Агенцијата за финансиска поддршка во земјоделството и руралниот развој изврши исплата на директни плаќања за обележани грла говеда и презимени пчелни семејства.

На близу 9700 сточари се исплатени 329.512 денари за говеда евидентирани во регистарот за одгледувалишта на говеда, а 5877 пчелари кои поседуваат минимум 35 регистрирани презимени пчелни семејства добија финансиска поддршка од 210 милиони денари.

Висината на директните плаќања за говеда изнесува 2.800 денари по грло, односно 3.100 по грло за земјоделски стопанства со пријавен број за финансиска поддршка од минимум 10 до максимум 50 грла.

Висината на директните плаќања за презимени пчелни семејства изнесува 600 денари по пчелно семејство, односно 800 за оние земјоделски стопанства со пријавен број на пчелни семејства за финансиска поддршка од минимум 50 до максимум 100 пчелни семејства.

Агенцијата исто така ја реализираше и исплатата од подмерката од Интервентниот фонд за набавени вештачки ѓубрива за 327 корисници со финансиска поддршка од 7.6 милиони денари.

„АФПЗРР продолжува со подготовка на исплатите за останатите мерки за финансиска поддршка за сточарско производство. Во следниот период со засилена динамика ќе продолжи имплементацијата на програмите за директни плаќања и рурален развој, како и интервентниот фонд како главни механизми за државна финансиска поддршка за агросекторот и домашното производство на храна ” – информира директорот Бачовски.

Со цел што полесно да се помине најтешката зима на енергетски план, Министерството за економија подготви план и препораки „Заштеда на струја за безбедна зима. Овој план е со цел потрошувачката на електрична енергија да се намали за 15 отсто споредено со истиот месец од претходната година, првенствено за да се намалат трошоците за струја, а потоа и електричната енергија да биде достапна секому и секогаш. Електрична енергија оваа зима ќе има доволно, но од секој од нас зависи како и за што таа ќе се користи. И понатаму потребите за електрична енергија на ЕВН Хоум за граѓаните и малите потрошувачи ќе се задоволуваат исклучиво од наше сопствено домашно производство, без увоз на струја, изјави на денешната прес-конференција Снежана Калеска-Ванчева, пратеничка на СДСМ.

Таа додаде дека АД ЕСМ во првите седум месеци од 2022 година произведе за 15 проценти повеќе електрична енергија во однос на истиот период лани. Зголеменото производство се должи на зголемувањето на производството од термоелектраните РЕК Битола и РЕК Осломеј од 40 отсто, додека целиот план за производство за 2022 година е направен со 20 отсто.

Но и покрај ова важно е сите, од јавните установи и институции, преку приватните компании, па сè до домаќинствата да ја намалат потрошувачката на електрична енергија. Јавните институции и државни претпријатија добија задолженија за намалување на потрошувачката на електричната енергија во периодот од први септември до 31 март 2023 година како што се, да се исклучи декоративното осветлување на фасадите на сите јавни објекти и културни споменици. Да не се користи осветлување во внатрешните простории и канцелариите во јавните објекти во период кога има доволно дневна светлина. Во јавните објекти, во сезона на ладење температурата на климатизерите да се местат не пониско од 27 степени, а во сезона на греење не повисоко од 20 степени. Јавните институции, во рамките на буџетите, да инсталираат колекторски системи за загревање на вода, доколку тоа е разумно и исплатливо. Јавните институции целосно да го исклучат осветлувањето во излозите во период по работно време. Да се заменат старите светилки со вжарено влакно со компактни флуоресцентни светилки. Редовно да се менуваат филтрите на грејните тела, односно клима-уредите во работните простории.

Со почитување на овие задолженија и препораки ќе се намали потрошувачката на електрична енергија, ќе се намалат сметките за струја и нема да дојде до загрозување на редовното снабдување на електричната енергија. Затоа, сите да се водиме од овие препораки во периодот што следува, изјави Ванчева.

Месец август секогаш со себе ги носи најубавите летни попусти на сите фаворити од колекциите пролет-лето ‘22!

И оваа сезона вашите омилени брендови од Fashion group со неодоливи дополнителни попусти кои се причина плус за уште едно неверојатно шопинг искуство во нашите продавници и online shop!

Пред завршување на летната сезона и почеток на новата, сега е совршено време да си ги набавиме сите парчиња што толку ги посакувавме по цени како никогаш досега.

Финалното сезонско намалување е како создадено за нова тренди чанти од Guess по неодолива цена, најубавите street style комбинации од SuperDry, безвременските парчиња од Mango за целото семејтво и чевлите од Geox кои ќе ве одведат на најубавите летни дестинации со кои ќе ја заокружиме најстилската летна сезона досега.

Мажите и овој пат уживаат во класиците на нивниот апсолутен фаворит брендот Boss.

Како и досега така и овојпат, брендовите Bitsiani и Dan John ќе ви ја олеснат потрагата за вашиот изглед да не остане незабележан на најубавите настани кои толку многу ги сакаме.

Ве очекуваме во продавниците на Fashion&Friends и online shop заедно да ги создадеме сите модерни и кул комбинации сега на дополнителни намалувања!

Воедно, овој период од годината е совршена прилика да ги подготвите вашите најмили со сите удобни и кул комбинации од Okaidi, за сите предизвици кои ги очекуваат!

И за крај не заборавајте да ги пронајдете сите Women’secret костими за капење сега на супер попуст со кои ќе заокружиме уште едно модерно и тренди лето со Fashion Group!

ПР