Контакт

Економија

(Видео) Деспотовски: Одговорноста за грантовите на Ласкова и на Анѓушев е моја, не избегав ни тогаш ни сега

Објавено пред

На сите 320 фирми што досега добиле грантови од Фондот за иновации може да им се залепат етикети дека се сдсмовски, вмровски или некои други, но прашање е дали е тоа коректно, вели Јован Деспотовски, директор на Фондот за иновации и технолошки развој, во интервју за „Макфакс“. Доколку поделиле пари само на пет фирми и тие биле од СДСМ, вели дека би го разбрал обвинувањето.

„Во неколку наврати веќе, дури и во дебати со претставници на опозицијата, прашувам дали сметаат дека е коректно да им залепиме етикета, политичка или партиска, на 320 компании. Домашни компании што хранат 15.000 луѓе“, вели директорот Деспотовски.

За скандалозните грантови на фирми блиски до советничката на премиерот, Цветанка Ласкова, на вицепремиерот Кочо Анѓушев и на уште неколкумина функционери од актуелната Влада, Деспотовски вели дека одговорноста е негова.

„Јас не избегав од одговорност ни тогаш. Јас реков нема проблем, ќе си земам обврска, одговорност, дека на тоа што во тој момент како правилник, како систем, е презентирано, можеби му недостигале одредени елементи. Ние имавме процес на консултации веќе со месеци, тој елемент никој не го посочи како проблематичен, ниту некој го размислувал. Можеби луѓето и не очекувале дека ќе аплицираат фирми на носители на јавни функции, не знам. Меѓутоа, се појави како проблем и го превениравме“, вели Деспотовски.

За 2,5 години откако тој е директор, Фондот доделил 55 милиони евра на домашни компании, кои обезбедиле 1.500-2.000 нови вработувања. Платите на нововработените, според Деспотовски, во просек се над 40.000 денари.

Некои од грантираните иновации веќе се произведуваат. Деспотовски во интервјуто открива дека се во преговори со Град Скопје на граѓаните да им се понуди за користење велосипедот, кој за еден час прочистува воздух колку што создаваат два автомобила со дизел-мотор исто така за еден час.

Директорот Деспотовски ги најави планираните повици за в година. Одлуките за доделување на парите што ги носи Комитетот за инвестиции може да бидат пролонгирани до средината на мај поради изборниот период во кој вели дека нема да имаат повици ниту, пак, да носат одлуки.

Деспотовски, и по изборите, себеси се гледа како директор на Фондот оти сè уште вели дека може да придонесе за грантирањето да стане одржливо, а со тоа и политиките што тој ги спроведува.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Јавниот и државниот долг се зголемени за над 8 проценти во период од три месеци

Објавено пред

Јавниот и државниот долг во второто тромесечје се зголемени за над 8 проценти.

Jавниот долг, кој ги вклучува државниот, гарантираниот и негарантираниот долг заклучно второто тримесечје од 2020 изнесува 59,5% од БДП, што споредено со претходното тримесечје претставува зголемување за 8,8 процентни поени.

Државниот долг заклучно второто тримесечје е 50,7% од БДП, што споредено со претходното тримесечје повеќе за 8,9 процентни поени.

Од Министерството за финансии велат дека покачувањето на долговите во вториот квартал се должат пред се на повлекувањата на средствата преку еврообврзницата и заемот од Меѓународниот монетарен фонд, со цел обезбедување на ликвидност во време на КОВИД-19 кризата, обезбедување на средства за реализација на антикризните мерки и непречено извршување на буџетот и покрај кризата, односно покривање на зголемениот дефицит поради падот на приходите како резултат на КОВИД кризата.

На промените на јавниот и на државниот долг влијаело повлекување на средства од склучени кредитни аранжмани со странски кредитори за вториот квартал од 2020 година во износ од 928,7 милиони евра, од кои 909,4 милиони евра за кредити на општа влада – 700 милиони евра за издадената Еврообврзница и 176,5 милиони евра од кредит од ММФ за Проектот за финансиска поддршка од инструментот за брзо финансирање за време на вонредна состојба, како и 19,3 милиони евра за заеми на јавните претпријатија. Исто така, има и повлекување по основ на држвни хартии од вредност во износ од 127,7 милиони евра.

„Во овој период освен повлекувања, имаше и отплати кои влијаеа на висината на јавниот и на државниот долг, како отплатата на рата за обврзница за денационализација која доспеа на 01.06.2020 година во износ од 7,98 милиони евра и отплата на обврски по основ на главнина од претходно земени заеми надворешен долг за вториот квартал од 2020 година изнесува 60,4 милиони евра, од кои отплата на главнина на општа влада во износ од 38,01 милиони евра и отплата на долг на јавни претпријатија во износ од 22,39 милиони евра“, велат од Министерството.

Проекциите за до крајот на годината се дека јавниот долг ќе се задржи на 59,6% од БДП, додека државниот ќе се намали на 49,6% од БДП.

До крајот на годината, поголеми повлекувања кои се очекуваат се првата транша од Заемот за макрофинансиска помош од Европската комисија во износ од 80 милиони евра, додека поголема отплата до крајот на годината е отплатата на Еврообврзницата земена во 2015 година во износ од 178,330,000 евра која доспева на 01 декемри 2020, понатаму главнина за заемот од Дојче банка во износ од 13,5 милиони евта која доспева на 10 декември и краткорочниот заем од домашни комерцијални банки во износ од 132,5 милиони евра кој доспева исто така во декември.

Прикажи повеќе...

Економија

Кроација Oсигурување AД – Друштво за неживотно осигурување се закити со меѓународен Сертификат за квалитетно управување

Објавено пред

Кроација Осигурување АД – Друштво за неживотно осигурување согласно своите стратешки вредности и ценејќи ја довербата на своите осигуреници цврсто застана зад проектот за имплементација на систем за квалитет согласно стандардот ИСО 9001:2015, кој би се почитувал и применувал како трајно начело во сите подрачја од работењето.

Преку континуирано залагање за одржување и зајакнување на начелата за квалитет, ќе се овозможи подобрување на сите процеси и задоволување на барањата на клиентите, кои се секогаш примарна цел во работењето на Друштвото.

„Највисокиот менаџмент заедно со оперативното раководство за квалитет на Кроација Осигурување АД – неживот во изминатиов период беше насочено кон имплементација на нов стандард за квалитет, кој во домен на неживотно осигурување не е едноставен за имплементација поради низа комплекности на процесите. Процесот се одвиваше во неколку фази а основата беше скенирање на сите процеси во работењето и формирање на процесни матрици кои ќе донесат квалитет, брзина но и контрола во сите домени од работењето. Резултатот беше успешна сертификација од страна на Lloyd’s Register Quality Assurance. Тоа што многу малку компании во нашата држава поседуваат ваков Сертификат не прави препознатливи по уште една значајна карактеристика – квалитетот во работењето“, изјави Вилма Учета Дузлевска – Генерален Извршен Директор на Кроација Осигурување Неживот АД Скопје.

Политиката за квалитет произлегува од мисијата и стратегијата на Друштвото и е дел од неговата деловна политика. Основната цел е да ги регулира активностите на осигурување во насока кон висока професионалност и квалитет на услугите, континуирано следење на задоволството на клиентите преку нивни препораки и барања, одржување на задоволство и мотивираност на вработените како и следење на ризиците и проактивно учество во спречување на истите, но и мерливост на резултатите и нивна ефективност и ефикасност.

Прикажи повеќе...

Економија

Синдикатите и здруженијата бараат итно повлекување на одлуката за поскапување на струјата

Објавено пред

Група синдикати и здруженија побараа од Регулаторната комисија веднаш да ја повлече Одлуката за поскапувањето на струјата.

Зад барањето стојат Синдикат на македонската дипломатска служба (СМДС), Синдикат на работниците од управата, правосудните органи и здруженијата на граѓани (УПОЗ), Самостоен синдикат на новинарите и медиумските работници (ССНМ), Синдикат на културата на Република Македонија (СКРМ), Конфедерација на синдикалните организации на Македонија (КСОМ), Независен академски синдикат (НАкС), Левичарско движење СОЛИДАРНОСТ, Хелсиншки комитет за човекови права на Република Македонија, Здружение на граѓани „Гласен Текстилец“, ЈАДРО – Асоцијација на независната културна сцена, Субверзивен фронт.

Тие оценија дека поскапувањето на струјата за 7,4 проценти е сканадлозно. Велат дека револтира што ваква одлука се носи во екот на најголемата криза од поновото време, кога илјадници луѓе остануваат без работа или добиваат намалување на платите, како и во период кога се обелоденуваат разни малверзации од страна на фирми кои добивале државна помош а не исплаќале плати на вработените.

„Со ваква штетна предлог Одлука уште еднаш се потврдува дека најголемиот удар од кризава ќе биде врз економски најранливите и работниците“, наведуваат Синдикатите и здруженијата.

Понатаму, додаваат дека револтира и образложението на претседателот на Регулаторната комисија за енергетика, дека цената морала да се покачи, поради намалените приходи на енергетските компании. Децидни се дека профитот на големите монополски компании не смее да биде пред јавниот интерес и обврската на државата да ги штити посиромашните граѓани.

Револтира и тоа што одлуката се носи преку ноќ, без никаква јавна консултација, среде лето, пред продолжен викенд и државен празник, кога граѓаните немаат многу простор да реагираат на неа, велат потписниците на барањето.

„Одлуката се носи и во пост-изборен период, кога не е конституирано Собранието и нема избрано нова Влада, поради што е спорен и нејзиниот легитимитет, бидејќи ова не е техничка одлука. Ова е политичка одлука, со сериозни политички и социјални последици, која ќе ги засегне сите граѓани на оваа држава на долг период. Укажуваме и дека многу европски држави во кризава донесоа одлуки со кои ги одложија или ги покрија сметките за струја за сиромашните граѓани, или пак ја намалија цената на струјата. Нашата држава, која има највисока сиромаштија и невработеност во цела Европа, има уште поголема обврска да донесе некоја таква мерка, наместо да покачува цени“, додаваат синдикатите.

Прикажи повеќе...

Најново

Македонија17 минути

Сè уште трае потрагата по момчето кое исчезна во Преспанското езеро

Повеќе од 20 часа се трага по момчето кое вчера исчезна во Преспанското езеро. Како што информираа од полицијата, станува...

Топ30 минути

Лекар од Итната помош физички нападнат од татко на починато лице

Taтко на момче кое починало во сообраќајна несреќа, нападнал лекар од Итната медицинска помош. Лекарот бил на интервенција по претходно...

Македонија49 минути

Досега 500 лица починаа од коронавирус во Македонија

Бројот на починати од коронавирус во земјава достигна 500 лица, откако денеска беа потврдени 3 нови смртни случаи. Тројцата починати...

Македонија1 час

Гостивар со најмногу новозаразени во изминатото деноноќие

Гостивар е на врвот на листата со најмногу новозаразени од коронавирус во земјава во изминатите 24 часа. Според податоците на...

Свет2 часа

СЗО: Mајките да ги дојат своите деца и кога имаат ковид-19

Светската здравствена организација денеска предупреди дека наспроти големите надежи за пронаоѓање на вакцина, можеби никогаш нема да има чудотворено решение...

Македонија4 часа

Нови 74 заболени и тројца починати од ковид-19 во земјава

Министерството за здравство информира дека во последните 24 часа се направени 689 тестирања, а регистрирани се 74 нови случаи на...

Свет4 часа

Германските ученици се вратија во училишните клупи во екот на пандемијата

Десетици илјади училишни деца денеска се вратија во училиштата во северна Германија. Мекленбург-Западна Померанија е првата од 16 германски држави...

Македонија5 часа

Џафери: Добро се чувствувам, јас ќе ја водам седницата

Претседателот на Собранието, Тала Џафери изјави дека утре тој ќе ја води конститутивната седница. Џафери денеска ја напушта Клиниката за...

Свет6 часа

Руски доктор: Пандемијата личи на проба за биолошка војна

Ситуацијата со пандемијата на коронавирус личи на проба за биолошка војна, изјави рускиот детски хирург, Леонид Рошаљ, пренесе „Спутник“. „...

Свет7 часа

Мелбурн ги затвора речиси сите продавници и фабрики за да го спречи вирусот

Вториот по големина австралиски град Мелбурн, во кој веќе на сила е ноќен полициски час, најави нови ограничувања за индустријата,...

Свет7 часа

Латинска Америка најтешко погоден регион во светот, има речиси пет милиони заразени

Аргентина вчера надмина 200.000 случаи на ковида-19, Колумбија поставува дневен рекорд, а во Латинска Америка се рушат црните рекорди со...

Свет7 часа

Трамп: Ретко кој заслужил смртна казна повеќе од бомбашот од Бостон

Американската сојузна влада би можела уште еднаш да побара смртна казна за Чеченецот Џохар Царнаев, изјави американскиот претседател Доналд Трамп....

Свет8 часа

Германците сакаат да продолжат да работат од дома и по пандемијата

Поголем дел од Германците сакаат да ја задржат можноста за работа од дома и по завршувањето на пандемијата на коронавирус,...

Свет8 часа

Американски и британски фармери добиваат мистериозни пакети со семиња од Кина

Фармери во Велика Британија и САД веќе некое време примаат чудни пакувања со семиња од Кина во пошта што не...

Топ18 часа

Малолетник од Ресен исчезна во Преспанското езеро

Во водите на Преспанското езеро вчера исчезнало 16-годишно момче од Ресен. Во Полициската станица Ресен од Итната медицинска помош било...

Регион21 час

Преглед на состојбата во регионот: Албанија со нов рекорд на новозаразени, во Косово уште 13 починати

Преглед на состојбата со коронавирус во регионот во последното деноноќие. Нов рекорд на новозаболени во Албанија Откако Албанија вчера регистрираше...

Македонија22 часа

Maлиот Ајан кој го победи карциномот заѕвони на ѕвонче пред да ја напушти Детската клиника

По долга битка со леукозата, малиот херој Ајан денеска ја напушти Детската клиника во Скопје. Придружен со аплауз од медицинскиот...

Македонија1 ден

Филипче: Лежалката на плажа лесно се заменува со болнички кревет

Лежалката на плажа лесно се заменува со болнички кревет, предупредува министерот за здравство, Венко Филипче. Tој апелира на почитување на...

Македонија1 ден

Регистрирани 166 новозаразени со коронавирус во Македонија, починаа 4 лица

Министерството за здравство информира дека во последните 24 часа се направени 1419 тестирања, а регистрирани се 166 нови случаи на...

Македонија1 ден

(Видео) Пендаровски: Помирување ни е потребно повеќе од било кога

Во ерата на националните романтизми и национализми, Илинден остана симбол на неспорно изрзената волја за својата држава, заснована врз демократските...

Досие