Контакт

Економија

Имаме најниска цена на нафта и нафтени деривати, вели Ковачевски

Објавено пред

Премиерот Димитар Ковачевски истакна дека цената на нафтата и нафтените деривати ја определува РКЕ, која е независна Комисија за енергетика и која цената ја определува врз основа на пропишана методологија.

dobivaj vesti na viber

„Во однос на цената на нафтата и нафтените деривати, ние сме сведоци дека, поради одлуките што ги донесовме во однос на скалестото намалувањето на акцизата и намалувањето на ДДВ, во регионот имаме најниска цена на нафта и нафтени деривати, каде и да отидете, нема да најдете поевтина цена и тоа се должи на брзата и навремена одлука што беше донесена, односно мерките и препораките донесени од страна на Владата и ефикасноста на парламентот во донесувањето на законските решенија“, рече премиерот Ковачевски.

Премиерот истакна дека некои од компаниите што работат на пазарот со нафта и нафтени деривати покажаа шпекулативно однесување, а тоа веднаш беше санкционирано од страна на соодветните инспекциски служби.

„Цените на енергентите и цените на храната не се зголемени поради Република Северна Македонија, тие се зголемени поради војната во Украина и поради зголемувањето на цените на светските берзи, она што ние го правиме е навремено да донесеме мерки со кои ќе заштитиме граѓаните да не се соочат со ценовни шокови“, истакна претседателот на Владата, Димитар Ковачевски, во одговор на новинарско прашање.

Премиерот Ковачевски додаде дека тоа е направено во однос на електричната енергија, која е со најмала цена во регионот и пошироко, што се должи на одлуките на Владата за субвенционирање на електричната енергија за домаќинствата и за малите потрошувачи, со што некаде околу 80 % од цената на електрична енергија е субвенционирана од државата.

Ковачевски потенцира дека антикризните мерки се таргетирани кон најранлвите категории граѓани како најпогодени од кризата, како, на пример, со тримесечна финансиска поддршка од 1.000 денари за 35.000 пензионери, како и 1.000 денари енергетска субвенција за плаќање енергенти и на огрев во текот на целата година.

„Минималната плата е покачена повеќе од инфлацијата. Да се потсетиме дека пред пет години беше 9.000 денари, сега е 18.000 денари и таа е покачена 100 %. Пред пет години беа потребни 4,25 минимални плати за да се покрие една потрошувачка кошничка, сега се потребни две минимални плати за покривање една потрошувачка кошничка. Тоа се факти што можеме да ги коментираме, меѓутоа не можеме да најдеме аргумент против нив. Ова е придобивка на една социјалдемократска Влада, која навистина се грижи за примањата на оние што многу придонесуваат во општеството, но и за најранливите категории“, рече премиерот Ковачевски.

Во однос на пензионерите, Ковачевски нагласи дека преку дијалог е постигната методологија за историско зголемување на пензиите и оваа година секој пензионер на ниво на просечна пензија ќе има 200 евра повеќе приход во однос на минатата година.

Сеопфатните мерки го вклучија и решавањето на парното греење во градот Скопје, каде што првин се направи преземање на управувањето на БЕГ со цел да не дојде до прекин на снабдување со Скопје, што би предизвикало и големи проблеми во електроенергетската мрежа во одредени делови на градот.

„Со трансфери од Владата за обезбедување енергенти за производство на топлинска енергија се субвенционира во најголем износ и цената на парното греење и со ова покажавме дека најпрвин сите граѓани од најранливите категории се директно помогнати од државата и сите граѓани се заштитени од ценовен шок, кој можеше да се случи“, потенцира претседателот на Владата, Ковачевски, и додаде дека во делот на храната како прва мерка беше замрзнување на цените, а во втората фаза беа ограничени маржите во малопродажбата и во големопродажбата, што овозможи да има контрола на цените на основните прехранбени продукти.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Нови цени на горивата од полноќ

Објавено пред

Регулаторната комисија за енергетика и водни услуги на Република Северна Македонија донесе одлука со која се врши зголемување на малопродажните цени на нафтените деривати во просек за 0,09 % во однос на одлуката од 18.5.2022 година.

dobivaj vesti na viber

Малопродажната цена на „евродизелот“ (Д-Е V) се намалува 1,00 ден./л, а малопродажните цени на бензините „евросупер БС-95“ и „евросупер БС-98“ се зголемуваат 0,50 ден./л.

Малопродажната цена на екстра-лесното масло за домаќинство (ЕЛ-1) се намалува 0,50 ден./л.

Малопродажната цена на „мазутот М-1 НС“ се зголемува 0,624 ден./кг и сега ќе изнесува 54,963 ден./кг.

Од 24.5.2022 година од 00.01 часот максималните цени на нафтените деривати ќе изнесуваат:

Моторен бензин „евросупер БС-95“ – 95,00 (денари/литар)

Моторен бензин „евросупер БС-98“ – 97,00 (денари/литар)

Дизел-гориво „евродизел БС (Д-Е V)“ – 85,00 (денари/литар)

Масло за горење екстра-лесно 1 (ЕЛ-1) – 83,50 (денари/литар)

Мазут М-1 НС – 54,963 (денари/килограм)

Прикажи повеќе...

Економија

Ангеловска-Бежоска: И во светот и кај нас сѐ уште се очекува економски раст за годинава

Објавено пред

Рецесија за годинава во моментот не се очекува. И покрај сите предизвици, сите релевантни меѓународни финансиски институции сепак предвидуваат економски раст, но забавен. Рецесија не се предвидува ниту со песимистичките сценарија на меѓународните институции, како ММФ, Европската Унија, Европската централна банка, туку дополнително забавување на растот, посочува гувернерката на Народната банка, Анита Ангеловска-Бежоска, во интервју за „Радио Слободна Европа“. Но, потребно е внимателно следење со оглед на природата на шокот и високата неизвесност.

dobivaj vesti na viber

Централната банка направи надолна ревизија на проекциите за економскиот раст на земјава за оваа и следната година, со коja за 2022 година се очекува економски раст од 2,9%, додека за 2023 година раст од 3,6%.

Гувернерката посочува дека војната во Украина има ефекти врз глобалната економија преку повеќе канали. Првиот канал е високиот раст на цените на примарните производи, особено на храната и на енергијата, имајќи ја предвид улогата којашто Русија и Украина ја имаат на овие пазари. Друг значаен канал е намалувањето на трговијата, ММФ предвидува забавување на стапката на раст на глобалната трговија и од 10% минатата година таа би се свела на 5% оваа година. Значаен канал е и затегнувањето на финансиските услови на меѓународните финансиски пазари. Последниот, но многу значаен канал, е намалувањето на довербата кај инвеститорите и потрошувачите.

Гувернерката истакнува дека за нашата економија е специфично дека нема позначајни директни финансиски и трговски врски со Русија и Украина. Трговијата со нив учествува со околу 2% во вкупната трговија. Финансиските врски се релативно слаби: странските директни инвестиции оттаму се помалку од 1%, приватните трансфери имаат незначително учество, а не се присутни руски и украински финансиски институции.

„Кај нас ефектите повеќе ќе се почувствуваат преку индиректни канали, а тоа е степенот до којшто ќе биде погодена ЕУ, како наш најзначаен трговски партнер и колку ќе се прелее тоа и кај нас. Исто така ќе се одрази и затегнувањето на финансиските услови на меѓународните пазари, како и зголемената неизвесност којашто може неповолно да се одрази врз одлуките за инвестиции и потрошувачка“, посочува гувернерката.

________________

Прикажи повеќе...

Економија

ММФ: Глобалната економија се соочува со најголемиот тест од Втората светска војна

Објавено пред

Глобалната економија се најде на работ на колапс поради низа последователни кризи.

dobivaj vesti na viber

Меѓународниот монетарен фонд денеска на Светскиот економски форум во Давос, Швајцарија, соопшти дека глобалната економија ја чека можеби најголемиот тест од Втората светска војна.

„Се соочивме со низа немили настани“, изјави извршната директорка на ММФ, Кристалина Георгиева.

Таа предупреди дека руската инвазија на Украина ги потенцира негативните ефекти на пандемијата на Ковид-19 врз економијата попречувајќи го економското закрепнување и поттикнувајќи ја инфлацијата заедно со зголемувањето на цените на храната и горивото, пишува Си-ен-ен.

Земјите се оптоварени и со зголемување на каматните стапки, а бизнисите и домаќинствата треба да се справат со големи долгови. Пазарните турбуленции и постојаните ограничувања на синџирот на снабдување се исто така ризик. Покрај тоа, климатските промени се проблем.

За да се намали стресот врз економијата, ММФ на состанок повика владини претставници и бизнис-лидери во Давос на разговори за намалување на трговските бариери.

Додека многу земји се борат со зголемените трошоци за живот за своите граѓани, некои одат во спротивна насока и воведуваат ограничувања во трговијата со храна и земјоделски производи, што би можеле да го влошат недостигот и да ги зголемат цените на глобално ниво.

Претходно овој месец, одлуката на Индија да го забрани извозот на пченица доведе до зголемување на цените на житото, иако таа е релативно мал извозник. Индонезија го забрани најголемиот дел од извозот на палмово масло во април за да ги заштити домашните резерви, но има намера да ја укине забраната оваа недела.

Прикажи повеќе...

Најново

Македонија11 минута

Регистрирани 151 новoзаразени со коронавирус во последните три дена, нема починати лица

Согласно податоците од Институтот за јавно здравје, Министерството за здравство информира дека во последните три дена од 20.05 до 22.05.2022...

Топ52 минути

Кривична пријава за наставник од Струмица, кој на ученичка ѝ праќал пораки и ја допирал

Приведен наставник од Струмица за полов напад врз дете што не наполнило 14 години. Според информациите, 40-годишниот наставник ја допирал...

Македонија2 часа

Ангел Димитров: Проблемот е што македонските историчари се трудат да не прифатат заедничка историја

Бугарија не треба да дозволи притисок. Бугарската страна мора да покаже доверба во својот став, во своите аргументи и без...

Европа5 часа

Белгија е првата земја што воведе карантин поради мајмунските сипаници

Белгија стана првата земја што воведе задолжителен 21-дневен карантин против мајмунските сипаници бидејќи 14 земји сега потврдуваат појава на вирусна...

Европа5 часа

Светски економски форум во Давос: Ќе се разговара за последиците од војната во Украина

Три месеци по почетокот на руската инвазија на Украина, војната и ризиците што таа ги носи за светската економија ќе...

Свет6 часа

Претставниците на АПЕК: Русија веднаш да ја прекине војната во Украина

Претставниците на седум земји, вклучително и оние што го напуштија состанокот на министрите за економија на Азиско-пацифичката економска соработка (АПЕК),...

Свет6 часа

Бајден: Подготвени сме да употребиме сила за одбрана на Тајван

Американскиот претседател Џо Бајден изјави дека ќе биде подготвен да употреби сила за да го одбрани Тајван. Тој рече дека...

Европа6 часа

Русија: Планираме да изградиме и распоредиме 50-ина нови ракети „Сармат“

Русија планира да изгради и распореди 50-ина нови интерконтинентални балистички ракети „Сармат“, способни за нуклеарни напади до крајот на есента,...

Европа6 часа

Зеленски: До 100 украински војници гинат секој ден во борбите на истокот на земјата

Володимир Зеленски објави дека Украина губи до 100 војници секој ден во борбите на истокот на земјата. Зборувајќи на прес-конференцијата,...

Европа6 часа

Борел: Ги исцрпивме воените резерви поради војната во Украина

Високиот претставник на ЕУ за надворешна политика и безбедност, Жозеп Борел, во неделата изјави дека војната во Украина тектонски го...

Свет17 часа

Генералниот директор на СЗО: Пандемијата на коронавирус сигурно не е завршена

Генералниот директор на Светската здравствена организација (СЗО), Тедрос Гебрејесус денеска изјави дека пандемијата на коронавирусот сигурно не е завршена и...

Македонија22 часа

Ковачевски ќе ja предводи владината делегација во Ватикан и Рим, најавена е и средба со Петков

Премиерот Димитар Ковачевски придружуван од ќерката Тамара Ковачевска на 23 и 24 мај ќе предводи делегација на Република Северна Македонија...

Европа22 часа

Француски министер: За влез на Украина во ЕУ ќе бидат потребни 15 или 20 години

За влез на Украина во Европската унија ќе бидат потребни најверојатно 15 или 20 години, рече францускиот министер за европски...

Европа1 ден

Бајден: „Епидемијата на мајмунски сипаници причина за загриженост“

„Епидемијата на сипаници е нешто за што сите треба да бидат загрижени“, изјави денеска американскиот претседател Џо Бајден. Тој додаде...

Економија1 ден

Бектеши: Трговците во туристичките места ќе можат да работат во недела и на празници

Министерството за економија веќе предложи до Собранието измени и дополнувања на Законот за трговија со кои се овозможува работа во...

Регион1 ден

(Видео) Тепачка меѓу навивачи на „Хајдук“ со полицијата на автопатот кај Загреб, имало и повредени

Синоќа навивачите на Хајдук се судрија со полицијата на автопатот А1 во близина на одморалиштето Дешинец, пренесуваат хрватските медиуми. Според...

Европа1 ден

Подољак: Нема да има отстапување на територија

Украина ја отфрла можноста да се согласи на прекин на огнот со Русија и порача дека Киев нема да прифати...

Европа1 ден

Велика Британија: Регионот Северен Доњецк е приоритет на Русија

Министерството за одбрана на Обединетото Кралство објави неодамнешен извештај за ситуацијата во Украина. Единствената руска оперативна чета со возила за...

Економија1 ден

Западот во страв- Светот има залихи на пченица за само десет недели?

Русија и Украина сочинуваат околу една четвртина од светскиот извоз на пченица, а Западот стравува дека Путин се обидува да...

Економија1 ден

Пад на „Волстрит“ седма недела по ред, инвеститорите стравуваат од рецесија

По големите осцилации на „Волстрит“, цените на акциите паднаа минатата недела, седми пат по ред, бидејќи инвеститорите стравуваат дека поради...