Контакт

Економија

Изострен дизајн и иновативни технологии за знаменосецот на Audi: врвниот „A8“

Објавено пред

Со изострен дизајн, особено напред и назад, и мноштво на иновативни технологии, Audi обезбедува зголемено присуство и спортска елеганција на A8. Од таа причина, компанијата со четирите прстени уште поинтензивно го разработува самоуверениот и прогресивен карактер на активната луксузна лимузина. Новите врвни фарови и задни светла инспирираат со иновативни функции и го формираат врвот на воспоставеното технолошко портфолио на A8. Знаменосецот на Audi на тој начин создава современо и софистицирано возачко ориентирано искуство – без разлика дали станува збор за патници или за возачи.

Како наследник на Audi V8, A8 е водечка предност на брендот во сегментот на луксузни седани од портфолиото на Audi од 1994 година. Audi A8 е симбол и предводник на статусот и престижот на брендот. Четвртата генерација на луксузната лимузина, која Audi ја претстави во 2017 година, го подигна нивото во однос на моќноста, изгледот и опремата. Како иницијален модел од серијата, A8 го откри идниот дизајнерски јазик по неговото лансирање и следствено, тој во суштина е прогресивното лице на брендот до денес.

Изострениот дизајн заедно со воспоставените технологии и извонредната удобност на задните седишта ја дефинираат премиум концепцијата на Audi во овој сегмент. Седанот на тој начин ја претставува симбиозата на маестрална удобност и спортско управување и затоа целосно го покрива возачкото искуство. Со прецизност во сите детали и многу интелигентни функции, новиот A8 е технолошки пионер со висока вредност во мобилноста насочена кон корисниците.

Уште поголем престиж и авторитет: надворешниот дизајн

Audi A8 е седан што претставува статус и зрачи со авторитет – сега кога е дополнително подобрен, неговата надворешност е уште порепрезентативна, самоуверена и атлетска. Основата на предната Singleframe решетка сега е поширока и хромираните агли кои се зголемуваат во големина од дното кон врвот ја красат нејзината форма. Страничните отвори за воздух се поисправени и исто толку свежо стилизирани како и фаровите, чиј долен раб однадвор создава карактеристична контура. Да резимираме, новодизајнираните и прецизно оркестрирани дизајнерски елементи во предниот дел значително го зголемуваат присуството и авторитетот на A8 и го изоструваат профилот на врвниот модел на Audi.

Од страничен поглед, прогресивниот карактер на луксузната лимузина е особено привлечен. Издолжените линии на каросеријата на автомобилот ја нагласуваат неговата должина, додека широките лакови на тркалата навестуваат стандарден Quattro погон на сите тркала. Во задниот дел доминираат широки хромирани детали, приспособлива анимација на задните светла со дигитални OLED диоди и континуирана, сегментирана светлосна лента. Вметнувањето на дифузорот во браникот е деликатно нагласено и редизајнирано со хоризонтални детали.

Дополнително на стандардната надворешност, Audi нуди хромиран надворешен пакет и, за прв пат во A8, новиот надворешен пакет S-line, кој додава динамиќен допир на предниот дел и го разликува уште повеќе од основниот модел, со карактеристични елементи на страничните отвори за воздух кои го надополнуваат моќниот дизајн напред – на многу сличен начин како кај S8.

Изгледот е уште повеќе дефиниран со дополнителниот Black Optics пакет со црн изглед. Приказот на бои за А8 вклучува единаесет бои, меѓу кои и новата Металик District Зелена, Firmament Сина, Manhattan Сива и Ultra Сина. Исто така новитет кај Audi A8 се пет мат бои – Daytona Сива, Floret Сребрена, District Зелена, Terra Сива и Glacier Бела. Во ексклузивната програма на Audi, автомобилот е достапен со која боја и да посакате.

Редукција како медиум за дизајн

Внатрешноста на A8 може да се спореди со пространа, широко прилагодена дневна соба – нуди отворен простор кој се чувствува многу добро. Неговата архитектура е строго хоризонтално ориентирана за да се нагласи ширината. Формалноста сеуште е воздржана.

Опсегот на седишта и опремата на седиштата во подобрениот A8 е разновидена, многу удобена и зрачи со највисок степен на авторитет – особено за задните седишта, каде што се достапни многу опции. Седиштето за релаксација во A8 L е врвот на понудата. Нуди бројни опции за прилагодување и потпирач за нозе на задниот дел од совозачкото седиште. Патниците можат да го користат за загревање и масирање на долниот дел од стапалата во различни степени. Пакетот за релаксирање на седиштата вклучува масажа на грбот со 18 пневматски перничиња, електрично прилагодливи комфорни потпирачи за глава, континуирана централна конзола – исто така достапна со маси што се преклопуваат – четиризонска луксузна автоматска климатизација и новите екрани во задниот дел.

Висококвалитетната изработка го нагласува карактерот на внатрешноста на А8. Тоа важи за прецизните перфорации во навлаките на седиштата, украсната облога која електрично се отвора и затвора, отворите за вентилација или кадифената кожа во удобните потпирачи за глава. Седиштата се обложени со Valetta кожа уште во стандардната верзија. Алтернативно, Valcona кожа е достапна и како опција со можност за избор на новата боја Cognac Кафена. Ново во програмата е одржливиот микрофибер материјал Dinamica за панелите на вратите, кој може да се користи и за облогите на столбовите или облогата на покривот.

Карактеристично за подобрениот A8 е и широкиот избор на внатрешни конфигурации. Тие вклучуваат избор на дизајн на Audi во Pastel Сребрено и S line внатрешност во Црна, Merlot Црвена или Cognac Кафена. Изборот го заокружуваат неколку пакети за кожна внатрешност и опрема од Audi Exclusive. Опционалниот пакет за квалитет на воздухот вклучува јонизатор и парфем.

Сензитивно и разумно: операција

Концептот за работа на Audi MMI со допир во Audi A8 се основа на два дисплеа (10,1“ и 8,6“) и природна гласовна контрола. Дијалогот започнува со извикување „Еј Audi!“ Целосно дигиталниот виртуелен кокпит на Audi, со опционален head-up дисплеј, го комплетира екранот и концептот на работа и ја нагласува ориентацијата кон возачот. Важните информации се прикажуваат директно во видното поле на возачот.

Новиот знаменосец на Audi – A8 наскоро ќе биде достапен и во салонот на Порше Македонија.

 

(ПР – текст)



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Соларен парк е првата француска стратешка инвестиција во земјава

Објавено пред

Македонија ќе добие соларен парк, кој ќе биде еден од најголемите во Европа со капацитет за производство на електрична енергија од 350 до 400 мегавати (MW).

Од Владата информираат дека станува збор за директна француска гринфилд инвестиција најголема во овој домен, за македонската економија.

Соларниот парк „Стипион“ ќе се гради во текот на следната 2022 година на локацијата која беше предвидена за карго аеродромот во Штип. Поради движењата на ветровите оваа локација не е погодна за изградба на аеродром, но согласно анализите на соларната радијација, карактеристиките на земјиштето како и оддалеченоста од преносната мрежа, оваа местоположба има одлични услови за изградба на фотонапонска електрана.

За успешна реализација на инвестицијата, Владата донесе Одлука за утврдување статус на стратешки инвестиционен проект на Друштво за производство на електрична енергија „ОСТРО СОЛАР“ – Скопје.

„Овој стратешки проект ќе го реализира водечката француска компанија за производство на електрична енергија исклучиво од обновливи извори „Акуо Енерџи“ (Akuo Energy) од Франција. Проценетата инвестиција се очекува да биде околу 270 милиони евра, за која во фаза на подготовка е посебен закон за реализација на оваа инвестиција, кој се очекува да се донесе во првиот квартал на наредната година. Согласно планот, првите количини на електрична енергија ќе протечат во текот на 2023 година, а целосна реализација се очекува до крајот на 2024 година. Производство на електрична енергија е проценето на околу 650 (GWh) гигават часови на годишно ниво, што преставува 16 проценти од годишното производство на електрична енергија од АД „ЕСМ“. Оваа фотонапонска централа ќе ги задоволува потребите на околу 116 илјади домаќинства“, велат од Владата.

„Акуо Енерџи“ основана е во 2007 година и е водечка компанија за производство на електрична енергија од обновливи извори на енергија во Франција. Располагаат со портфолио од над 1100 MW на електрани од обновливи извори, главно фотонапонски електрани низ целиот свет. Во моментов, во фаза на проектирање, развој и изградба имаат над 2400 MW во САД, Уругвај, Индонезија, Полска, Португалија, Хрватска, Србија, Црна Гора, Косово, Австралија и во неколку земји во Африка. Во моментот развиваат проекти од над 5 GW од кои 1 GW во соседна Грција.

Прикажи повеќе...

Економија

Центар за стручно образование и обука за зелени иновации ќе се отвори во Скопје до крајот на годината

Објавено пред

До крајот на годината, во рамките на проектот GREENOVET, ќе биде отворен регионален Центар за стручно образование и обука за зелени иновации што ќе биде единствен од ваков вид во регионот, а кој се формира со тесна соработка меѓу бизнис секторот, истражувачите од универзитетските институции и центри, како и стручните училиштата. Паралелно со центарот во Скопје се отвораат и центри во регионите: Штаерска – Австрија, Васа – Финска и во Лерија – Португалија.

Партнерите во проектот ја одржаa втората работилница на која се дискутираше за стратегијата за идниот регионален центар за стручно образование и обука. Проектот Greenovet – European VET Excellence Platform for Green Innovation во чии рамки се формираат овие центри, обединува партнери од четири држави во областа на стручното образование и обука на различни нивоа, локалните претпријатија, секторските здруженија, локалните власти, невладиниот сектор. Проектот ќе го поттикне развојот на стручното образование и обука во областа на зелените иновации низ Европа, со што ќе придонесе за развој на иновативна, инклузивна и одржлива економија.

Во нашата земја носители на проектот се Машински факултет при Универзитот „Св. Кирил и Методиј“ во Скопје, заедно со Сојуз на стопански комори, АСУЦ „Боро Петрушевски, Раде Кончар ТЕП и Националниот центар за развој на иновации и претприемачко учење.

„Четирите центри ќе бидат формирани во исто време до крајот на оваа година. Иако овие центри имаат иста цел сепак ќе се имаат посебни стратегии за функционирање бидејќи секоја држава има свои специфики. Но, во секој случај предност на оваа соработка е тоа што имаме интересни и добри искуства кои може да ги размениме со партнерите од другите држави.“, истакна доц. д-р Трајче Велковски од Машинскиот факултет.

Во истражувањето кое беше направено на почетокот на 2021 година во рамките на проектот се детектираат компетенции кои се потребни за развој на зелените иновации. Во групата на најрелеватни вештини кои треба да се развиваат за развој на зелени иновации се дигитални вештини, претприемачки вештини и циркуларна економија, заштита на околината, етичко однесување, превземање на иницијативи, критичко размислување, економска писменост.

Со стратегијата за центрите ќе треба да се воспостави систем за надминување на најголемиот предизвик кој сега постои, а тоа е воспоставување на линк меѓу индустријата и образовните институции.

Недостигот на стручен и квалификуван кадар е голем предизвик со кој се соочува бизнис секторот, не само кај нас туку и пошироко во Европа, бидејќи стручните училишта не се доволно атрактивни за привлекување на поголем број на ученици, и бараат поддршка во следењето на брзорастечките потреби на бизнисите кои динамично се менуваат и прошируваат. Потресот кој го наметна здравствено-економската криза предизвикана од појава и ширење на вирусот Ковид-19 наметна уште поголема потреба за брза адаптација, согласно нови потреби и барања на индустриски и пазарни трендови, а потребата од заштита на животната средина се наметнува како неопходен сегмент кој ќе овозможи раст, развој и одржливост.

Регионалниот Центар за извонредност во стручно образование и обука за зелени иновации ќе нуди различни услуги за различни целни групи од регионот, како: високообразовни институции, понудувачи на стручно образование и обука, индустрии/компании, јавни власти, студенти.

Прикажи повеќе...

Економија

Новите PEUGEOT 208 и 2008 – технолошки развој за повеќе автономија

Објавено пред

Најновите технолошки достигнувања од почетокот на 2022 година кај 100% електричните верзии на новите PEUGEOT 208 и 2008 ќе додадат до 25 km и 8% повеќе опсег според циклусот WLTP, а уште повеќе во возењето во реалните услови на патот.

И двете возила лансирани на крајот на 2019 година, 100% електричните PEUGEOT e-208 и PEUGEOT e-2008 имаат голем успех на пазарите, со повеќе од 90.000 произведени возила. Овие два модели ја нагласуваат релевантноста на стратегијата за електрификација на брендот PEUGEOT.

Поставени на eCMP (Заедничка модуларна платформа), опремени со батерија од 50 kWh, електричен мотор од 100 kW (136 КС) и вртежен момент од 260 Nm, овие две возила ќе ги покажат најновите технолошки достигнувања, со цел да понудат поголема автономија на нивните корисници.

Најпрво, пневматиците се оптимизирани со промена на класата „А+“, обезбедувајќи поголема ефикасност благодарение на помалиот отпор на тркалање. Ова се однесува на тркалата од 16 инчи за PEUGEOT e-208 и 17-инчните тркала за PEUGEOT e-2008.

Дополнително, има механички развој со нов сооднос на менувачот, кој го оптимизира опсегот при возење на пат и автопат.

Конечно, нова топлинска пумпа заедно со сензорот за влажност инсталиран на горниот дел од ветробранското стакло ја оптимизира енергетската ефикасност на греењето и клима уредот. Информациите што ги соопштува овој сензор

овозможуваат попрецизно да се контролира кружењето на воздухот во патничката кабина и на крајот да се заштеди количината на енергија содржана во батеријата при загревање и одржување на температурата во возилото. Овој најнов напредок е особено забележлив при ниски надворешни температури.

Накратко, целиот овој напредок ќе обезбеди зголемен опсег според циклусот на хомологација WLTP (Светскa процедурa за тестирање на хармонизирани лесни возила):

• Новиот PEUGEOT e-208 сега ќе нуди опсег до 362 km според WLTP, што претставува зголемување за 22 km.

• Новиот PEUGEOT e-2008 сега ќе нуди опсег до 345 km според WLTP, што претставува зголемување за 25 km.

Но, покрај значителните зголемувања на опсегот според циклусот WLTP, има и значителни зголемувања во реалната употреба на клиентите, од околу 40 km, во градскиот сообраќај на температури блиску до 0°C.

(ПР-текст)

Прикажи повеќе...

Најново

Македонија8 часа

Почна постапката за кандидирање за претседател на СДСМ, изборите на 12 декември

Централниот одбор на СДСМ на синоќешната седница донесе одлука за започнување на процесот за организирање внатрепартиски непосредни избори за претседател,...

Македонија11 час

Двајцата пациенти од автобуската несреќа се хоспитализирани на Пластична хирургија во Скопје

Пациентка на 17 годишна возраст и пациент на 49 годишна возраст, повредени во сообраќајната несреќа што се случи на автопатот...

Македонија13 часа

Филипче предлага матичните лекари да бидат парично наградени ако 70 отсто од нивните пациенти се вакцинирани

Министерот за здравство Венко Филипче вели дека во последниве неколку дена се разгледуваат мерки за невакцинираните лица кои нема да...

Македонија13 часа

Бугарското обвинителството ги презеде материјалите од Македонија за истрагата за автобуската несреќа

Македонското државното јавно обвинителство денеска ги предаде на бугарското обвинителство материјалите поврзани со истрагата и со идентификацијата на жртвите во...

Македонија14 часа

Османи: Со Бугарија сме најблиски соседи, блиски пријатели и можеме да си помагаме и во добро и во лошо

„Бугарските институции постапија професионално и им обезбедија мир на семејствата на жртвите, бидејќи имаше премногу шпекулации, што дополнително ги оптоваруваше...

Свет14 часа

Можеме да ги приспособиме вакцините кон новата варијанта за околу 100 дена, велат од „Фајзер“

Производителите на вакцини изразија уверување дека ќе можат брзо да ги приспособат своите вакцини доколку се прошири варијантата Омикрон. Новиот...

Свет14 часа

Автобус се заби во куќа во Мексико, најмалку 19 загинати

Најмалку 19 лица загинаа, а 32 се повредени во автобуска несреќа што вчера се случи во Мексико, кога автобус се...

Македонија14 часа

Двајца од повредените во несреќата се отпуштени од болницата „Пирогов“

Двајца повредени во сообраќајката на автопатот „Струма“ се отпуштени од болницата во „Пирогов“. Отпуштените се во добра и стабилна состојба,...

Македонија15 часа

ВМРО-ДПМНЕ: Кој дал наредба автобусите на „Беса-транс“ да поминуваат граница над 100 пати без дозвола?

„Оставки и Спасовски и Бочварски, Беса транс возеле без дозволи, минувале граници и контроли, системот работел за мафијата. Скоро 140...

Македонија1 ден

Прифатена оставката на Заев, на 12 декември ќе се бира нов претседател на партијата

На 12 декември, недела, ќе се одржат внатрепартиски избори во СДСМ, откако Централниот одбор на партијата вечерва ја констатирал оставката...

Регион1 ден

(Видео) Пукање во автобус со калашников во Косово, убиени возачот и двајца ученици

Во автобус вечерва е пукано од калашников кај селото Глоѓане кај Дечани, во Косово, а според последните информации загинале четири...

Македонија1 ден

Алтернатива ќе преговара за влез во Владата

Алтернатива одлучи претседателот Африм Гаши да преговара со премиерот Зоран Заев или идниот мандатар за влез во Влада. Според нив,...

Топ1 ден

Скопјанец повикан во полициска станица поради говор на омраза за автобуската несреќа

Скопјанец бил повикан во полициска станица на информативен разговор поради говор на омраза за автобуската несреќа во која загинаа 45...

Популарно1 ден

Македонија ќе игра против Италија во полуфиналето на плејофот за Светското првенство во Катар

Фудбалската репрезентација на Македонија ги доби ривалите за баражот за пласман на Светското првенство во Катар. Денешната ждрепка во Цирих...

Македонија1 ден

Возачите на автобусот што изгоре не биле вработени во „Беса транс“

Ниту еден од возачите кои го управувале автобусот на „Беса транс“ кој изгоре не бил вработен во компанијата. Еден од...

Македонија1 ден

Автобусот бил технички исправен, годинава 113 пати ја поминал државната граница

Автобусот на „Беса транс“ минатата година во 22 случаја остварил влез – излез од државата, додека, пак, во 2021 година...

Македонија1 ден

(Видео) Утре ќе бидат префрлени во Скопје првите двајца преживеани во автобуската несреќа

Утре ќе бидат донесени првите двајца од седумте преживеани во автобуската несреќа во Бугарија. Тие прво ќе бидат сместени на...

Македонија1 ден

19 починати и 434 новозаболени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 3.026 тестирања,...

Македонија1 ден

Изгорениот автобус бил произведен 2007 година

Автобусот на компанијата „Беса транс“, кој изгоре во Бугарија и однесе 45 животи, бил стар 14 години. Од македонското МВР...

Македонија1 ден

Пронајдено уште едно тело, дете е 45. жртва во изгорениот автобус во Бугарија

При дополнителен преглед на изгорениот македонски автобус што се запали на автопатот „Струма“ пронајдено е уште едно тело, пренесе Бугарската...

Досие