Контакт

Економија

Исплатена помошта за лозарите кои имаа грозје неисплатено од винарниците

Објавено пред

Агенцијата за финансиска поддршка во земјоделството и руралниот развој на сметките на 325 лица исплати вкупно 9.896.812,00 денари за предадено, а ненаплатено грозје. Корисници на оваа финансиска поддршка се сите лозари кои произведеното грозје го предале во период од 15 август 2014 година до 15 ноември 2016 година и за кои винарниците не им исплатија средства. Висината на оваа дополнителна помош се утврдува според сортата на предадено грозје која не е повисока од просечната цена за откуп на винско грозје и која е утврдена на годишно ниво за период од 2014 до 2016 година.

„Денеска се исплатени оние лозари кои беа на спискот од Државниот инспекторат за земјоделство и во периодот 2014 – 2015 година предаденото грозје не им беше исплатено. Овие корисници во изминатиот период ги доставија потребните податоци и со тоа законски се стекнаа со можноста за добивање финансиска поддршка. Додека останатите, кои сè уште ги немаат доставено потребните податоци, ги повикуваме во најкраток рок да ги достават во подрачните единици на МЗШВ, или директно во Агенцијата за финансиска поддршка во земјоделството и рураниот развој со цел истите да бидат исплатени. Со ова се решава долгогодишен, наследен проблем и се исправа една неправда која им беше нанесена на лозарите. Оваа Влада води сметка секој земјоделец да си ги добие парите што како финансиска поддршка му следува за произведените земјоделски култури. Вкупно по оваа мерка досега на сметките на 2.592 лица исплатени се 100,578.318,00 денари. Праксата за навремена и неселективна исплата на субвенциите продолжува. Парите за земјоделски субвенции се исплаќаат во период кога на земјоделците средствата им се најпотребни, односно пред почеток на новата реколта“, се наведува во соопштението на Агенцијата за финансиска поддршка во земјоделството и руралниот развој.

Економија

Димковски: По 27 години реновирана метеоролошката станица во Лазарополе

Објавено пред

Министерот за земјоделство, шумарство и водостопанство, Трајан Димковски, заедно со директорот на Управата за хидрометеоролошки работи, Ивица Тодоровски, беа во посета на метеоролошката станица во Лазарополе, којашто УХМР минатата година ја реновираше.

„Оваа метеоролошка станица е изградена во 1993 година и по 27 години е реновирана. Со реновирањето е направена енергетски ефикасна фасада, замена на дотраените прозорци со нови, обновена е електричната инсталација и внатрешниот ентериер на станицата, со што се обезбедени пристојни услови за работа. Станицата е опремена со современи инструменти за мерење на метеоролошките параметри и во дворот на станицата е поставена и автоматска метеоролошка станица. Средствата за реновирање на објектот се обезбедени преку Програмата за рурален развој“, рече Димовски.

Од вкупно 18 метеоролошки станици, во овие две и пол години се реновирани девет станици. Освен станицата во Лазарополе реновирани се метеоролошките станици во Крива Паланка, Штип, Демир Капија, Берово, Виница, Претор, Охрид и Пожаране.

За оваа година се обезбедени 60 милиони денари за дејствување на градоносни облаци со авионско засејување. Тендерот е завршен, се избра најповолен економски понудувач и од 15 април се очекува започнување на активностите.

Прикажи повеќе...

Економија

Царовска и Апостолска: За повеќе од 5.000 лица е зголемен бројот на вработени во компаниите што работат во ТИР-зоните

Објавено пред

Вицепремиерката задолжена за економски прашања, Мила Царовска, и министерката за странски инвестиции, Зорица Апостолска, денес ја посетија „ВИК груп“, компанија со германски капитал, која во технолошко-индустриската развојна зона во с. Алинци, Прилеп, во 2018 година почна со изградба на фабрика за производство на електрични апарати наменети за употреба во домаќинствата.

Од страна на вицепремиерката Царовска и министерката Апостолска беше оценето дека интензивната динамика на реализирање на инвестицискиот проект на „ВИК груп“ и воведувањето нови производствени линии, со проектирани инвестиции од над 15 милиони евра и долгорочни планови за дополнителни вложувања, зборува за успешните економски политики на Владата и нејзината две и полгодишна посветеност на стабилизирање и зајакнување на деловниот амбинет.

Вицепремиерката за економски прашања, Мила Царовска, потенцира дека владините мерки за поттикнување нови инвестиции од домашни и странски компании и нивен понатамошен раст и развој даваат одлични резултати, при што нагласи дека во изминатите две и пол години бројот на вработени во компаниите што работат во технолошко-индустриските развојни зони се зголемил за повеќе од 5.000 лица, односно од 8.000 вработени во 2017 година, бројот на вработени во компаниите што функционираат во ТИРЗ сега изнесува 13.900 лица.

„Компанијата ‘ВИК груп’ е една од компаниите што се вклучени во процесот на усогласувањето на образованието за потребите на пазарот на трудот. Во генерацијата ученици запишани во 2019 година во програмата за дуално образование во земјата се вклучени 135 ученици, некои од тие изведуваат практична настава во самите компании и навистина се обидуваме заедно со стопанските комори оваа програма да ја прошириме и да даде добри резултати. Заедно со стопанските комори се обидуваме да ги стимулираме сите поголеми компании, кои имаат и реални услови да се вклучат во програмата за учење преку работа и да вклучат што поголем број ученици уште во средното образование“, нагласи вицепремиерката Царовска.

Министерката Апостолска, зборувајќи за придобивките на оваа инвестиција за Пелагонискиот Регион, истакна дека со финализирањето на целокупниот петгодишен инвестициски проект на „ВИК груп“ планирано е да се отворат над 1.000 работни места, што ветува една долгорочна стабилност за граѓаните на Прилеп и поширокиот регион, за нивната социјална сигурност од аспект на можност за пристап до стабилни работни места.

„Како резултат на стимулативните услови во земјата, на активните владини политики за поддршка на компаниите во делот на инвестициите, на поволниот и предвидлив деловен амбиент за водење бизнис, по првично планираната инвестиција на компанијата од 6 милиони евра во 2018 година, со 60-ина вработени, од компанијата ‘ВИК груп’ одлучија да го прошират инвестицискиот циклус, односно да направат проширување за воведување нов асортиман. Сега, по една и пол година, инвестицијата на ‘ВИК груп’ достигна 13 милиони евра, со можност вкупните инвестиции да се покачат на 15 милиони евра, а во компанијата веќе се вработени над 200 лица“, изјави министерката Апостолска.

Придружувани од генералниот менаџер на „ВИК груп“ за Северна Македонија, Вернер Шоеб, вицепремиерката Царовска и министерката Апостолска посетата на компанијата ја искористија и за обиколка на фабриката и непосредно запознавање со производствениот процес, при што беа информирани за тековните и идните инвестициски активности.

Генералниот менаџер на „ВИК груп“, Шоеб, изјави дека посветеноста и поддршката од Владата во изминатиот период беа клучен елемент оваа компанија да ги зголеми почетните инвестиции и додаде дека оваа компанија ќе продолжи со проширување на своите производствени активности во Северна Македонија.

„ВИК груп“ е германска компанија што се занимава со производство на мали електрични апарати, кои имаат примена во домаќинството. Седиштето на компанијата е лоцирано во Есен, Германија, и во Хонг Конг. Компанијата е основана во почетокот на 50-тите години на 20 век, а освен во Северна Македонија, има свои производствени капацитети во Шенжен, НР Кина, и во Батам, Индонезија, а центарот за иновации, дизајн и развој се наоѓа во Есен, Германија. Од тогаш компанијата има развиено стотици системски решенија и произведени се милиони производи за многу водечки меѓународни брендови. Компанијата глобално вработува околу 6.000 лица.

Прикажи повеќе...

Економија

Сугарески: Во Дојран комплетно ја рехабилитираме патната мрежа за претстојната туристичка сезона

Објавено пред

Како што ја завршивме минатата година во ресорот Транспорт со одлична реализација на инвестициите, така ја започнавме и оваа градежна сезона, која почна многу порано и каде уште на стартот имаме одлична динамика во изградба и санација на целокупната инфраструктура со која менаџираме, истакна министерот за транспорт и врски, Горан Сугарески, при денешната посета во општина Дојран.

Сугарески заедно со градоначалникот на општина Дојран, Анго Ангов, и директорот на ЈП за државни патишта, Зоран Китанов, извршија увид во рехабилитација на државниот пат Раброво – граничен премин Дојран.

Инвестицијта е вредна 830 илјади евра, средства обезбедени од ЈП за државни патишта.

Министерот Сугарески потенцира дека капиталните инвестиции во секторот гасификација, во комуналната, патната и железничката инфраструктура и оваа година се работат со силна динамика и се очекува високо ниво на реализација.

„Околу 200 милиони евра инвестиции во патишта, нови проекти во гасификацијата, преку 30 нови проекти за водоводи и канализации. Оваа година ја започнавме со силно темпо. Денеска извршивме увид на рехабилитација на овој значаен патен правец, посебно значаен бидејќи го поврзува граничниот премин кон соседна Грција и од тој аспект обезбедуваме квалитетно регионално поврзување. Овој дел на државата е значаен, посебно поради развој на туризмот и токму нашите залагања е да обезбедиме подобри услови во патната и комуналната инфраструктура, со цел да го подигнеме квалитетот на услуги што ги нуди Дојранскиот Регион. Инвестираме повеќе од 3 милиони евра само во реконструкција на патната мрежа. Дополнително со проектот за локални патишта што го работиме преку министерството, на Дојран му обезбедивме околу 600 илјади евра за изградба и санација на локалните улици, така да генерално патната мрежа целосно ја обновуваме”, изјави Горан Сугарески, министер за транспорт и врски.

Според директорот на ЈП за државни патишта, Зоран Китанов, рехабилитацијата на овој патен правец ќе заврши до крајот на месец април, почетокот на месец мај.

„Рехабилитацијата на овој пат ја почнавме во ноември минатата година. Го поделивме на четири дела заради поефикасна работа и веќе првиот дел е завршен. Интензивно се работи на асфалтирање на делот од Стар до Нов Дојран, па следува делот до граничниот премин. Очекуваме за мајските празници оваа делница да биде подготвена за туристите, а од друга страна да ја подигнеме безбедноста во сообраќајот. Денеска се асфалтираат и последните метри од делот од Смоквица до Богданци, а морам да најавам дека проектот за обиколница Богданци е завршен и следува тендерирање”, изјави директорот на ЈП за државни патишта, Зоран Китанов.

Според градоначалникот на општина Дојран, овие инвестици ќе придонесат за развој на туризмот и подобрување на услови го општината. Тој додаде дека преку проектот за локални патишта ќе се реконструитраат и три патни правци во населените места Фурка, Црничани и Николич.

Прикажи повеќе...

Најново

Регион7 часа

Вархељи: Имам голема надеж дека преговорите со Скопје и Тирана ќе почнат наредниве недели

Европската Унија би можела да ги отвори пристапните преговори за Северна Македонија и Албанија за неколку недели бидејќи двете држави...

Европа9 часа

Коронавирусот се прошири на сите континенти, освен на Антарктикот

Коронавирусот се прошири во 40 земји во светот и заразени има на сите континенти, освен на Антарктикот, пренесува агенцијата „Танјуг“....

Македонија9 часа

Министерството за здравство: Лицето дојдено од Рим, за кое се чекаа резултати, не е заразено со коронавирус

Mинистерството за здравство информира дека лицето пристигнато од италијанската престолнина, за кое попладнево министерот Венко Филипче најави дека се очекуваат...

Македонија12 часа

Операторите од понеделник на полноќ ќе ја реемитуваат само МТВ

Здружението на информатичко-комуникациските технологии, кое ги обединува сите оператори, донесе заклучок да го прекине реемитувањето на сите домашни и странски...

Македонија13 часа

Двајца вработени во Град Скопје ставиле во џеб над три милиони денари, пари што граѓаните ги плаќале како данок

Двајца вработени во Град Скопје ставиле во џеб над три милиони денари, пари кои граѓаните ги плаќале како данок. Против...

Македонија14 часа

Вонредна дезинфекција на автобусите на ЈСП и на жичницата на Водно

ЈСП Скопје од денеска, 27 февруари, ќе почне со вонредна дезинфекција на автобусите, како и на кабините на жичницата на...

Македонија15 часа

Жената која допатува од Рим не е заразена со коронавирус

Министерството за здравство информира дека резултатите на пациентката кај која постоеше сомнеж за коронавирус, кои штотуку пристигнале, се негативни на...

Македонија15 часа

СДСМ и Беса заедно на изборите

Лидерите на СДСМ и движењето Беса, Зоран Заев и Биљал Касами, потпишаа Декларација за заеднички настап на изборите на 12...

Македонија15 часа

(Видео) Шилегов: Се одложуваат сите екскурзии на средношкоците во Италија

Градот Скопје во рамките на своите надлежности е целосно подготвен да ги преземе сите неопходни мерки за да се спречи...

Македонија16 часа

Граѓаните кои биле во регионите со коронавирус да се јават во ЦЈЗ и да не одат на работа и на училиште

Владата ги известува сите вработени во државните и локалните институции и претпријатија, вработените во основно, средно и високо образование, како...

Топ16 часа

Притвор за гевгеличанецот кој силувал малолетно девојче

Против 23-годишникот од Гевгелија кој силувал малолетно девојче поднесена е кривична пријава и определена му е мерка притвор во траење од...

Македонија17 часа

Мијалков не се сеќава на анализата за „Монструм“

Ексдиректорот на УБК Сашо Мијалков сведочеше на рочиштето за „Монструм”. Тој кажа дека откако било поднесено обвинение, биле правени анализи...

Македонија17 часа

Ветрот во Скопје со над 100 километри на час

Силниот ветер во Скопје на моменти достигна и над 100 километри на час, информираат од Управата за хидрометеоролошки работи. „Во...

Регион18 часа

Црногорци уапсени со пет тони кокаин на брод во Венецуела

На бродот „Ареса“ во Венецуела се запленети еден тон, а потоа уште четири тони кокаин и уапсени се црногорски државјани,...

Свет18 часа

Потврдени 433 нови случаи за еден ден, до сега се излекувани 32.495 луѓе во Кина

Во Кина вчера се регистрирани 433 нови потврдени случаи на заразени со коронавирус и 29 смртни случаи, соопштија од Националната...

Свет19 часа

(Видео) САД: Добил отказ во пиварница, се вратил со пиштол и убил петмина колеги

Поранешен вработен во пиварница на САД уби најмалку пет лица, а потоа се самоубил, јавуваат американските медиуми. Шестмина загинаа, вклучувајќи...

Европа19 часа

Петмина настрадаа во пожар во Стразбур

Пет лица настрадаа во пожар што избил во зграда во Стразбур, на североисточниот дел на Франција, соопштија локалните пожарникари. Истите...

Македонија19 часа

(Видео) Силниот ветер откорна дрвја и уриваше покриви во Скопје

Силниот ветер синоќа корнеше дрвја и уриваше покриви во главниот град. Десетици дрвја се паднати на  локации од невремето. Ветерот,...

Македонија1 ден

МОН: Дадени се препораки на образовните установи за заштита на учениците, студентите и вработените од коронавирусот

Согласно заклучоците донесени на вчерашната владина седница, а во врска со заштита на јавното здравје во услови на брзо ширење...

Македонија1 ден

(Видео) Филипче: Познати сопатниците на жената заразена со коронавирус, ќе останат во излоација 14 дена

Идентификувани се сите патници кои се возеле во комбето со жената која е заразена од коронавирусот, а која утринава допатувала...

Досие