Контакт

Економија

Заев: Земјоделството е заедничка предност за сите земји од регионот и затоа ги олеснивме процедурите

Објавено пред

Во рамките на агендата на Самитот на „Отворен Балкан“ во Тирана, претседателот на Владата Зоран Заев и заменик-министерот за земјоделство, шумарство и водостопанство Трајан Димковски учествуваа и на форумот за земјоделство и регионалната соработка.

Во своето обраќање премиерот Заев истакна дека една од најсилните поддршки на оваа иницијатива е насочена кон унапредување на регионалната соработка во земјоделството и прехранбената индустрија на земјите кои се дел од „Отворен Балкан“, и додаде дека на состанокот во Тирана веќе има конкретни резултати кои создаваат услови соработката во овие области да добие нов импулс и динамика благодарение на договорите и меморандумите што ги потпишавме.

„Земјоделско-прехранбената индустрија е една од најважните индустрии на Западен Балкан во однос на индустриското производство, обемот на трговијата, генерирањето на работни места и во однос на географската распространетост. За тоа колку е значаен овој сектор и зошто го заслужува нашето внимание, говорат и бројките. Земјоделско-прехранбената дејност во вкупниот промет на индустриското производство учествува со 24 отсто од вкупниот прометот во регионот на Западен Балкан. Споредено со просекот на Европската Унија, каде што земјоделските и прехранбените производи учествуваат со 15 проценти, станува јасно колку е важна улогата и местото на земјоделството и прехранбената индустрија во нашиот регион“, нагласи премиерот Заев.

Тој додаде дека земјоделството игра важна улога и во вкупната економија на Западен Балкан, кој, како примарен сектор, учествува со 12 отсто во вкупниот БДП на регионот, и дека во споредба до просекот на ЕУ каде што земјоделството учествува во 1,56 отсто во вкупниот БДП, станува јасно дека земјоделството и понатаму е еден од главните двигатели на растот во регионот.

„Бројките што ги спомнав доволно силно го илустрираат потенцијалот на регионалната соработка во земјоделството и во производството на храна. За да се овозможи зголемување на трговската размена значајно е меѓу себе да соработуваме и да работиме заедно на унапредување на стандардите и соработката. Олеснувањето на административно-царинските формалности за слободен проток на стоки е еден од клучните аспекти за раст на економијата. Затоа првично се фокусиравме на овие прашања. Поедноставувањето на процедурите, намалување на времето на чекање на границите и тежнеење кон слободен проток е видлив резултат“, потенцираше претседателот на Владата Заев.

Заменик-министерот за земјоделство, шумарство и водостопанство Трајан Димковски во своето обраќање се задржа на значењето на потпишаните договори и нагласи дека со признавањето на сертификатите од трите страни, транспортот на земјоделските производи и на храната ќе се поедностави и ќе се забрза со што ќе се намалат загубите и ќе се обезбеди побрз пристап на производите на регионалниот пазар.

Економија

Бугарија има најниска минимална плата во ЕУ од 332 евра, Луксембург е лидер со 2.257 евра

Објавено пред

Најниската минимална плата во Европската Унија на 1 јануари годинава била во Бугарија и изнесувала 332 евра, а највисока имал Луксембург со 2.257 евра, објави Агенцијата за статистика на Европската Унија – Евростат.

По Бугарија, следуваат Летонија со 500 евра, Романија – 515, Унгарија – 542, Хрватска – 624, Словачка – 646, Чешка – 652, Естонија – 654, Полска – 655, Литванија – 730, Грција – 774, Малта – 792 и Португалија – 823 евра.

Во осум земји минималната плата е повеќе од 1.000 евра. Во Словенија изнесува 1.074, Шпанија – 1.126, Франција – 1.603, Германија – 1.621, Белгија – 1.658, Холандија – 1.725, Ирска – 1.775 и Луксембург – 2.257 евра.

Од земјите што не се членки на ЕУ, Црна Гора има најголема плата мерена според куповната моќ, и таа изнесува 888 евра. Во Турција е 810 евра, во Северна Македонија – 800 евра, во Србија – 790 евра и во Албанија – 401 евро, покажале резултатите на Евростат.

Шесте членки на Европската Унија – Данска, Италија, Кипар, Австрија, Финска и Шведска немаат законски пропишана минимална плата, но таа е одредена со колективни договори.

Прикажи повеќе...

Економија

Цените на основните прехранбени производи остануваат замрзнати до 28 февруари, одлучи Владата

Објавено пред

Владата, на денешната 8. седница, донесе одлука да продолжи важноста на мерката за определување највисоки цени на основните прехранбени производи, како што се: леб, шеќер, брашно – тип 400, сончогледово масло за јадење, трајно млеко со масленост од 2,8, 3,2 и од 3,5 %, свежо месо и сувомесни производи, сирење и урда, ориз, јајца и тестенини, соопштија владините служби.

„Со оваа одлука највисоките цени на овие производи остануваат на нивото на редовните цени што се применувале на 1 декември 2021 година во трговијата на големо и во трговијата на мало, при што се исклучуваат цените на попуст (акциски попуст/снижување/распродажба) што важеле на 1 декември 2021 година. Оваа интервентна мерка на пазарот, која почна да се применува од 6 декември 2021 година, ќе продолжи да се применува до 28 февруари 2022 година“, е неведено во владиното соопштение.

На оваа седница Владата ја донесе Програмата за економски реформи (ПЕР 2022 – 2024), во која се идентификувани клучните предизвици што треба да ги зајакнат конкурентноста и растот на економијата.

Со усвоената Програма, следниот тригодишен период фокусот ќе биде ставен на зајакнување на човечкиот капитал за инклузивен развој, поттикнување зелена транзиција, како и подобрување на конкурентноста на домашните претпријатија, нивна интеграција во глобалните вредносни синџири и формализација на економијата.

Новина во Програмата на економските реформи 2022-2024 се реформите во животната средина во делот на зелената транзиција, а кои се однесуваат на справување со цврстиот отпад и отпадните води. Еден од клучните предизвици се енергетската ефикасност и обновливите извори на енергија.

Прикажи повеќе...

Економија

Бектеши: Замрзнувањето на цените на основните прехранбени производи да продолжи до крајот на февруари

Објавено пред

Министерот за економија, Крешник Бектеши, на својот фејсбук-профил информира дека е доставен предлог до Владата мерката за замрзнување на цените на основните прехранбени производи да биде продолжена до крајот на февруари 2022 година.

„Министерството за економија достави одлука до Владата, со која се предлага мерката за замрзнување на цените на основните прехранбени производи да се продолжи до крајот на февруари 2022 година“, напиша министерот Бектеши на својот фејсбук-профил.

Владата на 4 декември 2021 година донесе одлука за замрзнување на цените на основните прехранбени производи, како леб, шеќер, брашно – тип 400, сончогледово масло за јадење, трајно млеко со масленост од 2,8, 3,2 и 3,5 %, свежо месо и сувомесни производи, сирење и урда, а потоа листата на производи беше проширена и со јајца, ориз и тестенини.

Исклучени се цените на привремените попусти што важеле на 1 декември 2021 година.

Прикажи повеќе...

Најново

Европа9 часа

Зеленски: Украина не е во војна, не ни треба оваа паника

Украинскиот претседател Володимир Зеленски изјави дека не може да исклучи ескалација и понатамошна тензија со Русија, но ја критикува преголемата...

Македонија12 часа

Сали: Второто полугодие ќе почне со физичко присуство

Второто полугодие во училиштата ќе почне со физичко присуство, изјави министерот за здравство, Беким Сали, и според него, епидемиолошката состојба...

Економија13 часа

Цените на основните прехранбени производи остануваат замрзнати до 28 февруари, одлучи Владата

Владата, на денешната 8. седница, донесе одлука да продолжи важноста на мерката за определување највисоки цени на основните прехранбени производи,...

Македонија14 часа

26 починати лица, регистрирани 1.908 новозаразени од коронавирус

Министерството за здравство информира, во согласност со податоците од Институтот за јавно здравје, дека во последните 24 часа биле направени...

Свет14 часа

НАТО не планира да испрати воени трупи во Украина

НАТО не планира да испрати борбени трупи во Украина, изјави првиот човек на алијансата, Јенс Столтенберг. Практично, тоа значи дека...

Регион16 часа

Петков: Македонските Бугари ќе влезат во Уставот

Бугарскиот премиер Кирил Петков на денешното обраќање пред парламентот рече дека македонските Бугари ќе влезат во Уставот на Северна Македонија....

Македонија16 часа

Милошоски до Османи: Зошто не кажете што содржи нон-пејперот што сте го испратиле во Софија во декември?

Министерот Османи зборува да изградиме заеднички позиции, зборува за зрелост, почит и меѓусебна доверба, но како ние да имаме доверба...

Топ17 часа

„Ауди“ со деветмина мигранти излетало од патот Валандово – Струмица, возачот побегнал

Во полициската станица Валандово утрово било пријавено дека на регионалниот пат Р 1401 Валандово – Струмица возило „ауди“, со скопски...

Свет17 часа

(Видео) Сателитски снимки покажуваат распоредувања на руски воени трупи на границите со Украина

Тензиите меѓу Украина и Русија растат со месеци откако Кремљ почна да собира војници во близина на границите на Украина....

Македонија18 часа

На Клиниката за ортопедија направена првата трансплантација на лигамент од починат донор

На Клиниката за ортопедски болести при ТОАРИЛУЦ Скопје вчера за првпат беше изведена трансплантација на лигамент од починат донор. Млад...

Свет20 часа

Лавров: Преговорите со САД и НАТО не се завршени – нема да дозволиме рушење на нашите интереси

Рускиот министер за надворешни работи Сергеј Лавров изјави за новинарите дека Москва не сака војна, но дека нема да дозволи...

Свет22 часа

Тропска бура однесе 77 животи во Jужна Африка

Бројот на загинати во тропската бура Ана, која погоди три јужноафрикански земји – Мадагаскар, Мозамбик и Малави, се искачи на...

Свет22 часа

Бајден: Одлучно ќе одговориме ако Русија ја нападне Украина

Американскиот претседател Џозеф Бајден во телефонски разговор со украинскиот лидер Володимир Зеленски ја потврдил подготвеноста на Вашингтон да одговори одлучно...

Македонија1 ден

Регистрирани нови 1.861 случај на Ковид-19 и 27 починати

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет2 дена

НАТО со нови барања до Москва

Откако американскиот државен секретар Ентони Блинкен изјави дека САД ѝ испратиле на Москва одговори на безбедносните барања на Русија, истото...

Македонија2 дена

СОНК: Второто полугодие да почне онлајн, училиштата можат да бидат опасен кластер

Самостојниот синдикат за образование, наука и култура бара Владата да ја повлече одлуката за почеток на второто полугодие со физичко...

Топ2 дена

Осомничениот за сообраќајката кај Лисиче возел под дејство на алкохол и поминал на црвено

Јавното обвинителство од Скопје донесе наредба за спроведување истражна постапка против 21-годишниот скопјанец за кого постои сомнение за тешки дела...

Европа2 дена

Лавров: САД не одговараат на најважното прашање – ширењето на НАТО кон исток

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции...

Македонија2 дена

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа2 дена

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Досие