Контакт

Економија

(Видео) Заев: Новиот терминал ќе го намали времето за гранични формалности и ќе ја подобри инфраструктурата

Објавено пред

Вложувањето во развој на инфраструктурата во земјата е еден од приоритетите на оваа Влада, а во остварувањето на овој приоритет од огромна помош е поддршката на Европската Унија, особено ИПА-фондовите кои ни се ставени на располагање, рече премиерот Заев по повод пуштањето во употреба на царинскиот терминал на граничниот премин Ќафасан.

„Во оваа прилика ја изразувам мојата, како и благодарноста на Владата до Европската Унија, за поддршката во постигнувањето повисоки стандарди во сите јавни сфери во нашата држава и нејзината интеграција во Унијата“ нагласи Заев.

Тој нагласи дека транспортниот сектор има многу важна улога во практикувањето на четирите основни слободи кои се суштината на Европската унија – слободно движење на стоки, услуги, капитал и луѓе, а за нивно практикување и промоција потребна е развиена и модерна инфраструктура.

„Денешниот настан – ставање во употреба на надградениот и осовремен граничен премин Ќафасан, е повторно во насока на подобрување на поврзувањето. Се наоѓаме на еден од најфреквентните гранични премини во земјава на коридорот 8, преку кој годишно минуваат стотици илјади превозни средства и патници во и од Република Северна Македонија.
Овој нов терминал ќе придонесе за зголемување на пропусната моќ на преминот за стокови пратки, за намалување на времето потребно за вршење на гранични формалности и значително ќе ја подобри инфраструктурата за примена на современи средства за инспекција. Убедени сме дека со неговото ставање во функција ќе се забрза движењето на стоковиот сообраќај кој последните години бележи постојан раст од просечно 10 до 15 % годишно“, истакна тој.

Со него, како што додаде, ќе се забрза и олесни стоковата размена преку најфреквентниот граничен премин кон Република Албанија, а истовремено се обезбедени дополнителни инвестиции со кои ќе се олесни и забрза транспортот по должина на паневропскиот Коридор 8. Работиме интензивно на имплементација на решението за заедничко управување на граничните и царински контроли со едно застанување One Stop Shop, за уште повеќе да се намали времето на чекање на превозниците, со што ќе се намалат трошоците на економските оператори.

Царината е првата институција со која се сретнуваме во една земја и таа ја дава првата слика за тоа како функционира системот на државата. Со задоволство можам да кажам дека нашата Царинска управа е модерна институција, која придонесува во креирањето на поволна бизнис-клима и штитењето на интересите на државата.
Царинската управа има постигнатото високо ниво на подготвеност за членство во ЕУ, што е нотирано и во сите извештаи на Европската комисија за напредокот на Република Северна Македонија.

Ова е постигнатото со посветеност, ентузијазам и систематска работа на вработените во Царинската управа, за достигање на потребните стандарди, но и со постојаната поддршка на целиот овој пат од Европската Унија.
Остануваме посветени на тоа да работиме и понатаму на олеснување на трговијата и транспортот, но важно е дека чекориме на вистинскиот пат.

Заклучувам со уште една голема благодарност до граѓаните на земјите членки на Европската Унија за нивниот придонес како даночни плаќачи да придонесат во овие трајни добра кои остануваат на располагање на граѓаните на Република Северна Македонија, но богами буквално на целиот овој регион од Западен Балкан“, порача Заев.

Економија

Се разгледува можноста за новa авиолинија Скопје – Тел Авив

Објавено пред

Министерот за транспорт и врски, Горан Сугарески, се сретна со почесниот конзул на Република Северна Македонија во Израел, Шломо Грацијани, и директорот на Директоратот за воневропски држави, амбасадорот Пајо Авировиќ.

На средбата се разговараше за можноста за воспоставување нова директна авиолинија од Скопје до Тел Авив, при што министерот Сугрески ги презентира можностите и условите за воспоставување линии од двата аеродрома.

„Развојот на авиосообраќајот е стратешка определба на Владата и нашите активности се насочени кон проширување на мрежата на дестинации достапни за граѓаните преку воспоставување нови директни авиолинии и интензивирање на соработката со другите земји во светот. Оваа средба беше одлична можност заеднички да ги разгледаме условите за воведување нова авиолинија Скопје – Тел Авив, која би имала бенефит за двете земји“, изјави министерот за транспорт и врски, Горан Сугарески.

Воспоставувањето на оваа линија ќе придонесе за развој на туризмот, зголемување на економската соработка и промоција на културните вредности и природни богатства на двете земји, истакна Сугарески.

Прикажи повеќе...

Економија

Министерството за финансии: Преку редовна аукција се сервисираат долгови пред пет години

Објавено пред

Со денешната аукција на државни хартии од вредност ќе се покријат стари долгови од претходно издадени државни хартии од вредност, кои достасуваат за исплата на 16 и 19 октомври, информираат од Министерството за финансии.

„Ова е редовна аукција најавена во календарот објавен на веб-страницата на Министерството за финансии и нема ново нето-задолжување. Станува збор за презапишување претходно издадени државни обврзници, од кои повеќето се издадени пред 5 години“, се наведува во соопштението на ресорното Министерство.

Од таму истакнуваат дека бројот на аукции сега е преполовен во однос на бројот на аукции на претходната влада и е сведен на две месечно.

„Каматните стапки по кои се издаваат државните хартии од вредност сега се на најниско историско ниво. Тие се неколкукратно пониски во однос пред неколку години. И со оваа аукција тие се намалени за дополнителни 10 базни поени. Со ова се намалува трошокот на државата за сервисирање на долгот. Стариот долг со повисока каматна стамка се сервисира со значително пониска каматна стапка со денешната аукција на ДХВ“, објаснуваат од Министерството.

 

Прикажи повеќе...

Економија

Владата ја зголеми минималната плата на 14.500 денари

Објавено пред

Владата ја зголеми минималната плата на 14.500 денари, објави на владина седница премиерот Заев. Тој истакна дека е постигнат договор со бизнисот и синдикатите за зголемување на минималната плата. Целта, како што рече тој, е подобрување на животниот стандард на работникот и намалување на сиромаштијата.

„Одиме внимателно со покачувањето на минималната плата. Внимателно ги следиме сите мерки и ќе продолжиме со нив за да може стопанството да ги следи. Сите треба да работиме ако сакаме повисоки плати и поголема конкурентност. Да бидеме поработлива нација и посветено да работиме“, рече Заев нагласувајќи дека до крајот на мандатот се надева оти ќе ја постигнат целта – минималната плата да изнесува 16.000, а просечната 30.000 денари.

Вицепремиерот Кочо Анѓушев истакна дека растот на платите е предизвикан од реалната економија во земјата, како и дека нивото на минималната плата е во принцип ниво што е приближно на нивото во другите земји во регионот.

Во моментот минималната плата изнесува 12.507 денари.

Прикажи повеќе...

Најново

Регион7 минути

Словенија: Полицијата во воз пронајде 13 килограми хероин вреден над милион евра

Словенечката полиција откри повеќе од 13 килограми хероин во меѓународен патнички воз кој патувал од Турција за Австрија, што е...

Европа17 минути

САД ги повикаа каталонските демонстранти на ,,умереност“

Соединетите американски држави ги повикаа каталонските демонстранти на „умереност“ во реакцијата на судската пресуда за политичарите кои организираа референдум за...

Свет12 часа

(Видео) Судири на протестот на пожарникарите во Париз, полицијата употреби солзавец и водени топови

Француската полиција употреби солзавец и водени топови во судирите со пожарникарите кои протестираат во Париз. #Policiers contre #pompiers, quand les...

Македонија14 часа

Министрите на ЕУ не донесоа одлука за почеток на преговори со Северна Македонија

Министрите за надворешни работи на земјите членки на Европската Унија не донесоа одлука за определување датум за почеток на преговори...

Европа16 часа

(Видео) Најмалку 170 повредени во судирите во Барселона

Најмалку 170 лица се повредени, меѓу кои и 40 полицајци, во судирите меѓу демонстрантите и полицијата кај Меѓународниот аеродром во...

Регион17 часа

Косово го повлече барањето за прием во Интерпол

Премиерот во оставка на Косово, Рамуш Харадинај, денеска испрати писмо до Собранието на Интерпол во кое се вели дека Приштина...

Спорт17 часа

Михајлов ја презеде одговорноста, си поднесе оставка

Претседателот на Фудбалскиот сојуз на Бугарија Борислав Михајлов ја напуштил функцијата по расистичките испади на навивачите на синоќешниот квалификациски натпревар...

Свет18 часа

Оштетен аеродромот во Барселона, откажани 45 лета

Поради протестите во Шпанија, откажани се 45 лета на меѓународниот аеродром „Ел Прат“ во Барселона, кој, според информациите, претрпел мала...

Свет18 часа

Руската сајбер-шпионка од скандалот со велешките лажни интернет-страници приведена во Минск

Руската државјанка и осомничена сајбер-шпионка, Ана Богачева, на која САД ѝ наметнаа санкции поради наводно мешање во изборите и чие...

Топ19 часа

Откриена 14-члена криминална група, која организирала шверц на 400 мигранти од Грција

Одделот за сузбивање организиран и сериозен криминал, Секторот за криминалистички истраги, Националната единица за сузбивање шверц на мигранти и трговија...

Македонија19 часа

Кривични пријави против Меѓународниот сојуз, „Томато продукција“ и „БМЈ медија груп“

Против Меѓународниот сојуз на Бојан Јовановски – Боки 13, против „Томато продукција“, каде што беше сместена телевизијата „1ТВ“, и против...

Економија19 часа

Владата ја зголеми минималната плата на 14.500 денари

Владата ја зголеми минималната плата на 14.500 денари, објави на владина седница премиерот Заев. Тој истакна дека е постигнат договор...

Македонија21 час

Заменик-министерот за здравство, Асим Муса, поднесе оставка

Заменик-министерот за здравство, Асим Муса, денеска, на прес-конференција, соопшти дека се повлекува од функцијата. Неговата одлука за повлекување следува по...

Македонија22 часа

На судењето за ТНТ вештак тврди дека и со „нокиа 3310“ може да се прислушува

Во Кривичниот суд утрово продолжи судењето за предметот ТНТ на СЈО. Беше сослушан вештакот Орце Симев, предложен од обвинетите. Вештакот,...

Македонија22 часа

Пендаровски до ЕУ: Дајте ни шанса и дозволете ни да покажеме дека сме подготвени

Македонскиот претседател, Стево Пендаровски, денеска очекува одлука од Европската Унијија, а не сигнал. Тој во интервју за австрискиот весник Die...

Дијаспора23 часа

Македонски организации во Бугарија: Ја повикуваме Софија да го запре говорот на омраза

,,За жал не може да се каже дека прифатената позиција на Владата и парламентот на Република Бугарија изненадува – таа...

Македонија23 часа

Поранешни вработени во „Охис“ на протест пред Собрание, бараат неисплатени плати

Вработени во „Охис“ ја блокираа улицата пред Собранието. Бараат исплата на 24 неисплатени плати. Велат дека протестираат секој вторник и...

Европа24 часа

(Видео) Се судрија полицијата и демонстрантите во Барселона

Илјадници каталонски сепаратисти излегле на улиците во Барселона и се обиделе да го блокираат барселонскиот аеродром по пресудата на деветмина...

Регион1 ден

Пожар во бегалски камп на Самос, се евакуираат мигрантите

Грчките власти евакуираат преполн прифатен центар за мигранти и азиланти на егејскиот остров Самос, каде избувна голем пожар по судир...

Македонија1 ден

Османи во итна посета на Луксембург и Брисел на консултации со ЕУ

Заменик-претседателот на Владата задолжен за европски прашања, Бујар Османи, денеска, патува за Луксембург и Брисел на последни консултации и разговори...

Досие