Економија
(Видео) Тасевска: Инвестиции од 1,6 милијарди евра во патна инфраструктура преку ИПИ 2021-2027

Владата предводена од СДСМ и премиерот Зоран Заев започнува со реализација на Интервентниот план на инвестиции за периодот 2021 – 2027 година, најави пратеничката на СДСМ, Лидија Тасевска.
Според неа, меѓу проектите во Планот се наоѓаат и оние кои со децении се споменува и се најавуваа, но никогаш не почнаа со реализација или останаа заглавени, затоа што, како што рече, режимот на Груевски и ВМРО-ДПМНЕ одлучиле парите на граѓаните да ги трошат на барок, споменици и криминални тендери, наместо да ги вложуваат во она што е важно за граѓаните и државата.
Планот, како што објасни Тасевска, предвидува реализација на низа инфраструктурни проекти изградба и реконструкција на регионални и експресни патишта низ целата држава, но и инвестиции во железницата.
„Подготвена е првата фаза од експресниот пат Штип – Радовиш во вредност 54 милиони евра и ќе биде пуштен кон средината на овој месец, додека продолжува втората фаза која е предвидено да се пушти во употреба до септември 2022 година. Експресниот пат Крупиште – Кочани во вредност од 37 милиони евра, 50% е пуштен во употреба, а сега се реализира делницата Крупиште – Кочани. За експресниот пат Градско-Дреново-Фариш, избрани се изведувачите, очекуваме потпишување на договорите, со што работите на оваа многу значајна делница можат да започнат уште ова лето. Следува реализација на автопатот Скопје – Блаце, во вредност од 120 милиони евра, која ќе го гради македонската компанија ‘Гранит’. Продолжуваат активностите на железничката пруга Куманово до границата со Бугарија, каде трите фази се во вкупна вредност од 600 милиони, а дел од овие средства се донација од Европскиот инвестициски фонд“, рече пратеничката од СДСМ.
Додаде дека е обезбедена и документација, главен проект и студија на изводливост за железничката пруга Кичево – граница со Албанија, проект вреден 520 милиони евра.
Вредноста на проектите во патната инфраструктура, како што информираше, изнесува околу 1,6 милијарди евра, додека во железничката инфраструктура над 1, 1 милијарди евра, за периодот 2021-2017 година.
„Овој инвестициски циклус нема за цел да ветува економски чуда, туку фокусирање на нови и веќе познати инвестиции во енергетска инфраструктура, патна и железничка и гасоводна инфраструктура, во отпадот и пречистителните станици, преработувачката индустрија, малопродажбата, јавното здравство, комуналната инфраструктура“, рече Тасевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Европа од денеска воведува забрана за увоз на руски дизел

Од денеска, Европа воведе забрана за увоз на руски дизел гориво и други нафтени деривати, со што дополнително се намалува нејзината зависност од Москва додека се обидува да го казни Кремљ за воената акција во Украина.
Забраната е воведена заедно со ограничување на цената на нафтените деривати, што е резултат на договорот меѓу групата седум демократски земји, пренесе АП.
Целта е да се дозволи дизелот да продолжи да се снабдува во земји како Кина и Индија и да се избегне ненадејно зголемување на цената на ова гориво, што би им наштетило на потрошувачите ширум светот, а во исто време ќе го намали профитот што го прави Москва за државниот буџет.
Дизелот е од клучно значење за економијата бидејќи се користи во автомобили, камиони за транспорт на стоки, земјоделски машини и фабрички машини.
Членките на ЕУ отсега ќе купуваат дизел гориво од САД, Блискиот Исток и Индија за да го заменат руското гориво кое во еден момент покриваше десет проценти од потребите на Европа.
Цената на дизелот може да порасне поради зголемените транспортни трошоци и закрепнувањето на побарувачката во Кина, чија економија излегува од драконските ограничувања наметнати од пандемијата Ковид-19, пренесе Танјуг.рс.
Економија
(Видео) Битиќи: Наскоро доаѓа АДА – првиот дигитален асистент во јавниот сектор во регионот

Пред нешто повеќе од една година започнавме со креирање на првиот дигитален асистент базиран на вештачка интелигенција – АДА, преку кој компаниите ќе можат да добиваат целосни информации за условите за инвестирање во нашата земја и државната помош која ја нудиме, соопшти заменик-претседателот на Владата задолжен за економски прашања, Фатмир Битиќи.
„ АДА ќе ги нуди сите информации за финансиска поддршка по Планот за економски раст. А секако понатаму овој асистент базиран на вештачка интелигенција ќе го учиме и на други услуги кои се важни за стопанството и граѓаните“ рече Битиќи.
„ Дополнително, заедно со Светска Банка ќе започнеме конечно да дигитализираме 11 деловни процеси во 11 различни институции коишто го користат механизмот на државна помош. Ова ќе помогне во зголемување на ефективноста и ефикасноста“, изјави Битиќи зборувајќи за развивањето на АДА.
Клучно за развивање на дигиталниот асистент АДА е тоа што ќе овозможи унифицирани информации достапни во секое време за сите заинтересирани.
„ Дигитализацијата е одговор на сите недостатоци што се појавуваат во различни извештаи во однос на борба против корупција и организиран криминал. Единствен начин тоа да го адресираш е преку целосно тргање на страна на човечкиот фактор и секако да го направиш транспарентен целокупниот процес на поддршка на компаниите и инвестициите. Одлучивме дека ќе ја направиме АДА, дигиталниот асистент кој ќе биде првиот асистент кој некогаш е поставен во јавниот сектор. Инаку АДА е промената на дело којшто сите ние треба да ја направиме оваа година и наредните години ако сакаме навистина да стигнеме во растот и развојот кој сакаме да го постигнеме“, изјави Битиќи.
АДА ќе дава информации за инвестиции која овој месец ќе биде детално промовирана.
Дигиталниот асистент АДА се работи преку проект на Фондот за иновации и технолошки развој кој беше спроведен како предизвик за домашната старт ап заедница на кој победи фирмата CodeWell. АДА е првиот дигитален асистент во јавниот сектор во регионот кој работи на вештачка интелигенција, ве води и одговара на прашања за можностите за инвестиции во нашата земја и наскоро истиот ќе биде детално промовиран.
Економија
Позитивниот тренд на раст во ТИРЗ продолжува и во 2023 – зголемен извоз и нови работни места

ТИРЗ ја започнува годинава со позитивен тренд на извоз и зголемување на бројот на работни места, покажува редовната месечна анализа.
Компаниите во ТИРЗ во јануари реализирале извоз од 275,4 милиони евра што е највисоко ниво во последниве пет години. Споредено со јануари 2022 извозот е зголемен за 11%, односно е за 9% повисок од 2021, и за 45% и 15% повисок споредено со 2020 односно 2019 година.
Позитивниот тренд на раст продолжува и во однос на увозот. Компаниите во ТИРЗ во јануари оствариле увоз од 221 милиони евра. Тоа е за 8% повеќе споредено со истиот период во 2022, односно за 44% повеќе од јануари 2020 и за 15% повеќе споредено со 2019. Увозот во јануари 2021 бил повисок за 10%, покажува анализата.
Особено позитивен тренд на раст има кај нето извозот кој во јануари е 24,5%, што меѓу другото се должи на зголемените инвестициски активности во Зоните и зголемениот број на работни места.
Бројот на вработени во зоните во јануари достигна речиси 16,400 што е за 16% повисок од јануари 2022. Само во првиот месец од годинава во компаниите во зоните се отворени речиси 80 нови работни места. Инаку ТИРЗ ја заокружи минатата година со 2300 новоотворени работни места и највисок извоз досега од 3,7 милијарди евра, со што е 2022 е најуспешната година од постоењето на зоните.