Министерот за економија Крешник Бектеши денеска во Букурешт, оствари работна средба со министерот за економија, претприемништво и туризам на Романија Клаудиу Насуј.

Средбата се одржа во рамки на настанот „Унапредување на економската и трговска соработка помеѓу Северна Македонија и Романија“ како почеток на еднонеделната промоција на домашни земјоделски и прехранбени производи “Недела на македонски произзводи“ во Букурешт.

Министерот Бектеши и неговиот колега Насуј разговараа за економските односи меѓу двете земји и можностите за одржување на позитивниот тренд на развој, како и зголемување со нови содржини од заеднички интерес.

Романија е 10-ти најголем трговски партнер на Северна Македонија, а билатералната соработка помеѓу двете земји бележи континуиран раст во последните десет години.

Министерот Бектеши изрази очекување дека оваа билатерална соработка ќе продолжи со позитивен тренд во наредниот период и дополнително ќе се продлабочи и изрази надеж дека Романија како пријателска земја ќе сподели искуства од Европската Унија, особено што Северна Македонија е на пат за влез во Унијата.

Министерот Бектеши го информираше својот романски колега за економските потенцијали на Северна Македонија и посочи дека Владата креира предвидливи политики за директна поддршка на домашните и странските инвеститори, посебно за високо технолошките и извозно ориентирани компании. Истовремено, како што посочи министерот Бектеши се работи на унапредување на царинските и даночни политики, со што целосно се влијае на попозитивна деловна клима во земјата.

„Нептун” Македонија ја започна својата хумана мисија – Ајде заедно да креираме подобро утре за сите деца!

По воспоставената соработка помеѓу “Нептун” Македонија и СОС Детско село, тимот на Нептун заедно со децата и младите од СОС Детско село навиваа за нашата држава на Европското првенство и со сето срце ја бодреа нашата репрезентација.

Во кругот на локацијата на СОС Детско село вработените, заедно со децата, младинците и нивните згрижувачи и ментори го гледаа првиот историски натпревар на Македонската репрезентација против Австрија на Европско првенство.

Од страна на “НЕПТУН” Македонија како иницијатор на овој настан беа обезбедени сите аудио и визуелни услови за гледање на овој меч во надворешни услови во пријатна атмосфера со обезбедени реквизити за навивање. Сите заедно се погриживме да бидат следени и испочитувани сите мерки и протоколи за безбедност. Домашната атмосфера успеавме да ја пренесеме во амбиентот на СОС Детско село и пративме огромна доза на позитивна енергија за нашите репрезентативци.

Нептун како компанија постојано се вклучува во процесот за општествена одговорност и тоа останува една од нашите примарни одговорности и основа на која ги надградуваме сите останати активности преку кои се обидуваме да го подобриме квалитетот на животот во средината во која работиме. Сите ние и како индивидуи и како компании треба да ја покажеме солидарноста и емпатијата кон најранливите – децата. Активностите во рамките на оваа соработка продолжуваат, да бидеме промената која сакаме да ја видиме во светот!

Регулаторната комисија за енергетика донесе одлука од полноќ да се зголемат малопродажните цени на нафтените деривати во просек за 1,15% во однос на минатата недела.

Така, цените на бензините „евросупер БС-95“ и „евросупер БС-98“ се зголемуваат половина денар за литар, а литар дизел и екстра-лесното масло за домаќинство ќе се продаваат за цена повисока еден денар.

Малопродажната цена на мазутот, пак, се зголемува 0,348 ден./кг и сега ќе изнесува 35,237 ден./кг.

Од вечерва по полноќ (15 јуни) цените на нафтените деривати ќе изнесуваат:

Бензин „евросупер БС-95“: 68,50 денари/литар

Бензин „евросупер БС-98“: 70,50 денари/литар

Дизел „евродизел БС“ (Д-Е V): 61,50 денар/литар

Масло за горење ЕЛ-1: 61 денар/литар

Мазут: 35,237 денари/килограм

Oд Регулаторната комисија информираат дека во изминатиот седумдневен период сите референтни цени на светските берзи во просек бележат зголемување: бензинот 1,377 %, дизелот 2,116 %, екстра-лесното масло 2,606 % и кај мазутот зголемувањето е 1,029 %.

Во истиот период, пак, курсот на денарот во однос на доларот е повисок 0,265 %.