Контакт

Економија

Ковачевски: Владата навремено интервенира за непречено снабдување со електрична енергија

Објавено пред

Премиерот Димитар Ковачевски на денешната прес-конференција, одговарајќи на новинарско прашање, изјави дека Владата подолго време, уште со почнувањето на енергетската криза во последниот квартал минатата година, презеде антикризни мерки во делот на електричната енергија, намалување на ДДВ-то за електричната енергија, зголемување на производството на електрична енергија во државните капацитети.

dobivaj vesti na viber

„За оваа година производството е проектирано да биде 25 % поголемо во однос на минатата година и тоа се капацитети со кои располага Северна Македонија. Тоа се РЕК ‘Битола’, ‘Осломеј’, ТЕЦ ‘Неготино’, централата во рамките на ЕСМ и хидропотенцијалите, хидроелектраните со кои располага државата и обновливите извори на енергија“, рече Ковачевски.

Тој истакна дека неосновани се обвинувањата оти се задоцнети мерките и тоа, како што рече, токму од политички естаблишмент, кој повеќе од половина време за време на независноста на државата бил на функција и нема ниту една инвестиција во електроенергетскиот сектор.

Премиерот Ковачевски информира дека за 25 проценти е зголемен планот за производство на државните капацитети и државата интервенира со финансиски средства заради набавка на суровини за производство на електрична енергија поради зголемувањето на цената на јагленот, која беше 43 евра за тон, а сега е до 93 евра.

„ЕСМ ги снабдува сите потреби без увоз на домашниот регулиран пазар, тоа значи за сите домаќинства и за сите мали потрошувачи. Седумдесет и две илјади компании во државата, кои се мали потрошувачи, се снабдуваат на регулираниот пазар, каде што електричната енергија е субвенционирана од страна на државата во износ од 80 %“, одговори Ковачевски.

Тој додаде дека по разговорите со стопанските комори, ќе бидат овозможени дополнителни количини електрична енергија, кои ќе бидат под пазарните цени што важат на берзата. На компаниите со прогласувањето на кризната состојбата ќе им биде овозможено електрична енергија од обновливи извори на енергија, како и претходниот пат да биде наменета не за регулираниот пазар туку за компаниите на отворениот пазар, со што ќе добијат електрична енергија, која е под пазарната цена.

„Второто барање беше да се стави во функција гасната централа ТЕ-ТО во Скопје. Таа е во приватна сопственост и Министерството за економија веќе разговара со сопствениците на ТЕ-ТО да биде ставена во функција, при што преговорите се водат да биде ставена во функција и, второ, цената по која ќе биде преземена електричната енергија со цел да може да се добие електрична енергија која е под берзанските цени што во моментот владеат“, објасни Ковачевски, кој додаде дека и денешната претстојна посета на Бугарија е за обезбедување непречено функционирање на меѓународниот проток на електрична енергија преку овој сосед и за обезбедување недостатоци на електрична енергија доколку се појават во текот на зимата.

„Тоа што Владата го прави е сè со цел да имаме непречено снабдување со електрична енергија и да обезбедиме цени што ќе бидат оптимални за македонското стопанство. Јас сум во дневна комуникација и со претседателот на Стопанска комора и со претседателот на Сојузот на стопанските комори и со дел од компаниите сè со цел ова да го надминеме. Ова не е предизвик само за нашата земја, предизвик е за сите земји во регионот, сите се соочуваат со овој проблем. Веќе имаме една земја во соседството што од 5 до 9 часа дневно има рестрикции на електрична енергија. Затоа што во регионот производствените капацитети со кои располагаат државите што произлегоа од поранешна Југославија се од тоа време. Сите капацитети се стари по 40 и повеќе години. Сите инженери во ЕСМ се ангажирани да се обезбеди нивно непречено работење. Веќе се комплетира и пуштањето на третиот блок на РЕК ‘Битола’“, одговори Ковачевски на прашањето поврзано со енергетската криза и обезбедувањето непречено снабдување со електрична енергија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

ССК: Правото на сопственост е неприкосновено, да се најде фер решение за топланите во Скопје

Објавено пред

Сојузот на стопански комори ги повикува институциите на државата транспарентно да остварат дијалог со сопственикот на топланите Исток и Запад, компанијата „Адора инженеринг“ и безусловно да го решат прашањето во врска со топланите за навремено да се обезбеди топлинска енергија за градот Скопје.

dobivaj vesti na viber

„Само на овој начин државата ќе покаже дека имаме институции и владее правото во оваа држава, бидејќи и компанијата, а и граѓаните трпат огромни штети“, велат оттаму.

„Ги повикуваме, Регулаторната комисија за енергетика, ЕСМ АД Скопје и Владата како координатор на целиот процес во оваа кризна состојба да се најде праведно и фер решение за користење на топланите преку договор за закуп, кој нема да биде на штета на компанијата или со откуп на топланите од страна на ЕСМ АД. Јавно ја поддржуваме нашата членка ‘Адора инженеринг’, за која, како што може да се разбере од целата комуникација само сака да си ги наплати финансиските долгови, кои законски и следуваат. Во обид да најде решение прифатливо за сите засегнати страни истакнуваме и дека од компанијата „Адора инженеринг“ се доставени околу 100 дописи до надлежните институции, од нив 29 се до стечајниот управник, 25 до Регулаторната комисија за енергетика, 10 до ЕСМ АД, 4 до Владата. На сите овие дописи институциите останаа неми на потребата за решавање на проблемот и важноста на истиот и кон приватната домашна компанија, ‘Адора инженеринг’ и пред сè јавниот интерес и општото добро за граѓаните“, се вели во соопштението на ССК.

Оттаму истакнуваат дека „Сојузот на стопански комори на Македонија јавно ги повикува надлежните институции да го почитуваат принципот на владеењето на правото, како и со Устав загарантираното правото на располагање со приватна сопственоста и во најкус можен рок да овозможат остварување на владение од страна на „Адора инженеринг“ на топланите во Скопје, кои се купени во транспарентна постапка на јавно наддавање“.

„Имено, иако компанијата се стекна со сопственост врз топланите Исток и Запад во градот Скопје во септември 2021 година, сè уште нема владение врз имотот за кој што плати 9,26 милиони евра со сите давачки. На наддавањето Адора Инженеринг даде највисока понуда и ги купи топланите Исток и Запад за што навремено ја исплати целосната сума. И покрај тоа, пoради административни, институционални и други системски недоследности, како инвеститор, ‘Адора инженеринг’ не може и до ден денес, веќе 13 месеци од продажбата да го оствари правото на сопственост врз објектите на топланите и покрај тоа што ги употребија сите правни механизми за тоа.’ Адора инженеринг’ е принудена да финансира и дел од работењето на топланите со свои основни средства, а во исто време за тоа не може да добие ниту владение, ниту надомест. ‘Адора инженеринг’ трпи огромни финансиски и штета врз угледот на компанијата поради неможноста да го запише имотот што го купила под хипотека во корист на банката од која е обезбеден кредитот“, велат од Комората.

Прикажи повеќе...

Економија

Битиќи: Иднината на образованието и пазарот на труд се вештини потребни за четвртата индустријализација

Објавено пред

Според статистиката на Агенција за вработување, имаме над 90 % од невработените лица, кои според сегашните побарувања на пазарот на трудот се невработливи или според дефиницијата на Меѓународната организација на трудот, влегуваат во категоријата „функционално неписмени“, изјави заменик-претседателот на Владата задолжен за економски прашања, координација на економските ресори и инвестиции, Фатмир Битиќи.

dobivaj vesti na viber

„Ова значи дека ова е кадар кој жедниот пазар за труд не може да го впие затоа што е несоодветен и ова е веќе децениски проблем. Тука она што е завршено и во иднина ќе се развива со овој проект е исклучително важно. За ова треба да зборуваме“, додава тој.

Средните стручни училишта, според Битиќи, се можеби столбот на развојот на образованието, нивниот развој, заедно со центрите за стручно образование, кои веќе се оперативни во Тетово, Куманово и во Охрид и дополнителните два што ќе се отворат, а ќе нудат доквалификација и преквалификација на кадар, може значително да ја променат оваа слика.

„Концептот на доживотно учење, промена, флексибилност и адаптирање на кадарот кој што сака да остане активен на пазарот на труд е реалност што секој мора да ја прифати. Знам дека ова е процес кој оди бавно и тешко имајќи го предвид системот од кој излеговме, кој не го поттикнуваше овој динамичен пазар на труд, туку, напротив. Но, поминаа 3 децении, време е да го фатиме чекорот. Затоа денеска посакувам добра конференција, но и повеќе од тоа, очекувам жива дискусија на оваа важна тема.

Погледот напред е дека треба да се свртиме кон вработливоста, односно да го мериме кадарот со квалификации што му се потребни на современиот пазар на труд, а тоа веќе не подразбира тешка индустрија, туку кадар подготвен за четвртата индустријализација, односно роботика, мегатроника и вештачка интелигенција.

Една од најдобрите вести што ги прочитав во последниот период е насловот за средното стручно „Михајло Пупин“ и нивната ученичка компанија, дополнително, училиштето е енергетски ефикасно бидејќи има инсталирана фотоволтаична централа, а учениците се активно вклучени во практична настава во компании. Вака изгледа иднината. Секоја чест за професорите, менторите и, секако, за учениците, кои верувам дека пред себе имаат успех“, порача Битиќи.

Прикажи повеќе...

Економија

Шпаркасе банка стекна сертификат „Фер финансиски услуги за потрошувачите“

Објавено пред

Шпаркасе Банка АД Скопје се стекна со сертификат за „Фер финансиски услуги за потрошувачите“, кој го доделува Организација на потрошувачи на Македонија (ОПМ). Овој сертификат претставува потврда за мисијата на Шпаркасе Банка, која во својот работен фокус ги има своите клиенти и нивното задоволство во сите области на делување.

dobivaj vesti na viber

Со стекнувањето на сертификатот „Фер финансиски услуги за потрошувачите“, верификувано е дека Шпаркасе Банка ги исполнува критериумите во шесте одделни области што се битни за потрошувачите, а се однесуваат на: веродостојни, точни и недвосмислени информации и практики; примена на фер пазарни практики; процедури за заштита на личните податоци на потрошувачите и нивната приватност; политики што овозможуваат комуникација и пристап кон банката за различни категории лица; воспоставен систем на одговорно управување со поплаки од потрошувачите; како и едукација на потрошувачите и развој на финансиската писменост.

„Кога веруваш во себе и кога се водиш по тоа мото, јасно и посветено чекориш кон поставените цели, па нивното остварување е неизбежно. Чест и задоволство ми е што Шпаркасе Банка го добива овој сертификат како потврда за грижата кон вработените, кон клиентите и деловните партнери, но и кон заедницата во која делува. Постојано работиме на унапредување на банкарското искуство на клиентите, на нивната доверба и лојалност, и ќе продолжиме да ги поддржуваме во нивниот раст и во остварувањето на нивните соништа. Овој сертификат ни е потврда дека трудот секогаш вложува со плод и дека продолжуваме да се движиме и да растеме заедно“ – изјави претседателот на Управен одбор на Шпаркасе Банка, г. Санел Кустурица.

Сертификацијата се одвива врз основа на критериуми за верификација на исполнетоста на критериумите во наведените шест области, а е дел од проектот на ЕУ за унапредување на заштитата на потрошувачите и застапување на нивните интереси во финансиските услуги.

Проектот е спроведуван од ОПМ, а е финансиран од oперативен грант од Програмата за потрошувачи на Европската Унија (2014 – 2020) преку Европската организација на потрошувачите (BEUC).

ПР

Прикажи повеќе...

Најново

Регион3 минути

Радев не ја поддржа декларацијата за членство на Украина во НАТО

Бугарското претседателство објави официјален став за одбивањето на шефот на државата Румен Радев да ја поддржи декларацијата на деветмина негови...

Европа2 часа

Украинските сили со голема брзина ги пробија руските линии на југот на земјата

Украинските сили го постигнаа најголемиот успех на југот на земјата од почетокот на војната со пробивање на линијата на фронтот...

Свет2 часа

(Видео) Нов испад на Бајден, ја погреши насоката за движење

Еден ден по гафот на кој ја повика починатата конгресменка обраќајќи и се како да е сè уште жива, американскиот...

Македонија5 часа

(Видео) Ако не се извинат, Ковачевски најави тужба за ВМРО-ДПМНЕ: Јас сум веќе две недели под константни напади

Најдолни лаги, според премиерот Димитар Ковачевски, се обвинувањата од ВМРО-ДПМНЕ за тоа дека го избегнал служењето војска правејќи се неспособен...

Регион5 часа

(Видео) Вучиќ од Будимпешта: Србија нема да биде паркинг за мигрантите

Денеска, во Будимпешта се одржува трилатералниот самит на Унгарија, Србија и Австрија за мигрантската криза. Се работи за заедничка акција...

Македонија5 часа

Обвинетите за убиството на Тот имале гризење на совеста и чувство на вина, сведочеше психијатарот Марцикиќ

Дваесет и еден ден по убиството на ракометарот Денис Тот, сега обвинетите Анџело Ѓорѓиевски, Клементина Лефковска и Андреј Костовски имале...

Економија6 часа

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 0,50 денари/л. Малопродажната цена на „евродизелот (Д-Е V)“ се...

Македонија6 часа

Тупанчески на првиот академски час: Не учете за оцена! Учете да научите! Учете за да знаете!

Министерот за правда, Никола Тупанчески, се обрати на првиот академски час на Правниот факултет „Јустинијан Први“. На идните студенти им...

Економија6 часа

Бонус до 3.000 евра ќе добијат вработените во Германија поради инфлацијата

Вработените во Германија ќе може да добиваат регреси и премии до 3.000 евра годишно, без даноци и придонеси, за полесно...

Свет7 часа

Рамзан Кадиров ги испраќа своите малолетни синови во војна

Лидерот на Чеченија, Рамзан Кадиров, најави дека тројца негови малолетни синови набргу ќе заминат на фронтот во Украина. „Тоа што...

Свет8 часа

Русија ќе го тестира новото оружје „Посејдон“, предупреди НАТО

Како што напредува војната во Украина, има сè повеќе информации за нов тип на оружје што го користат двете завојувани...

Економија9 часа

Меѓународната агенција за енергетика со совет до ЕУ: „Штедете гас“

Меѓународната агенција за енергетика (ИЕА) ја советува Европската Унија да штеди гас за да се избегнат празните магацини и ризикот...

Свет9 часа

Си-ен-ен: Времето на Путин истекува и тој тоа го знае

Времето на рускиот претседател Владимир Путин истекува и тој тоа го знае. Во меѓувреме, неговиот бомбастичен настап продолжува – објавувајќи...

Македонија9 часа

Без струја утрово во скопски Карпош, граѓаните во страв дека рестрикциите се почнати

Жители на Карпош 1, 2, 3 и 4 утрово пријавуваат дека останале без струја. Речиси еден час траел прекинот, а...

Свет11 час

Бројот на загинати од ураганот Јан се искачи на повеќе од 80, штетата е проценета на десетици милијарди евра

Бројот на загинати од ураганот Јан во САД се искачи на повеќе од 80 бидејќи жителите на Флорида и Јужна...

Свет11 час

Саливан вети дополнителна американска поддршка за Украина

Американскиот советник за национална безбедност, Џејк Саливан, вчера во Истанбул се сретна со Андриј Јермак, шеф на кабинетот на украинскиот...

Свет11 час

Руски гувернер: Половина од мобилизираните во регионот вратени дома, командантот разрешен

Командантот на руската област Хабаровск е сменет од должност кога половина од мобилизираните мажи биле испратени дома бидејќи не ги...

Европа11 час

Карл Нехамер: Ако ЕУ не дејствува, самите ќе треба да се заштитиме од илегалната миграција

Сè додека ЕУ не презема ефективни мерки, ние мора сами да дејствуваме и затоа Австрија прави сè за да се заштити...

Свет11 час

Поранешниот шеф на ЦИА, Дејвид Петреус, испрати предупредување до Русија

Соединетите Американски Држави и нивните сојузници ќе ги уништат руските војници и опремата во Украина и ќе ја потопат нејзината...

Свет12 часа

Најмалку седум лица починаа од колера на Хаити поради недостиг на чиста вода за пиење

Најмалку седум лица починаа од колера на Хаити откога болеста ненадејно се врати поради недостиг на гориво и чиста вода...