Контакт

Економија

(Видео) Донесен ребалансот на буџетот – ќе се потрошат 53 милиони евра повеќе

Објавено пред

Владата го донесе ребалансот на буџетот за 2020 година чија цел е да ги финансира мерките за надминување на последиците од Ковид-19 кризата и да го забрза процесот на опоравување на економијата. Министерката за финансии Нина Ангеловска, која заедно со заменик-министерката за финансии Ширет Елези, го презентираше ребалансот, рече дека новите мерки и активности ќе бидат катализатор, забрзувач на процесите во периодот на опоравување, кој треба да започне во третото тримесечје, а да се интензивира во четвртото тримесечје.

Приходната страна на буџетот со ребалансот се намалува за 11,5% и истата изнесува 196,8 милијарди денари, додека расходната страна се зголемува за 1,4% и истата изнесува 242,9 милијарди денари. Буџетскиот дефицит е проектиран на 6,8% и е во линија со проекцијата на Европската комисија.Министерката за финансии, Ангеловска истакна дека на расходната страна се додаваат средства за соодветните Ковид програми.

„Се проектираат дополнителни 3 милијарди денари на Ковид програмата во Влада за спроведување на таргетирани мерки за стимулирање на приватната потрошувачка на граѓаните со фокус на домашната економија и поддршка на приватниот сектор и на работниците во фазата на опоравување на економијата. Дополнителни 600 милиони денари за програмата Ковид во Министерство за економија се наменети за мерки за поддршка на приватната потрошувачка на граѓаните и домашниот македонски туристички сектор. За социјална заштита поврзана со ефектите од Ковид-19 се распоредуваат 350 милиони денари, а исто толку и за Фондот за здравство. За Министерство за здравство за зајакнување на здравствените капацитети за откривање на болести преку обезбедување на техничка експертиза, лабораториска опрема и системи за откривање на случаи во согласност со упатствата на СЗО и операционализација на дополнителни легла се предвидени 300 милиони денари. За Министерство за образование има обезбедено дополнителни 350 милиони денари во Ковид програмата со цел поддршка на младите и студентите со фокус кон ИТ и дигитални вештини. Алоцирани се 150 милиони денари за исплата на надомест за невработеност во Агенцијата за вработување и 60 милиони денари за национално кофинансирање за нова кредитна линија за фазата на опоравување преку Развојната банка на Северна Македонија“,рече Ангеловска.

„Ние како Министерство за финансии направивме три сценарија за приходната страна на буџетот. Со ребалансот на буџетот се имплементира всушност најоптималното прво сценарио. Предвидено е кратење на приходите за 11,5%, на расходната страна, а има благ раст на зголемување на трошоците. Споредено со другите земји каде расходната страна се зголемува повеќе, ние го корегиравме само со 1,4%. Имајќи го во предвид Ковид-19 и средствата за помагање на економијата, овие средства се обезбедуваат од буџетот. Раст има во расходите на Министерството за економија, за образование, за здравство. Исто така, сакам да ја спомнам новата линија од 60 милиони денари со која ќе се обезбеди пониска камата и евтини кредити поради гаранцијата која ја нудиме како држава“,рече заменик министерката за финансии Елези.

Други поголеми расходи се за исплата на платите, проектирани на ниво од 30,2 милијарди денари или за 0,4 милијарди денари пониско, како резултат на ефектот од преземените мерки, односно времената забрана за нови вработувања во државната администрација, освен за ангажирања на соодветен кадар во здравствениот сектор и во други сектори кои се во насока на справување со последиците од коронавирусот.

Расходите за стоки и услуги се намалени за 1,8 милијарди денари во однос на планот за 2020 година, како резултат на мерките за сведување на минимум на сите трошења од буџетот кои суштински и директно не се поврзани со справувањето од корона вирусот, без притоа да се наруши редовното подмирување на обврските на буџетските корисници, како и обезбедени се средства за спроведување на парламентарни избори во 2020 година.

Тековните трансфери се планирани на ниво од 166 милијарди денари или за 9,6 милијарди денари повисоки во однос на планот за 2020 година, а се однесуваат на преземените мерки за обезбедување на средства за имплементација на економските мерки донесени од страна на Владата за справување со кризата предизвикана од пандемијата, а кои ќе имаат директен импакт врз реалната економија и директно помагање на приватната потрошувачка.

Капиталните расходи се планирани на ниво од 19,5 милијарди денари или 4,2 милијарди денари пониски во однос на планот за 2020 година, но повисоки во однос на нивото кое беше со одлуката за прераспределба. Имено со одлуката за прераспределбата која беше спроведена минатиот месец од капиталните расходи беа релоцирани околу 3,5 милијарди денари со цел спроведување на мерките и тоа од капитални расходи кои се однесуваат најмногу на опрема, возила и слични кои не се суштински и директно поврзани со справување со кризата.

„Со ребалансот намаливме-односно ги релоциравме дополнителни 700 милиони денари со што капиталните расходи, кои се задржани на ниво од 19.5 милијарди денари, што е всушност на ниво на максимално реализирани капитални расходи во изминатите 10 години. Реализацијата на истите во време на оваа криза ќе одигра значајна улога во амортизирање на ударот врз економијата“, рече Ангеловска.

Финансирањето на буџетскиот дефицит ќе се сервисира со поволни средства од меѓународни финансиски институции, повлекување на средства на домашен пазар преку државни хартии од вредност, како и со излегување со еврообврзница на меѓународниот пазар на капитал. Очекувањата за економскиот раст се -3,4%.

„Од она што досега го нотираат меѓународните финансиски институции, земјава добро се справува со кризата – ова се првични проекции, кои како ќе бидат реализирани ќе зависи пред се од мерките и нивната реализација. Затоа третиот сет на мерки, кој е насочен кон потрошувачката на домашно, кон поттикнување на ревитализацијата на економијата ќе одигра клучна улога во крајниот економски резултат. Фундаментите се поставени и сега ќе зависи од нас институциите, но и од сите нас заедно граѓаните, стопанството, да го фатиме моментумот на отворање на економијата и максимално да го искористиме. Мерките ќе бидат катализатор кој ќе го забрза тоа и ќе ги зајакне ефектите“, рече Ангеловска.

Економија

(Видео) Мицкоски: Владата на Заев до крајот на годината ќе го задолжи секое семејство за 1.500 евра

Објавено пред

Владата на Заев до крајот на годината ќе го задолжи секое семејство за 1.500 евра, обвини лидерот на ВМРО-ДПМНЕ, Христијан Мицкоски. Тој рече дека СДСМ во првите четири месеци од годинава го зголемил долгот на граѓаните за 1,8 отсто од БДП.

„Наместо да имаме намалување на јавниот долг, ќе имаме зголемување на јавниот долг само во првите четири месеци од 1,8 отсто. Секое семејство го задолжија за приближно 25.000 денари, само во првите четири месеци од почетокот на годината. Тука ќе потсетам – не е опфатена помошта кон стопанството и не е опфатена помошта кон граѓаните. За тоа ќе имаме дополнителен буџетски дефицит. Или до крајот на годината зголемувањето на долгот, на јавниот долг во однос на домашниот бруто-производ ќе изнесува точно 5 проценти. Или ако се додадат на дополнителните 1,8 отсто во првите четири месеци, тогаш вкупниот зголемен долг на крајот од 2020 година, без задолжувањето за помош на стопанството и граѓаните, ќе изнесува околу 7 проценти од БДП или тоа е околу 95 илјади денари зголемен долг за секое семејство, или 1.500 евра зголемен долг за секое семејство само за една година“, рече Мицкоски.

Лидерот на ВМРО-ДПМНЕ рече дека во извештајот на Министерството за финансии, кој опфаќа реализација на буџетот во првите 4 месеци, т.е. периодот од 1 јануари до 30 април 2020 година, е покажано дека дефицитот изнесува рекордни 200 милиони евра или приближно малку повеќе од 12 милијарди денари.

„Како е тој дистрибуиран по месеци – во јануари 20 милиони, во февруари – март 50 милиони и рекордни 80 милиони евра во април. Тоа е доволен показател дека Владата немала ниту во еден момент намера да им помогне на граѓаните и бизнисот, туку единствена цел била поткуп, т.е. обид за поткуп и милост од граѓаните да го заборават сето она што беше погрешно направено изминативе три години пандемија под раководство на СДСМ и Зоран Заев“, рече Мицкоски.

Тој рече и дека во првите четири месеци од 2020 година, во услови на техничка Влада, реализацијата на капиталните инвестиции е околу 13 проценти од она што било планирано на почетокот на годината.

„Во 2019 година за истиот период реализацијата на капиталните инвестиции била 11,25 проценти кога немаме техничка влада. Да потсетам, тоа е период кога исто така имаме изборен циклус, а тоа се претседателските избори. Во 2018 година реализацијата на капиталните инвестиции е 14,23 проценти, во 2017 година во истиот период, во првите 4 месеци кога исто така имаме техничка влада, капиталните инвестиции се реализирани со интензитет од 27 проценти во однос на тие што биле планирани на почетокот на годината.
Во 2016 година, кога исто така имаме техничка влада, капиталните инвестиции се реализирани во износ од приближно 19 проценти од она што било планирано на почетокот на годината. Разликата е евидентна и лагите се распрснуваат како меур од сапуница, а бројките се немилосрдни и ги демантираат лагите на оваа Влада предводена од ова раководство на СДСМ и Зоран Заев“, рече Мицкоски.

Прикажи повеќе...

Економија

Поставени две фотоволтаични централи во Прилеп

Објавено пред

Две фотоволтаични централи со моќност од 15 и 16 киловат-часа за производство на зелена електрична енергија од соларните зраци се поставени на две регионални јавни институции – регионалниот пазар во Прилеп и регионалниот Дневен центар за лица со церебрална парализа во Прилеп.

„Центарот за развој на Пелагонискиот Плански Регион, финансиски поддржан од страна на Министерство за локална самоуправа во рамките на Програмата за рамномерен регионален развој, на овој начин овозможува произведената зелена енергија да намали најмалку 56.000 килограми годишно испуштање CO2 во атмосферата во Пелагонискиот Регион и намалување на трошоците за електрична енергија на овие две регионални јавни институции“, изјави министерот за локална самоуправа, Горан Милевски.

Според него, овој проект придонесува кон заштитата на животната средина во Пелагонискиот Регион преку искористување на обновливите извори на енергија.

„Еден од системите на обновливите извори на енергија што воопшто се користи во општеството, а тоа особено се направи во нашиот град, како реакција на Пелагонискиот Плански Регион направивме два проекта, тоа е од минатата година, фотовонтаични системи во градскиот пазар во Прилеп и во Дневниот центар за целебрална парализа. Вакви проекти се од особена важност токму за сите нас во Прилеп“, вели градоначалникот на Прилеп, Илија Јовановски.

Вкупниот буџет за проектот е 3.319.199 денари, од кои Општина Прилеп учествува со 149.707 денари.

„Ова е еден од проектите во Центарот за развој на Пелагонискиот Регион, кои беа за 2019 година, исто така во 2019 имавме одобрени проекти од речиси 40 милиони денари за целиот Пелагониски Регион, во кои беа вклучени сите 9 општини, а за оваа година имаме одобрени проекти од 38 милиони денари за целиот Пелагониски Регион исто така преку оваа програма за рамномерен регионален развој на Министерството за локална самоуправа, секако тука пак е вклучен Прилеп со набавка на едно комунално возило за собирање отпад“, додаде директорот на Центарот за развој на Пелагонискиот Плански Регион, Гого Видимче.

Прикажи повеќе...

Економија

Под притисок од САД, Израел ја отфрли кинеската понуда за изградба на најголема фабрика за десалинизација

Објавено пред

Под притисок од САД, Израел назначи локална компанија за изградбата на „Сорек 2“, фабрика за десалинизација, која ќе биде најголема во светот, наместо кинеска компанија, пренесува „Џерусалим пост“.

Веста доаѓа една и пол недела по посетата на државниот секретар Мајк Помпео на Ерусалим за време на која тој го повика Израел да ги намали врските со Кина.

Меѓу понудувачите за договорот вреден 1,4 милијарда американски долари беше и „Хатчисон вотер“, подржница на кинеската „ЦК Хатчинсон груп“, со седиште во Хонг Конг. Компанијата е основана од Ли Ка-Шинг, кој минатата година беше 30-ти најбогат човек во светот.

Наместо тоа, израелското Министерство за финансии ја ангажира израелската „ИДЕ технолоџис“ за изградба на фабриката што ќе биде завршена во 2023 година.

САД ги повикаа Израел и неколку други сојузници да ги прекинат врските со Кина во областите со безбедносни ризици. Предложената фабрика за десалинизација, освен што е дел од стратешката инфраструктура на Израел, ќе биде изградена во непосредна близина и на нуклеарниот центар „Сорек“ и воздухопловната база „Палмачим“.

САД конкретно го означија учеството на „Хатчинсон вотер“ и, според израелски официјален претставник, го повикале Израел да го преиспита за учеството на кинеската компанија на тендерот.

„Сорек 2“ е наменета за десалинизација на вода за цена од 1,45 до 0,65 НИС за кубен метар (0,41 – 0,19 американски долари) поевтино од постојните решенија за десалинизација, се вели во соопштението од министерствата за финансии и за енергија. До 2023 година фабриката ќе произведува 200 милиони кубни метри годишно десалинизирана вода од Медитеранот.

„Пред речиси две години одобрив револуционерна владина програма за справување со идните периоди на суша, во која решив да ги удвојам целите за десалинизација до 2030 година“, рече министерот за енергетика, Јувал Штајниц.

„Фабриката за десалинизација, која ќе биде најголема од ваков вид во светот, е резултат на спроведувањето на оваа програма, а заедно со објектот за десалинизација во западна Галилеја, чија изградба веќе е во тек, значително ќе ги зголемат обемот за развој и состојбата на израелскиот пазар на вода“.

Прикажи повеќе...

Најново

Македонија8 часа

Кафеаните ќе работат до 22 часот, на маса ќе можат да седат четворица само ако се од исто семејство

Со одлука на Владата од утре може да отпочнат со работа кафетериите и угостителските објекти со посетители во отворените делови...

Македонија9 часа

Продолжува да важи платеното породилно отсуство до завршувањето на времените мерки

Владата донесе Уредба за примена на Законот за работните односи за време на вонредна состојба, во која е предвидено отсуството...

Европа10 часа

Меркел: Уште сме на почетокот со пандемијата

Германската канцеларка Ангела Меркел ги оцени како позитивни досегашните постигнувања во борбата против коронавирусот, но како што рече, општеството е сè...

Европа13 часа

Европската комисија предлага 1.850 милијарди евра за заздравување на економиите

Европската комисија предложи инструмент за заздравување на економиите од корона-кризата, вреден 750 милијарди евра, и повеќегодишна финансиска рамка (ВФО) од...

Регион13 часа

Во Хрватска трет ден нема нови случаи, се укинува забраната за свадби

Трет ден по ред во Хрватска не е потврден ниту еден нов случај на коронавирус. Со ова вкупниот број на...

Македонија14 часа

Разрешен поглаварот на ИВЗ, Сулејман Реџепи

Ријасетот на Исламската верска заедница на денешната седница донел одлука да се разреши Сулејман ефенди Реџепи од позицијата реис-ул-улема, претседател...

Македонија15 часа

Тројца починати и 25 новозаболени од коронавирус

Тројца починати и 25 новозаболени се регистрирани денеска во државата. Министерството за здравство информира дека денеска Институтот за јавно здравје...

Македонија15 часа

Бектеши: Угостителите ќе работат до 20 часот, на една маса само по четири лица

На една маса во угостителски објект може да седат до четири лица, а угостителите ќе работат до 20 часот, соопшти...

Македонија15 часа

Чулев: Владата да ја усвои уредбата со која е предвидена награда за полицајците

Министерот за внатрешни работи, Наќе Чулев, ја повика Владата да ја усвои уредбата со која е предвидена награда за полицајците....

Македонија15 часа

Чулев: Пријавите за семејно насилство за април-мај зголемени 44,6 отсто за разлика од лани

Министерството за внатрешни работи регистрира зголемен број поплаки од граѓани за извршено семејно насилство. Техничкиот министер, Наќе Чулев, рече дека...

Македонија17 часа

Активистката Моника Ристеска објави дека татко ѝ сакал да ја убие, полицијата го уапси

Активистката Моника Ристеска, која минатата година беше уапсена бидејќи јавно пушеше марихуана, објави на социјалните мрежи дека вчера била натепана...

Свет18 часа

ЕК ќе го објави планот за заздравување на економиите од пандемијата

Претседателката на Европската комисија, Урсула вон дер Лаен, денеска попладне ќе го објави долгоочекуваниот план за заздравување на економијата од...

Свет18 часа

Јужна, Централна и Северна Америка се светско жариште на пандемијата на коронавирусот

Јужна, Централна и Северна Америка станаа жариште на пандемијата на коронавирусот, изјави директорката на Панамериканската здравствена организација (ПАХО), Кариса Етиен....

Македонија19 часа

Маските, дезинфекцијата и растојанието од два метра остануваат задолжителни

Граѓаните мора во целост да ги почитуваат мерките и препораките на Министерството за здравство за заштита од коронавирусот покрај олабавувањето...

Економија20 часа

Србија забрани слетување на „Монтенегро ерлајнс“ на аеродромот во Белград

На авионите на црногорската авиокомпанија „Монтенегро ерлајнс“ ќе им биде одземена дозволата за слетување на белградскиот аеродром „Никола Тесла“, потврдиле...

Македонија20 часа

Од денеска нема полициски час, од утре со работа почнуваат кафулињата

По 66 дена, од денеска се укинува полицискиот час во земјата воведен поради коронавирусот. Владата вчера на седница донесе и...

Забава22 часа

Андреа Бочели: Мојата сопруга, децата и јас оздравевме од коронавирусот и дониравме плазма

Италијанскиот пејач, текстописец и продуцент Андреа Бочели (61) беше заразен со коронавирус, но оздраве, пишуваат локалните медиуми. Музичарот вели дека...

Македонија1 ден

Караџовски: Изминатите 14 дена беше намален бројот на новозаболени затоа препорачавме олеснување

Жарко Караџовски од Институтот за јавно здравје, член на Комисијата за заразни болести ги објасни причините зошто Комисијата се одлучила...

Македонија1 ден

Филипче: Да бидеме одговорни, за да не се вратиме пак на рестриктивните мерки

Министерот за здравство, Венко Филипче по седницата на Владата за олабавување на мерките, рече дека граѓаните мора да ги почитуваат...

Македонија1 ден

Османи: И покрај пропустите, државата добро се справи со коронавирусот

Вицепремиерот Бујар Османи рече дека и покрај тоа што имало одредени пропусти, прекршувања на мерките и одредени критики, државата добро...

Досие