Контакт

Економија

Игор Лештар: Со „Синами“ се стремиме да бидеме компанија двигател на дигиталното живеење

Објавено пред

„Синами“ по аквизицијата на „Сеавус“ се издвојува како нов, самостоен бренд, меѓутоа луѓето кои ја сочинуваат оваа компанија се истите ИТ-професионалци во индустријата со 20-годишно искуство зад себе, вели Игор Лештар, претприемач и сопственик на новата софтверска компанија „Синами“ во интервју за „Фактор“.

Поводот за интервјуто е токму основањето на „Синами“, која до неодамна беше дел од групацијата на „Сеавус“, меѓутоа по аквизицијата на „Сеавус“ од страна на чешката групација „Арикома“, започнува самостојно на пазарот. По две децении успешна работа за меѓународни водечки компании, Лештар вели дека „Синами“ е веќе одлично позиционирана глобално и ребрендирањето, всушност, не значи ништо за нивните клиенти бидејќи тие не ја препознаваат компанијата по новото име, туку по продуктите кои ги користат речиси 20 години, а сега се заинтересирани да ја продлабочуваат соработката и заедно да развиваат нови производи и да градат уште поуспешни приказни. Она што сега е веројатно ново е дека по ребрендирањето, „Синами“ се стреми да биде компанија двигател на дигиталното живеење, истакнува Лештар.

Инаку, „Синами“ е приказна која започнува во рамките на „Сеавус“ во 2003 година, кога добиваат барање од клиент да решат одреден проблем за поефикасно менаџирање на нивните работни процеси. Тогаш, раскажува Лештар, го развиле продуктот Seavus Project Viewer исклучиво за овој клиент, кој откупил 4.000 лиценци, што всушност било и првата зделка на „Синами“. Seavus Project Viewer, инаку, е напредно софтверско решение за проектен менаџмент, кој денес е „бестселер“ со преку 4 милиони инсталации на околу 4.000 клиенти од 172 земји ширум светот.

Лештар самиот вели дека токму продажбата на првите 4.000 лиценци од Seavus Project Viewer го поттикнала да направи тим за продуктот да се пласира преку интернет низ целиот свет, како независно бизнис-решение. Оваа одлука и го трасирала патот за понатамошен развој на „Синами“, па оттука почнале да развиваат и нови производи за проектен менаџмент кои денес ги користат 70% од најуспешните Fortune 500 компании. „Тоа се апликации кои им помагаат на големите проектни организации да работат пооптимално и да ја подобрат нивната организациска ефикасност, притоа овозможувајќи им заштеда на трошоци и време и зајакнувајќи ја тимската работа. Ние опслужуваме исклучително големи клиенти со просечна големина од 40.000 вработени. Овде зборуваме за портфолио клиенти како Airbus, Rolls Royce, McLaren, SAP, Tesla и слични профили на клиенти од многу различни индустрии“, вели Лештар во интервјуто.

На локалниот пазар, од друга страна, компаниите се прилично мали и во голема мера воопшто и немаат потреба од вакви бизнис-решенија, па тој потенцира дека развојот и продажбата на „Синами“ не се ограничува територијално, туку тие развиваат производи за компании или индустрии на коишто им се потребни решенија, независно од која земја доаѓаат. Доколку се отвори можност за соработка и со македонска компанија, секако дека

можноста не е исклучена, меѓутоа сега, особено во ова време на Ковид, најголемиот фокус на „Синами“ е да продолжат да им помагаат на големите компании да го оптимизираат своето работење.

Со оглед на тоа дека живееме во време на пандемија, која сакале или не, наметнува потреба за што побрза дигитална трансформација на бизнис-процесите, сега „Синами“ почнува да работи и на развивање софтвери во сферата на интерната комуникација на компаниите, со цел уште повеќе да ја оптимизираат нивата работа, како што вели Лештар, бидејќи брзата дигитализација наметна и уште побрза комуникација.

Всушност големото искуство во развој на производи за проектен менаџмент, знаењето што го имаат стекнато работејќи на некои од најголемите водечки компании, како и човечките ресурси со кои располагаат се најголемата предност на компанијата и основата на бизнисот. „Токму ова ни овозможува да ги предвидиме трендовите и потребите на пазарот, како и да осмислуваме, тестираме и лансираме продукти кои ќе одговорат на предизвиците што ги носи новото време. Моето лично искуство во менаџмент и развој на компании исто така го вбројувам како предност, како и високите корпоративни стандарди кои ги поставив уште од времето на раководоење на ‘Сеавус’. На кратко, имаме искусен тим, многу стекнато знаење и стабилна база на клиенти, но нова енергија и визија. Оваа комбинација верувам дека ќе даде одличен резултат“, вели Лештар.

Во интервјуто за „Фактор“ тој зборува и за предизвиците со кои се соочуваат како ИТ-индустрија, земајќи предвид дека локалниот ИТ-пазар се соочува со дефицит на квалификуван ИТ-кадар, а, пак, ИТ-индустријата е најбрзорастечка по сите параметри. Тој објаснува дека ситуацијата е слична на сите пазари и не очекува промена на состојбата во брзо време, бидејќи динамиката на самото живеење и сè поголемата потреба од дигитална трансформација и автоматизација на бизнис-процесите ќе продолжат да бидат актуелни, што, пак, ќе продолжи да создава и силно конкурентски услови на ИТ-пазарот. Токму затоа, вели Лештар, ќе биде неопходно што поагилно работење, следење на сите трендови што ги носи дигиталната ера и што побрзо адаптирање на новите услови, со цел подготвени да ги дочекаат сите промени кои може и натаму да се наметнуваат.

На крајот тој се осврнува и на краткорочните планови за раст и развој на компанијата и вели дека само до крајот на оваа година очекува раст од над 50% по бројот на вработени, а согледувајќи ги перспективите за раст, со оваа динамика ќе продолжат и следната година. „Континуирано работиме на анализа на пазарот и очигледна е констатацијата дека потенцијалот во ИТ-секторот, а особено во сегментот во којшто ние работиме, е огромен. Сèова секојдневно ни отвора нови можности и тоа ние сме подготвени го искористиме“, заклучува Лештар за „Фактор“.

Економија

Заев: Го поздравуваме планот за инвестиција на американската HTEC Group во ИТ-секторот

Објавено пред

Премиерот Зоран Заев денеска прими претставници на HTEC Group, американска компанија за софтверско инженерство, која обезбедува услуги во оваа дејност, услуги за развој на производи во широк спектар на индустрии, како што се малопродажбата, логистиката, медицинската технологија, информатички услуги во финансискиот сектор и други.

Главниот оперативен директор на групацијата HTEC, Дејвид Шох, му го претстави на премиерот Заев амбициозниот план на компанијата за инвестиции во регионот, кој вклучува формирање центар за развој во Северна Македонија.

„Ние веруваме дека со обезбедување уникатни можности за развој на кариера, конкурентни пакети за компензација и шанса да работиме со водечките глобални корпорации за врвни технологии можеме да отвориме нови можноста за врвните млади таленти на Северна Македонија и да им помогнеме на напорите на земјата во борбата против економска миграција на работната сила“, рече Шох на средбата.

Премиерот Заев ја поздрави инвестицијата и ѝ го претстави пакетот на HTEC Group на Владата за поддршка на странските инвеститори, дополнително истакнувајќи ја заложбата на Владата за зајакнување на ИТ-секторот во Северна Македонија.

„Покрај постојната поддршка, Владата ќе ја реализира мерката за постепено намалување на персоналниот данок во ИТ-индустријата и од сегашните 10 % да дојде до целосно укинување, односно до 0 % во 2023 година“, рече премиерот Заев на средбата и истакна дека се регистрирани позитивни трендови во економијата и дека полнењето на државната каса оди според планираното, а приходите се на повисоко ниво од преткризниот период од минатата година.

HTEC Group вработува над 800 инженери и покрај канцелариите во САД, Велика Британија, Холандија, Шведска и Словенија, има развојни центри на четири локации во Србија и една во Босна и Херцеговина.

Прикажи повеќе...

Економија

Заев: Расте извозот, во последните 8 месеци потпишавме 48 договори за нови инвестиции

Објавено пред

Владата во последните 4 години во континуитет ја одржува грижата за постоечките инвеститори и работи на привлекување нови инвестиции од странски компании, истакна премиерот Зоран Заев по посетата на фабриката „Кемет електроникс“ заедно со директорот на Дирекцијата за технолошки индустриски развојни зони, Јован Деспотовски.

„Партнерскиот однос кој Владата го гради со компаниите кои функционираат во земјата, како и за поволната бизнис-клима која поттикнува нови инвестиции и развој на компаниите придонесе во овој мандат, односно од септември 2020 година, да бидат потпишани 48 договори за државна помош со компании кои аплицираа по Законот за финансиска поддршка на инвестиции“, рече премиерот Заев.

Тој потенцира дека од септември 2020, вкупно 53 инвестициски проекти, со поддршка на државата се во тек, со вкупна вредност од 95,7 милиони евра со кои се создадоа околу 2.000 нови работни места за граѓаните.

„Дополнително, од септември минатата година до денес, што значи за само 8 месеци потпишавме 5 договори за нови инвестиции на странски компании во земјата. Имаме уште 15 други компании кои ги препознаа поволностите за поддршка на странските директни инвестиции и веќе ги почнаа постапките за стекнување државна финансиска поддршка. Станува збор за компании од Турција, Германија, Јужна Кореја, Народна Република Кина“, објасни премиерот Заев.

Директорот на Дирекцијата за технолошки индустриски развојни зони, Јован Деспотовски рече дека новиот пристап и квалитет во поттикнување инвестиции се базира на реални економски политики и носи реални економски резултати.

„Потсетувам имаме најдобар прв квартал во последните 4 години, со раст на извозот од 41% во однос на 2018 година или над 300 милиони евра. Инвестициите се враќаат. Компаниите во зоните, во 2020 година уплатиле нето-износ од над 1.8 милијарди денари во буџетот на РСМ“, рече Деспотовски.

Прикажи повеќе...

Економија

„Веро“ е добитник на наградата Best Buy за најдобар однос на цена и квалитет

Објавено пред

Во рамки на независното истражување Best Buy Award за 2021/2022 година што го спроведува швајцарската организација ICERTIAS, „Веро“ е добитник на наградата за најдобар однос помеѓу цената и квалитетот според мислењaта, искуствата и изборот на потрошувачите во земјава.

Водејќи се од личното искуство, мнозинството потрошувачи го избраа „Веро“ за најдобар маркет во категоријата „Најдобар однос на цена и квалитет“ и го посочија како прв избор на маркет во кој добиваат највисок квалитет за вложените пари.

За менаџментот на „Веро“, значајното признание Best Buy е потврда дека потрошувачите ги препознаваат заложбите на „Веро“ секогаш да обезбеди голем избор на најквалитетни производи и најдобри цени.

„Сите награди и признанија се значајни, но оние што доаѓаат лично од потрошувачите за нас имаат огромно значење. Нема подобра препорака од препораката која доаѓа од самите потрошувачи. Искрено се гордееме што сме добиtници на вакво престижно признание и што потрошувачите го препознаа нашиот напор и истрајност да им понудиме производи со најдобар однос на цената и квалитетот. Заедно со нашите домашни и странски добавувачи континуирано работиме на зголемување на понудата на домашни и странски производи што ќе бидат прилагодени на потребите и очекувањата на нашите потрошувачи. Оваа награда ќе биде мотив повеќе да продолжиме да ги ослушнуваме нивните потреби и да им излеземе во пресрет на нивните желби, што ни претставува особено задоволство“, вели Петар Денковски, генерален директор на „Веро“.

Истражувањето во земјава е спроведено во текот на јануари 2021 година на репрезентатативен примерок од 1.200 испитаници постари од 18 години кои се чести потрошувачи на различни синџири маркети.

Секој испитаник во анкетата требаше самиот да го впише името на супермаркетот во кој добива најдобар однос помеѓу цената и квалитетот, при што според резултатите од анкетата, „Веро“ го доби престижното признание Best Buy, препознатливо и признаено во интернационални рамки.

 

(ПР текст)

Прикажи повеќе...

Најново

Македонија51 минута

Николовски и Груби за Пауновски: Неприфатливо е да не се почитуваат одлуките на Владата

Пауновски знае дека инспекторатите добиваат 104 вработувања од кои 15 се за Државниот пзарен инспекторат и се надвор од оние...

Македонија3 часа

Мешовитата комисија не постигна договор за учебниците, темата за Гоце Делчев не дојде на ред

Заедничката македонско-бугарска комисија за историски и образовни прашања не постигнаа договор за учебниците во Бугарија, а темата за заедничко чествување на...

Македонија5 часа

33 починати пациенти и 489 нови случаи на Ковид-19

Од Министерството за здравство информираат дека во последните 24 часа се направени 2.841 тестирања, а регистрирани се 489 нови случаи...

Македонија6 часа

Заев: Има основа за разрешување на Пауновски, тој ми е пријател но станува збор за принцип

Премиерот Зоран Заев очекува да се разреши Стојко Пауновски, бидејќи смета дека има основ за тоа. Ова доаѓа откако претходно...

Македонија6 часа

Вакцинираните од следната недела ќе добиваат потврда која служи како ковид-пасош

Од следната недела ќе почне издавањето на потврдата за вакцинирање која сè уште нема официјален статус на ковид-пасош, но ќе...

Македонија7 часа

Николовски: Законот за потекло на имот ќе спречи незаконско богатење врз грбот на граѓаните

Студијa подготвена од домашни и странски експерти која се однесува на подготовка на предлог-закон за потекло на имот денеска беше...

Регион8 часа

Партијата на Борисов не може да добие мнозинство, кандидатот го врати мандатот

Кандидатот за премиер на бугарските партии Граѓани за европски развој на Бугарија (ГЕРБ) и Унија на демократски сили (УДФ), Даниел...

Македонија9 часа

Вакцини од „Фајзер“ секој понеделник, а со кинеската вакцина имунизацијата ќе почне по Велигден, најави Филипче

Министерството за здравство добило листа со распоред по кој ќе стигнуваат во Македонија вакцините на „Фајзер“ следниот месец. Министерот Венко...

Македонија9 часа

Пратениците се вакцинираат со „спутник“, Џафери очекува Собранието во мај да се врати во нормала

Претседателот на Собранието, Талат Џафери, утрово по почетокот на вакцинацијата на пратениците во салата „Борис Трајковски“ рече дека очекува во...

Европа10 часа

Суперзаразниот индиски вид коронавирус пристигна во Европа, откриен во Белгија

Варијантата на Ковид-19, која е широко распространета во Индија, е откриена во Белгија кај група индиски студенти кои пристигнале од...

Свет10 часа

Треба ли вакцинираните да носат маски на отворено?

Дали вакцинирано лице кое оди на отворено сè уште треба да носи маска? Дали е потребно да се носи маска...

Свет10 часа

Сè помалку надеж за екипажот на исчезнатата подморница, се стравува дека е смачкана од притисокот на водата

Во морето недалеку од Бали во тек е очајна трка со времето. Бродови на индонезиската морнарица, како и од низа...

Регион10 часа

Вучиќ: Не сакаме голема Србија

Нe сме заинтересирани за создавање голема Србија, за нас голема Србија значи подобра економија, повеќе фабрики, подобри плати и подобра...

Свет11 час

Студија: Една доза од „астразенека“ и „фајзер“ значително го намалува ризикот за зараза со коронавирусот

Ризикот едно лице да се зарази со коронавирусот е значително помал по примaње на една доза од вакцините на „Астразенека“...

Македонија11 час

Од коронавирус почина д-р Сенат Грбовиќ

Асоцијацијата на специјализанти и млади лекари на „Фејсбук“ објави дека од компликации од коронавирус починал 53-годишниот лекар д-р Сенат Грбовиќ....

Македонија12 часа

Денеска се вакцинираат пратениците

Во „А1 арената Борис Трајковски“ денеска ќе се вакцинираат пратениците од Собранието како дел од критичната инфраструктура опфатена во Националниот...

Македонија1 ден

Намален е притисокот врз болниците, вели министерот Филипче

Притисокот брз болниците е намален, а состојбата со вирусот се смирува, оцени денеска министерот за здравство, Венко Филипче, по состанокот со...

Топ1 ден

Девојка од Гостивар, без нејзина согласност, била омажена и силувана

Без нејзина согласнот, 19-годишна девојка од Гостивар била предадена за брак во Шуто Оризари по што била силувана. Според твдењето...

Македонија1 ден

Заев за повлекувањето на Шекеринска: Таа е моја другарка, без разлика каде ќе биде во иднина

Премиерот и лидер на СДСМ, Зоран Заев, изјави дека тој и потаму ќе соработува со Радмила Шекеринска по најавата дека...

Регион1 ден

Мас: Добар момент за поддршка на дијалогот меѓу Србија и Косово

Сакам да видам на самото место како можеме да го поддржиме нормативниот дијалог меѓу двете земји, рече германскиот министер за...

Досие