Контакт

Економија

Димковски: Здружувањето на фармерите во земјоделски задруги е еден од начините за одржливо млекопроизводство

Објавено пред

Министерот за земјоделство, шумарство и водостопанство, Трајан Димковски, заедно со директорот на Агенцијата за финансиска поддршка во земјоделството и руралниот развој, Николче Бабовски, градоначалниците на Битола, Могила и Новaци денеска во Битола присуствуваа на манифестацијата „Одбележување на денови на млекото и кооперативното здружување“.

Оваа манифестација е дел од повеќето локални настани кои се финансиски поддржани од Министерството за земјоделство, шумарство и водостопанство преку Програмата за рурален развој. На манифестацијата присуствуваа фармери и претставници од млечната индустрија кои ги промовираа своите производи.

Министерот Димковски во своето обраќање посочи дека млекопроизводството како еден од поважните сегменти во агроиндустријата зазема и важно место во креирањето на политиките за развој на земјоделството. При тоа потенцираше дека и во оваа гранка здружувањето на фармерите во земјоделски задруги е важно за да се постигне одржливост на млекопроизводството и подобрување на рентабилноста на сточарството.

„При подготовката на мерките за овој сектор, посебно внимание МЗШВ посветува на примарното производство, подобрување на квалитетот на суровото млеко и поттикнување на млечната индустрија. Здружувањето на фармерите во земјоделски задруги е еден од начините да го направиме млекопроизводство одржливо, пласманот сигурен затоа што здружени земјоделците успешено се справуваат со потенцијалните проблеми при пласманот. Земјоделците здружени во задруги со големи обработливи површини, поголем број на добиток, гарантираат усогласен квалитет на пазарот, но и поголема конкурентност и пробивање на македонските земјоделски производи на странските пазари. Кога се здружени земјоделците, можат полесно да реализираат крупни инвестиции, да конкурираат за мерките од Националните програми и од ИПАРД-програмата, полесно да набават земјоделска механизација, а со тоа да имаат помали трошоци“, порача министерот Димковски.

Вчера по повод Меѓународниот ден на задругите, вчера во МЗШВ беа доделени договорите на 11 земјоделски задруги кои конкурираа за мерката „Економско здружување на земјоделските стопанства за вршење на земјоделска дејност“, за што ќе добијат вкупна финансиска поддршка од 9,2 милиони денари.

Директорот на Платежната агенција, Бабовски, ги презентираше мерките од Националните програми и од ИПАРД 2-програмата за развој на млекопроизводството. Од исклучително значење за развојот на оваа гранка е ефикасната искористеност на мерките што ги нуди европската ИПАРД 2-програма, како што се мерките за Инвестиции во материјални средства на земјоделски стопанства и Инвестиции во материјални средства за преработка и маркетинг на земјоделски и рибни производи, кои овозможуваат кофинансирање на трошоците за инвестиции во изградба или реконструкција на фарми за добиток, објекти за добиточна храна, складишта за храна, опрема за земјоделство, инвестиции во преработувачки капацитети, како што е изградба на млекарници. Овие две мерки значително ќе придонесат во создавањето на едно одржливо и конкурентно млекопроизводство.

Економија

Сугарески-Китанов: Работиме во моментов на преку 300 киломтери патна мрежа

Објавено пред

Министерот за транспорт и врски, Горан Сугарески при денешната посета на општина Ранковце истакна дека патната и железничката инфраструктурата и изградбата на гасификацијата се приоритет број еден на Владата. Тоа го потврдува, вели Сугарески, и фактот што инвестираме преку милијарда евра во изградба на патишта, железница и гасоводот, истакна

Тој заедно со директорот на ЈП за државни патишта, Зоран Китанов и градоначалникот на општина Ранковце, Ивица Тошевски, извршија увид во реконструкција на регионалниот пат Ранковце-Крива Паланка.

„Денеска сме присутни да извршиме увид во реконструкција на овој патен правец Ранковце-Крива Паланка, кој е многу значаен за целиот овој регион. Инвестицијата е 2,6 милиони евра. Овде минува европскиот Коридор 8, за нас стратешки патен правец кој дополнително ќе не поврзе со соседите и ќе ни овозможи економски развој на земјата а посебно развој на економијата на овој регион. Она што е многу важно е дека максимално се работи на капиталните инвестиции насекаде низ државата. Генерално имаме преку 34 проценти реализација во патиштата, преку 48 отсто во гасоводот, во делот на комуналната сфера исто така има силен интензитет на реализација, така да реално очекувам во третиот и четвртиот кваратл да имаме силен скок на капиталните инвестиции“, изјави министерот за транспорт и врски Горан Сугарески.

Директорот на ЈП за државни патишта, Зоран Китанов истакна дека во моментов се работи на преку 300 километри патна мрежа, а до крај на годината ќе се завршат преку 550 километри патна мрежа.

„Овој пат планираме да го завршиме и пред роковите односно до крај на годината. Исто така ќе го реконструираме и од правец од Куманово до Ранковце во должина до 30 километри. Првите 15 километри ќе се реализираат со средства од ИПА, останатите 15 километри ќе се тендерираат во месец август и со изградба ќе започнеме во месец септември. Со тоа целосно ќе го обновиме Коридорот 8. Сакам да нагласам дека во овој регион се работи на околу 120 киломтери патишта“ изјави Зоран Китанов, директорт на ЈП за државни патишта.

Според градоначалникот Тошевски, реконструкцијата на овој регионален пат е од особено значење посебно за регионалното поврзување со Бугарија.

Прикажи повеќе...

Економија

Бектеши: Отворањето на „Поинт ретаил-парк“ е доказ за еднаквиот третман на инвеститорите

Објавено пред

Отворањето на „Поинт ретаил парк“ е доказ за еднаквиот третман на инвеститорите и ќе ја зголеми атрактивноста на земјата како шопинг-дестинација, изјави министерот за економија, Крешник Бектеши, кој присуствуваше на свеченото отворање на првиот ретаил-парк во Македонија – „Поинт ретаил-парк“.

Вкупната инвестиција на компанијата „Али тобако“ во овој шопинг-центар, кој се наоѓа во општината Бутел, изнесува девет милиони евра, а ќе бидат отворени 200 нови работни места. Министерот Бектеши истакна дека оваа инвестиција е уште еден доказ за одличните услови и еднаквиот третман што ги добија домашните инвеститори во земјата со Законот за поддршка на инвестициите, што беше едно од основните барања на бизнис-заедницата во изминатиот период.

„Отворањето ваков ретаил-парк ја зголемува атрактивноста на земјата како туристичка и во случајов шопинг-дестинација отворајќи можност за зголемување на бројот на туристи, пред сѐ, од соседните земји во градот Скопје, кој со неодамна 340 илјади домашни и странски туристи минатата година беше најпосетуваната туристичка дестинација во земјата. Од друга страна, концептот што го нуди овој прв поинт ретаил-парк кај нас, кој што е развиен во целиот свет, и големиот број содржини што ги задоволуваат потребите и вкусовите на разни генерации граѓани, верувам дека ќе придонесе овој комплекс да се претвори во посакувано место за целото семејство и популарно сврталиште во кое ќе можете да ги споите извршувањето на обврските и релаксацијата, а за најмладите и забавата. Оваа инвестиција од девет милиони евра во општината Бутел, на стратешка локација која ги поврзува населбите Центар, Карпош, Бутел и Чаир, каде што, според најавите на сопственикот, ќе бидат отворени над 200 нови работни места, ќе придонесе за локален, регионален, но и развој на националната економија“, истакна министерот Бектеши на свеченото отварање на „Поинт ретаил-паркот“.

Според сопственикот Али Ќаили, ова е инвестиција што ќе влијае позитивно на градот Скопје и државата генерално, позиционирајќи ја Македонија како лидер во регионот.

„Многу сме среќни и се гордееме што денеска го отвораме првиот ретаил-парк кај нас, кој со својот принцип на работа ќе постави темели на еден поинаков модерен и европски концепт, кој во иднина може да претставува пример и што направивме инвестиција со која сите ќе се гордеат. Поинт ретаил-парк е инвестиција која ќе ги отвори вратите за речиси 200 лица и која вреди околу девет милиони евра. Сакам на нагласам и дека овде во ‘Поинт’ ќе можете да видите познати и реномирани домашни и странски брендови и воедно ќе искористам и да им се заблагодарам на сите закупци што го препознаа нашиот план и ја препознаа нашата инвестиција“, изјави Али Ќаили, сопственик на „Поинт ретаил-парк“.

Според градоначалникот на општина Бутел, Велимир Смилевски, оваа инвестиција ќе ја позиционира општинaта на повисоко ниво.

„Општина Бутел навистина се гордее што првиот ретаил-парк во Македонија се отвара токму тука. Јас како градоначалник особено се гордеам што со оваа инвестиција ќе се влијае на локалниот економски развој на општината и ќе влијае на нејзина модернизација. Сигурни сме дека оваа инвестиција ќе ги привлече сите граѓани од Скопје и другите градови од регионот да бидат редовни посетители“, изјави градоначалникот на општина Бутел, Велимир Смилевски.

Во „Поинт ретаил-парк“ ќе има голем број познати домашни и странски брендови.

Прикажи повеќе...

Економија

(Видео) Почна изградбата на нова фабрика на турската компанија „Балканлар пластик“

Објавено пред

Претседателот на Владата, Зоран Заев, заедно со вицепремиерот за економски прашања, Кочо Анѓушев, министерот за економија, Крешник Бектеши, и директорот на Дирекцијата на ТИР-зоните, Александар Младеновски, го означија почетокот на градба на новата фабрика на компанијата „Балканлар пластик“, со производство во Скопје ТИРЗ 1.

Заев образложи дека инвестицијата ќе биде во висина од 8 до 10 милиони евра и во првата фаза ќе има 80 нови вработувања со цел да достигнат 300 нови работни места во последната фаза.

„Оваа инвестиција доаѓа од земја што е еден од најголемите пријатели на Република Северна Македонија, а тоа е Република Турција. Сакам да ја искористам пригодата да му се заблагодарам на турскиот народ за ратификацијата на протоколот за наше членство во НАТО, кое беше пред неколку дена. Досега имаме 21 ратификација, со што станува извесно дека во декември Република Северна Македонија ќе стане членка на НАТО. Тоа истовремено значи мотивација и дополнителна позитивна провокација да привлечеме уште многу нови инвестиции, меѓу кои и инвестиции од Турција“, истакна премиерот Заев.

Премиерот посочи дека има евидентен пораст на странските директни инвестиции. Гринфилд-инвестициите пораснале 200 проценти за периодот од јуни 2018 до мај 2019 во споредба со истиот период претходно, што е нотирано во извештајот на „ФДИ маркетс“, специјален сервис на „Фајненшл тајмс“.

Вицепремиерот за економски прашања, Кочо Анѓушев, истакна дека производствениот погон на „Балканлар пластик“ е еден од триесетината инвестициски проекти што во моментот се реализираат во земјата, а преку кои се остваруваат плановите на Владата за силна индустријализација на земјата и се создаваат услови за побрз и одржлив раст на економијата.

„Минатата година од оваа земја забалежани се директни инвестиции во вредност од 36,2 милиони евра, а само во првиот квартал на 2019 година забележани се инвестиции од Турција во вредност од 16,3 милиони евра. Тоа значи дека инвестициите од Турција покажуваат тенденција на раст, со што очекуваме директните инвестиции од Република Турција оваа година да ги надминат ланските вредности. Инвестицијата на „Балканлар пластик“ се очекува да биде околу 7 милиони евра, каде што ќе се вработат околу 300 лица, а важно е што имаат планови да се развиваат и понатаму и да го шират производството во нашата земја. Владата ќе ги поддржува сите инвеститори, странски и домашни, да реализираат нови инвестции затоа што само преку индустријализација на државата може да обезбедиме одржлив раст на економијата на подолг рок. Да извезуваме производи, а не луѓе од државата“, потенцира вицепремиерот Анѓушев.

Министерот за економија, Крешник Бектеши, посочи дека Бунарџик се менува во позитвна смисла на зборот, се градат нови фабрики и има постојан влез на нови странски директни инвестиции.

„Би сакал да напоменам дека создадовме сосема нова политика за привлекување странски инвестиции сè со цел да обезбедиме нови работни места, а со тоа да придонесеме и за економскиот раст на нашата држава. Освен поддршката што ја дава Владата на Република Северна Македонија, претприемачите се запознаени дека како предуслов истовремено е и политичката стабилност, но и владеењето на правото“, истакна Бектеши.

Директорот на Дирекцијата на ТИР-зоните, Александар Младеновски, посака успешна и навремена изградба на новата фабрика, која ќе произведува пластична амбалажа за повеќе индустрии и ќе отвори нови работни места за младите и со тоа успешно ќе придонесува во севкупниот економски раст и развој.

Менаџерот на „Балканлар пластик“, Ерен Чалишир, се заблагодари на добрата соработка со институциите и Дирекцијата на ТИР-зоните во реализацијата на инвестицискиот проект на компанијата и рече дека оваа нова фабрика ќе донесе нова вредност во економскиот развој на земјата.

Прикажи повеќе...

Најново

Македонија2 часа

Градоначалникот на Струга се откажа од ингеренциите за издавање дозволи за градба

Градоначалникот на општина Струга, Рамиз Мерко, ѝ ги отстапи на Владата ингеренциите во делот на издавање дозволи за градба, легализација...

Македонија3 часа

Владата: Откажана лидерската средба, не прифаќаме ултиматуми од Мицкоски

Лидерската средба што беше планирана за денеска, дефинитивно, нема да се одржи. Од Владата велат дека причината за откажување на...

Македонија3 часа

Новинарите избркани од зградата на Државниот просветен инспекторат

Половина час по почнувањето на седницата на дисциплинската комисија во Државниот просветен инспекторат, на која се расправа за постапката на...

Македонија5 часа

Северна Македонија и Јужна Кореја воспоставија дипломатски односи

Јужна Кореја официјално воспостави дипломатски односи со Северна Македонија, објави Министерството за надворешни работи во Сеул, пренесе новинската агенција „Јонхап“....

Свет6 часа

Осомничениот го запалил студиото за анимација во Кјото зашто му украле идеја

Четириесет и едногодишниот маж, кој е осомничен дека го подметнал пожарот во студиото за анимација во Кјото, Јапонија, во кој...

Спорт6 часа

Кога Вимблдон зависи од деца

Тие се во сенка, иако стојат на сонце. Тие се незабележливи, иако ги гледате на ТВ екранот како ви претрчуваат....

Македонија17 часа

Николовски по состанокот на СДСМ: Последните настани покажаа одлучна борба против криминалот и корупцијата

Заврши состанокот на Централниот одбор на СДСМ на кој во проширен состав, во присуство на повеќе градоначалници, министри, заменици и...

Свет18 часа

Во Мароко изречени смртни казни за убиството на скандинавските туристки, обезглавени во име на Исламска држава

Судот за борба против тероризам во мароканскиот главен град, Рабат, изрече смртни казни за три лица поради убиството на две...

Свет19 часа

Хаос во поплавените области во Индија, тигри влегуваат во семејни домови

Најмалку 40 села во северниот дел на Бангладеш се поплавени откако синоќа од коритото се излеа една од најголемите реки...

Топ22 часа

Тетовец со „голф“ влетал во десетмина пешаци, еден од нив тешко повреден

На локалниот пат село Горно Орашје – Тетово, во попладневните часови на 17 јули се случил посериозен сообраќаен инцидент во...

Регион23 часа

Дојавата за бомба на аеродромот во Белград е лажна

Министерството за внатрешни работи на Србија потврди дека дојавата за бомба во авионот на „Луфтханза“ на аеродромот „Никола Тесла“ во...

Македонија1 ден

Активистката Моника Ристеска осудена на една година затвор

Активистката за легализирање на марихуаната, Моника Ристеска, е осудена на една година затвор. Таа е осудена за неовластено производство и...

Македонија1 ден

ЗНМ: Случајот со „1ТВ“ е последен аларм за итни медиумски реформи

Последните случувања со приведувањето на Бојан Јовановски, менаџер во кабелската телевизија „1ТВ“, отвора сомнеж за сериозна злоупотреба на медиумите на...

Свет1 ден

(Видео) Бројот на жртви во пожарот во студиото за анимација во Јапонија се искачи на 23

Бројот на жртви во подметнатиот пожар во познатото јапонско студио за анимација во Кјото порасна на 23, објави Би-би-си. Постои...

Македонија1 ден

Панчевски: Утрово ме избркаа како партал од канцеларија

Поранешниот претседател на кривичниот суд, Владимир Панчевски, објави на „Фејсбук“ дека утринава бил, како што наведува, избркан како партал од...

Европа1 ден

Голема акција на германската полиција: приведени исламски екстремисти кои подготвувале терористички напади

Полицијата во германската покраина Северна Рајна-Вестфалија утрово изврши рација во градовите Келн и Диран, при што изврши претреси на повеќе...

Европа2 дена

Шефот на кабинетот: Меркел е добро, планира да го отслужи целиот мандат

Здравјето на германската канцеларка Ангела Меркел е добро и таа планира да го отслужи целиот мандат до 2021 година во...

Македонија2 дена

Усвоена програмата за реконструкција на Универзалната сала и спомен-обележјето на Тоше Проески

Владата денеска ја усвои програмата за реализацијата на средствата предвидени во буџетот на Министерството за култура за 2019 година за...

Македонија2 дена

Боки 13 и Милевски остануваат во притвор, судот им ги одби жалбите

Кривичниот суд попладнево соопшти дека им ги одбил жалбите на осомничените во предметот за изнуда со трговија на влијаније. Тоа...

Македонија2 дена

Васко Ковачевски нов директор на ЕЛЕМ

Владата на денешната седница, по предлогот за разрешување на околу 40 директори во јавните претпријатија, донесе одлуки и за препораки...

Досие