Контакт

Економија

(Видео) Кривични пријави за стечајниот управник и за стечјаната судијка на „Фени“ поради договорот со швајцарски ГСОЛ

Објавено пред

„Транспаренси интернешнл – Македонија“ поднесе кривични пријави за злоупотреба на службена должност против стечајниот управник Мирослав Анастасиевски и стечајната судијка Валентина Ѓорѓиевска поради нетранспарентност и други многубројни забележани неправилности кои ја карактеризираат стечајната постапка на „Фени индустри“ и укажуваат на оправдан сомнеж за коруптивно однесување.

„Стечајниот управник Мирослав Анастасиевски на 3.1.2018 година објавил оглас за прибирање писмени понуди за склучување договор за преработка на никелова руда, оглас што содржи недоволно одредени услови врз основа на кои би можела да се изврши селекција на понудите и избирање на најповолната, но содржи услови со кои за одредено правно лице понудувач се создава состојба на предодреденост и му се дава неоправдана предност. Потоа, врз основа на селективно профилираниот оглас, одреден е понудувач со кој подоцна склучил ветен договор како застапник на ‘Фени’. Стечајниот судија Валентина Ѓорѓиевска, иако во согласност со Законот за стечајот имала обврска да врши надзор над работата, а стечајниот управник постапил спротивно на своите надлежности, односно пропуштил да ги врши, и со тоа двајцата, без притоа да водат сметка за законските обврски при утврдување на идентитетот на втората договорна страна, ѝ овозможиле на фирмата ГСОЛ, регистрирана на Бахамите, да стекне нерамноправен договор кој ѝ овозможува значителна имотна корист, а е штетен за стечајниот должник и ги доведува во неповолна положба стечајните доверители“, објасни претседателката Тасева.

За работата на стечајната судијка, Тасева вели дека поднела претставка до Судскиот совет на Република Македонија со барање да се испита нејзиното работење. Во исто време „Транспаренси интернешнл“, заедно со доверителите, бара разрешување на стечајниот управник поради неажурно внесување податоци во системот на е-стечај и поништување на договорот со ГСОЛ.

Тасева вели дека и покрај изјавите дека се исплатени доверителите, во Централниот регистар состојбата на „Фени“ е иста како и пред еден месец. Како аргумент за нетранспарентаната постапка таа го наведува и податокот дека иако се изминати роковите за доставување на плановите за реорганизација на фабриката, кои напоредно со стечајната постапка требаше да ги подготват, и тоа еден банките и уште еден стечајниот управник, планови за реорганизација нема.

Стечајниот управник денес е недостапен да објасни за обвинувањата, а недостапна е и стечајната судијка.

Од ГСОЛ, пак, новите сопственици на „Фени“, велат дека не биле привилегирани и дека исти услови важеле за сите заинтересирани за купување на фабриката.

Тасева објасни дека почнале да ја следат стечајната постапка за „Фени“ кога добиле претставки од засегнати страни, меѓу кои и „Кунико рисорсис“, поранешниот сопственик на „Фени“.

Вработените во фабриката посочија дека токму „Кунико рисорсис“ како сопственик на „Фени“ направил долг од над 60 милиони евра поради кој фабриката лани во септември престана со производство. Против тогашниот генерален директор Јусуф Миракхмедов, Управата за финансиска полиција поднесе две кривични пријави, едната за незаконски отпис на незастарени побарувања на „Фени“ и за незаконско отуѓување фероникел и друга руда од фабриката врз кои банките имале заложно право. Кривична пријава против него поднесе и малцинскиот акционер БСГР во групацијата „Кунико рисорсис“. Миракхмедов, пак, ја напушти Македонија лани во ноември.

Правните застапници на „Кунико рисорсис“, два дена по рестартирањето на производството во фабриката во март годинава, соопштија дека ќе ја тужат Македонија на арбитражниот суд во Вашингтон оти продажбата на комбинатот била незаконска.

Вработените во „Фени“ велат дека токму овој судски спор е главната причина за обвинувањата што денес ги изнесе „Транспаренси“. Тие сметаат дека претставките до „Транспаренси“ се обид на „Кунико“ да ја зајакне изгубената позиција пред да почне судската постапка и прашуваат каде била „Транспаренси интернешнл“ кога „Кунико“ направил долг од над 60 милиони евра во фабриката.

Економија

Мицкоски: Годината која ја најавуваа за економска е најтешката и најсиромашната за живот

Објавено пред

Претседателот на ВМРО-ДПМНЕ Христијан Мицкоски на неговата денешна преконференција кажа дека економската политика е катастрофална и дека државата оди во погрешен правец. Според Мицкоски, годината која ја најавува Власта како економска, е впрочем најтешката и најсиромашната за живот.

„Минималниот раст кој го имаме сега е заради производството на гасната централа ТЕ-ТО, за која имаме многу донеречености како го реализира своето работење. Но она што е аларматно е падот во преработувачката индустрија, која има негативна вредност. Ниту просечната плата, која требаше да биде 30.000 денари е постигната. Ако се спореди првиот квартал во 2018 година, кога разликата во трговската размена извоз-увоз е нешто над 350 милиони евра со првиот квартал од 2019 година ќе забележите дека отприлика таа е иста, но показателот дека економијата оди во погрешна насока се гледа во вториот квартал, кој споредбено 2018 со 2019 година има разлика во извоз со увоз е зголемена за цели 12.4% во корист на увозот. Како поминува времето со СДСМ на власт, така расте разликата помеѓу извозот и увозот, имено во третиот квартал оваа разлика изнесува 34%. Со што извозот има за 34% помала вредност во однос на увозот споредбено 2018 со 2019 година“, вели Мицкоски.

Во однос на даночната политика Мицкоски зборуваше за пиши-бриши политиката, кога се зголемуваат, па повторно се намалуваат даноците.

„Политика која ја бранеа редица поранешни министри за финансии од СДСМ, кои беа пуштени низ вода од Зоран Заев со изговор дека е погрешен чекор, а кое беше единствено ветување од нивната економска програма кое го реализираа“, вели Мицкоски.

Најголемата лага, според Мицкоски, е ветувањето дека данокот на добивка ќе го за ИТ индустријата ќе го намалат за 5 проценти.

„Наспроти ветувањата за повластувања за ИТ компаниите, сега имаме одлив на фирми од земјата во странство, кои бегаат од Македонија и формираат свои претставништва во соседните земји, што се гледа преку податокот кој укажува дека додадента вредност во ИТ секторот во вториот квартал од 2019 е намалена за 4.7 отсто“, вели првиот човек на ВМРО-ДПМНЕ.

Мицкоски го искоментира и буџетот за идната година кој е за 7 проценти поголем од буџетот за оваа година, а кој вели дека не може да биде исполнет затоа што до крајот на година ќе фалат пари.

Според него, катастрофална е и наплатата на данокот на добивка.

„Во период јануари – ноември имаме за цели 23.7 проценти помал од планираниот, односно за 20 отсто од тој кој бил собран во 2018 година“, вели Мицкоски.

Надежта не смее да се губи, вели Мицкоски, бидејќи најдобрите денови за Македонија и македонската економија допрва доаѓаат, а тие доаѓаат со програмата за обнова на Македонија, во која ќе има предвидено оданочување соодветно на потребите на стопанството и повеќе капитални инвестиции. За сето тоа да се реализира ќе има бескомпромисна борба со корупцијата и криминалот.

Прикажи повеќе...

Економија

Ученици изработија еко-проекти за чиста вода, воздух и почва

Објавено пред

Еколошки филтер со зеолит за прочистување на водата, воздухот и почвата, систем за детекција на гасови во воздух во работни простории, пречистителна станица за отпадни води која може да се користи за наводнување особено во земјоделието се само дел од еко-проектите на кои работат ученици од повеќе основни и средни училишта, наградени на „Предизвик за млади истражувачи“ од Фондот за иновации и технолошки развој.

Меѓу шесте еко проекти претставени на мини-саем во Битола е и еколошкиот филтер за намалување на штетното влијание на јаглерод диоксид изработен од учениците од “Димитар Влахов“ од Струмица.

„Изработивме еколошки филтер направен од зеолит, минерал кој помага да ги прочистиме водата, воздухот и почвата. Најпрвин изработивме прототип, а потоа и филтер кој го поставивме на ауспухот од автомобил. Мерењата покажаа дека количеството јаглероден диоксид се намали за 30 проценти“, вели ученичката Бранкица Митова.

Ученици од основното училиште „Манчук Матак“ од Кривогаштани изработија пречистителна станица за отпадните води, која потоа може да се искористи за наводнување и е особено применлива во земјоделието.

„Со нашиот проект со природни ресурси до еколошки здрава животна средина изработивме прототип на пречистителна станица за отпадни води. Отпадната вода минува низ ротатор што ја води низ различни комори на пречистителната станица и потоа се добива употреблива вода за наводнување која преку хидросистем се доставува до земјоделците. Овој проект е пред се наменет за земјоделците кои особено во летните периоди се соочуваат со недостиг на вода за наводнување. Нашиот план е ова решение да им го понудиме и на општините, посебно во реоните каде што земјоделството е примарна дејност“, вели ученикот Христијан Боцовски.

Учениците од приватното училиште САБА креираа систем за детекција, анализа и следење на присуството на штетните гасови во воздухот во работни простории, нивните врсници од средното скопско учичлише Раде Јовчевски Корчагин со нивниот проект „Грин Аир“ засадија специјални растенија во училниците како како природни прочистувачи на воздухот, додека учениците од ООУ Стив Наумов работата на проверка на квалитетот на воздухот во училниците со поставување на сензори-мерачи со кои се мери влажноста, температурата и присуството на јаглерод диоксид во воздухот. Средното училиште „Јосип Броз Тито“ Битола пак ја идентификува концентрацијата на тешки метали во почвата во регионот на Битола и нивната географска распространетост, особено кај РЕК Битола.

Во програмата наменета за млади истражувачи која втора година по ред ја спроведува Фондот, до сега се наградени 54 училишта кои работат на проекти во кој се вклучени над 500 ученици.

Јован Деспотовски, директор на ФИТР

„Целта на оваа програма е да се поттикне критичкото и креативно размислување кај младите и да се охрабрат да останат тука и да развијат свој бизнис. Покрај Предизвик за млади истражувачи, дополнително развиваме уште две програми со Американската агенција за меѓународен развој-УСАИД и со УНИЦЕФ, чија цел е да се креираат ученички компании со кои потоа ќе може на ваквите проекти да им се додаде и комерцијална вредност. Oтвораме нови можности за младите и оваа поддршка ќе продолжи, бидејќи државата ги поддржува младите да се охрабрат да развијат свој бизнис и да останат тука, “ истакна Јован Деспотовски, директор на ФИТР.

Градоначалничката на Битола, Наташа Петровска најави дека и во иднина ќе поддржуваат вакви настани и училишни програми.

„Овој саем е од особено значење затоа што преку овие проекти се излегува од теоријата на хартија и им овозможува на младите луѓе низ реални експерименти и низ реални истражувачки методи, она што го научиле во теоријата да го применат во пракса. Ова отвора широки врати за младиот ум, за жуборот на творечкиот дух, но и на иновативноста и навистина во оваа насока треба и да продолжиме. Особено ме радува што младите луѓе се заинтересирани за ваквиот вид на истражување, но и наставниот кадар кој дава сериозна поддршка во ваквите програми“, рече Петровска.

На последните два повика за млади истражувачи се пријавија по 100 училшта. Деспотовски најави дека поради сѐ поголемиот интерес, на почетокот од второто полугодие ќе биде објавен и третиот повик „Предизвик за млади истражувачи“.

Прикажи повеќе...

Економија

Почнува наградната игра „Мој ДДВ #MojaНаграда“

Објавено пред

Од денес со скенирање на секоја фискална сметка преку апликацијата МојДДВ, секој полнолетен граѓанин е потенцијален добитник на една од 3.852 награди во вкупен износ од половина милион евра. Секој ден се скенира за 10 дневни награди – 4 од 1.000, 3 од 2.000 денари и 3 од 3.000 денари. Недобитните сметки од дневниот циклус добиваат сериски броеви кои ќе влезат во месечниот циклус за 15 награди од по 100.000 денари, како и за двете премии од 3.000.000 денари.

Наградната игра ќе трае една година. Предвидени се 1.468 награди од по 1.000 денари, 1.101 награда од по 2.000 денари, 1.101 награда од 3.000 денари, 180 награди по 100.000 денари и две главни премии од по 3.000.000 денари.

За да учествува во наградната игра, лицето треба да е регистрирано на системот е-Персонален данок, да е корисник на апликацијата МојДДВ, како и да ги прифати условите за учество во МојДДВ #МојаНаграда.

Извлекувањето на дневните награди ќе се извршува со електронски генератор по случаен избор. Добитниците на дневни награди ќе добијат известување веднаш по скенирање на сметката. Сите недобитни пак, ќе добијат порака со едукативно-информативна содржина. Исто така, недобитните скенирани сметки добиваат сериски број со кој учествуваат во извлекувањата во тековното коло за 15 награди од 100.000 денари, како и за двете главни премии.

Извлекувањето на наградите од по 100.000 денари и премиите од 3 милиони денари ќе се одвиваат во живо од студиото каде се одвива Лото извлекувањето веднаш по извлекувањето на Лото 7 и Џокер. Првото извлекување за 15 награди од по 100.000 денари ќе биде на 4 јануари 2020.

За сите дополнителни прашања граѓаните можат да се обратат до контакт центарот на Државна лотарија, или страната loto.mk/MojaNagrada.

Од денеска граѓаните кои скенираат фискални сметки ќе имаат трикратна корист: можност за добивање на една од паричните награди до 3.000.000 денари, второ поврат на ДДВ и трето ќе придонесуваат во борбата против сивата економија. При презентација на наградната игра министерката за финансии Нина Ангеловска посочи дека МојДДВ #МојаНаграда е креирана по најдобри практики на наградни игри во други земји за адресирање на сива економија. Со наградната игра граѓаните добиваат мотивација плус да бараат и скенираат фискални сметки и со тоа да влијаат на намалување на даночната евазија која е штетна за економијата .„Единствено кога губи сивата економија, добиваат сите“, рече Ангеловска.

Прикажи повеќе...

Најново

Македонија4 часа

Мицкоски за ексамбасадорот кој репетираше пушка: Го знам од детството, но ќе предложам негово разрешување

На следната седница на Извршниот Комитет, лидерот на ВМРО-ДПМНЕ, Христијан Мицкоски ќе предложи разрешување на ексамбасадорот, Томислав Димитровски, кој е...

Македонија5 часа

(Видео) Заев: Судскиот совет да провери зошто се чувале предмети во фиока

Премиерот и лидер на СДСМ, Зоран Заев, во воведот од неговиот говор рече дека го радува глетката од преполната сала...

Регион5 часа

Микотакис ги повикува Германија и земјите од ЕУ да земат мигранти од грчките острови

Грчкиот премиер Киријакос Мицотакис ги повика Германија и другите земји од ЕУ да земат мигранти и баратели на азил директно...

Македонија6 часа

(Видео) Шекеринска: Скопје не е веќе мрачен вилает каде полицијта брка студенти по библиотеки

Вицепреиерката Радмила Шекеринска во обраќањето пред присутните на последниот настан од караванот на СДСМ насловен „На прав пат“ говореше за...

Свет6 часа

(Видео) Најмалку четири лица загинаа во земјотресот на Филипините

Најмалку четири лица загинаа во земјотресот со јачина од 6,9 степени кој го погоди островот Минданао во јужниот дел на...

Спорт11 час

Македонец е светски првак во УФЦ–Александар „The Great“ Волкановски

Македонецот Александар „The Great“ Волкановски (31) е новиот шампион во УФЦ, во перо категорија. Волкановски утринава во Лас Вегас го...

Економија11 час

Почнува наградната игра „Мој ДДВ #MojaНаграда“

Од денес со скенирање на секоја фискална сметка преку апликацијата МојДДВ, секој полнолетен граѓанин е потенцијален добитник на една од...

Свет1 ден

Уништувањето на шумите во Амазонија достигна највисоко ниво за месец ноември

Уништувањето на шумите во бразилската Амазонија го достигна своето највисоко ниво за месец ноември, откако почна да се бележи неславни...

Македонија1 ден

Заев за ДУИ ќе се консултира во СДСМ и со малите партии

Премиерот Зоран Заев најави внатрепартиски консултации како и разговори со помалите партии на кои ќе се одлучува за поднесувањето на...

Топ1 ден

Пожар во стан во Тетово – еден тешко повреден, десетина затруени

Еден маж е потешко повреден со изгореници, а 10 лица се затруени од чад, во пожарот што се случи денеска...

Македонија1 ден

Врховните судии потврдија дека Јован Врaнишковски перел пари

Врховниот суд го отфрли како неосновано барањето за вонредно преиспитување на пресудата против расчинетиот владика на МПЦ-ОА, Јован Вранишковски. Тројцата...

Македонија1 ден

(Видео) Русковска: На почетокот на јануари се надевам на второ обвинение за „Рекет“

Шефицата на Обвинителството за гонење организиран криминал и корупција, Вилма Русковска рече дека втората истрага за случајот „Рекет“ е при...

Македонија1 ден

Николоски тврди дека со СДСМ имале договор: За изборниот модел требаше да преговараме по изборите

Преговорите за Изборниот законик практично влегоа во ќор сокак, по вина на власта којашто на подмолен и недемократски начин, сака...

Македонија1 ден

(Видео) Дескоска, Здравев и Џолев на примопредавање на златната метла

Министерката за правда, пред почетокот на денешната акција за чистење на претседателот на Судскиот совет, Киро Здравев му ја подари...

Македонија1 ден

Коце Трајановски нема да биде гонет за конкурсот за Водовод, застарело делото

Ексградоначалникот на Град Скопје, Коце Трајановски и уште три други лица нема кривично да одговараат за злоупотреба на службената положба...

Топ1 ден

Патнички воз удри во автомобил, жена со повреди заврши во болница

Вчера напладне на железничка пруга Велес-Кочани, на патен премин кај селото Лозово, се случи железничка незгода во која патничкиот воз...

Европа1 ден

Џонсон: Нема втор референдум за независност на Шкотска

Британскиот премиер Борис Џонсон и порача на шкотската лидерка Никола Старџен дека нема да има нов рефердендум за независност на...

Свет1 ден

Северна Кореја изведе нова нуклеарна проба

Северна Кореја ја инофмрира светската јавност за нов „важен тест“, направен на космодромот Сохе во земјата, пренесоа руските медиуми. „На...

Македонија1 ден

ВМРО-ДПМНЕ: Јанева го злоупотребила буџетот на СЈО за роднини и пријатели

Катица Јанева , под заштита на Зоран Заев, била дел од милионска рекет шема, но и го злоупотребувала буџетот на...

Македонија2 дена

(Видео) Морачанин: ДУИ и ВМРО-ДПМНЕ да не се вадат дека не биле информирани, од септември зборуваме за една изборна единица

По тензичниот ден во Собранието каде што ВМРО-ДПМНЕ и ДУИ со поднесување на илјадници амандмани ја блокираа расправата за измени...

Досие