Контакт

Економија

(Видео) Фондот за иновации додели грантови од 2,5 милиона евра

Објавено пред

2,4 милиона евра ќе чини реализацијата на трите проекти, добитници на кофинансирани грантови за технолошка екстензија од првиот јавен повик на Фондот за иновации и технолошки развој, од кои 1 милион евра се средства што се доделуваат од ФИТР, а другите средства се обезбедени од апликантите. Проектите ќе ги реализираат Стопанската комора на Македонија, „Про план студио„ и „ГСИ консалтинг“, кои во транспарентен и селективен процес се избрани во конкуренција од 8 номинирани проекти.

Вицепремиерот за економски прашања, Кочо Анѓушев, рече дека првиот јавен повик за инструментот за технолошка екстензија на Фондот за иновации и технолошки развој е рализиран со поддршка на Светската банка, а преку овој инструмент ќе се овозможи повисока продуктивност на македонското стопанство.

„Најпрвин ќе се изврши детектирање на проблемите во оделните области за кои се добиени грантовите, а потоа и санирање на состојбите и преземање мерки за повисока продуктивност на компаниите што работат во областите преку набавка на нова опрема. За повисока продуктивност потребен е пристап до нови технологии, да се поседува техничко-технолошко знаење и добра организација на компаниите, а преку овој инструмент се надеваме дека ќе успееме тоа да го постигнеме во четирите области за кои се однесуваат проектите“, потенцира Анѓушев.

Вицепремиерот дополни дека Владата ќе продолжи со силна поддршка на македонските компании за да се стимулира индустрискиот развој во земјата, со оглед на тоа дека индустријализацијата е единствениот начин да се фати приклучокот со развиените земји.

„Процесот на индустријализација дава резултати, извозот во првите 10 месеци бележи раст од 16,2 отсто, а влијание на порастот има и од домашните и странските компании што работат во земјата. Во третиот квартал на 2018 бележиме раст на БДП од 3 отсто и тоа е реален раст, не е резултат на виртуелна економија и на виртуелни проекти, не е резултат на претерани и нефункционални задолжувања, растот е обезбеден од реалната економија. Растот на БДП ги надмина предвидувањата од одредени институции, а се надевам дека таквиот тренд на раст ќе продолжи во следниот квартал и во наредната година. Растот на финалната потрошувачка од 4,1 отсто, растот на индустриското производство и на јавна потрошувачка даваат за право дека може да очекуваме раст на БДП на реални основи и на долг рок“, потенцира вицепремиерот Анѓушев.

Директорот на канцеларијата на Светската банка за Македонија и Косово, Марко Мантованели, им честита на компаниите што добија грантови и изјави дека Светската банка е задоволна што може да придонесе кон агендата што му помага на локалниот приватен сектор да ја зацврсти својата продуктивност.

„Техничките надградувања се клучни за оваа област. Тие нудат помош за истражување, дијагностика, советување, да им помогнат на фирмите да усвојат нови технологии со кои ќе се комерцијализираат иновациите. Веруваме дека успехот на иновациите е важен за развивање динамична и конкурентна економија во Македонија“, нагласи Мантованели.

Директорот на Фондот за иновации и технолошки развој, Јован Деспотовски, рече дека овој инструмент ги надополнува мерките од планот за економски раст кога станува збор за технолошки развој кај микро, малите и средните компании, при што се додава елементот на дијагностика, односно поддршка на процена на потребите на компаниите, процес по кој треба да се реализираат инвестиции за повисока продуктивност.

„Преку овој инструмент се опфаќаат четири сектори: металопреработувачка индустрија, електромашинскиот сектор, делот на земјоделството во производство на храна, како и производство на мебел, сите препознаени како сектори со значителен извозен потенцијал. Предвидениот број компании што би добиле поддршка во набавка на опрема за технолошки развој е приближно 10. Минатата година зборувавме за степен на искористеност на средства од Светската банка на ниво на 10 отсто, со потпишување на денешните договори тој степен на искористеност се искачува на 50 отсто. Со завршување еден голем повик за финансирање стартап-компани и со вклучувањето на Светската банка во реализација на мерките од планот за економски раст, во првата половина на 2019 година очекуваме средствата што биле наменети за поддршка на иновациите и технолошкиот развој од Светската банка да се искористат во целост“, изјави Деспотовски.

Билјана Пеева-Ѓуриќ, извршна директорка на Стопанската комора на Македонија, која со проектот „Зголемување на извозната конкурентност на металопреработувачкиот, електро и машинскиот сектор преку подобрување на производните и технолошките способности на извозно ориентирани мали и средни претпријатија“, е еден од добитниците на грантовите, рече дека истражувањата спроведени од Комората покажуваат дека индустриската и извозната структура на металопреработувачкиот, електро и машинскиот сектор имаат силен потенцијал за развој, но дека приложуваат мал број извозни производи, а нивото на продуктивност и извозна софистицираност е ниско. Една од главните цели на првата фаза од проектот е решавање на проблемите поврзани со информациските и координациските активности преку идентификување листа на нови производи со повисок степен на финализација и поголемо ниво на комплексност во однос на просечната софистицираност на постојната индустриска структура. За таа цел детаљно ќе бидат проучени репродукциските процеси и индустриски поврзаности на ниво на поединечен производ, а процесот ќе опфати анализа на 1.200 производи што се предмет на меѓународна трговија. Втората цел на нивниот проект е идентификација на технолошките, производните и организациските слабости со цел дизајнирање план за решавање на проблемот со технолошкото заостанување како една од најкрупните бариери со кои се соочуваат МСП во нивните напори да ја зголемат извозната конкурентност.

Економија

(Видео) Мицкоски: Економијата е наш приоритет

Објавено пред

Благодарност до претседателот на Македонско-турската стопанска комора за можноста и ние како политичка партија да ги претставиме оние дефинирани политики и проекти коишто планираме да ги реализираме како идна влада во Македонија, истакна лидерот на ВМРО-ДПМНЕ, Христијан Мицкоски.

„За нас е исклучително важна оваа средба бидејќи според тоа што знае македонската јавност, или па можеби сè уште не знае, факт е дека компаниите што се дел од оваа стопанска комора имаат повеќе од 2 милијарди евра инвестициии, повеќе од 10.000 вработени практично се дел од компаниите што се дел од Македонско-турската стопанска комора. Факт кој сам по себе е импозантен, факт кој  сам по себе значи многу.

Нашата заложба, односите на идната влада предводена од ВМРО-ДПМНЕ, заедно со сите стопански комори, вклучувајќи ја стопанската комора помеѓу Македонија и Турција, да се продлабочуваат, да се интензивираат и зошто да не зборуваме за двоцифрени бројки на инвестиции на вложувачи од страна на Турција овде, во Република Македонија и зошто да не зборуваме за 2 до 3 пати повеќе вработени коишто ќе работат во компаниите што се дел од оваа бизнис-асоцијација.

Навистина за мене претставува чест и задоволство што ќе можам денеска да разговарам со искусни претприемачи, бизнисмени, луѓе коишто оставиле забележителна трага на економијата во Македонија. Нешто да слушнеме, дел од тоа што ќе го слушнеме очекуваме да биде дел од нашата програма исто како што слушавме од другите стопански комори каде што, како што кажа и претседателот Ајдован, очекувам  плодна и навистина квалитетна средба денеска на состанокот“, вели Мицкоски.

Прикажи повеќе...

Економија

Македонија ќе биде првата земја од Западен Балкан што ќе се откаже од употребата на јаглен?

Објавено пред

Македонската влада одобри национална енергетска стратегија што ја прави земјата прва од Западен Балкан која ја разгледува можноста за откажување од употребата на јаглен пред 2030 година, пренесува аналитичкиот сајт „Емерџинг Јуроп“.

Според натписот, две сценарија од стратегијата за откажување од јаглен се проектираат за до 2025 година, а со третото сценарио затворањето на РЕК Битола се одложува до 2040 година.

Како што пренесува „Емерџинг Јуроп“, конечната одлука за тоа по која од овие можни насоки ќе се одвива стратегијата ќе биде донесена подоцна годинава.

Во анализата се наведува дека од јаглен се обезбедува половина од производството на електричната енергија во Северна Македонија во последните години, што само придонесува за хроничното загадување на воздухот во Западен Балкан.

Според натписот, со енергетската стратегија на македонската влада се планира значително да се засили искористеноста на сончевата и ветерната енергија.

Соларен фотоволтаичен капацитет со моќност од 120 MW e планиран на местото на неискористениот рудник во Осломеј, каде наскоро ќе биде затворена застарената електрана, пишува „Емерџинг Јуроп“.

Сајтот нагласува дека операторите на соларната централа планираат да ја користат истата инфраструктура и вработените од електраната.

Прикажи повеќе...

Економија

Спасовски се сретна со германскиот советник за економија Валтер Дефа: Фокус кон имплементацијата на реформите

Објавено пред

Претседателот на Владата, Оливер Спасовски, се сретна со Валтер Дефа, посебен советник за економија на претседателот на Владата, назначен директно од канцеларката Ангела Меркел. На состанокот е оценето дека државата напредува, поздравени се направените реформи и определбата за видливи промени во делот на имплементацијата.

Изразено е задоволство и за определбата на премиерот, на Кабинетот на премиерот и на Владата за воспоставувањето Централна единица за мониторинг во Канцеларијата на претседателот на Владата, со цел поефикасна испорака резултати во делот на клучните економски реформи и е најавена активна помош и поддршка од страна на германскиот советник и неговиот тим.

Констатирана е заеднички важноста од ефикасно воспоставен мерит-систем, со фер шанси за сите. Заеднички е ставот дека во системот на одлучување е потребно поедноставување на процедурите и функционирање на носителите на работни позиции на база на добри проценки за компетенциите на ангажираните кадри, како и преземање одговорност за носењето брзи и квалитетни одлуки.

Премиерот Спасовски изрази благодарност за големата помош и поддршка од германскиот советник Дефа, како и од Сојузна Република Германија во процесот на евро-атлантските интеграции и во делот на економските политики, значајни за квалитетот на живот на луѓето.

„Имаме напредок во сите области и во економијата, но силно сме определени кон примена на праксите што даваат брзи и квалитетни резултати. Покажавме континуитет на реформските процеси. Во периодот што претстои се фокусираме на значителни, позитивни, видливи промени во делот на имплементацијата на законите, усвоени по европски стандарди. Тоа носи резултати во квалитетот на испорака на услугите од институциите кон граѓаните и во квалитетот на живот на граѓаните“, рече премиерот Спасовски.

На состанокот е договорено да продолжи продуктивната соработка со германскиот советник Дефа и неговиот тим и во делот на иновациските политики и smart (паметната) специјализација, како области на модерното време, атрактивни за работа за младите луѓе, а преку коишто е возможна ефикасна имплементација на реформите во сите области значајни за граѓаните.

Прикажи повеќе...

Најново

Македонија26 минути

(Видео) Почна маршот на ВМРО-ДПМНЕ за правда

Со развиорени знамиња и скандирања „Никогаш Северна, само Македонија“ поддржувачите на ВМРО-ДПМНЕ го почнаа маршот за правда пред зградата на...

Македонија3 часа

Филипче: Дојдените од Италија да побараат преглед дома ако почувствуваат симптоми на коронавирус

Министерот за здравство, Венко Филипче, на денешната прес-конференција порача дека оние што допатувале од Италија и имаат симптоми на болеста...

Македонија3 часа

Патникот од Дубаи нема коронавирус

Министерот за здравство, Венко Филипче, соопшти дека патникот од Дубаи, кој јавил симптоми, нема коронавирус. „Вториот случај што го тестиравме...

Македонија5 часа

Владата со препораки за коронавирусот – да се откажат сите патувања и екскурзии на учениците во Италија

Владата донесе повеќе заклучоци и препораки за превенција и заштита на јавното здравје и здравјето на граѓаните од коронавирусот. Како...

Регион6 часа

Во Хрватска потврден првиот случај на коронавирус

Потврден еден случај на заразен со коронавирус во Хрватска. „Се работи за помлад човек, кој се наоѓа на Клиниката за...

Македонија7 часа

Маж варел кафе на плин и го предизвикал пожарот во Ново Лисиче

Од запалениот стан во Ново Лисиче пожарникарите извлекле петмина, меѓу кои една неподвижна жена и маж, кој од стресот не...

Актуелно9 часа

Режисерите на „Медена земја“ подготвуваат нови филмови

Тамара Котевска и Љубомир Стефанов, македонските режисери на документарниот филм со двојна номинација за Оскар „Медена земја“, се подготвуваат за...

Македонија9 часа

(Видео) Милошоски ја предаде „бомбата” за Заев во Обвинителствотo

„Она што го поседувавав како материјал, аудио и транскрипти во кои се слуша гласот на Зоран Заев, го предадов во...

Регион9 часа

Двајца Срби, членови на екипажот на крузерот, имаат коронавирус

Двајца државјани на Србија, членови на екипажот на бродот „Дајмонд принцес“, е потврдено дека се заразени со коронавирусот. Информацијата ја...

Македонија11 час

ВМРО-ДПМНЕ ќе протестира пред Обвинителството и Врховниот суд

Лидерот на ВМРО-ДПМНЕ, Христијан Мицкоски, повика на протест во 18 часот, кој ќе почне пред Обвинителството, а ќе заврши пред...

Спорт11 час

Џордан во солзи се прости од Коби Брајант (Видео)

Кошаркарската легенда Мајкл Џордан се прости од Коби Брајант, кој на 26 јануари заедно со својата ќерка Џијана и уште...

Македонија11 час

Тестовите потврдија – нема заразен од коронавирус во земјава

Лицето кое синоќа беше примено на Инфективната клиника во Скопје е тестирано и нема коронавирус, потврдија од Министерството за здравство....

Свет11 час

Почна процесот за екстрадиција на Асанж во САД

Првото рочиште во процесот на екстрадиција на Џулијан Асанж во САД се одржа пред судот во Лондон, при што двете...

Свет22 часа

Паника од коронавирусот, Италијанците ги испразнија супермаркетите

Во напад на паника поради коронавирусот Италијанците ги испразнија супермаркетите, а фотографиите на празни полици што ги објавија медиумите се...

Спорт22 часа

Ванеса Брајант ја тужи хеликоптерската компанија за трагичната несреќа

Ванеса Брајант поднела тужба против хеликоптерската компанија „Ајланд експрес хеликоптерс“ барајќи економска и казнена отштета по смртта на нејзиниот сопруг,...

Свет23 часа

Вајнштајн прогласен за виновен за сексуални напади

Поранешниот филмски продуцент Харви Вајнштајн е прогласен за виновен за две точки од обвиненијата за сексуален напад. Според Би-би-си, тој...

Македонија1 ден

Поради ужасните услови за живеење во Битола, Лука се враќа во Скопската зоолошка градина

Социјалните мрежи денеска беа преплавени од фотографии од тажното мајмунче Лука, сместено во валкан кафез во битолската Зоолошка градина, без...

Свет1 ден

Автомобил удри во карневалска поворка – 15 лица повредени во Германија

Полицијата уапси возач кој со сребрен караван се забил во карневалска поворка во Германија, пpи што се повредени 15 лица....

Европа1 ден

Бројот на починати од коронавирус во Италија се зголеми на седум лица

Во Италија почина и седмото лице од коронавирус. Станува збор за 80-годишен маж, кој претходно бил хоспитализиран, пренесоа локалните медиуми....

Македонија1 ден

Филипче апелира граѓаните да ги откажат патувањата во Италија

По петте смртни случаи од коронавирус во Италија, министерот за здравство, Венко Филипче, апелира граѓаните да ги одложат сите патувања...

Досие