Контакт

Економија

Како да му ја зголемите вредноста на вашиот недвижен имот

Објавено пред

Инвестирањето во недвижности е сигурна и долгорочна инвестиција. Многу фактори влијаат врз нивната вредност и на тоа дали таа ќе опадне или ќе порасне. Најголемиот фактор да ја задржите вредноста на вашата инвестиција е таа да се одржува на правилен начин.

Покрај економското опкружување, понудата и побарувачката на пазарот, инфлацијата, исто така и функционалноста, амортизацијата, трошоците за одржување и сл. влијаат врз вредноста на недвижниот имот, па така тој може да ви донесе добивка или загуба!

Дали знаете дека вредноста на вашиот имот и недвижностите може да се зголеми и со едноставни и мали инвестиции кои може да се исплатат и да ја зголемат цената на недвижноста, како, на пример:

– редовна проверка на електричната и водоводната инсталација
– редовна контрола на системите за греење и ладење
– реновирање (во зависност од потребите, на столаријата, на кујната или тоалетот);
– варосување;
– уредувањето на дворното место;
– чистење итн.

Можеби е потребно:

– преуредување на станбениот или деловниот простор или пренаменување на едното во друго;
– обезбедување соодветна опрема или приклучоци за нив или
– енергетски поефикасни решенија (користење штедливи светла, енергетски ефикасни климатизери, подобра изолација итн.).

Сето тоа може да придонесе вашиот недвижен имот да стане поатрактивен за продажба или за издавање под закуп.

Но, за сето тоа потребно е и време, знаење и посветеност. Доколку не сакате да се доведете до непријатна ситуација и загуби, потребен ви е соодветен план и навремено организирање и преземање активности, како и консултирање експерти.

Тие ќе ви помогнат во процената на вредноста на имотот и како таа може да се зголеми, но може и целосно да се погрижат за неговата функционалност и профитабилност доколку се работи за издавање деловен или станбен простор.

Затоа, наместо времето да го трошите трчајќи и барајќи разни страни совети, идеи и подизведувачи, најдобро е да ангажирате стручен кадар и тоа со искуство во областа на управување со средствата и недвижниот имот. Некои компании веќе постојат на нашиот пазар кои работат во овие области. FMS (Facility Management Services) ги вклучува сите овие услуги на едно место, а ги димензионира во зависност од одделните потреби на секој клиент. Ваквите специјализирани фирми редовно се грижат за имотот и неговата вредност и водат евиденција за неговата тековна состојба. На тој начин ќе бидете во тек со актуелните настани, ќе бидете усогласени со законските регулативи и даночни политики. Сето тоа ќе ви овозможи да се справите со ризиците од загуби, но и да ги зголемите вашиот имот и приходите.

Фасилити-менаџмент компанијата ви е потребна доколку сакате вашиот недвижен имот да ја задржи и зголеми својата вредност, ако сте компанија и сакате вашите имоти или канцеларии да бидат ефикасно управувани или ако не знаете што да правите со некој имот, да му се најде намена која ќе носи профит. Мисијата на ваквиот тип фирми е некој друг да се грижи за проблемите што не знаете да ги решите или ви претставуваат товар од аспект на непотребно трошење на скапоцени ресурси, а тие ресурси може да бидат искористени на правилно место и со тоа вие да се посветите на вашиот основен бизнис, со што ќе ја зголемите профитабилноста.

Економија

Заев и Хоџа со оризопроизводителите: Се разговара за најповолно решение за годинешниот откуп

Објавено пред

Премиерот Зоран Заев и министерот за земјоделство, шумарство и водостопанство, Арјанит Хоџа, денеска во Владата одржаа средба со претставници на оризопроизводителите од Кочанскиот Регион, на која присуствуваше и градоначалникот на општина Кочани, Николчо Илиев.

Средбата беше искористена за разговори и договори за димензионирање конкретни решенија, кои ќе бидат поволни за оризопроизводителите и за откупувачите на ориз, за што поуспешен пласман на годинешната реколта на оризова арпа и ориз.

По консултациите и разговорите, премиерот Заев нагласи дека Владата ќе излезе во пресрет со цел изнаоѓање најдобри решенија за исполнување на барањата на оризопроизводителите.

Од премиерот Заев и ресорниот министер Хоџа беа изнесени предлог-решенија, кои беа прифатливи за претставниците на оризопроизводителите и во наредните неколку дена ќе бидат интензивирани комуникациите со откупувачите на ориз и оризова арпа за соодветно исполнување и спроведување на предложените решенија, информираат од Владата.

Додаваат дека претставниците на оризопроизводителите изразиле задоволство од предложените решенија и истакнале дека ќе упатат апел до откупувачите да бидат коректни во разговорите со министерот за земјоделство, шумарство и водостопанство, Арјанит Хоџа, со цел изнаоѓање најповолно решение за сите страни.

Прикажи повеќе...

Економија

Средба Ангеловска-Бежоска – Бас: Дигитализацијата начин за враќање на економијата во позитивната зона

Објавено пред

Стимулирањето на продуктивноста и зајакнувањето на отпорноста на економијата се одговорот за побрзо надминување на последиците што пандемијата ѝ ги нанесе на економијата. Повисока продуктивност може да се постигне преку инвестиции во човечки капитал, иновации и технолошки прогрес, што ќе придонесе за забрзан и одржлив економски раст. Ова беше посочено на средбата помеѓу гувернерката на Народната банка, Анита Ангеловска-Бежоска, и советникот за политички прашања во Амбасадата на Соединетите Американски Држави во земјата, Џерек Бас.

Користењето на придобивките од дигитализацијата, усвојувањето нови производи и процеси, му овозможуваат на приватниот сектор побргу да одговори на потребите што ги наметнува новата состојба. Оттаму, вложувањето во новите технологии, со паралелно инвестирање во човечкиот потенцијал – подобрување на квалификациите и креирање нови вештини, се начин за враќање на економиите во позитивната зона, а потоа и на патеката на одржлив економски раст, беше посочено на средбата.

На состанокот гувернерката Ангеловска-Бежоска се осврна на ефектите од пандемијата врз домашната економија, која минатата година забележа пад од 4,5 %, слично на просечниот пад во земјите од регионот. Притоа таа посочи дека без интервенцијата на монетарната и фискалната политика, падот на економската активност веројатно би бил поголем. Во однос на централната банка, беше укажано дека уште од почетокот на кризата монетарната политика беше релаксирана, а воедно беа преземени мерки со кои се овозможи регулаторна флексибилност и привремено олеснување на финансискиот товар на приватниот сектор. Ваквите мерки озвозможија зголемување на ликвидноста во економијата, полесен пристап до финансирање и поддршка на економската активност. Беше посочено дека кредитната активност континуирано расте, а воедно се намалува и цената на кредитирањето. Овие движења на кредитниот пазар се поддржани и од стабилноста и отпорноста на банкарскиот сектор, што се огледа од неговите добри перформанси и ниската стапка на нефункционални кредити.

Во вакви околности, како и во услови на подобрување на епидемиолошката состојба и стабилизирање на довербата, беше констатирано дека домашната економија постепено закрепнува. Во првата половина од годината остварен е раст на домашниот бруто-производ од 5,2 %, што речиси се совпаѓа со проекциите на Народната банка за овој период (5,4 %).

Ангеловска-Бежоска се осврна и на прашањето за инфлацијата, при што беше истакнато дека во глобални рамки се забележува забрзување на инфлацијата под влијание на растот на цените на примарните производи и привремени фактори предузвикани од пандемијата. Стабилизирање на растот на цените се очекува веќе во текот на следната година, а движењата постојано и внимателно се следат.

Прикажи повеќе...

Економија

Бесими со бизнис заедницата: Двојно зголемување на економскиот раст со Планот за финансирање забрзан раст

Објавено пред

Министерот за финансии Фатмир Бесими денеска оствари средби со претставници на Стопанската комора на Северна Македонија, Сојузот на стопански комори на Македонија, Стопанската комора на Северозападна Македонија и МАСИТ. Средбите се дел од континуираниот дијалог што Министерството за финансии ги има со бизнис секторот во насока на размена на мислења и преземање мерки за создавање подобри деловни услови и забрзан раст.

Денеска на средбите беа презентирани препораките што произлегоа од Конференцијата што ја организираше Министерството за финансии во рамки на Економскиот и финансиски форум, а кои треба да бидат усвоени од Владата и се дел од Планот за финансирање на економското заздравување и забрзување на економскиот раст кој е во завршна фаза на подготовка во Министерството за финансии и кој, исто така, беше дискутиран на средбите.

-Во насока на заложбите за фискална консолидација, а воедно и заложбите за двојно зголемување на економскиот раст и постигнување повисоки годишни стапки на раст на БДП од околу 5%, во Министерството за финансии е подготвен Планот за финансирањето на економското заздравување и забрзување на економскиот раст . Овој план дава одговор за нови начини за пристап до капитал за финансирање на заздравувањето и забрзувањето на економскиот раст, преку проекти во јавниот и приватниот сектор, рече министерот за финансии пред стопанствениците.

Тој додаде дека целта на планот е да се зголемат вкупните инвестиции во економијата, а притоа да се остане на зацртаниот курс постепено да се намалува фискалниот дефицит, а со тоа и да се задржи долгот на стабилно ниво.

-Главната поента на овој план е преку креирање и користење нови механизми, инструменти, фондови и извори на финансирање да се создаде позитивен мултипликативен ефект, односно покрај планираните јавни инвестиции во износ од 4 милијарди евра за периодот 2022-2026 година, финансирани од буџетот, ИПА фондовите и меѓународните финансиски институции, да се мобилизираат повеќе средства и инвестиции од приватниот сектор. Со тоа, ќе се зголемат и вкупните инвестиции и ќе се забрза растот на бруто-домашниот производ и отворањето нови работни места, потенцира министерот.

Планот се состои во креирање развојни фондови, фондови за поддршка на иновации, гарантни фондови, развојни и проектни обврзници, фондови за ризичен (venture) капитал и слични инструменти за поддршка на извозни компании, мали и средни претпријатија, како и претпријатија со висока општествена одговорност. Се планираат јавно-приватни партнерства, концесии и други инструменти за финансирање јавни капитални проекти, но и на приватниот сектор.

Планот за финансирање на заздравување и забрзаниот раст предвидува поддршка на проекти во јавниот и приватниот сектор кои ќе значат подобрување на конкурентноста на економијата и подобрување на квалитетот на живот, односно ќе опфаќаат области од животната средина, дигитализацијата, иновации, човечки капитал и општествена инклузивност. Имплементатори ќе бидат Развојната банка, Фондот за иновации и технолошки развој, Дирекцијата за

технолошко-индустриски зони и други институции со вклученост на комерцијалните банки и инвестициските фондови.

-Целта и очекуваните резултати од Планот за финансирање на економското заздравување и забрзан раст е финансирање на заздравување на економијата погодена од КОВИД-19 и поддршка на забрзан и одржлив раст, а притоа одржување на фискална стабилност преку мобилизирање капитал од приватниот сектор, како дополнување на финансиските средства издвоени од буџетот. Очекувани резултати на среден рок од Планот се: двојно зголемување на економскиот раст од просечна стапка на раст од 2,5% во изминатата декада на стапки на раст од 5%; зголемување на инвестициите во јавната инфраструктура, како и зголемување на инвестициите кај приватниот сектор преку механизам на мултипликација на финансиите со приватни покрај јавните извори на финансирање; одржување фискална стабилност во рамките на Мастришките правила за јавен долг и буџетски дефицит. Следствено, инвестициите и забрзаната динамика на раст ќе придонесат кон зголемување на работните места и подобрување на стандардот и квалитетот на живот на граѓаните, потенцира министерот Бесими на средбите со бизнис заедницата, напоменувајќи дека за годинава проектираниот раст на БДП е 4,1 %, но оти движењата во економијата и постигнатиот раст на БДП во вториот квартал од 13,1 отсто упатуваат на тоа дека може да се надмине проекцијата. Во наредните години се очекува интензивирање на економскиот раст, односно во 2022 година враќање на преткризното ниво и натамошно постепено забрзување.

Покрај планот за забрзан раст се финализираат и Предлог-мерки за фискална консолидација и за поддршка на растот и развојот и новата Програма за економски реформи.

Прикажи повеќе...

Најново

Топ2 часа

Агент за недвижности од Скопје зел капар за станови, а парите си ги ставал в џеб

Полицијата поднесе кривична пријава против агент за недвижности од Скопје, кој зал капар за продажба на станови во изградба, но...

Свет3 часа

Животот во Сиднеј за невакцинираните станува сѐ потежок – може да им се забрани влез и во продавници

Граѓаните на Сиднеј, кои не се вакцинирани против коронавирусот, ризикуваат да добијат забрана за разни социјални активности. Според планот за...

Македонија4 часа

Трета доза вакцина вчера примиле 69 граѓани

На вакциналните пунктови во државата и на терен, заклучно со вчера, вакцинирани се вкупно 784.244 граѓани. Прва доза вакцина вчера...

Македонија5 часа

Речиси 47 отсто од населението над 18 години е вакцинирано со една доза вакцина

Заклучно со 26 септември со една доза вакцина против Ковид-19 вакцинирани се 46,9 % од населението над 18-годишна возраст, соопшти...

Свет6 часа

(Видео) Силна експлозија во зграда во Гетеборг натера луѓе да скокаат од прозорец, најмалку 25 повредени

Најмалку 25 луѓе се повредени во експлозија што се случи денеска во станбена зграда во Гетеборг. Шведската полиција соопшти дека...

Регион6 часа

Нов силен земјотрес на Крит – стотици луѓе ја поминаа ноќта во шатори

По немирна ноќ и неколку силни земјотреси што вчера го погодија Крит, жителите на Ираклион утрово ги разбуди нов силен...

Македонија6 часа

Попишани 1.619.857 граѓани во земјата и 198.589 од дијаспората, остануваат уште два дена од пописот

Во земјата до вчера се попишани 1.619.857 лица, 503.491 домаќинство и 711.695 стана. Можноста за самопопишување на лица во странство,...

Македонија7 часа

Претседателката на Европската комисија денеска во Скопје, а утре еврокомесарот Вархељи

Претседателката на Европската комисија, Урсула фон дер Лаен, денеска попладне ќе допатува во посета на Скопје. Како што беше најавено,...

Македонија20 часа

Од модуларната болница во Штип избегал 84-годишен пациент

Вчера попладне, 84-годишен пациент избегал од модуларната болница во Штип, но подоцна бил вратен од полициски службеници. „На 26.09.2021 во...

Македонија23 часа

Регистрирани 112 нови случаи на коронавирус, починаа 13 лица

Во последните 24 часа направени се 1.726 тестирања, а регистрирани се 112 нови случаи на Ковид-19: Скопје – 82, Кавадарци...

Европа1 ден

Олаф Шолц: Дојде време ЦДУ/ЦСУ да замине во опозиција

Пo објавувањето на нецелосните официјални резултати од парламентарните избори во Германија денеска рано наутро, социјалдемократите (СПД) и нивниот кандидат за...

Македонија1 ден

Пендаровски: Политичките тензии на моменти ја парализираат државата

Претседателот Стево Пендаровски денеска се обрати на свечениот научен собир „Современата македонска држава – две етапи во процесот на нејзиното...

Македонија1 ден

Црвенковски: Ако нашата идеја е „НАТО ќе нѐ брани, ЕУ ќе нѐ храни“, ниту ќе се одбраниме ниту ќе се нахраниме

Како поранешен премиер и претседател на Република Македонија имам право, но и обврска да проговорам, за тоа каде според мои...

Македонија1 ден

Шефицата на Европската комисија утре во Скопје

Претседателката на Европската комисија, Урсула фон дер Лаен, утре ќе допатува во земјатаа, а ќе ја пречека премиерот Зоран Заев...

Европа1 ден

(Видео) Најмалку една жртва по серијата земјотреси во Грција, Турција издаде предупредување за цунами

Неколку земјотреси утрово го погодија грчкиот остров Крит, а најсилниот беше со јачина од 5,8 степени според Рихтеровата скала, јавуваат...

Свет1 ден

По три месеци, Сиднеј го укинува целосното затворање

Австралиските власти најавија крај на тримесечното целосно затворање за вакцинираните жители на Сиднеј. Карантинот во Сиднеј и во преостанатиот дел...

Македонија1 ден

СДСМ со митинг во Битола, ВМРО-ДПМНЕ во Охрид – почнува кампањата за локалните избори

Од денеска почнува изборната кампања за локалните избори, кои се закажани на 17 октомври. Кампањата за првиот круг ќе заврши...

Македонија1 ден

Почнува вакцинирањето со трета доза во Македонија

Граѓаните што имаат над 60 години, здравствените работници и лицата со имунолошки болести од денеска со потврда ќе може да...

Топ2 дена

Пронајден починат лекар во Психијатриската болница „Скопје“

Дежурен лекар во Психијатриската болница „Скопје“ бил пронајден починат синоќа по полноќ на работното место. Како што соопшти МВР, здравствениот...

Регион2 дена

Борел: Ја следиме ситуацијата на северот на Косово, провокациите се неприфатливи

Високиот претставник на ЕУ, Жозеп Борел рече дека внимателно се следи ситуацијата на северот на Косово и им кажа на...

Досие