Контакт

Економија

Заев во посета на индустриската зона „Новине“: Владата учествува во изградбата за да се комплетираат работите според највисоки стандарди

Објавено пред

Увид во работите на изградбата на индустриската зона кое ги опфаќа атарите на селата Речица и Коњаре во Општина Куманово, како и разговор со стопанствениците од општината, со цел да се поттикне инвестирањето во нови капацитети и заживување на просторот како стопански комплекс, беше повод за средбата на претседателот на Владата на Република Северна Македонија, Зоран Заев, со градоначалникот на општинатa Максим Димитривески, со претставниците на бизнис заедницата во Куманово и регионот.

Премиерот Заев, придружуван од министерот за внатрешни работи, Оливер Спасовски, директорот на Агенцијата за катастар на недвижности, Борис Тунџев, директорката на УЈП, Сања Лукаревска и директорот на Агенцијата за финансиска поддршка на земјоделството и руралниот развој, Никола Бабовски, ја проследија презентацијата на работите на индустриската зона на градоначалникот Димитриевски кој истакна дека овој стопански комплекс отвора сериозни можности за понатамошен просторен развој кој воедно ќе претставува и економски развој на самата општина.

Претседателот на Владата, Заев, во разговорот со стопанствениците, како и во изјавата за медиумите, истакна дека Владата останува посветена на континуираната поддршка на ваквите проекти во општините кои носат потенцијал за развој на локалната заедница, за отворање на нови перспективи на бизнис заедницата за инвестирање, а со тоа и учество во вкупниот развој на државата.

„Мене ме радува што во оваа индустриска зона веќе има изградено два објекта, сериозни инвестиции на приватниот капитал. Владата во изградбата на оваа зона ќе учествува со 20 милиони денари и со учеството на делот од општината тоа се средства кои ќе придонесат сите инфраструктурни потреби внатре, канализација, водовод, струја, да бидат на време завршени. Ќе издвоиме во Буџетот за идната година и дополнителни средства за да се комплетираат работите и деловните луѓе од Општина Куманово да добијат зона според највисоки стандарди за развој на нивните бизнис проекти“, нагласи премиерот Заев и додаде дека средбата и разговорот со стопанствениците е одлична можност да се слушнат нивните сугестии и предлози во насока подготовка на индустриската зона според нивните потреби.

„Одличната локација на зоната, на потегот на Коридорот 10 е од огромно значење и интерес за инвеститорите бидејќи им отвора големи можности што доаѓаат од регионалната соработка и поврзување за брза и лесна комуникација со партнерите и пазарот од регионот со потенцијал од 20 милиони потрошувачи. Сите наши средби со политичките лидери од регионот за да го олесниме бизнисот, да ги намалиме административните и царинските бариери на кои годишно се губат големи финансиски средства“, потенцираше премиерот Заев на средбата со бизнисмените и општинските функционери во индустриската зона „Новине“ во атарите на селата Речица и Коњаре во Општина Куманово.

Економија

„Самсунг“ префрла дел од производството на паметни телефони во Кина

Објавено пред

Мобилниот гигант „Самсунг“ планира да пренесе една петтина од производството на паметни телефони во Кина во првиот квартал од следната година.

„Самсунг“ се одлучи за овој потег делумно поради конкурентскиот притисок во класата на достапни паметни телефони, како и на оние од средната класа.

Големите кинески производители „Хуавеј“, „Опо“, „Ксаоми“ и „Виво“ стануваат популарни и во другите делови на светот надвор од Азија, а купувачи се главно млади луѓе кои на нови телефони трошат од 200 до 250 долари.

„Самсунг„ планира и нови прифатливи модели од својата популарна линија А паметни телефони, така што некои верзии ќе добијат и премиум карактеристики, како што е системот со повеќе камери.

Прикажи повеќе...

Економија

„Фолксваген“ до крајот на годинава ќе одлучи за инвестицијата во Турција

Објавено пред

„Фолскваген“ одлучи да ја одложи изградбата на погон во Турција, а конечната одлука би требало да биде донесена до крајот на годинава, пишува „Зидојче цајтунг“.

Весникот пишува дека тензиите меѓу Германија и Турција ги чувствува и економијата и го наведува примерот со „Фолксваген“ кој поради турската воена офанзива против Курдите на северот на Сирија ја замрзна одлуката да изгради фабрика во Турција.

Во текстот се цитира изјава од премиерот на германската покраина Долна Саксонија, Стефан Вјал, која ја дал во октомври, неколку дена по почетокот на турската офанзива, дека под сегашните услови лично не може да замисли таква инвестиција во Турција.

И претставник на синдикатот на концернот, Бернд Остерло, се изјасни против изградба на фабриката сè додека Турција се обидува на сила да ги оствари своите политички цели.

Тој рекол дека „Фолксваген“, поради историјата на концернот во времето на нацизмот, има посебна одговорност. Според него, „Фолскваген“ смее и мора да биде морален.

Прикажи повеќе...

Економија

ММФ: Монетарната политика е соодветна, а банкарскиот систем е здрав

Објавено пред

Монетарната политика е соодветна, а банкарскиот систем е здрав, оцени тимот на Меѓународниот монетарен фонд (ММФ), којшто престојуваше во нашата земја заради спроведување на редовниот годишен преглед на македонската економија. Во текот на изминатитe денови тимот имаше повеќе работни средби со претставници на Народната банка и на Министерството за финансии.

Во Заклучокот на тимот на ММФ е укажано и на фактот дека Народната банка соодветно ги искористила поволните услови за зголемување на девизните резерви. Според тимот на ММФ, во иднина, доколку дојде до влошување на надворешното окружување, Народната банка треба да биде подготвена да ја заостри монетарната политика.
Банкарскиот систем, според оцените на тимот на ММФ е здрав, добро капитализиран и ликвиден. Тековните активности за окрупнување на системот ќе придонесат за негово консолидирање и за подобрување на неговата ефикасност. Тимот на ММФ оценува дека преземањето чекори за натамошно зголемување на денаризацијата на депозитите, заедно со внимателно осмислените мерки за намалување на девизното кредитирање на домаќинствата, доколку е тоа потребно, ќе придонесе за натамошно зајакнување на отпорноста на нашиот финансиски систем.

Во Заклучокот на тимот на ММФ се истакнува дека дополнителното зајакнување на рамката за финансиска стабилност и натаму е приоритет. Истовремено е изнесена позитивна оцена за продолжувањето на активностите за зајакнување на супервизорската и регулаторната рамка. Овие активности се преземени во согласност со Програмата за детална проценка на финансискиот сектор (ФСАП) којашто беше спроведена минатата година. Како што заклучува тимот на ММФ, истовремено се подготвува и регулатива со којашто ќе се зајакне макропрудентниот мандат на Народната банка и ќе се овозможи подобро утврдување на системските ризици во банкарскиот систем.

Тимот на ММФ нагласува дека е од особена важност што во нашата земја има посветеност на реформите. Како што е наведено, спроведените клучни институционални реформи ја покажаа посветеноста на носителите на политики кај нас за справување со долгорочните предизвици. Тимот на ММФ порачува дека е важно да се остане на патот на реформите, со цел дополнително да се подобри отпорноста на нашата економија на шокови.

Прикажи повеќе...

Најново

Македонија3 часа

(Видео) Таткото на Боки 13 осуден на шест месеци затвор

Миле Јовановски, таткото на Бојан Јовановски, познат како Боки 13, е осуден на казна затвор во траење од шест месеци,...

Македонија3 часа

Серија земјотреси ја погодија Битола

Вчера и денеска регистрирани се серија земјотреси со епицентри во пограничното епицентрално подрачје Битола – Лерин во Грција, соопшти Сеизмолошката опсерваторија...

Економија3 часа

(Видео) Финансии дава 33.000 евра за маркетинг-стратегија за „МојДДВ,#МојаНаграда“

Министерството за финансии одвои половина милион евра за награди за скенирање сметки во рамки на акцијата „Мој ДДВ“. Предвидени се...

Македонија4 часа

Завршни зборови во „Тврдина 2“, в среда втора пресуда за Горан Грујевски

Во кривичниот суд во Скопје в среда судијката Елена Илиевска-Јосифовиќ треба да ја изрече по вторпат пресудата за ексначалникот на...

Свет5 часа

Ноќ на насилство во Хонг Конг: големи судири меѓу демонстрантите и полицијата

Полицијата во Хонг Конг употреби солзавец и гумени куршуми за да приведе стотици антивладини демонстранти кои се обидоа да излезат...

Свет6 часа

(Видео) Пукање во Калифорнија – застрелани десет лица додека гледале фудбал

Во масовно пукање на забава во Калифорнија се застрелани десет лица, од кои четворица починале. Пукањето се случило околу 18...

Економија7 часа

Првпат во историјата глобалниот долг надминува 250 милијарди долари

Комбинираните долгови на националните влади, претпријатија и домаќинства на глобално ниво се зголемиле за 7,5 милијарди долари во текот на...

Македонија8 часа

Приватните специјализанти на протест, бараат повисоки плати

Кофинансираните приватни специјализанти најавија протест за денеска пред Министерството за здравство за да побараат повисока плата и поради тоа што...

Екологија18 часа

Џиновска панда од Вашингтон ќе патува за Кина со приватен лет

Беи Беи, џиновската панда во Националната зоолошка градина Смитсонијан во Вашингтон неделава патува за Кина – и тоа со приватен...

Свет18 часа

Трамп: Бајден е поспан и бавен, но е подобар од бесно куче

„Џо Бајден е нешто подобар од бесно куче“, изјави американскиот претседател Доналд Трамп критикувајќи го неговиот политички ривал. Трамп на...

Европа20 часа

Штетите од поплавите во Венеција изнесуваат околу една милијарда евра

Штетите од поплавите во Венеција изнесуваат околу една милијарда евра.Ова го изјави градоначалникот Луиџи Бруњаро откако плоштадот Свети Марко во...

Свет21 час

Папата организираше ручек за 1 500 бездомници

Папата Франциско организираше ручек за 1 500 бездомници и лица во неволја. Римокатоличката црква денеска го одбележува денот на сиромашните, а...

Македонија24 часа

Франција е за влез на Балканот во ЕУ, но со нова постапка во седум етапи

Земјите од Западен Балкан треба да влезат во Европската унија, но преку нов, постепен процес на пристапување во седум фази,...

Свет1 ден

Русија ѝ ги враќа запленетите воени бродови на Украина

Русија започна да ги враќа украинските воени бродови запленети на 25. ноември минатата година во Керчкиот проток, соопштија руските власти....

Свет1 ден

(Видео) Бојно поле на улиците на Хонгконг, полицаец погоден со стрела

Полицаец од Хонгконг денеска бил погоден со стрела в нога, отакако полицијата употребила солзавец за да ги растера демонстрантите кои...

Македонија1 ден

Во републичка акција, за една вечер казнети 203 возачи под дејство на алкохол

За откривање на возачи под дејство на алкохол, полициските сектори од цела држава, спровеле акција која траела синоќа од 22...

Регион1 ден

Српскиот министер за здравство: Животот на Вучиќ беше во опасност

Српскиот министер за здравство, Златибор Лончар, денеска во изјава за „Танјуг“ нагласи дека претседателот на државата, Александар Вучиќ, имал хронични,...

Европа1 ден

Британскиот принц Ендрју негира дека злоупотребувал малолетничка на имот на осуден педофил

Британскиот принц Ендрју првпат во интервју за Би-би-си, одговори на прашања за наводната поврзаност со осудениот педофил Џефри Епстајн, при...

Македонија1 ден

Десет лица приведени при контроли во седум скопски локали

Викендов, во периодот од 23 до 04 часот наутро од страна на скопската полиција, Управата за јавни приходи, Државниот пазарен...

Европа2 дена

Годишнина од протестите на Жолтите елеци, во Париз приведени 105 лица

Француската полиција денеска употреби солзавец и водени топови за да ги растера демонстрантите кои се собраа во Париз на одбележувањето...

Досие