Контакт

Економија

Групацијата Арикома ја купува компанијата „Мусала Софт“

Објавено пред

Групацијата АРИКОМА (ARICOMA) и „Мусала Софт“ најавуваат договор за аквизиција на „Мусала Софт“. Групацијата АРИКОМА, која е дел од KKCG, е европски давател нa ИТ услуги и напредни технологии, кој се развива со забрзано темпо. Оваа инвестиција е уште еден чекор напред во стратешкиот развој на АРИКОМА.

dobivaj vesti na viber

Со „Мусала Софт“, Групацијата АРИКОМА ќе се состои од 10 технолошки компании со консолидирани приходи од 400 милиони евра, добивка пред камати, оданочување и амортизација (EBITDA) од 39 милиони евра, и повеќе од 4000 вработени.

„Со преземањето на ‘Мусала Софт’, стануваме лидер во развојот на софтвер од Југоисточна Европа. ‘Мусала‘ природно се вклопува кон АРИКОМА и нашата цел да станеме европски лидер, и токму затоа се радуваме што ќе работиме заедно. Нивната иновативна култура и извонреден кадар дополнително ќе ги зајакнат нашите вештини како и нашиот потенцијал на пазарот. Принципите за развој на бизнис што ги има инкорпорирано лидерскиот тим на компанијата, во фокус го ставаат клиентот и се темелат на пристапот за решавање на проблеми. Веруваме дека, како дел од АРИКОМА, ‘Мусала‘ ќе доживее значителен успех и дека заеднички ќе ги забрзаме нашите долгорочни планови за раст и создавање вредност“, вели Лудовик Гауде, извршен директор на АРИКОМА Дигитал.

„Со нетрпение чекаме да ги здружиме нашите сили со АРИКОМА и KKCG и да започнеме ново и побрзо поглавје од нашиот развој. Взаемната синергија, која се должи на заедничка и комплементарна база на клиенти и експертиза, ни дава доверба и ја зголемува возбудата за она што е пред нас. Се разбира, ние ќе ја задржиме, а заедно и ќе ја продлабочиме посветеноста за развојот на ИТ заедницата, деловната клима, информатичкото образование, науката, иновациите и поддршката на млади таленти“, вели Елена Маринова, претседател на Одборот на „Мусала Софт“.

„Задоволен сум што успеавме да постигнеме договор со ‘Мусала‘. Ова е наша втора аквизиција годинава и е дел од нашата стратегија да ја издигнеме АРИКОМА во значаен играч во Европа. ‘Мусала‘ има интересно портфолио на клиенти, што ќе ги зајакне нашите вертикали во телекомуникацискиот, финансискиот и автомобилскиот сектор. И покрај предизвиците со кои се соочува денешницата, ИТ секторот продолжува да расте и да ја зголемува својата релевантност. Ние остануваме оптимисти во однос на долгорочниот потенцијал на индустријата“, додава Михал Томанек, директор за инвестиции во технологија на Групацијата KKCG, инвестициската компанија што стои позади Групацијата АРИКОМА.

Договорот кој го потпишаа сопствениците на „Мусала Софт“ и групацијата АРИКОМА е за продажба на 100-процентен удел во компанијата. Целокупниот менаџерски тим на „Мусала Софт“ ќе остане во одборот на долг рок и активно ќе учествува во градењето на иднината на АРИКОМА. Се очекува трансакцијата да биде одобрена од соодветните антимонополски институции и да се реализира во четвртото тромесечие од оваа година.

За финансиската страна на продажбата, „Мусала Софт“ се советуваше со Deepak Bhandari од Marylebone Capital Advisors Private Limited, додека CMS Cameron McKenna беше во улога на правен советник.

За Мусала Софт

Мусала Софт нуди напредна генерација на софтверски производи и корпоративни решенија за влијателни организации ширум светот, обезбедувајќи висококвалитетни софтверски инженерски услуги во областа на AI, Big Data, IoT, Analytics, Cloud, и Integration. Професионалниот тим на Мусала Софт поседува експертиза и креативност за справување со сите елементи од животниот циклус на софтверот. Клиентите на Мусала Софт се сложени, иновативни и современи претпријатија од информатичкиот, телекомуникацискиот, финансискиот и автомобилскиот сектор, кои се посветени на растот и стабилноста и ја градат својата иднина смело воведувајќи нови идеи. Некои од нив се IBM, SAP, VMware, Deutsche Telecom, A1, Generali, Canaccord, Experian, Procredit Bank, PTV Group, EDAG, Bosch, KPMG, PerkinElmer, Siemens Energy, и Financial Times.

Основана во 2000 година со седиште во Бугарија, Мусала Софт има тим од 750 вработени од над 10 националности кои се лоцирани во Бугарија, Северна Македонија, Египет, Албанија и Косово. Мусала Софт е горд добитник на повеќе државни и меѓународни почести и признанија за развој на таленти, наука и иновации, квалитет на софтверски решенија, лидерство и корпоративна општествена одговорност.

За групацијата АРИКОМА

Групацијата АРИКОМА е водечки давател на ИТ услуги од Централна Европа со значително присуство во Скандинавија. Од своите 8 центри за испорака со седиште во Европа, АРИКОМА обезбедува услуги за над 1000 клиенти на 15 пазари. Фокусот на АРИКОМА е да им помогне на клиентите од приватниот и јавниот сектор да се справат со променливите барања, ризици и деловни можности. Преку компаниите од своето портфолио, АРИКОМА испорачува сеопфатни решенија за дигитална трансформација, вклучувајќи UX дизајн и консалтинг, сопствен развој на софтвер, ИТ инфраструктура и управување со ИТ операции, операции во cloud и безбедносни услуги во cloud. Меѓу позначајните членови на групацијата АРИКОМА се вбројуваат: Seavus – компанија за развој на сопствени софтверски решенија со седиште во Шведска, Централна и Источна Европа, Stratiteq – шведска компанија за развој на софтвер, AUTOCONT – системски интегратор со седиште во Чешка и Словачка, Cleverlance Enterprise Solutions и KOMIX – компании за развој на сопствен софтвер, AEC – специјалист за услуги од областа на кибер безбедноста, и CESEA – владин специјалист за дигитална трансформација.

За KKCG

Групацијата KKCG, предводена од Карел Комарек, еден од најуспешните претприемачи во Чешка, е меѓународна инвестициска компанија со вкупна вредност од над 9 милијарди евра. KKCG ги развива своите бизнис активности во 33 земји ширум светот, а нејзини клучни сектори вклучуваат игри на среќа, енергетика, технологија и недвижнини. Поседува акции во многу водечки компании, како Allwyn (лотарија и игри), групацијата АРИКОМА (информатички технологии), групацијата MND (недвижнини), и Springtide Ventures (фонд за ризичен капитал со инвестиции во европски и израелски старт-ап компании).

Семејната фондација Карел Комарек поддржува најразлични проекти, меѓу кои: изградба на новиот REACH објект во Центарот за изведувачки уметности Џон Ф. Кенеди, поддршка за украинскиот народ и украинските бегалци во Чешка, веднаш по избувнувањето на војната, реставрација на Јужна Морава која беше оштетена од торнадото во 2021 година, и многу проекти за зачувување на чешкото културно наследство, вклучувајќи го и водечкиот меѓународен музички фестивал Дворжак Прага.

ПР-текст

Економија

Од полноќ стапува во сила забраната за увоз на руски јаглен во ЕУ

Објавено пред

Со завршувањето на преодниот период стапија во сила пакет-санкциите што земјите од ЕУ ги усвоија во април, а кои вклучуваат забрана за увоз на јаглен од Русија.

dobivaj vesti na viber

Така, се забранува купување, увоз или трансфер во ЕУ на јаглен и други цврсти фосилни горива по потекло или извезени од Русија, во вредност од осум милијарди евра годишно.

Првата од енергетските санкции на ЕУ против Русија беше забраната за купување јаглен. Забраната за увоз на нафта од Русија се очекува да стапи во сила во декември.

Русија беше земјата што испорача најмногу јаглен до земјите на ЕУ, околу 25 отсто од нејзиниот извоз на јаглен беше во Европа.

Од друга страна, земјите од ЕУ добија 45 отсто од вкупниот увоз на јаглен и 70 отсто од термичкиот јаглен што се користи за производство на електрична енергија од Русија.

Според податоците на руското Министерство за енергетика, Русија во 2021 година на ЕУ ѝ продаде 48,7 милиони тони јаглен, пренесе „Танјуг“.

Прикажи повеќе...

Економија

Државата нема контрола како се враќаат парите од ковид-мерките, тоа ќе ја чини 23 милиони евра

Објавено пред

Државата не предвидела како ќе го контролира враќањето на доделените средства за финансиска поддршка на работодавците и физичките лица за време на пандемијата, а тоа што институциите немаат целосни податоци колку пари досега се вратени во буџетот, ќе резултати со намалени приходи од 23 милиони евра во државниот буџет, откри ревизијата за Државниот завод за ревизија.

dobivaj vesti na viber

Според анализата на ревизијата, работодавците и физичките лица корисници на мерките за субвенционирање придонеси и исплата на плати вратиле само 29 % од пресметаната обврска за враќање, што како ефект има помалку вратени средства во буџетот во износ од 16 милиони евра.

Дополнително, поради тоа што не е предвиден начин на контрола и враќање на доделените средства за еднократна финансиска поддршка на физички и правни лица од одделни дејности, ревизорот смета дека постои ризик правните субјекти што не ги исполниле условите да не ги вратат средствата во буџетот во износ од седум милиони евра.

„Наведените состојби предизвикуваат намалени буџетски приходи во вкупен износ од 1.437.005 илјади денари, односно околу 23 милиони евра“, се вели ревизорскиот извештај.

ДЗР изврши ревизија на преземените мерки и политички за поддршка на вработувањата и професиите погодени од економската криза предизвикана од Ковид-19, а извештајот дава одговори дали мерките биле ефикасни креирани, реализирани и контролирани од институциите.

„Со ревизијата ги опфативме планирањето и реализацијата на шесте пакети економски мерки донесени од Владата на РСМ во 2020 и 2021 година во делот на мерките за финансиска поддршка за субвенционирање на придонесите од задолжително социјално осигурување, финансиска поддршка на работодавците за исплата на плати, финансиска поддршка за физички лица што вршат самостојна дејност, паричен надоместок за сите лица што останале без работа од 11 март до 30 април 2020, како и мерки за поддршка на професиите погодени од здравствено економската криза – поддршка за спортистите, самостојните уметници и културните работници. Со оваа ревизија на успешност опфативме 36 % од вкупно планираните средства за 2020 и 2021 година преку владината програма ‘П-мерки за справување со ковид-кризата’, што претставува 12.637.534 илјади денари (околу 205 милиони евра), од кои реализирани се 11.512.447 илјади денари“, велат од Државниот завод за ревизија.

Нецелосните податоци за бројот на работодавци што ја исполниле или не ја исполниле обврската за враќање на финансиската поддршка во утврдените рокови и како ефект има помалку вратени средства и остварување помали приходи во буџетот.

Со извршената ревизија е утврдено дека постои висок степен на реализација на опфатените мерки за финансиска поддршка за исплата на плати и поддршка на професиите, но и дека постојат и разлики во податоците за број на корисници и одобрени или исплатени средства на корисниците што се презентираат од разни
надлежни институции.

„По спроведената реализација на мерките за финансиска поддршка на работодавците за исплата на плати, УЈП има утврдено дека одреден број работодавци – корисници на поддршка им немаат исплатено плата на вработените. Бројот на работодавци што не исплатиле плата до јануари 2022 година изнесува 135 за вкупно 435 вработени за износ на искористена поддршка од 6.317 илјади денари, што како ефект има ненаменско располагање со доделената финансиска поддршка. Ненавременоста и малиот опфат на спроведени теренски контроли од 0,53 % од доделениот износ на финансиска поддршка, начинот на избор на работодавци за контрола, како и недоволната кадровска екипираност на институциите, создаваат ризик дека некои од работодавците искористиле средства од финансиската поддршка, без исполнување предвидени услови со уредбите и законите“, открива извештајот.

Орце Костов

Прикажи повеќе...

Економија

На полноќ во ЕУ стапува во сила забраната за увоз на руски јаглен

Објавено пред

Земјите членки на ЕУ веќе нема да смеат да увезуваат јаглен од Русија по преодниот период, кој завршува денеска на полноќ. Ембаргото е дел од петтиот пакет-санкции, што ЕУ го договори во април и ќе стапи во сила од четврток, пренесуваат светските агенции.

dobivaj vesti na viber

Земјите на ЕУ се согласија за преоден период од 120 дена за да ѝ дадат време на индустријата да се приспособи на забраната за увоз. Во април Европската комисија објави дека ембаргото за јаглен може да ја чини Русија околу 8 милијарди евра годишно.

Ембаргото за јаглен на ЕУ беше првата енергетска санкција на Русија. Во подоцнежниот пакет, Европската Унија, како што стои во написите, го забрани увозот на руска нафта за да го зголеми притисокот врз Москва. Нафтеното ембарго треба да стапи во сила на крајот на годината, со исклучоци за неколку земји, кои се особено зависни од руската нафта. Тука спаѓа и Унгарија, на која ќе ѝ биде дозволено да продолжи да испорачува нафта преку цевководи од Русија.

Рускиот оператор на нафтоводот „Транснефт“ во вторникот објави дека е запрен транспортот на нафта од Русија за Унгарија, Чешка и за Словачка.

Прикажи повеќе...

Најново

Економија4 часа

Државата нема контрола како се враќаат парите од ковид-мерките, тоа ќе ја чини 23 милиони евра

Државата не предвидела како ќе го контролира враќањето на доделените средства за финансиска поддршка на работодавците и физичките лица за...

Македонија5 часа

Нема хоспитализиран пациент со мајмунски сипаници на Клиниката за инфективни болести

Нема хоспитализиран пациент суспектен за мајмунски сипаници, информираат од Клиниката за инфективни болести. „Во врска со пациентот што се споменува...

Европа5 часа

Полскиот премиер ја обвини ЕУ за империјалистичко однесување кон помалите членки

Полскиот премиер Матеуш Моравјецки ја обвини Европската Унија за империјалистичко однесување кон помалите членки во статија објавена на веб-страницата „Велт“...

Свет5 часа

Хаос на аеродром во Париз, маж се заканувал со нож, полицијата го убила

На парискиот аеродром „Шарл де Гол“ полицијата отворила оган врз маж вооружен со нож, јавува BFMTV повикувајќи се на неименуван...

Македонија7 часа

Гори борова и дабова шума во Охридско

Сè уште е активен пожарот кај охридските села Вапила и Сирула. Како што соопшти Центарот за управување со кризи, гори борова...

Свет7 часа

Кина најави нулта толеранција за сепаратистичките активности на Тајван

Предупредувањето од Пекинг, кој го смета Тајван за своја територија, дојде неколку дена по невидените воени вежби на Кина во...

Свет8 часа

Зеленски: Војната на Русија против Украина мора да заврши со ослободување на Крим

Украинскиот претседател Володимир Зеленски изјави денеска дека конфликтот со Русија нема да заврши додека не се ослободи црноморскиот полуостров Крим,...

Свет8 часа

Јенс Столтенберг: Србија со години е близок партнер на НАТО

Генералниот секретар на НАТО, Јенс Столтенберг, оцени дека Северноатлантскиот сојуз е долгорочен и близок партнер со Србија велејќи дека партнерството...

Свет8 часа

Русија: Од почетокот на август од Украина се извезени 370.000 тони храна

Над 370.000 тони храна се извезени од украинските пристаништа во 12 брода од почетокот на август, изјави шефот на рускиот...

Свет8 часа

Во експлозија на аеродромот на Крим загина едно лице, а осум се повредени

Едно лице загина, а осум се повредени во инцидент на аеродром на Крим, соопшти локалното Министерство за здравство. „Бројот на...

Свет21 час

Нов вирус се појави во Кина: Заразени 35 луѓе – имаат треска, замор, кашлица, анорексија

Нов тип на хенипавирус добиен од животинско потекло, Langia henipavirus, кој може да зарази луѓе е пронајден во источната кинеска...

Свет22 часа

Поранешен шеф на кампањата на Трамп: Споделив доверливи информации со Русите

Пол Манафорт, кој беше менаџер на кампањата на поранешниот американски претседател Доналд Трамп во 2016 година, призна дека споделил доверливи...

Македонија23 часа

МОН го повлекува учебникот по Социологија за втора година гимназиско образование

Министерството за образование и наука информира дека е формирана Комисија за давање предлог за повлекување од употреба на одобрен учебник...

Македонија1 ден

Регистрирани 679 новозаразени од коронавирус, нема починати лица

Во согласност со податоците од Институтот за јавно здравје, Министерството за здравство информира дека во последните 24 часа направени се...

Економија1 ден

ССМ: Вредноста на минималната синдикална кошничка во јули 2022 е 47.042 денара

Вредноста на синдикалната минимална кошница со вклучена инфлација (трошоци за живот) за јули изнесува 47.042,00 денара и не може да...

Македонија1 ден

МНР: Ги отфрламе сите наводи дека се подготвуваат нови обврски за двете држави надвор од договорените принципи

„Во врска со појавени шпекулации во јавноста за нови заемни документи меѓу Северна Македонија и Бугарија, дозволете да информираме дека...

Регион1 ден

Румен Радев: Изборите на 2 октомври треба да произведат стабилно и одговорно мнозинство

„За сите од најголема важност е овие избори да дадат одговорно мнозинство. Исто така, важно е ова мнозинство да ужива...

Свет1 ден

Градоначалникот на Нагасаки: Нуклеарното оружје е реална и присутна закана

Нуклеарното оружје е реална и присутна закана откако Русија ја нападна Украина, изјави денеска градоначалникот на Нагасаки на 77-годишнината од...

Свет1 ден

Зеленски со порака до Западот: Забранете им на Русите да влезат, нека живеат во свој свет

Украинскиот претседател Володимир Зеленски ги повика западните земји да го забранат влезот на сите руски граѓани. Во интервју за „Вашингтон...

Македонија1 ден

ВМРО-ДПМНЕ: Ковачевски скриен во глувчешка дупка молчи додека во Бугарија се спремаат нови услови и барања за Македонија

„На повидок нов дебакал на предавничката влада предводена од Димитар Ковачевски во дипломатијата. Повторно нови услови и нови документи од...