Контакт

Економија

Владата пред јапонските бизнисмени ги претстави поволностите за инвестирање во земјата

Објавено пред

Вицепремиерот задолжен за економски прашања, Кочо Анѓушев, и министерката задолжена за странски инвестиции, Зорица Апостолска, денес остварија средба со јапонска бизнис-делегација предводена од Јошихиро Секи, државниот министер за економија, трговија и индустрија на Јапонија, пред кои ги презентираа можностите за инвестирање во нашата земја.

Вицепремиерот Анѓушев ги претстави поволностите за инвестирање во Република Северна Македонија, при што истакна дека целта на Владата е да привлекува странски инвестиции со висок степен на технолошки развој, какви што несомнено има во Јапонија, која е една од најразвиените земји во светот.

„Со министерот Секи разговаравме за интензивирање на економската соработка помеѓу двете земји и тоа во насока на привлекување јапонски инвестиции, да дојдат во нашата држава и да инвестираат, односно да ја препознаат можноста нашата земја да биде нивна порта кон европскиот пазар. Воедно, разговаравме и за зголемување на извозот од нашата земја кон Јапонија, т.е. кои продукти би можеле да се пласираат на тој пазар. Во бизнис-делегацијата денес се и претставници на големи јапонски компании, како „Мицубиши“, „Мицуи“ и др., кои се навистина големи компании. Се надеваме дека од оваа посета ќе се појави интерес кај некоја од компаниите за инвестиции и на тој начин да се зголеми соработката помеѓу нашите две земји“, потенцира Анѓушев.

Министерката за странски инвестиции, Апостолска, истакна дека Владата е отворена за соработка со сите компании и води постојани контакти со компаниите од фазата на појавување на интерес, па сè до фазата на реализација на еден инвестициски проект.

„Оваа посета за нас претставува одлична можност да ги презентираме економските политики на Владата, но и да посочиме дека сме посветени на целиот процес на еден инвестициски циклус, од споделување информации потребни за инвеститорите до институционална грижа и следење на нивните проекти, па сè до целосна реализација на инвестицискиот проект“, рече Апостолска.

Јапонскиот министер Секи посочи дека оваа година се одбележуваат 25 години од воспоставување на дипломатските односи помеѓу двете земји, а лани јапонскиот премиер Абе ја објави иницијативата за интензивирање на економските односи на Јапонија со земјите од Западен Балкан.

„Денес сум тука со претставници од асоцијацијата Jetro, јапонска организација што се грижи за јапонските инвестиции во странство и промоција на јапонската економија. Со мене денес се претставници на компании од автомобилската и козметичката индустрија, туризмот, финансискиот сектор, логистички компании и компании од други индустрии. Ја посетивме технолошко-индустриската развојна зона во Скопје, задоволни сме од тоа што го видовме таму, се одвиваат многу активности и ќе разговараме за начините за меѓусобна соработка, кои би значеле придобивки за двете земји“, нагласи министерот Секи.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Анѓушев, Царовска и Адеми сообираа швајцарски искуства за дуалното образование

Објавено пред

Вицепремиерот задолжен за економски прашања, Кочо Анѓушев, министерката за труд и социјална политика, Мила Царовска, и министерот за образование и наука, Арбр Адеми, во дводневна работна посета на Берн, собираа швајцарски искуства за стручно образование и обука.

За таа цел, денеска, на вториот ден од посетата, министрите остварија посета на Универзитетот за применети науки и средба со менаџментот на училиштето за обука и тренинг за потребите на индустријата, лоцирани во Берн. Како што информираат од владината прес-служба, работната посета на Швајцарија владината делегација ја заокружила со средба со Мартина Хирајама, државен секретар за образование, истражување и иновации.

На средбата се разговарало за придобивките од оваа посета и можностите за понатамошна соработка во насока на поддршка за имплементација на дуалното образование во образовниот систем на наштата земја.

„Нашата влада спроведува реформи во сите сфери вклучително и во унапредување на образовниот процес. Тоа е наша обврска, не само за исполнување на критериумите во ЕУ и НАТО, туку и должност кон нашите граѓани за подобар живот на сите. Моделот на дуално образование, кој во моментот се спроведува како пилот-проект, тежнееме да го имплементираме во стручното средно образование“, потенцирал вицепремиерот Анѓушев.

Министерот за образование и наука, Адеми, нагласил дека образованието е клучна алка во развојот на секоја личност.

„Целта ни е да направиме квалитетно образование почнувајќи од основното па до високото образование. Образовниот процес особено во средното образование мора да претпри измени, пред сè со зголемување на практичната работа за време на школувањето“, рекол министерот.

Министерката за труд и социјална политика, Мила Царовска, на средбата зборувала за целта што повеќе деца да се вклучат во предучилишно образование.

„Токму со реформата работиме на намалување на детската сиромаштијата и со детскиот и образовниот додаток им овозможуваме на децата да имаат еднаков старт во животот. Нашата цел е што повеќе деца да се вклучат во предучилишно образование, затоа што раниот детски развој е основата за понатамошниот образовен процес”, нагласила Царовска.

Државниот секретар за образование и иновации на Швајцарија, Мартина Хирајама, ја нагласила волјата на швајцарската влада за поддршка на реформите кои се спроведуваат во нашата земја.

Прикажи повеќе...

Економија

Ангеловска: Како миленијалец ми пречи да слушам дека со „Мој ДДВ“ си играме со технологијата

Објавено пред

Да не се технологиите нема да има ниту фискална транспарентност, ниту фискална дисциплина, ниту, пак, младите ќе ги задржиме во земјата, истакна министерката за финансии, Нина Ангеловска, реплицирајќи на комисиската расправа за ребалансот на буџетот во Собранието.

Таа всушност реплицираше на тврдење дека мерката „Мој ДДВ“ е играње со технологијата. Ангеловска истакна дека мерката „Мој ДДВ“ е само една мерка од сеопфатна стратегија за решавање на сивата економија.

„За ‘МојДДВ’ кажавте една реченица за која мене искрено како нова генерација, како миленијалец ми пречеше, а тоа е дека си играме со технологии. Да не се технологиите, нема да има ниту транспарентност, ниту следење на јавен долг, ниту фискална дисциплина, ниту ќе одиме напред, ниту младите ќе ги задржиме во земјата ако не се технологиите. Велите зошто не сте го намалиле ДДВ-то. Порано беше ‘Фискална во рака, награда без мака’ – зошто тогаш не беше намалено ДДВ-то. Тогаш фискалните се испраќаа во плик и се доделуваа станови. Ја користевте како мерка за да адресирате проблем со која мислевте дека ќе ја решите сивата економија. Не. Тоа е само еден мал дел. И ‘Мој ДДВ’ е само една мерка. Има стратегија и ќе ја решаваме сивата економија“, рече министерката.

Со ребалансот на буџетот се обезбедуваат 300 милиони денари за мерката „Мој ДДВ“, чија прва исплата ќе биде за неполни три месеци, истакнуваат од Министерството за финансии.

Прикажи повеќе...

Економија

Ќе се зголемува производството на струја од ветерниот парк во Богданци

Објавено пред

Генералниот директор на АД Електрани на Северна Македонија (ЕСМ), Васко Ковачевски, во Богданци порача дека тамошниот ветерен парк ќе се проширува со поголеми и помоќни турбини.

„Со поголеми и помоќни турбини ќе го зголемиме нашето производство на електрична енергија од обновливи извори“, порача Ковачевски.

Ветерниот парк Богданци во моментот работи со 16 турбини, a во втората фаза, која сега се спроведува, ќе биде проширен со уште 4 турбини, со поголема моќност од постоечките.

Со тоа, ветерната електрана од сегашните 36,8 MW инсталирана моќност, ќе биде заокружена на проектирана моќност од 50 MW, информираат од ЕСМ.

Ковачевски денеска се сретна и со градоначалникот на општина Богданци, Блаже Шапов, на сoстанок на кој се разгледувале можностите за понатамошна соработка меѓу ЕСМ и општината.

 

Прикажи повеќе...

Најново

Европа11 час

Макрон: „Жолтите елеци“ ме наведоа подобро да ги слушам луѓето

Францускиот претседател Емануел Макрон откри дека кризата со граѓанското движење „Жолти елеци“ на некој начин била добра за него, бидејќи...

Свет12 часа

Трудо среде скандал, најмалку трипати се маскирал како црнец

Канадскиот премиер Џастин Трудо денеска западна во голем скандал. Утрово беше објавена негова стара фотографија на која тој е облечен...

Македонија18 часа

Обвинение против ексградоначалник на Демир Хисар, незаконски вработувал луѓе

Битолското Обвинителство поднесе обвинение против три лица за незаконски вработувања. Обвинети се поранешен градоначалник на Демир Хисар, раководител на Центарот...

Македонија18 часа

(Видео) Трајанов: Со една изборна единица ќе се стави крај на прелевањето на гласовите на малите партии

Претседателот на Демократскиот сојуз, Павле Трајанов, рече дека очекува поддршка со консензус на иницијативата за промена на Изборниот законик да...

Македонија19 часа

Судењето за „Талир 2“ повторно одложено

Судењето за предметот „Талир 2“ на СЈО, судијката Даниела Алексова-Стојановска го одложи за 15 октомври. Причина за одлагањето е доуредување...

Регион19 часа

Mакедонски државјанин фатен при шверц на антички предмети на граничниот премин Прешево

Српските цариници во соработка со полицијата, во вторникот, 17 септември, на граничниот премин Прешево спречија обид за шверц на антички...

Топ20 часа

Обвинение и за девојката што учествувала во убиството на Пино Секондо

Обвинителството поведе обвинение и против девојка од Скопје за која се смета дека е соизвршител во убиството на Пино Секондо,...

Македонија20 часа

Палмер: САД се надеваат дека Северна Македонија ќе ги почне преговорите во октомври

Специјалниот претставник на државниот секретар на САД за Западен Балкан, Метју Палмер, вели дека очекува Северна Македонија да ги почне...

Топ21 час

Тракторист загина во сообраќајна несреќа на патот Струга – Дебар

Четириесет и осумгодишен тракторист од струшкото село Велешта загина во сообраќајна несреќа што се случи синоќа на регионалниот пат Струга...

Свет21 час

Обелоденети 76 милиони податоци од Mинистерството за внатрешни работи на Австрија

Во Министерството за внатрешни работи на Австрија, според информациите од интернет-страницата „Буре без дно“, дошло до масивно обелоденување полициски податоци....

Свет21 час

(Видео) Уапсен маж кој пукаше и го блокира стратешкиот мост во Киев

Украинските специјални сили уапсија вооружен маж кој го блокира стратешкиот мост во Киев и се закани дека ќе предизвика експлозија...

Свет21 час

Њујорк и Мичиген ги забранија ароматизираните електронски цигари

Њујорк е првата сојузна американска држава која забрани продажба на ароматизирани електронски цигари по речиси 400 случаи на сериозни болести...

Македонија22 часа

Собранието ја почнува расправата за ребалансот на буџетот

Во Собранието од денеска почнува расправата по ребалансот на буџетот за 2019 година. Предлогот за изменување и дополнување на Буџетот...

Македонија23 часа

Здружението Е.Д.Е.Н. предлага субвенционирање фотоволтаици за борба против загадувањето

Според извештајот на Европската агенција за животна средина објавен во 2018 година во земјава околу 3.000 смртни случаи годишно се...

Спорт1 ден

Македонец станува селектор на светските шампиони САД?

Македонецот Влатко Андоновски, тренерот на НВСЛ тимот Рејн ФЦ е главен кандидат да стане нов тренер на светските шампиони во...

Македонија2 дена

Продолжен притворот на Катица Јанева

Судот ѝ го продолжи притворот на поранешната специјална јавна обвинителка Катица Јанева, која е осомничена во случајот „Рекет“ на Основното јавно...

Македонија2 дена

Со лажна диплома од Приштина работел како професор по математика во Куманово

Педесет и едногодишен маж со фалсификувана диплома од универзитет во Приштина, Косово, се вработил како професор по математика во основно училиште во...

Македонија2 дена

Ексминистерот за правда, Беџети, одбил да ја потпише екстрадицијата за обвинети во „Монструм“

Ексминистерот за правда од ДУИ, Блерим Беџети, одбивал да го потпише барањето за екстрадиција за двајцата обвинети во „Монструм“, Африм...

Македонија2 дена

Случај „Монструм“: во судницата се слушаат разговори во врска со настанот на луѓе блиски до Груевски

Приватни и несуштински разговори беа пуштени во 13 од 25 бомби во судницата за случајот „Монструм“. Во разговорите се слушаат...

Македонија2 дена

(Видео) Филипче: Полицајци ќе патролираат кај најкритичните здравствени објекти

Министерот за здравство, Венко Филипче, го поддржа денешниот протест на здравствените работници против насилството врз нив. Тој рече дека почнале...

Досие