Контакт

Економија

Заев на трибина со Стопанската комора: Со членството во ЕУ и НАТО, економијата забрзано ќе се развива

Објавено пред

Претседателот на Владата, Зоран Заев  учествуваше на трибината „Перспективите на македонската економија од членството во ЕУ И НАТО“ во организација на Стопанската комора на Македонија, којашто се одржа во кругот на фабриката „Кромберг и Шуберт“ во индустриската зона Жабени, општина Битола.

„Податоците покажуваат дека од политиките на градење пријателство, на отворање перспективи кон големите пазари, отворање надеж и охрабрување за инвестиции, странските и домашните вложувања веќе се зголемуваат во Македонија. 327 милиони евра се странските директни инвестиции во првото полугодие во Македонија во споредба со лани, кога беа 105 милиони евра. Тоа е податок што покажува дека Македонија станува попријатно место, доволно мотивирачко овде да се создава профит, а очекувањето на државата е преку ваквите инвестиции странски или домашни да расте БДП“, потенцираше Заев.

Во однос на економските придобивки кои се очекуваат во иднина од воспоставеното пријателство со Република Грција, Заев рече дека преку комплетирање на изградбата на пругата Битола – Кременица, битолскиот регион инфраструктурно ќе се поврзе со Грција и како резултат на тоа се очекува да расте соработката на економски план помеѓу двете земји и да се продлабочуваат бизнис-релациите помеѓу граѓаните од двете земји.

„Она што е наша надеж е дека со отворањето на преговорите со ЕУ ќе имаме пристап до нови фондови. Паралелата што ја правиме помеѓу земји членки на ЕУ и земји кандидати како нас покажува десет пати повисоко користење или овозможување европски фондови. Ако Македонија за 2007-2014 имала на располагање 680 милиони евра, Хрватска имала за тој период кога била земја кандидат 850 милиони евра. Еве Хрватска денеска е земја членка и има 10 милијарди и 500 милиони евра фондови за користење за една програма во период од шест, седум години“, рече премиерот.

На трибината присуствуваше и вицепремиерот за економски прашања, Кочо Анѓушев, кој истакна дека Владата оваа година во буџетот издвои рекордни средства, односно преку 30 милиони евра за поддршка на стопанството.

Овие средства пред сè се насочени кон поддршка на компаниите преку мерките од Законот за финансиска поддршка на инвестициите, среднорочната програма на работа на Фондот за иновации и технолошки развој, како и за мерките за вработување на Агенцијата за вработување.

„Владата издвојува средства за поддршка на конкурентноста на македонските компании. Слушнавме дека само околу 6% од компаниите се извозно ориентирани, а ние сакаме да го поттикнеме технолошкиот развој и иновации во компаниите за да бидат поконкурентни на меѓународните пазари. Како држава одвојуваме средства за развој, но во влез во ЕУ и НАТО компаниите добиваат шанса да црпат финансиска поддршка од фондовите на ЕУ. Еве на пример, за технолошки развој, компаниите во Бугарија имаат на располагање околу 400 милиони евра. Воедно се добива шанса да се конкурира на меѓународни тендери. Секако, треба да се испорача квалитет, но тоа е шанса за компаниите. Видете, нашиот идентитет е гарантиран, сега на македонскиот народ му треба економски раст и развој, а Владата секако работи на нови вработувања, на повисок стандард и со тоа на посилна економија. Растот на БДП во вториот квартал од 3,1% е добар чекор напред, бидејќи е креиран од реалната економија, од стопанството“, нагласи вицепремиерот Анѓушев.

Економија

ВМРО-ДПМНЕ: Нема откуп, а каде што го има цените се катастрофално ниски

Објавено пред

СДСМ во недостиг на идеи и корисни мерки шират лажни вести. Земјоделците две ипол години го фрлаат родот на буниште, сечат неколкугодишни овошни насади, а од СДСМ велат дека земјоделието бележи позитивни резултати, реагираат од ВМРО-ДПМНЕ на прес-конференцијата на пратеничката од СДСМ, Прентовиќ.

„Цените со кои СДСМ се фали се реалност само во нивните бледи изјави и прес конференции, реалноста помеѓу земјоделците е сосема поинаква.

Нема откуп, а каде што го има цените се катастрофално ниски. И што е најстрашно не ги задоволуваат ниту основните трошоци за производство.

СДСМ ги доведе земјоделците до питачки стап, немаат ни за леб. Субвенциите не се исплатени во целост. Проблемот со наводнување е факт низ цела Македонија. Земјоделието е буквално нефункционално.

Неспособноста на СДСМ се виде за овие три години. Потребно е под итно да се распишат предвремени парламентарни избори и да се стави крај на уништувањето на земјоделието. Време е да се започне обнова на Република Македонија“ се наведува во реакцијата.

Прикажи повеќе...

Економија

(Видео) Прентовиќ: Значително зголемени откупните цени, се вреднува и се цени трудот на земјоделците

Објавено пред

После 11 години потценување на земјоделците, развојните и одржливи аграрни политики на Владата предводена од СДСМ даваат позитивни резултати. Се вреднува и се цени трудот на земјоделците. Тоа го потврдуваат и официјалните податоци, изјави Татјана Прентовиќ, пратеничка на СДСМ.

„Зголемена е вредноста на клучните извозно ориентирани земјоделски производи. Истовремено расте и побарувачката за македонските земјоделски производи, дома и но и на странскиот пазар. Оваа година, откупната цена на краставицата во јули е зголемена за 145,8 проценти. Ако се спореди со јуни 2013, кога ВМРО-ДПМНЕ го водеше земјоделскиот сектор, цената на краставицата е зголемена за 240 проценти.

Кај доматите, откупната цена од минатата година е зголемена за 85,5 отсто. Во споредба со јули, 2015 година, цената на доматите е зголемена за 143 отсто. Кај лубениците е забележан пораст на откупата цена за 115%, споредбено со јули 2015 година. Оваа година, откупната цена на белото грозје е зголемена на 50 денари, а во 2016 година била 30 денари за килограм. Тоа е зголемување од 67 отсто.

Откупната цена на сливите, во јули оваа година е зголемена за 18,8 отсто споредбено со минатата година. За 31 отсто зголемена е откупната цена на пиперката. Овие податоци се особено важни за овој период кога тече откупот на сезонското овошје и зеленчук.

Правилните политики во земјоделството и напредокот на земјава на евро-интегративниот пат ја зголеми побарувачката на нашите производи на странските пазари. Извозот на конзервиран зеленчук во 2018 година е зголемен за 6% и изнесува 42.4 милиони евра. За 19% е зголемена вредноста на извезената краставица и тоа најмногу на пазарите на ЕУ. Пораст на извозот од 16 отсто има и кај праските.

Повисоки откупни цени значат повеќе пари за земјоделците и повеќе средства во економијата.

Владата предводена од СДСМ и надлежното Министерствот за земјоделство остануваат посветени на понатамошен развој на земјоделството во интерес на земјоделците“ истакна Прентовиќ.

Прикажи повеќе...

Економија

Димковски: Растат откупните цени и извозот на земјоделските производи

Објавено пред

Министерот за земјоделство, шумарство и водостопанство, Трајан Димковски денеска ги презентираше движењата на откупните цени и извозот на сезонските земјоделски производи. Официјалните податоци од Министерството за земјоделство, шумарство и водостопанство и од Државниот завод за статистика, покажуваат пораст на вредноста на извозот на клучните извозно-ориентирани земјоделски производи.

Министерот Димковски посочи дека развојните политики и мерки коишто Министерството за земјоделство, шумарство и водостопанство, ги презема изминатите две години, даваат позитивни резултати во земјоделството, трудот на земјоделецот почнува да се цени и вреднува, расте побарувачката за македонските земјоделски производи, не само на домашниот туку и на странскиот пазар.

„Во 2018 година извозот на конзервиран зеленчук изнесува 41,4 милиони евра а во 2017 година 38,9 милиони евра, што е пораст за 6%. За 19 отсто е зголемена вредноста на извезени краставици и корнишони, и тоа најмногу на пазарите во Европската унија. Вредноста на извезени пиперки во 2018 година е зголемена за 18% за разлика 2017 година. Воведувањето на мерката за укинување на царината за увоз на замрзнато свинско месо во 2018 година, придонесе за значителен пораст на извозот на месните преарботки. Во 2017 извозот беше 11 милиони евра, а лани 14,6 милиони евра, што е пораст за 33 отсто, изјави министерот“, изјави министерот Димковски.

Во 2018 споредено со 2017 година за 17 отсто е зголемен извозот на флаширано вино или од 21,8 милиони евра во 2018 на 25,5 млиони евра лани. Во делот на овошјето, се забележува значителен пораст на извозот на праски и нектарини од 16 отсто, а за 11 отсто е пораснат извозот на трпезно грозје.

Димковски потенцираше дека во овој период, особено во месец јули, кога е интензивна бербата и откупот на сезонскиот зеленчук и овошје, податоците покажуваат зголемување и на откупните цени. Во јули оваа година откупната цена на краставицата бележи пораст за 145,8 отсто, а споредено со истиот период 2013 година зголемувањето е за 240 отсто. За 85,5 отсто е зголемена откупната цена на доматот во јули годинава споредено со истиот период лани или за 143 отсто споредено со јули 2015 година. Оваа година пченицата се откупува за 10,4 денари, за разлика од 2016 година кога била 8,48 денари за килограм, што е пораст од 23 отсто.

„Поради отворените пазари, зголемената побарувачка на македонските земјоделски производи и порастот на откупните цени, до овој момент МЗШВ нема воведено ниту една интеревентна мерка, како што тоа беше случај во изминатите години. Земјоделството е еден од носечките столбови на македонската економија, затоа како Влада посветуваме посебно внимание на политиките кои ги спроведуваме за овој сектор, со посебен акцент на развојните мерки и проекти, како и нови инвестиции кои ќе придонесат кон забрзан раст на оваа стратешка економска гранка“, изјави министерот Димковски.

Пораст на откупната цена од 89,1 отсто е забелжан кај лубеницата, јули 2018 со истиот период оваа година, или за 116 отсто споредено со 2015 година. Откупната цена на белото грозје во 2016 година била 30 денари за килограм, а оваа година 50 денари, што претстваува пораст од 67 отсто. Кај сливите, откупната цена во јули оваа година споредено со истиот период лани е зголемена за 18,8 отсто или за 23 отсто споредено со јули 2016 година. За 31 отсто расте откупната цена на пиперката или во јули 2018 година изнесува 22,14 денари а годинава 29 денари за килограм. Кај оризот, за периодот јули 2018 со јули 2019 година се забележува пораст на откупната цена за 8,7 отсто.

Прикажи повеќе...

Најново

Свет7 минути

1,7 милиони луѓе на протест во Хонгконг

Најмалку 1,7 милиони граѓани излегоа на улиците во Хонгконг, на уште еден од низата масовни продемократски протести, соопштија организаторите на...

Топ1 час

Изгаснат пожарот кај Пинтија, ново жариште кај Сопиште

Пожарот над скопската населба Пинтија, кој избувна претпадне е ставен под контрола. Во пожарот беше зафатена мешана шума на поголема...

Македонија6 часа

Изгаснат пожарот над скопското село Буковиќ

Шумскиот пожар кој вчера наутро избувна на планината над скопското село Буковиќ е изгаснат и целосно ставен под контрола, информираат...

Регион6 часа

(Видео) Пациент со држач за инфузија уби четири лица во психијатриска болница во Романија

Еден пациент во психијатриска болница во романската општина Сапока, со држач за инфузија убил четворица други пациенти. Тој ги нападнал...

Свет8 часа

Протести во САД: Ако не се смени законот за оружје, треба да се смени Конгресот

Низ САД се одржуваат протести на кои се бара од Конгресот да ги заостри законите за контрола на оружјето, по...

Свет9 часа

„Сандеј Тајмс“ објави таен владин документ за ризиците од брегзит без договор

Ако нема договор за брегзит со ЕУ, Велика Британија ќе се соочи со недостиг од гориво, храна и лекови, објави...

Свет9 часа

Работници во Пенсилванија добиле понуда или да присустуваат на митинг на Трамп или да не земат плата

На вработени во нафтено-хемиски комплекс во Пенсилванија им било кажано дека ако не присуствуваат на говор на американскиот претседател Доналд...

Свет10 часа

Во бомбашки напад на свадба во Кабул убиени над 60 луѓе, меѓу нив и деца

Најмалку 63 луѓе се убиени а над 180 се ранети во бомбашки напад на свадбена веселба во Кабул, пренесуваат светските...

Свет22 часа

Ново убиство на метро станица во Германија, маж и жена избодени до смрт

Маж и жена се избодени до смрт на преполна метро станица во германскиот град Изерлон, соопшти полицијата, наведувајќи дека се...

Свет22 часа

Салвини попушти, ќе ги прими малолетните мигранти

Италијанскиот министер за внатрешни работи, Матео Салвини потклекна под политичкиот притисок, и од меѓународната заедница, но и од внатрешно-политичкиот, околу...

Регион23 часа

Бугарија на второ место во НАТО според буџет за одбрана

Бугарија е на второто место во НАТО според буџетот за одбрана во однос на бруто домашниот производ и веднаш зад...

Регион24 часа

Српски полицајци го спасија животот на 9-годишно дете на автопатот Ниш-Белград

Двајца сообраќајни полицајци од Србија станаа вистински херои во медиумите и на социјалните мрежи, откако успеаа да го спасат животот...

Свет1 ден

Јункер итно пренесен на операција

Претседателот на Европската комисија, Жан Клод Јункер го прекинал одморот и ќе биде итно опериран, соопшти ЕК. Според информациите, Јункер...

Свет1 ден

Незадоволен гостин уби келнер во ресторан во Париз

Келнер во француски ресторан бил убиен од страна на гостин, бидејќи предолго чекал сендвич, пренесуваат фарнцуски медиуми. Инцидентот се случил...

Регион1 ден

(Видео) Авион слета на автопатот Загреб – Риека откако му откажал моторот

На автопатот Загреб-Риека помеѓу Врбоско и Равна Гора, помал спортски авион слета на патот. Граѓани кои се возеле во автопатот...

Топ1 ден

Гори планината над Буковиќ

Пожар избувна изутринава на тешко пристапен терен над селото Буковиќ, во близина на Сарај. Како што дознава ,,Макфакс”, пожарот избувнал...

Свет1 ден

„Не сме на продажба“ – му порача Гренланд на Трамп

Владата на Гренланд соопшти дека нејзината територија не е на продажба, по извештаите дека претседателот на САД Доналд Трамп бара...

Свет1 ден

(Видео) Осум лица загинаа, а десет се повредени во пожар во хотел во Одеса

Осум лица загинаа, а десетина се повредени во пожар кој рано утрово изби во хотел во украинскиот град Одеса, соопшти...

Свет1 ден

Трамп планира да им продаде борбени авиони на Тајван за осум милијарди долари

Администрацијата на американскиот претседател Доналд Трамп го информираше Конгресот дека планира да му продаде борбени авиони Ф-16 на Тајван, во...

Култура1 ден

Почина актерот Питер Фонда, ѕвездата на филмот „Голи во седло“

Актерот Питер Фонда почина на 79-годишна возраст на својот имот во Лос Анџелес. Тој боледуваше од рак на белите дробови....

Досие