Економија
Владата: Новогодишната потрошувачка кошничка опфаќа над 700 производи
Новогодишната потрошувачка кошничка со намалени цени се проширува со нови прехранбени производи. На само една недела од применување на кампањата „Помалку трошоци, повеќе за тебе – Се грижиме“ новогодишната потрошувачка кошничка со намалени цени од најмалку 10 проценти се проширува и истата опфаќа над 700 прехранбени производи, велат од Владата.
Владината прес-служба појасни дека согласно Законот за заштита на потрошувачите треба да биде земена најниската цена од претходниот месец, значи од 15 ноември до 15 декември и на таа цена да има најмалку 10 проценти намалување на производите.
Во новогодишната потрошувачка кошничка листа спаѓаат леб и житарици, пекарски производи, месо и преработки од месо, риба, млеко и млечни производи, кондиторски производи, свежо, замрзнато и конзервирано овошје и зеленчук, безалкохолни (газирани и негазирани) напитоци, алкохолни пијалаци (вино и пиво) и друго.
„Секој производ на рафтовите во маркетите ќе биде соодветно означен, а листата ќе има можност да се проширува и во следниот период. Мерката ќе важи еден месец односно од 15 декември 2024 година до 15 јануари 2025 година. Воедно, ја поздравуваме одлуката на компаниите кои се приклучуваат кон кампањата „Помалку трошоци, повеќе за тебе – Се грижиме“ и покажуваат општествена одговорност и ги повикуваме и останатите да се приклучат. Владата е директно насочена кон подобрување на економската состојба на илјадници семејства и животниот стандард“, се вели во соопштението на владината прес-служба.
Ова е трета примена на кампањата „Помалку трошоци, повеќе за тебе- Се грижиме“, и Владата најави дека истата ќе продолжи и во иднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
(Видео) Димковски: Поради неспособноста на Трипуновски нема откуп на оризот
Неспособноста на Цветан Трипуновски создаде криза со откупот на оризот и оризовата арпа, кажа денеска на прес конференција, Трајан Димковски од СДСМ.
„Од 28.000 тони откупени се околу 6.000 тони или едвај околу 20% од вкупното производство. Наместо да ги засука ракавите и да сработи, за што е платен од граѓаните, Трипуновски се обиде да ги лаже оризопроизводителите и со неговите постапки наместо да им помогне им одмогна. Кај Трипуновски и Мицкоски е вината за она што се случува. Нема откуп затоа што Трипуновски наместо го реши проблемот со откупот го блокираше. Заканите кон откупувачите и напушалните цени по своја волја не врдија плод, па Трипуновски им одзеде лиценци на три фирми откупувачи, со што директно го блокираше целиот процес. Затоа над 80% од реколтата за оваа година стои во амбарите“, вели Димковски.
Тој рече дека власта не го исполни ветувањето кон оризопроизводителите за субвенција кон откупувачите.
„Мерката ниту е спроведена ниту е дел од владината програма. Земјоделците, оставени на цедило, секојдневно реагираат револтирано и најавуваат протести. Трипуновски се крие и избегнува одговорност. Лагите на власта продолжуваат и со најавата дека откупот за стоковите резерви ќе го решел проблемот со откупот на оризовата арпа. Ова е уште една илузија на владата која нема реално решение за кризата што самата ја предизвика“, истакна Димковски.
Реагираа од ВМРО-ДПМНЕ.
„За 6 месеци се исплатија сите заостанати субвенции и се започна со тековна исплата. Имено, се исплати финансиска поддршка од износ од 1.7 милијарда денари на околу 78.000 земјоделци за тековната 2024 година. За прв пат се утврдија и откупни цени за двете најзастапени вински сорти на грозје Вранец и Смедеревка. Владата им излезе во пресрет и на тутунарите со што откупната цена на тутунот се зголеми од 375 на 400 денари за прва класа. Дополнително Владата ќе ја зголеми и субвенцијата од 80 на 100 денари за килограм, што значи дека заедно со откупната цена и субвенциите секој тутунар ќе добие по 500 денари за килограм тутун. Заврши и времето кога јаболкото се фрлаше по буништа. Се утврди и минималната откупна цена за јаболката. Со тоа што проблемот што го остави СДС со оризот, Владата на ВМРО-ДПМНЕ го решава, оризарите нема да бидат заборавени. Оваа Влада се грижи за земјоделците и не ги остава на цедило како претходната власт на СДС“, се вели меѓу другото во соопштението на владејачката ВМРО-ДПМНЕ.
Економија
(Видео) Трипуновски: Министерството заедно со земјоделските здруженија ги креира Програмите за 2025 година
„Денес на моја иницијатива со повеќе од 30 здруженија се одржува работна средба со единствен дневен ред, а тоа е разгледување на предлог Програмите за субвенционирање за 2025 година, поточно Програмата за директни плаќања и Програмата за рурален развој“, истакна министерот за земјоделство, шумарство и водостопанство, Цветан Трипуновски.
„Темата на овој состанок е заедно со земјоделските здруженија да креираме Програми кои што ќе значат поттикнување и враќање на земјоделското производство во Република Македонија“, појасни министерот.
Министерот Трипуновски додаде дека ова е само еден од состаноците кој што се одржува денес и наредните денови ќе има и со останатите чинители во земјоделскиот сектор.
„Ќе работиме заедно за да донесеме Програми кои што ќе значат развој на македонското земјоделство. Ова што го правиме како активност е отварање во вистинска смисла на зборот вратите на Министерството се со цел заеднички и партнерски да работиме во делот на секторот“, истакна министерот.
Економија
СДСМ: Владините мерки немаат ефект, цените не се намалија – граѓаните се ограбени
Последните податоци на Државниот завод за статистика покажаа дека инфлацијата во декември лани во однос на истиот месец во 2023 година е зголемена за 4, 4 проценти, трошоците на живот се зголемиле за 3,5 отсто, а цените на мало за близу 4 проценти. Со ДПМНЕ на власт животниот стандард на граѓаните се намалува, власта се грижи за елитата и за нивните бизнис партнери а народот е оставен сам на себе, велат од СДСМ.
„Дури и последните најави од власта за некакви контроли за наводно намалување на цените во маркетите се покажуваат како уште една голема лага. СДСМ има детални информации од теренот. Во маркетите реалноста е дека само кај млекото има симболично намалување од неколку денари, додека кај другите производи нема никакво намалување. Зејтинот е се уште со поскапената цена и се движи од 89 до 96 денари а во некои маркети иако се продаваше за 82 денари пред 2 месеци. Јајцата се повторно околу 100 денари, а чинеа 75 денари. Шекерот, кашкавалот, се со поскапени цени, но исто така и леќата (169 денари), гравот (143 денари), оризот (135 денари) грашакот. Кај оние производи кои имаат иста цена пак забележано е намалување на грамажата. Ова е суровата реалнос која секојденевно ја гледаат граѓаните во продавниците, додека се мачат како да врзат крај со крај, како да го поминат месецот, што ќе имаат на масата семејствата за јадење. Политиките на власта со така наречените „кошнички“ доживеа дебакл. Наместо намалување на цените и достапни производи, дестина милиони евра се извлечени од џебовите на народот од страна на големите трговци. Власта дозволи буквално грабеж. Оваа политика на Мицкоски ги турка семејствата во уште поголема економска несигурност и во поголема сиромаштија“, пишува во соопштението на опозициската партија.