Контакт

Економија

Државата ќе поддржува брзорастечки иновативни бизниси

Објавено пред

Министерката за труд и социјална политика Мила Царовска и директорот на Фондот за иновации и технолошки развој, Јован Деспотовски како дел од Саемот за кариера, денеска пред младите во Битола ја презентираа новата мерка од Оперативниот план за вработување, која се однесува на брзорастечките иновативни бизниси. Предвидено е оваа нова мерка да се вклучи во постоечката Програма за поддршка за самовработување. Фокусот ќе биде ставен на младите претприемачи, а освен финансиската помош со мерката се нуди и експертака помош, како и можност за понатамошно финансирање на компании основани со оваа Програма преку инструментите на Фондот. 

„До сега, од страна на државата не се нудеше заокружен систем на поддршка за основање на ваков тип на бизнис, што ќе содржи како експертска така и финансиска поддршка. Целта на оваа програма е дел од средствата наменети за грантови за самовработување да се искористат за создавање основа за развој на брзорастечки бизнис, кој понатму ќе продолжи да се финансира преку Фондот за иновации и технолошки развој“, рече министерката Царовска која ја презентираше мерката.

Царовска потенцираше дека Сите постојни инструменти за поддршка на Фондот се однесуваат на веќе основани претпријатија и не ја опфаќаат фазата на развој од „идеја“ до „докажан концепт“ или „прототип“. Новата мерка ќе го прошири опфатот на финансирање на иновации кон целна група – физички лица и кон делови од иновативниот циклус кои до сега не се опфатени преку инструментите на Фондот.

Директорот на Фондот за иновации и технолошки развој Јован Деспотовски истакна дека со оваа мерка ќе се понуди специјализирана обука и финансиски средства за сите млади луѓе кои имаат идеја и потенцијал за формирање на брзорастечки компании. 

„Со новата мерка се предвидува формирање на таканаречена ИНГрупа која ќе се формира од лицата кои поднеле апликации со иновативен потенцијал. Очекуваме дека во следната година 150 млади луѓе ќе ја искористат оваа можност и ќе основаат свој бизнис, со кој дополнително ќе се креираат нови работни места“, рече Деспотовски и додаде дека со ова се зајакнува фокусот кон младите и е надоврзување кон постоечкитеинструмент на Фондот со кој се нуди поддршка за стартап компании. 

Воведувањето на оваа мерка треба да придонесе за поголема оддржливост на Програмата за самовработување и креирање на позитивен циклус на дополнителни вработувања во брзорастечките бизниси. Истовремено во ФИТР ќе пристигнуваат поголем број поквалитетни апликации од новоосновани компании. 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

(Видео) Заев: Инвестициските можности на нашата земја се отворени и постојано се зголемуваат

Објавено пред

Во рамките на работната посета на Обединетото Кралство премиерот Заев и вицепремиерот Анѓушев учествуваа на форумот „Инвестициски можности во брзорастечкиот регион“ во организација на „Фајненшл тајмс“, посветен на земјите од Западен Балкан.

Во чест на гостите на форумот, заменик-премиерот на Обединетото Кралство, Дејвид Лидингтон, организира и работен појадок за премиерите на земјите-учеснички од Западен Балкан – Србија, Албанија и Северна Македонија, на кој се разговараше за перспективите за унапредување на регионалната соработка и за значајната улога што Обединетото Kралство ја има во воспоставувањето добри и релаксирани политички релации меѓу земјите од Западен Балкан и за унапредување на економската соработка и размена.

Денешниот форум во организација на „Фајненшл тајмс“ беше оценет како значаен чекор во исполнувањето на тие цели. Свои воведни обраќања на форумот имаа директорот на Европската банка за обнова и развој, Сума Чакрабарти, кој ја оцени нашата земја како успешен пример на лидерство кое ги отвори перспективите за развој на земјата преку храбри одлуки и регионалната директорката на Светската банка за Западен Балкан, Линда ван Гелдер, која рече дека земјите од Западен Балкан треба да работат на забрзување на економскиот раст и ја наведе нашата земја како успешен пример бидејќи се наоѓа на десеттото место на Дуинг бизнис, извештај на Светската банка.

„Инвестициските можности на земјата се отвораат и се зголемуваат. Агенцијата ‘Фич’ го подобри кредитниот рејтинг на нашата земја од ББ на ББ+ и тоа е прво подобрување на кредитниот рејтинг на земјата по цели 13 години. Ова е потврда на квалитетот на економските политики и на одличните ефекти што тие ги даваат“, рече премиерот Заев на панел-дискусијата со премиерите на Србија и Албанија, Ана Брнабиќ и Еди Рама.

Премиерот Заев рече дека Западен Балкан се разликува многу за разлика од периодот пред 10 години, земјите денеска работат на поврзување и на интензивирање на економската соработка, што е добра причина инвеститорите да го препознаат овој дел од Европа како атрактивна бизнис-дестинација.

„По завршувањето на билатералните спорови и постигнувањето договори со Грција и Бугарија, ние ги отворивме нашите евроинтеграциски процеси и перспективите за економски развој. Со Грција ја зголемивме трговијата речиси 20 проценти по постигнувањето на договорот. Вкупниот извоз ни бележи раст од 16,8 отсто. Очекувам конкретни позитивни одлуки за нашата земја и Албанија“, рече премиерот Заев.

Тој додаде дека според последно објавениот извештај на Конференцијата на ОН за трговија и развој за инвестициите во светот, странските директни инвестиции пораснале 260 отсто од просекот во последните години и минатата година изнесувале 737 милиони долари и посочи дека економските индикатори се значително подобрени, намалена е невработеноста 4,8 отсто, 8 отсто пораснато е индустриското производство, економскиот раст во првиот квартал изнесува 4,1 отсто, а ќе се работи посветено на негово забрзување за да се достигнат стапки од 6 или 7 отсто потребни за побрзо да се достигне европскиот стандард.

Премиерот Заев рече дека земјите од Западен Балкан работат на зголемување на регионалната соработка преку берлинскиот процес и како пример го наведе отворањето на One Stop Shop како модел за олеснување на трговијата меѓу земјите. Премиерот Заев ги повика присутните претставници на компании од Обединетото Кралство да инвестираат во земјите од Западен Балкан кои нудат добри можности за нови инвестиции, што за компаниите ќе значи профит, а за нашите држави нови работни места, пренос на знаења и компетенции и раст на БДП.

Прикажи повеќе...

Економија

Гладни за секоја кривина: претставени новиот Porsche 718 Spyder и 718 GT4

Објавено пред

Семејството 718 ги поздравува новите членови: со новиот 718 Spyder и 718 Cayman GT4, Porsche воведува два посебно емотивни и моќни модели подготвени да го превземат врвот. Нивниот чист карактер ќе им се допадне на ентузијастите на спортски автомобили кои уживаат во ненадминато задоволство при возењето и го ценат високото ниво на агилност и речиси интимна близина до центарот на моќта. Совршено избалансиран концепт со мотор во средината го нуди сето ова. За првпат, 718 Spyder и 718 Cayman GT4 ја делат техничката основа. Ова го вклучува ново развиениот четирилитарски шестцилиндричен атмосферен мотор, заедно со шестстепен мануелен менувач. Моторот на Боксер-генерацијата генерира 309 kW (420 КС) во двата модели.

Симфонија на вртежи од емотивниот атмосферен мотор

Во срцето на двата модели е новиот четирилитарски шестцилиндричен боксер мотор. Атмосферниот мотор е базиран на истото моторно семејство како и турбо моторите во сегашната серија на 911 Carrera. Новиот мотор со висок вртежен момент генерира 309 kW (420 КС) , или 35 КС повеќе отколку во претходните модели на GT4. Третата генерација на Spyder има дури 45 КС повеќе. Тој испорачува максимален вртежен момент од 420 nm метри, помеѓу 5.000 и 6.800 вртежи во минута. Спортските автомобили со рачен менувач можат да ја скршат бариерата од 300 km/h: 718 Spyder има максимална брзина од 301 km/h, додека 718 Cayman GT4 може да достигне 304 km/h. Двата модели забрзуваат до 100 km/h за 4,4 секунди. Фасцинантен карактер на овој природно аспириран мотор е комбинацијата на модерен систем за контрола на емисиите на филтерот за честички со линеарна испорака на енергија и непосреден одговор на GT моторот. Има максимална брзина од 8.000 вртежи. Неспоредливиот звук на боксер останува неспоредлив. Новите додатоци вклучуваат технички моменти, како што е адаптивната контрола на цилиндрите. Во возење со делумно оптоварување, моторот привремено го прекинува процесот на вбризгување во една од двата цилиндрични банки, со што се намалува потрошувачката на гориво.

Пиезо инјекторите се користат за директно вбризгување на горивото за првпат во моторот со висок вртежен момент. Тие го делат секој процес на инјектирање до пет индивидуални инјекции. Ова го поддржува процесот на согорување кој е комплетен, а со тоа и емисиите на штетни гасови ниски. Променливиот всисен систем со две резонантни вентили обезбедува оптимална размена на гасови во цилиндрите.

Аеродинамична ефикасност: поголема сила, исто воздушен отпор

Меѓу впечатливите карактеристики на 718 Cayman GT4 е сеопфатно подобрениот концепт на аеродинамиката. Таа произведува до 50 проценти повеќе „downforce“, без да има негативно влијание на воздушниот отпор. Аеродинамиката на двата модели има огромна корист од ново-дизајнираниот заден пригушувач со лак со една комора: тој создава простор во задниот дел за функционален дифузер, што придодава 30 проценти „downforce“ на задната оска на 718 Cayman GT4. Фиксираното задно крило исто така бележи голема ефикасност: произведува околу 20 проценти повеќе „downforce“ во споредба со неговиот претходник. Ова одговара на дополнителен притисок од дванаесет килограми на 200 km/h. Предниот дел, кој е оптимизиран во стилот на GT, го одржува аеродинамичното балансирање со големиот преден спојлер и т.н. воздушни завеси.

Porsche 718 Spyder: спортски кабриолет со ултра-лесен кров

Новиот 718 Spyder е чиста машина за задоволство при возењето кој може да се справи со најголемите брзини. Тој ја продолжува историјата на таквите познати Roadsters како Porsche 550 Spyder и 718 RS 60 Spyder. Отворени или затворени, тој возбудува со волшебната силуета. Покривот е погоден за секојдневна употреба и може да се намести во неколку чекори. За разлика од GT4, 718 Spyder има заден спојлер кој се крева автоматски со брзина од 120 km/h. Благодарение на функционалниот дифузер, тој е првиот модел во семејството Boxster кој генерира аеродинамична сила на задната оска.

GT шасија со високи перформанси: оптимизирана за најдобра динамика

За прв пат досега, 718 Spyder ја користи GT шасијата со високи перформанси на 718 Cayman GT4. Со својата супериорна динамика во свиоци, тој обезбедува емотивно искуство во возењето. Неговите понатамошни рафинирани лесни предни и задни оски ги користат тркачките технологии. Системот за амортизација со Porsche Active Suspension Management со ниска суспензија од 30 mm го намалува центарот на тежиштето и го подобрува потенцијалот на страничната динамика. Тој е специјално дизајниран за употреба на тркачката патека и ги прави јасните карактеристики на 718 Cayman GT4 поостри. 718 Spyder исто така има корист од овој дизајн. Управувањето со стабилноста на Porsche (PSM) функционира со уште поголема чувствителност и прецизност, но може и опција да се деактивира во два чекора. Porsche Torque Vectoring (PTV) со механичен заден диференцијал дополнително ја подобрува надолжната и страничната динамика, како и перформансите и уживањето во возењето. GT4, исто така, доаѓа со опција за Clubsport пакет. Ова ги вклучува задните челични рол барови, рачен апарат за гаснење на пожар и појас за врзување со шест точки на страната на возачот.

Тракција: моќни сопирачки, гуми со ултра-високи перформанси

Системот на сопирачки со високи перформанси во 718 Spyder и 718 Cayman GT4 обезбедува постојано сопирање кое е погодно за возење на патеката благодарение на големите сопирачки. Porsche Ceramic Composite Brake (PCCB) исто така е достапна како опција. Една нова функција е дека 718 Spyder сега е достапен со гуми со ултра-високи перформанси (UHP) специјално адаптирани од Porsche. Тие се дел од целокупниот пакет кој го прави доминантен 718 Cayman GT4 на Nürburgring „Nordschleife“: времето на неговиот круг на 20,6 километри долгата патека е за повеќе од десет секунди побрзо од неговиот претходник.

 

(ПР-текст)

Прикажи повеќе...

Економија

Новиот онлајн-супермаркет „Пакет.мк“ им заштедува време на корисниците и производите ги доставува до врата

Објавено пред

На македонскиот пазар од неодамна постои нов онлајн-супермаркет Paket.mk.

Ова онлајн-место за продажба на корисниците им нуди можност да порачаат разновидни производи: од свежо месо, широк избор на свежо овошје и зеленчук, па до детергенти за алишта, а купените производи им ги доставува на домашна адреса во термин по избор на корисниците.

Во моментот paket.mk располага со асортиман од над 4.000 производи. Испораката на нарачката е бесплатна за купување на производи во износ од над 500 денари.

Во Македонија овој пазар започна да се развива од пред неколку години. Со зголемување на динамиката на секојдневниот живот најограничен ресурс на современиот човек станува времето.

Затоа од Paket.mk сметаат дека нудат одлично решение за моментите кога граѓаните немаат време за одење до супермаркет и чекање ред на каса.

(ПР-текст)

Прикажи повеќе...

Најново

Македонија1 час

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија2 часа

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Регион2 часа

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија4 часа

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт5 часа

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет5 часа

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет6 часа

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Македонија6 часа

Судир во ЕУ за почетокот на преговорите со Северна Македонија и Албанија

Членките на ЕУ во понеделникот се судрија во однос на почетокот на преговорите за членство на Албанија и Северна Македонија,...

Македонија6 часа

Необезбедена јама демне во школски двор во Хиподром – родителите стравуваат за децата

Необезбедена јама веќе неколку месеци стои без заштитна ограда во дворот на основното училиште „Вера Јоциќ“ во населбата Хиподром (општина...

Hitech8 часа

„Хуавеј“ со загуба од 30 милијади долари

Основачот и директор на „Хуавеј“, Рен Женгфеи, потврди дека приходите на овој телекомуникациски гигант ќе бидат 30 милијарди долари помали...

Крвав четврток20 часа

Пресудата за 27 април е на 1056 страници, адвокатите се жалат на рокот

Пресудата за 27 април кога се случи насилниот упад во Собранието е напишана на 1056 страници и веќе им се...

Македонија21 час

Поплавени подруми, непроодни улици и затнати шахти од невремето во Куманово

Oпштинa Куманово денес од 14,45 до 15,40 часот ја зафати пороен дожд кој направи проблем за собирање на водата во...

Македонија1 ден

Анкета на „Макфакс“: Шилегов направил најмалку за градот Скопје

Во онлајн-анкетата што ја спроведе истражувачкиот центар на „Макфакс“, на прашањето „Кој градоначалник на Скопје направи најмалку за градот?“, најголем...

Македонија1 ден

(Видео) Жителите на населбата Јака се жалат – живееме во кал и мрак, без јавен превоз

Седум години по почнувањето на изградбата на населбата Јака во Илинден, состојбата е непроменета – очајна, а општинската власт не...

Македонија1 ден

Хан: Северна Македонија направи храбри компромиси, ЕУ губи ако не ја награди земјата

Политичкиот компромис на земјите од Западен Балкан треба да биде награден, изјави комесарот за проширување, Јоханес Хан, во пресрет на...

Економија1 ден

Објавен јавниот повик за бесплатен одмор за работниците со ниски примања

Јавниот повик за организиран одмор на работници чии месечни примања во семејството не го надминуваат нето-износот од 22.000 денари е...

Бегството на Груевски1 ден

(Видео) Државата ќе бара екстрадиција на Груевски како организатор на 27 април

Државата ќе бара екстрадиција на поранешниот премиер и бегалец од правдата, Никола Груевски, за настаните од 27 април 2017 година...

Регион1 ден

Јадранот се задушува во пластика и е меѓу најзагадените мориња во Европа

Концентрацијата на пластичен отпад на дното на Јадранското Море е меѓу најголемите во Европа по североисточниот дел на Медитеранот и...

Вести2 дена

Помпео: САД не сакаат војна со Иран

Американскиот државен секретар, Мајк Помпео, денеска изјави дека, иако Иран несомнено е одговорен за минатонеделните напади врз два танкери на...

Македонија2 дена

(Видео) СДСМ избра нов Извршен одбор

Централниот одбор на СДСМ избра нови членови на Извршниот одбор, нов организационен секретар и секретар за меѓународна соработка. Лидерот на...

Досие