Контакт

Економија

Квалитетот на Opel – во најголем подем

Објавено пред

Квалитетот на Opel – во најголем подем

dobivaj vesti na viber

• Квалитет на Opel на највисоко ниво за сите времиња: лансирањето е подобренo за 25 % за само една година

• Амбициозна цел: број 1 по квалитет меѓу производителите на автомобили

• Резултати од анализата: воведени се нови методи за спречување на дефекти

• Во моментов: најдобри резултати за моделите на Opel во статистиката за дефекти на ADAC и извештајот TÜV

Квалитетот на Opel за патнички и лесни комерцијални возила (LCV) е на највисоко ниво за сите времиња. Во последните 12 месеци, на пример, квалитетот на лансирањето на новите автомобили е зголемен за 25 %. Оваа вредност произлегува од интерно дефинираните стандарди за производство на производителот, како и од повратните информации од клиентите во првата година по купувањето. Неодамна лансираните модели на Opel Corsa и Opel Mokka демонстрираат првокласен производствен квалитет уште на самиот почеток – без разлика дали се работи за ефикасни мотори со внатрешно согорување или за возила на батерии.

The all-new Opel Grandland (2021)

Има добри причини за ова подобрување на квалитетот: Opel си постави за цел нула грешки. За да го постигне ова, производителот на автомобили од Rüsselsheim воведе и нови методи за анализа кои имаат предвидувачки ефект во производството.

Ваквите системи за прогнозирање препознаваат кога параметрите се менуваат на таков начин што може да доведат до можни грешки во производството и превентивно интервенираат. Резултат: на прво

место не се произведуваат неисправни делови, производството продолжува непречено, а квалитетот е постојано на високо ниво

Opel Astra Sports Tourer (2021)

„Во Opel и низ групацијата Stellantis си поставивме амбициозни цели за квалитет. Сакаме да станеме број 1 помеѓу бројните производители. Секаде каде што се елиминираат грешките, го зголемуваме квалитетот, го зголемуваме задоволството на клиентите и во исто време ги намалуваме нашите трошоци“, изјави извршниот директор на Opel, Uwe Hochgeschurtz.

Во Rüsselsheim и Eisenach во Германија, префрлањето на најновата платформа на Групацијата, исто така, доведе до дополнителни подобрувања. Единствената стратегија на платформата и намалувањето на непотребната сложеност се важни фактори за висок квалитет и доверливост на возилата. Во седиштето на Opel само што започна сериското производство на новата генерација на Astra. Овде, Astra-та со пет врати, а наскоро и караванот Astra Sports Tourer ќе излезат од производната лента со германска прецизност. Сите верзии на Grandland се произведуваат во Eisenach според највисоките стандарди за квалитет. Ова е потврдено и со најновиот извештај на TÜV, во кој предводникот на SUV на Opel беше рангиран на одлично 11-то место од сите 128 прегледани модели. Дополнително, според статистиката за дефекти на ADAC за 2022 година, моделите на Opel во различни сегменти на пазарот, од Grandland и Crossland до ADAM, се издвојуваат како сигурни автомобили.

2022 Opel Astra Hybrid

Инженерите на Opel се исто така фокусирани на дополнително подобрување на долгорочниот квалитет. За таа цел, интензивирана е соработката со добавувачите. Инженерите овде зборуваат за „робусност“ кога ги дефинираат времето на работа и стандардите за делови и компоненти. Покрај добро познатите студии за задоволството на клиентите, чуварите на квалитетот од Rüsselsheim, исто така, ги оценуваат прегледите и предлозите на форумите и другите канали на социјалните медиуми.

Покрај тоа, дилерите на Opel се вклучени во овој процес за да учат од нив, од гледна точка на клиентите, каде што се можни дополнителни подобрувања. Сите повратни информации се сфаќаат сериозно и се гледаат како можност за подобрување на квалитетот.

ПР



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Грција одлучи да го плати рускиот гас во рубли, објавија агенциите

Објавено пред

Сите грчки компании кои увезуваат руски гас се префрлија на нова процедура за плаќање на „Гаспром“ во рубли и нема да има прекини во снабдувањето, пренесуваат агенциите.

dobivaj vesti na viber

Извор од гасната индустрија во изјава за „РИА Новости“ кажал дека сите грчки компании кои увезуваат руски гас се префрлиле на нова процедура за плаќање на „Гаспром“ во рубли.

Изворот за агенцијата навел дека рокот за плаќање за испорака на гас е 25 април и дека затоа е неопходно парите да се уплатат на посебна сметка на 23 мај, бидејќи конверзија во рубли и префрлање пари од една сметка го продолжува рокот за еден до два дена.

„Потребни се два дена за да се претворат во рубли и да се префрлат пари од една на друга сметка. За да се направи ова, плаќањето во евра треба да пристигне на 23 мај“, објаснил тој.

Во Грција, трите главни увозници на руски природен гас се „ДЕПА Комерц“, „Митилинеос“, „Прометеј Гас“, пренесува агенцијата.

Според изворот, сметките се отворени а процесот на плаќање е во тек, пишува медиумот.

Коментирајќи ги објавите на грчкиот печат дека во случај на прекин на испораката на руски гас, грчките власти ќе бидат принудени да ја исклучат електричната енергија поради недостаток на капацитет, соговорникот на агенциите изјавил: „Нема да има прекин на залихи, се е во ред“.

Прикажи повеќе...

Економија

Нови цени на горивата од полноќ

Објавено пред

Регулаторната комисија за енергетика и водни услуги на Република Северна Македонија донесе одлука со која се врши зголемување на малопродажните цени на нафтените деривати во просек за 0,09 % во однос на одлуката од 18.5.2022 година.

dobivaj vesti na viber

Малопродажната цена на „евродизелот“ (Д-Е V) се намалува 1,00 ден./л, а малопродажните цени на бензините „евросупер БС-95“ и „евросупер БС-98“ се зголемуваат 0,50 ден./л.

Малопродажната цена на екстра-лесното масло за домаќинство (ЕЛ-1) се намалува 0,50 ден./л.

Малопродажната цена на „мазутот М-1 НС“ се зголемува 0,624 ден./кг и сега ќе изнесува 54,963 ден./кг.

Од 24.5.2022 година од 00.01 часот максималните цени на нафтените деривати ќе изнесуваат:

Моторен бензин „евросупер БС-95“ – 95,00 (денари/литар)

Моторен бензин „евросупер БС-98“ – 97,00 (денари/литар)

Дизел-гориво „евродизел БС (Д-Е V)“ – 85,00 (денари/литар)

Масло за горење екстра-лесно 1 (ЕЛ-1) – 83,50 (денари/литар)

Мазут М-1 НС – 54,963 (денари/килограм)

Прикажи повеќе...

Економија

Ангеловска-Бежоска: И во светот и кај нас сѐ уште се очекува економски раст за годинава

Објавено пред

Рецесија за годинава во моментот не се очекува. И покрај сите предизвици, сите релевантни меѓународни финансиски институции, сепак предвидуваат економски раст, но забавен. Рецесија не се предвидува ниту со песимистичките сценарија на меѓународните институции, како ММФ, Европската Унија, Европската централна банка, туку дополнително забавување на растот, посочува гувернерката на Народната банка, Анита Ангеловска-Бежоска, во интервју за Радио Слободна Европа. Но, потребно е внимателно следење со оглед на природата на шокот и високата неизвесност.

dobivaj vesti na viber

Централната банка направи надолна ревизија на проекциите за економскиот раст на земјата за оваа и следната година, со коja за 2022 година се очекува економски раст од 2,9 %, а за 2023 година раст од 3,6 %.

Гувернерката посочува дека војната во Украина има ефекти врз глобалната економија преку повеќе канали. Првиот канал е високиот раст на цените на примарните производи, особено на храната и на енергијата, имајќи ја предвид улогата што Русија и Украина ја имаат на овие пазари. Друг значаен канал е намалувањето на трговијата, ММФ предвидува забавување на стапката на раст на глобалната трговија и од 10 % минатата година, таа би се свела на 5 % оваа година. Значаен канал е и затегнувањето на финансиските услови на меѓународните финансиски пазари. Последниот, но многу значаен канал, е намалувањето на довербата кај инвеститорите и потрошувачите.

Гувернерката истакнува дека за нашата економија е специфично оти нема позначајни директни финансиски и трговски врски со Русија и Украина. Трговијата со нив учествува со речиси 2 % во вкупната трговија. Финансиските врски се релативно слаби: странските директни инвестиции оттаму се помалку од 1 %, приватните трансфери имаат незначително учество, а не се присутни руски и украински финансиски институции.

„Кај нас ефектите повеќе ќе се почувствуваат преку индиректни канали, а тоа е степенот до кој ќе биде погодена ЕУ како наш најзначаен трговски партнер и колку ќе се прелее тоа и кај нас. Исто така, ќе се одрази и затегнувањето на финансиските услови на меѓународните пазари, како и зголемената неизвесност, која може неповолно да се одрази врз одлуките за инвестиции и потрошувачка“, посочува гувернерката.

________________

Прикажи повеќе...

Најново

Топ3 часа

Од водите на Вардар извлечен маж и итно пренесен во болница

Mеѓу зградата на МРТ и Железничкиот мост од водите на реката Вардар во Скопје бил изваден маж од Скопје, кој...

Македонија5 часа

Ковачевски: Автокефалноста на МПЦ– ОА е историска вест и автентичен дел на македонскиот идентитет

Голем е денешниот ден, историски, кога ги чествуваме Светите браќа Кирил и Методиј, да ја добиеме и автокефалноста на нашата...

Македонија7 часа

Архиепископот Стефан: 55 години седевме и чекавме во тремот, сега имаме кој да ни нацрпи вода

Архиепископ Охридски и Македонски г.г. Стефан се заблагодари на Српската православна црква и српскиот Патријарх Порфириј за признавањето на автокефалноста...

Македонија8 часа

(Видео) Патријархот Порфириј упати Томос за афтокефалност во Вселенската патријаршија за МПЦ

Патријархот Порфириј на заедничката литургија во Соборниот храм во Скопје упати Томос за афтокефалност во Вселенската патријаршија на Македонската православна...

Економија9 часа

Грција одлучи да го плати рускиот гас во рубли, објавија агенциите

Сите грчки компании кои увезуваат руски гас се префрлија на нова процедура за плаќање на „Гаспром“ во рубли и нема...

Македонија9 часа

Пендаровски по повод 24 Мај: Сѐ уште има такви кои си земаат за право да имаат ексклузивитет врз заедничките добра

Денот посветен на солунските браќа, кои не само што ги поставија темелите на духовноста и на писменоста кај словенските народи...

Европа10 часа

СЗО за мајмунските сипаници: Нема да биде потребна масовна вакцинација

Од Светската здравствена организација осврнувајќи се на проблемот со мајмунски сипаници во неколку земји, наведуваат дека не веруваат дека епидемијата...

Европа11 час

Зеленски: Единствениот руски функционер со кој би разговарал е Путин

Украинскиот претседател Володимир Зеленски вчера се обрати на Светскиот економски форум во Давос. Во своето обраќање преку видео врска, Зеленски...

Европа11 час

Бајден: Ова е мрачен момент во нашата заедничка историја

Американскиот претседател Џо Бајден синоќа имаше воведен говор на самитот во Јапонија, на кој присуствуваа лидерите на Индија, Австралија и...

Македонија12 часа

СПЦ и МПЦ со нова заедничка литургија во Скопје

Во соборниот храм „Свети Климент Охридски” во Скопје се одржува божествена литургија со која чиноначалствуваат поглаварот на МПЦ-OА г.г. Стефан...

Македонија23 часа

(Видео) Ковачевски: Не можам да кажам дека има напредок со Бугарија во однос на заемно прифатлив документ

Во моментов не можам да кажам дека постои напредок во преговорите, во однос на  постигнување на заедно прифатив документ со...

Македонија24 часа

Петков по средбата со Ковачевски: Си ветивме дека конструктивниот дијалог ќе продолжи

Најважно за двете влади е да имаат конструктивен дијалог и тој да продолжи. Ова го изјави бугарскиот премиер Кирил Петков...

Свет1 ден

Италија развила план за мир во Украина, Москва го разгледува

Италија разви план за постигнување мир во Украина, изјави италијанскиот министер за надворешни работи Луиџи Ди Мајо. Првата цел е...

Македонија1 ден

Регистрирани 151 новoзаразен од коронавирус во последните три дена, нема починати лица

Во согласност со податоците од Институтот за јавно здравје, Министерството за здравство информира дека во последните три дена, од 20.5...

Топ1 ден

Кривична пријава за наставник од Струмица, кој на ученичка ѝ праќал пораки и ја допирал

Приведен наставник од Струмица за полов напад врз дете што не наполнило 14 години. Според информациите, 40-годишниот наставник ја допирал...

Европа1 ден

Зеленски во Давос: Ова е моментот кога се одлучува дали брутална сила ќе владее со светот

Украина се спротивстави на нападите подолго од очекуваното, но не би била принудена да ја преживува оваа војна со толку...

Економија1 ден

Нови цени на горивата од полноќ

Регулаторната комисија за енергетика и водни услуги на Република Северна Македонија донесе одлука со која се врши зголемување на малопродажните...

Македонија1 ден

Ангел Димитров: Проблемот е што македонските историчари се трудат да не прифатат заедничка историја

Бугарија не треба да дозволи притисок. Бугарската страна мора да покаже доверба во својот став, во своите аргументи и без...

Европа1 ден

Белгија е првата земја што воведе карантин поради мајмунските сипаници

Белгија стана првата земја што воведе задолжителен 21-дневен карантин против мајмунските сипаници бидејќи 14 земји сега потврдуваат појава на вирусна...

Европа1 ден

Светскиот економски форум во Давос: Ќе се разговара за последиците од војната во Украина

Три месеци по почетокот на руската инвазија на Украина, војната и ризиците што таа ги носи за светската економија ќе...