Контакт

Економија

(Видео) Над 50 отсто од компаниите што аплицирале со инвестициски планови се во сопственост на жени

Објавено пред

Директорот на Фондот за иновации и технолошки развој, Јован Деспотовски, на прес-конференција од Владата ги презентира првичните резултати од јавниот повик за инструментот за технолошки развој за брзо приспособување од третиот пакет-мерки што Владата го усвои на крајот на мај.

Пандемијата ги натера компаниите да го препознаат моментот за дигитализација, па така ИТ-индустријата првпат не е доминантна, туку компаниите од секторот на продажба, трговија и дистрибуција.

Деспотовски го истакна фактот дека 56 % од компаниите што аплицирале со свои инвестициски планови се во сопственост на жена или имаат жена управител, што според него е знак дека жените се похрабри во преземањето ризик во време на криза.

„Целта беше да ѝ се понуди на домашната економија овој период на преживување на компаниите постепено да го трансформираме во период на заздравување. Ова се резултатите од тој напор што го реализира ФИТР. Дел од домашната економија веќе размислува за заздравување“, рече Деспотовски.

Првиот циклус на повикот за економско заздравување е реализиран во периодот од 25 мај до 3 јули. Има рекордно голем интерес на домашните компании.

„Над 2.100 компании подигнаа апликациски пакети, што е индикатор и мене ме радува дека домашната економија размислува како да се развива во периодот што следува. Само во рамките на првиот циклус, кој го затворивме на 3 јули, имаме пристигнато 166 инвестициски планови од исто толкав број на домашни субјекти“, рече Деспотовски.

Вкупниот обем на овие инвестициски планови изнесува над 291 милион денари, односно речиси 5 милиони евра.

61 % се средства што ги побаруваат компаниите од ФИТР во рамките на програмата, а 39 отсто се средства што компаниите изразиле подготвеност да ги вложат самостојно.

„Со овие бројки можам да кажам дека оние средства што првично ги предвидовме за програмата за економско заздравување, 200 милиони денари, фактички со првиот циклус веќе во 90 % очекуваме да бидат реализирани.

Ова подразбира дека секој следен циклус, ФИТР во соработка со Владата, ќе треба да обезбеди дополнителен износ на средства“, рече Деспотовски.
Од овие 166 инвестициски планови, 88 % ќе продолжат во следната фаза на евалуација, а 12 %, бидејќи се неподобни, завршуваат тука. Некои од тие во некоја фаза се откажале или во изминатите две години регистрирале загуба во работењето.

За неподобни се сметале големи претпријатија што не биле опфатени во оваа фаза, меѓутоа веќе се работи да се најде начин и тие да бидат опфатени.

76 % првпат се јавуваат за користење средства, 16 % се компании што се обиделе порано, а досега не успеале да добијат средства, а 8 % се компании што и порано користеле средства од ФИТР.

„ФИТР треба бргу да дејствува. Нашата цел е фазата на претселекција да заврши до крајот на следната недела. Фазата на финална селекција ќе ја реализираат пет странски експерти и треба да заврши до средината на август, а од почетокот на септември се очекува да влеземе во фаза на инвестициски циклус на економско заздравување“, рече Деспотовски.

Средствата што ги доделува ФИТР за инвестициските планови не се неповратни.

Компаниите овие пари ќе ги вратат назад во Фондот во следните три години преку учество во добивката, која се очекува дека ќе се реализира.

Економија

И оваа година ќе има ваучери за домашен туризам

Објавено пред

Министерот за економија, Крешник Бектеши, денеска на прес-конференција во Владата информира за програмите што ќе ги реализира Министерството за економија во 2021 година, а кои беа донесени на последната седница на Владата.

Тој истакна дека и оваа година ќе продолжи мерката – организиран одмор на работници со ниски приходи.

„Ефектите од ваучерите за домашен туризам за граѓани со ниски приходи, кои како мерка за поддршка на туризмот за време на пандемија ги реализиравме минатата година, дадоа резултат, особено за домашните туристички капацитети. Оваа година во таа насока продолжуваме преку оваа мерка, која почна да се реализира првпат во 2017 година“, истакна Бектеши.

Тој додаде дека за таа намена се предвидени вкупно 15.000.000 денари за организиран одмор на работници со ниски приходи, чии месечни примања во семејството не го надминуваат нето-износот од 30.000 денари.

Поддршката ќе изнесува 12.000 денари од апликант, а јавниот повик ќе биде објавен во првата половина од годината по принципот прв дојден, прв услужен.

Прикажи повеќе...

Економија

Бензините и дизелот поскапуваат

Објавено пред

Од полноќ се зголемуваат цените на бензинот „евросупер БС-95“ и на „евродизел (Д-Е V) 1,00 денар/литар, а малопродажните цени на бензинот „евросупер БС-98“ и на екстра-лесното масло за домаќинство (ЕЛ-1) се зголемуваат 1,50 денар/литар во однос на малопродажните цени утврдени со одлуката од 11.1.2021 година.

Малопродажната цена на мазутот М-1 НС се зголемува 1,172 ден./кг и ќе изнесува 30,823 ден./кг.

Од 19.1.2021 година од 00.01 часот максималните цени на нафтените деривати ќе изнесуваат:

Моторен бензин „евросупер БС- 95“ – 63,00 (денари/литар)
Моторен бензин „евросупер БС-98“ – 65,00 (денари/литар)
Дизел-гориво „евродизел БС“ (Д-Е V) – 54,50 (денари/литар)
Масло за горење екстра-лесно 1 (ЕЛ-1) – 54,50 (денари/литар)
Мазут М-1 НС – 30,823 (денари/килограм)

„Охрабрувачката имунизација со вакцините против Ковид-19 и ефектите од договорот на ОПЕК за ограничување на производството во следните месеци се клучните причини поради кои минатата недела берзанските цени на сите нафтени деривати се зголемија – и тоа е едниот фактор што влијае директно врз денешната одлука. Вториот фактор е зголемувањето на курсот на денарот во однос на доларот. По двомесечен постојан пад, првпат се регистрира зголемување на курсот на денарот во однос на доларот и неговиот просек е 0,845 % повисок од просекот на курсот по кој беа формирани цените со претходната пресметка“, изјави Марко Бислимоски, претседател на Регулаторната комисија за енергетика и водни услуги.

Прикажи повеќе...

Економија

Александар Мемца – партнер во најголемата ИТ-компанија со 100 % македонски капитал⋮IWConnect – со вистинскиот тим ништо не е невозможно

Објавено пред

⋮IWConnect, глобална, мултидисциплинарна ИТ компанија фокусирана на интеграција, дигитализација, менаџирање на податоци, анализа, инфраструктура, и создавање на дигитални оптимизирани технолошки решенија (Digitally Optimized Technology Solutions – DOTS), постои скоро 17 години.

Компанијата претходно беше позната како InterWorks, а од минатиот месец се ребрендира и го промени името во ⋮IWConnect. Новото име на брендот, како и логото го означува брзиот раст на компанијата, и подобро ги опишува компетентноста, знаењето, начинот на работа, и искуството кои ⋮IWConnect ги има.

Решивме да го запрашаме Александар Мемца, партнер во ⋮IWConnect, за неговиот пат до успехот, како и за тајната на успехот на најголемата ИТ компанијасо 100% македонски капитал.

– Александар, како одлучи да започнеш кариера во програмирање уште пред 20-тина години?

Секој од нас кога бил дете имал одредена замисла за својот живот и многу често сме велеле: Кога ќе пораснам сакам да бидам доктор. Па така и јас, како и останатите деца, уште кога бев на почетокот на основно училиште, пред речиси 35 години, воден од желбата да креирам нешто што дотогаш не постои започнав со креирање/програмирање на едноставни игрина Commodore 64. Како што времето поминуваше, таа желба да се креира нешто што не постои, и да се користат компјутерите за забава, премина во желба да се креираат и употребуваат програми кои ќе ја олеснат работата на луѓето во мојот близок круг, мојата фамилија и најблиските. Ова резултираше во креирање на различни програми за книговодство, разни автоматизирани извештаи, видео клубови итн. Мојата желба да учам, и постојано да се надградувам, како и да истражувам, ме однесе кон креирање на решенија за комплексни проблеми, препознатливи во индустриите, а паралелно со тоа и развивање на бизнис за пласман на истите тие решенија. Такашто би рекол, дека мојата желба и страст за програмирањето постоеше уште од најмала возраст, но можноста да направам нешто што ќе им го олесни животот на останатите беше клучниот момент кој уште повеќе ја зацрвсти мојата одлука да започнам со програмирање.

– Што те натера да се вратиш во Македонија и да отвориш компанија токму тука?

Македонија е мојата родна земја. Тука сум живеел, растел, и имам голем број на спомени поврзани со Македонија, а посебно со Битола. Желбата да се даде шанса за развој на околината што ме креирала мене е тоа што ме натера да се вратам во Македонија и да отворам компанија тука. Во 2004, во Македонија (особено во Битола), не постоеше некој сериозен пазар за ИТ професионалци, и тогаш заедно со мојот партнери уште неколку храбри ентузијасти и ентузијастки, одлучивме ние да го креираме тој пазар.

Многу ми е драго што ние, како и други сериозни Македонски ИТ компании, сме помогнале да се креира околина за развој на талент и можност за вработување во ИТ секторот.

– Која е приказната која стои позади Интерворкс, или сега ⋮IWConnect?

Зачетоците на ⋮IWConnect се поврзани со личната желба да се даде вредност на околината што ми помогнала мене да сум тоа што сум, а секако постоеше и бизнис интерес. Благодарение на тогашниот едукативен систем (зборувам за кадар што веќе беше работна сила во 2004-2005) во Битола имаше сериозен талент чии што вештини котираа многу добро на светскиот пазар. Во тоа време Индија и Кина беа доминантни на светскиот пазар, па ние одлучивме да креираме конкуренција, или едноставно алтернатива на тоа што веќе постоеше како понуда.Искуството покажа дека можеме многу добро да котираме на светскиот пазар, и често да сме значително подобри од конкуренцијата. Креиравме уникатна понуда на услуги и знаења што сеуште не води како компанија, и со текот на времето поминавме низ неколку транзиции, за сега да сме фокусирани на поврзаноста (конекциите) и дигитализицијата.

Воедно сме покажале дека знаеме да градиме одлични професионалци што се желни за знаење и за професионален напредок, а освен тоа и за поисполнет живот,гладни за знаења, гладни за професионален напредок, и секако поисполнет живот каде парите не се секогаш највредни.

– Како успеа да изградиш компанија која од 5 стигна до повеќе од 170 вработени, присутна на пет различни локации?

Всушност јас ништо не направив сам, не изградив сам, зад мене стои сериозен тим што се градел скоро две декади. Рецептот за успехот е многу фантазирање и замислување што е се возможно, и потоа преземање на безрезервни акции кои не носат кон тие замислени цели. Кажано на друг начин, тоа е преземање на големи ризици, некогаш и на слепо, заради големата верба дека се работи на нешто многу големо и вредно. Во тој контекст многу е битно со кого работиш, со какви предизвици, во каква функција се поставуваш, и на крај која или каква фирма постануваш.

Денес има голема флуктуација на кадар. Сегашната отвореност на светскиот пазар тоа и го покажува сега има најголем број на поединци што се самовработени и даваат ИТ услуга насекаде во светот. Тоа е одлична шанса за секој индивидуалец. Но, за да се креира заедница на пријателство со заедничка цел за континуирано надградување со нови вештини, преку нови предизвици, и со спремност да се решаваат проблемите на најголемите светски брендови, бара огромен фокус и посветеност на тоа што е нашата визија и мисија.

Запазувајќи ги нашите фамилијарни вредности, имајќи ја желбата за раст преку авантури и предизвици од секаква големина, како и огромната потреба за да помагаме на други, не прави да сме исполнети во процесот на креирање на скромно богатство, а воедно да го зачуваме нашиот интегритет. Овие се накратко состојките што јас и моите колеги секојдневно ги употребуваме за да го одржиме и продолжиме да го градиме ⋮IWConnect.

– Колку ти значи Македонија и како се чувствуваш кога доаѓаш тука? Кое е твоето омилено место во државата?

Како што кажав и претходно, Македонија е мојатародна земја за која ме врзуваат голем број на спомени. Јас и мојата фамилија го користиме секој момент кога можеме да се сме тука, затоа што тука се чувствуваме дома. Македонија има голем број на убавини, места кои можат да се посетат во секое годишно време, како што се мојот роден град Битола, Охрид и Скопје. Ако треба да изберам едно место кое ми е омилено, тоа би бил врвот на Тумбе Кафе во Битола, од каде што можеш да го видиш целиот град, а секако и голем дел од Пелагонија.

– Како дојдовте до идеја за ребрендирање на Интерворкс?

Постојат повеќе причини за тоа. Сведоци сме дека оваа година е година на транзиција за сите, а ние веруваме дека е година на нови почетоци. Па би рекол дека за нас ова беше совршено време да се навратиме назад на нашите почетоци, кои сме биле, како сме се развивале со текот на времето, и да поставиме основа за нешто уште поголемо – да креираме бренд кој ќе се заснова на нашето богато минато, но ќе се фокусира кон иднината на дигитализацијата и конекциите. Другиот аспект е тоа што сега сме глобално уникатни и нашите уникатни вредности ќе бидат лесно препознатливи на глобално ниво. За крај, верувавме дека тоа што секојдневно го правиме, внатрешно и надворешно, не е потполно експонирано со нашиот поранешен бренд и затоа одлучивме да се дефинираме точно така како што се чувствуваме.

– Што значи новото име?

Кога ја добивме идејата за ребрандирање, и кога ги разгледувавме предлозите за кое име да го избереме, сите бевме едногласни во тоа дека мора да зачуваме нешто што ќе не потсетува на тоа што сме биле, а само да додадеме дел кој ќе ги означува нашите сегашни и идни цели и планови. Според тоа, првиот дел од името, односно ⋮IW, е релацијата од тоа каде сме биле, а Connect е кои сме сега и каде одиме. Ние сме компанија што гради врски внатрешно, а воедно сме и компанија што решава проблеми, креира нови решенија и ги конектира/комбинира истите за да им овозможи на нашите партнери да бидат најдобри во процесот на исполнување на нивните цели.

– Кои се твоите планови за во иднина?

Верувам дека нашата приказна е на самиот зачеток и допрва ни се најдобрите години, најдобрите искуства, можности и успеси. Имаме големи амбиции за во Македонија и пошироко, и се надеваме дека ќе останеме водичи во ИТ сферата.

– Дали ⋮IWConnect ќе се преселува во нов објект во Битола?

Големата експанзија во поглед на технологии, колегии решенија водеше до тоа да отвориме канцеларии во Прилеп, и Скопје во Македонија, Амстердам (Холандија), и Хјустон (Тексас) и нашиот раст продолжува во сите тие градови, како и во Битола. Канцеларијата во која сега сме моментално почна да биде малку тесна за нас, па неодамна купивме нов објект во нова Битола (зградата на ТВ Орбис). Планираме да креираме нешто уникатно од тој простор, со што сите ние ќе се гордееме, а се надеваме ќе се гордее и Битола, а секако и Македонија.

– За крај, што е она што ја прави ⋮IWConnect една од најуспешните ИТ компании во Македонија?

Би рекол дека тоа се нашите вработени кои безрезервно веруваат во мисијата која ⋮IWConnect ја има и максимално придонесуваат за остварување на сите цели кои ќе ги поставиме, нашиот менаџерски тим, нашите партнери насекаде во светот, како и типот/големината на проблемите што ние ги решаваме со технологиите што ние ги користиме.

Успешни сме само заради тоа што се радуваме на предизвиците и на секој неуспех гледаме како многу добра лекција од која што учиме да сме подобри во иднина.

 

 

(ПР текст)

Прикажи повеќе...

Најново

Регион1 час

Србија почнува со масовна вакцинација против коронавирус

Србија почнува со масовна вакцинација за населението, откако земјата досега набави вкупно 1.054.950 вакцини и има договор за набавка на...

Македонија1 час

Повеќе нема да се лекуваат пациенти со коронавирус на очна и на клиниката за уво, нос и грло

Ковид центарот на Клиниката за Очни бочести од вчера е затворен. Од Министерството за здравство информираат дека во текот на денешниот...

Македонија1 час

Вучиќ: Помошта со вакцини за Северна Македонија е братски и пријателски потег

Сепскиот претседател, Александар Вучиќ, денеска истакна дека не вреди за Србите да бидат здрави, ако луѓето во околината имаат милион...

Македонија2 часа

Во ковид-центрите во Скопје за 24 часа се хоспитализирани 30 пациенти

Во изминатите 24 часа во ковид-центрите во Скопје се хоспитализрани 30 нови пациенти поради компликации од коронавирусот. Вкупно 283 лица...

Македонија3 часа

Водици годинава без скокање по крстот

Православните верници денеска го слават празникот Богојавление – Водици кој се празнува уште од вториот век. Поврзан е со крштавањето...

Македонија3 часа

Не е исклучена можноста жените да одат во пензија и на 62 години

Во однос на дилемите во јавноста за задолжителното пензионирање на 64 години возраст и 15 години стаж, Министерството за труд...

Свет18 часа

Објавено ново видео од упадот во Конгресот на САД

Објавено е ново видео од упадот на приврзаниците на американскиот претседател во заминување Доналд Трамп во зградата на американскиот Конгрес...

Спорт19 часа

Чиле „падна“, Македонија во главната рунда на Светското првенство

Македонската ракометна репрезентација по двата високи порази во пресметките со Шведска и домаќинот Египет, ја забележа првата победа на Светското...

Македонија19 часа

Во Македонија 63 нови случаи на коронавирус, 13 лица починаа

Во последните 24 часа во Македонија се потврдени 63 нови случаи на коронавирус, 13 лица починаа, а 176 оздравеа, соопшти...

Свет20 часа

Судот во Москва му одреди притвор на Навални

Рускиот суд му одреди притвор од 30 дена на опозиционерот Алексеј Навални. Притворот ќе трае до 15 февруари, соопшти неговиот...

Македонија22 часа

Мицкоски побара поддршка од Орбан и Сијарто за деблокирање на Македонија на патот кон ЕУ

Претседателот на ВМРО-ДПМНЕ, Христијан Мицкоски, и потпретседателот Александар Николоски, денеска во Будимпешта имаа работна средба со премиерот на Унгарија, Виктор...

Свет23 часа

Пристапот „прво јас“ нè турка кон катастрофален пад во дистрибуцијата на вакцините, вели директорот на СЗО

Светот е на работ на катастрофален морален пад во дистрибуцијата на вакцини против Ковид-19, изјави денеска генералниот директор на Светската...

Македонија23 часа

Бектеши смета дека кафулињата треба да работат до 23 часот

Министерот за економија, Крешник Бектеши, смета дека работното време на угостителските објекти ќе биде продолжено до 23 часот. „Продолжување на...

Топ24 часа

Детали за инцидентот во врска со прилепчанецот убиен на лов

Во полициската станица во Прилеп во претпладневните часови на 17 јануари било пријавено дека во атарот на прилепското село Витолиште...

Македонија1 ден

Заев: Од Србија ќе добиеме 8.000 вакцини на „Фајзер“

Србија ќе ни отстапи 8.000 вакцини од „Фајзер“, a потоа можеби и ковид-вакцини од другите производители. Премиерот Зоран Заев соопшти...

Македонија1 ден

Институтот за трансфузиологија апелира: Донирајте крвна плазма, помогнете им на оние што се борат со Ковид-19

Од Институтот за трансфузиона медицина информираат дека се обезбедени 802 единици конвалесцентна плазма за третман на пациенти заразени од Ковид-19...

Европа1 ден

Во Германија откриена досега непозната мутација на коронавирусот

Според германските медиуми, на клиниката „Гармиш-Партенкирхен“ е пронајден нов, досега непознат вид коронавирус. Во болницата во Гармиш-Партенкирхен 73 пациенти и...

Свет1 ден

Захарова им порача на критичарите на апсењето на Навални да се занимаваат со своите проблеми

Портпаролката на руското Министерство за надворешни работи, Марија Захарова, се јави по повод пораките од политичарите за итно ослободување на...

Регион1 ден

Во Хрватска вакцинирани речиси 46.000 лица, кај 80 забележани лесни несакани ефекти

До овој викенд вакцинирани се речиси 46.000 граѓани во Хрватска, а 80 од нив имаат претежно лесни несакани ефекти, изјави...

Свет1 ден

Портпаролката на Навални: Не знаеме што се случува со него и каде го одведоа

Заводот за извршување кривични санкции во Русија објави дека опозиционерот Алексеј Навални, кој беше уапсен синоќа на враќање од Германија...

Досие