта, се прошири на социјалните...

Крвав четврток4 часа

Села: Претседателите на партиите што не присуствуваа на 27 април, најверојатно, се и организатори

„Некој знаел дека ќе се случи она што се случи на 27 април и не беше присутен. Немаше друга причина...

Крвав четврток5 часа

Припадничка на собраниското обезбедување: Ѓошевски даде наредба да се отворат вратите од собата за видеонадзор

Судењето за крвавиот четврток, по паузата, продолжи со сведочење на Милунка Јовановска, вработена во МВР, која на 27 април била...

Крвав четврток6 часа

Кој е тој Душко и кои се сите тие од МВР што треба да знаат, Кацарска го праша Трајко Вељаноски

Во кривичниот суд попладнево продолжи испитувањето на поранешниот претседавач на Собранието, Трајко Вељаноски, во својство на сведок предложен од обвинетиот...

Крвав четврток8 часа

Игор Југ го праша Вељаноски за албум на „Металика” – Дали политичарите беа господарите, а ние што скапуваме по затвори сме куклите?

Обвинетиот Јане Ченто, пред да му постави прашање на експретседавачот на Собранието Трајко Вељаноски, рече дека некои калкулираат со човечки...

Македонија8 часа

(Видео) Клинички со закана до Шилегов поради поскапиот паркинг за вработените

Платите на вработените во Клиничкиот центар неодамна им беа зголемени за околу 5 отсто, а вчера градоначалникот на Град Скопје,...

Македонија9 часа

(Видео) Димовски до Тевдовски: Престанете со арогантниот однос кон Собранието

Министре Тевдовски, до кога ќе го практикувате овој арогантен однос кон Собранието? Ја напуштате дебатата без збор. Со овие зборови...

Крвав четврток10 часа

Немате поим што се случувало на 27 април, му кажа обвинителката на сведокот кој го предложи Душко Лазаров

На денешното рочиште за судењето за 27 април прв од дополнителните сведоци сведочеше Тони Алексовски, сведок кој го предложи обвинетиот...

Македонија10 часа

На судењето за „Тортура“ се емитуваат телевизиските прилози од 2011

На денешното рочиште за случајот „Тортура“, во кој првообвинет е Сашо Мијалков, во судот се презентираат снимки од дневникот на...

Македонија11 час

(Видео) Активистката Моника Ристеска осудена на две години условна казна

Активистката Моника Ристеска денеска на првото судско рочиште беше осудена на две години условна казна за сторено кривично дело „неовластено...

Европа12 часа

Туск: В четврток самит на ЕУ за брегзит, нови преговори нема

Претседателот на Европскиот совет, Доналд Туск, вчера изјави дека за в четврток, на првиот ден од самитот на ЕУ во...

Свет13 часа

Руската шпионка Марија Бутина уапсена во САД призна вина

Марија Бутина, која е обвинета од американските власти дека е руски шпион и дека се обидува да влијае на политиката...

Економија14 часа

Од денеска поевтини горива на бензинските

Од ноќеска на полноќ бензините поевтинија за 1,5 денар, а дизелот за 2,5 денари. Со новата одлука на Регулаторната комисија...

Европа24 часа

(Видео) Макрон најави зголемување на минималната плата и даночни олеснувања

Претседателот на Франција, Емануел Макрон, во долгоочекуваното обраќање до јавноста вети зголемување на минималната плата и даночни олеснувања в година....

Македонија1 ден

Вработени во Министерството за локална самоуправа биле ангажирани како експерти и добиле 36.000 евра

Управата за финансиска полиција до Основното јавно обвинителство поднесе кривична пријава против четири лица, и тоа Љирим Шабани, поранешен министер...

Македонија1 ден

Кривична пријава против Тодоров и Кралев – осомничени се дека го оштетиле буџетот за 80.000 евра

Поранешните министри за образование и наука, Никола Тодовор и Панче Кралев, се осомничени за злоупотреба на службената положба и овластувањето...

Македонија1 ден

Имотот на Камчев во Русија, Бугарија и на Бахамите – пречка да излезе од притвор

Фирми во Русија, Бугарија, Холандија, Косово, Србија и Хрватска и офшор компании во даночните раеви се само дел од имотот...

Македонија1 ден

Советот одлучи: Вработените на клинички ќе плаќаат двојно поскап паркинг

Советот на Град Скопје на денешната седница ја усвои Одлуката за изменување и дополнување на ценовникот на услугите што ги...

Досие