Контакт

Економија

Конференција „Од марш за работнички права до дигитална економија“

Објавено пред

Во време на дигитална ера и потенцијлен развој на дигитална економија, дигиталниот јаз меѓу мажите и жените сѐ повеќе ќе се зголемува. Оваа конференција е повик за будење во корист на активните политики за родова еднаквост и креирање овозможуачка околина која ќе отвори нови можности за економски развој и зајакнување на жените во Република Северна Македонија во оваа сфера, потенцира Неда Малеска-Сачмароска, извршна директорка на Центарот за управување со промени (ЦУП), со што ја отвори денешната конференција „Од марш за работнички права до дигитална економија“ во Скопје.

dobivaj vesti na viber

„Главниот предизвик во иднина ќе биде прашањето како да се искористат можностите што ги дава дигиталната револуција и, од друга страна, да се минимизираат ризиците жените да заостанат во овој процес. Оттука, мора да работиме на структурни промени и ка креираме јавни политикии и стратегии што ќе овозможат поголема еднаквост и еднакви можности на мажите и жените во дигиталната сфера“, додаде Малеска-Сачмароска.

Настанот беше под покровителство на сопругата на претседателот на Република Северна Македонија г-ѓа Елизабета Ѓоргиевска, која им се обрати на присутните. По неа, говореше и Ерик Јановски, претставник на канцеларијата на УСАИД во земјата, поддржувач на настанот.

На конференцијата се обратија моќни жени од разни институции, компании и здруженија од земјава. Целта на настанот беше да се влијае на зајакнување на женското претприемаштво преку дискусија за постојните мерки за поддршка на женското претприемаштво и потребата за владина поддршка преку креирање сет мерки за зајакнување економската улога на жената и дигиталната трансформација на женските бизниси.

На првиот панел „Политики за поддршка на женско претприемаштво“, што го модерира извршната директорка на ЦУП, учество зедоа Јованка Тренчевска, министерка за труд и социјална политика, Размена Чекиќ-Дуровиќ, државен секретар во Министерство за економија, Нина Ангеловска, претприемачка и претседателка на Асоцијацијата за е-трговија и eTrade for Women Advocate на UNCTAD, и Валентина Дисоска, претседателка на Здружението на бизнис-жените.

На вториот панел „Дигитализацијата како предизвик за градење успешни женски бизниси“, што го модерира Јасна Пајковска, проектна координаторка во ЦУП, а учество зедоа Анета Пешева, претседателка на МАСИТ, Валентина Тасева, директорка на „СЕМОС едукација“, Ирена Поповиќ, софтверски инженер и косопственичка на СОЛС, Катарина Милошевска, косопственичка и директорка на „Инфоверсe“, Весна Иваноска, директорка на „СЕАВУС едукативен и развоен центар“, Весна Кузмановиќ, сопственичка на „Стратиум рид“, и Викторија Дранговска, извршна директорка и косопственичка на CodeIT.

Конференцијата беше дел од проектот „Мерки за зајакнување женски бизниси по Ковид-19“, поддржан од Balkan Trust for Democracy и USAID.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

ТАВ ја завршува рехабилитацијата на пистата на Меѓународниот аеродром „Скопје“

Објавено пред

„ТАВ Македонија“, за утре, сабота, 28 мај, најавува дека ќе ја заврши рехабилитацијата на пистата на Меѓународниот аеродром „Скопје“ и од 17 часот попладнето летовите ќе почнат да се одвиваат во текот на целото деноноќие.

dobivaj vesti na viber

Градежните работи за рехабилитација на пистата на Меѓународниот аеродром „Скопје“ почнаа на 28 март и оттогаш досега распоредот на летовите беше изменет, односно тие се одвиваа од 17 до 9 часот секој ден, а од 9 до 17 часот се работеше на пистата.

„Овој голем инвестициски проект завршува по 62 дена градежни работи за обновување на асфалтот на пистата на скопскиот аеродром. Ние во ТАВ сме задоволни и уверени дека успешното завршување на проект од овој вид првпат по реконструкцијата на пистата во 1996 година ќе обезбеди повисок квалитет на аеродромските услуги. Би сакале да им се заблагодариме на сите засегнати страни и фактори бидејќи навистина ги цениме нивната соработка, поддршка и придонес“, изјави Метин Батак, генерален директор на „ТАВ Македонија“.

Пистата на Меѓународниот аеродром „Скопје“ е долга 2.950 метри и широка 45 метри, а овој проект за рехабилитација на пистата е прв по реконструкцијата на пистата на скопскиот аеродром во 1996 година, кога тој бил целосно затворен за сообраќај во период од 2,5 месеца, а авиосообраќајот бил префрлен на охридскиот аеродром.

„ТАВ Македонија“ ги советува патниците редовно да ги следат и проверуваат веб-страниците на авиокомпаниите, со цел да ги видат најновите/евентуалните измени за летовите од/до Меѓународниот аеродром „Скопје“.

На веб-страницата на Меѓународниот аеродром „Скопје“, во категоријата „Летови“ (пристигнувања/заминувања), информациите за евентуални промени во редот на летање се ажурираат редовно и во реално време како што „ТАВ Македонија“ ги добива од авиокомпаниите.

Прикажи повеќе...

Економија

Ковачевски: Инвестирани над една милијарда евра во изградба на патната инфраструктура

Објавено пред

Премиерот Димитар Ковачевски заедно со министрите за транспорт и врски и за локална самоуправа, Благој Бочварски и Горан Милевски, како и со директорот на Јавното претпријатие за државни патишта, Ејуп Рустеми, изврши увид на регионалниот пат Р1202, делница Маврови Анови – Жировница. На увидот присуствуваа граѓани на овој крај, изведувачите, градоначалникот на општина Маврово и Ростуште, Медат Куртовски, како и Самир Ајдини, директор на Националниот парк „Маврово“.

dobivaj vesti na viber

Делницата Маврови Анови – Жировница е во должина од 18,5 км, инвестиција вредна 6,18 милиони евра, а реализацијата во моментот е 60 отсто.

„Станува збор за највредниот инфраструктурен зафат во општината Маврово Ростуше. Трасата на оваа делница, всушност, е продолжение на веќе рехабилитираната делница Бунец – Маврови Анови. Овој патен правец ги поврзува населените места Ново Село – Бунец – Маврови Анови – Жировница – Ростуше – Бошков Мост – Дебар – Блато, па сè до границата со Република Албанија. Вкупната должина на патот изнесува околу 61 км. Неговата улога во сообраќајната мрежа е патно поврзување на западниот регион од нашата земја, поточно Гостивар и Дебар, како стопански седишта во овој дел на државата. На оваа релација овој пат со својот најголем дел поминува низ националниот парк ‘Маврово’, кој заедно со реканскиот дел е многу значаен регион за развој на туризмот, како и за подобрување на условите за живеење на граѓаните. Нашиот примарен фокус е да обезбедиме подобри услови во патната инфраструктура сè со цел да го подигнеме нивото на услуги што ги нуди регионот. Изминативе години во западниот регион, од кој е дел и општината Маврово Ростуше, работевме на изградба на квалитетна патна мрежа и во таа насока завршивме неколку значајни инфраструктурни проекти во регионот, како што е целосна рехабилитација на патот од Гостивар до Стража и Кичево, извршивме рехабилитација на патните правци Маврово – Никифорово, Бунец – Маврови Анови, а моментно се работи и тука на патот до Жировница“,изјави Ковачевски и ја потенцира важноста од довршување на патните коридори 8 и 10, кои се крвотокот на поврзување на нашата земја со земјите од регионот и пошироко.

Премиерот Ковачевски истакна дека изградбата на патиштата е приоритет.

„Развиена инфраструктура значи развој на економијата во земјата. Затоа и во услови на најголема криза ние инвестираме во инфраструктурни проекти. Градиме по план, од 2017 година досега изградени и обновени се над 1.000 километри патишта и инвестирано е над една милијарда евра во изградба и модернизација на патната мрежа во земјата. Остануваме посветени на реализација на мерките што обезбедуваат развој и унапредување на инфраструктурата. Со овие инвестиции граѓаните патуваат полесно и побезбедно, а компаниите побргу и поефикасно ги транспортираат своите производи и придонесуваат во економскиот развој на земјата“, рече Ковачевски.

Министерот Бочварски додаде дека градежната офанзива продолжува со силна динамика и насекаде во државата и дека Владата покажа решителност и со преземање навремени мерки обезбеден е континуитет на сите проекти.

„Важно е капиталните инвестиции да продолжат да се реализираат бидејќи градежништвото претставува мотор на економијата, а тоа е повеќе од значајно во овие времиња на светска економска криза, чии последици ги чувствуваме и во нашата држава. Економскиот бенефит што го носи модерната инфраструктура, регионалното поврзување со соседите, безбедното патување, зголемената размена на стоки и услуги, веќе ја чувствуваме. Градежништвото мора да го одржиме на патот на закрепнување, остануваме партнери со сите градежни компании и продолжуваме да работиме на зацврстување на домашната економија и подобри услови за граѓаните“, рече Бочварски.

Директорот Рустеми истакна дека работите се одвиваат во согласност со предвидената динамика, а овој пат е од суштинско значење за граѓаните како во регионот така и во целата земја.

„Со проектот за рехабилитација на Маврови Анови – Жировница предвидено е да се изведат повеќе градежни зафати, како што се нова коловозна конструкција, санација на осумте моста, изведба на нови потпорни ѕидови, бидејќи сите сме сведоци на честите одрони на оваа делница, и други работи со кои ќе се подобри безбедноста на делницата. Во моментот интензивно се работи на повеќе точки на патната делница, а се извршуваат и асфалтерски работи. Безбедноста на државните патишта е наш приоритет и затоа очекуваме изведувачот на работите JV ISA 2000 – PELAGONIJA од Гостивар квалитетно и навремено да ја заврши доверената работа. Надзорен орган над работите е ГИМ заедно со ‘Евро консалтинг’ и ‘ИРД инженеринг’“, рече Рустеми.

Прикажи повеќе...

Економија

Паметните телефони на „Виво“ влегуваат на македонскиот пазар

Објавено пред

Брендот бр. 5 на листата на смарт телефони во светот ја потврдува својата посветеност кон европските потрошувачи проширувајќи го своето присуство и во Македонија

dobivaj vesti na viber

Vivo, бренд бр. 5 на паметни телефони во светот, и официјално го објави своето присуство на македонскиот пазар. Познат по тоа што е бренд кој се фокусира на клиентите и нивните реални потреби, vivo наместо да прави иновации поради иновации, воведува некои од почетните технологии од индустријата за паметни телефони, како што се скенерот за отпечатоци на екранот или системот за камера стабилизиран со гимбал. vivo моментално е присутен на преку 60 пазари ширум светот, стекнувајќи ја довербата на повеќе од 400 милиони клиенти.

„Среќни сме што можеме да кажеме ЗДРАВО на македонски јазик на медиумите и потрошувачите во Македонија и официјално да се претставиме себеси и препознатливиот пристап на vivo. Од нашето прво „Здраво, Европа“ во октомври 2020 година, па до сега, се проширивме на 13 европски пазари од кои добивме топло добредојде од крајните потрошувачи и деловни партнери. Со нетрпение очекуваме да стекнеме нови пријатели и на овој пазар бидејќи продолжуваме да растеме водени од нашата филозофија секогаш да ја правиме вистинската работа, на вистински начин“, изјави Душан Кузмановиќ, директор за продажба во претставништвото на vivo за Северна Македонија.

Растеме чекор по чекор без да го скратуваме патот

Vivo се гордее со пристапот „чекор по чекор“. Овој пристап е поткрепен со повеќе од 10-годишно искуство во бизнисот со паметни телефони докажувајќи дека е на вистинскиот пат, бидејќи компанијата е лидер на неколку азиско-пацифички пазари вклучувајќи го и домашниот пазар во Кина. Тимот на vivo нагласи дека тоа не би било можно доколку нема постојано слушање на потребите на клиентите и силен фокус во истражувањето и развојот. Со преку 75 % од своите тимови кои работат во истражување и развој и строга контрола на квалитетот во текот на производниот процес во сопствените седум производствени бази, vivo ја заработи довербата на преку 400 милиони клиенти на повеќе од 60 пазари ширум светот.

Во текот на изминатите две години од лансирањето во Европа, vivo прерасна во тим од преку 200 локални експерти низ европските пазари со поддршка од преку 90 луѓе од 18 националности во европското седиште во Дизелдорф, Германија. Компанијата инвестира значително во клучни спортски партнерства, како што е Светското првенство на ФИФА што се одржува во Катар оваа година, фудбалското првенство на УЕФА ЕУРО што се одржа низ цела Европа минатата година, партнерството во 2024 година во Германија, локалната TIM eSerie A, женската одбојкарска лига во Италија, Ла Лига фудбалска лига во Шпанија, како и во Полската федерација за скијачки скокови. Осигурувајќи се дека смартфоните vivo се достапни за секого, компанијата исто така постојано ја зголемува листата на трговци на мало и телекомуникациски услуги на секој од пазарите, со што постигнува покриеност од преку 60 % во сите продавници низ земјите каде што е присутен брендот.

Свесни за барањата и преференциите на потрошувачите во Северна Македонија, vivo ги објави своите први партнерства со продажните мрежи на Сетек, Нептун и Риверсофт, како и со опараторот А1, осигурувајќи се дека можат да го пронајдат, пробаат и изберат смартфонот vivo кој одговара на нивните потреби и очекувања, во вистинската продавница според нивна желба.

Перфектно селфи со vivo V21 5G

Серијата V која е мошне популарна на азиско-пацифичките пазари, го имаше своето европско деби со V21 5G. Овој телефон располага со уникатна оптичка стабилизација на сликата, со камера од 44 мегапиксели на предната страна со која се добиваат јасни и висококвалитетни селфи фотографии поддржани со функции како што се: ноќен портрет, напреден автоматски фокус, како и двоен блиц за селфи во центарот и стабилизирано 4K видеоснимање со помош на предна камера. V21 5G, исто така, располага со одлична задна камера од 64 мегапиксели, што им овозможува на потрошувачите да снимаат креативни слики и видеа, како што е опцијата Dual-View која снима видеа од двете страни на паметниот телефон. Дизајнерскиот јазик е елегантен и минималистички, во елегантно куќиште кое е тенко само 7,29 милиметри и тежи 175 грама.

Snap and Play, со серијата vivo Y

Европската линија vivo располага со големо семејство на паметни телефони од серијата Y: почнувајќи од почетни уреди за оние кои го бараат својот прв паметен телефон, до уреди од средна класа за оние кои бараат целокупно избалансиран уред со најдобра вредност за парите, серијата vivo Y нуди паметен телефон од за секого.

Vivo сака да им помогне на потрошувачите да направат совршена фотографија – со паметни телефони кои секогаш ја ставаат камерата на прво место. Понудата од серијата Y се отвора со vivo Y72 5G, кој комбинира тројна поставеност на камерата на задната страна, со главен сензор од 64 мегапиксели, широкоаголна камера од 8 мегапиксели, како и макро фотограф за снимање предмети од 4 сантиметри. Камерата од 16 мегапиксели ја заокружува силната низа на камери овозможувајќи јасни селфија, дури и во моменти со слаба осветленост. За напојувањето, Y72 располага со долготрајна батерија од 5000 милиампери со брзо полнење од 18 W.

Зголемувајќи го опсегот на серијата Y, vivo ги претстави Y33s, Y21s и Y21. Секој од новите телефони ги има истите клучни карактеристики и сите го испорачуваат истиот висок стандард: батерија од 5000 mAh комбинирана со сигурна технологија за брзо полнење на vivo за да се обезбеди неограничена работа секој ден, најновиот оперативен систем Android 12, поддршка за две СИМ-картички и страничен сензор за отпечаток од прст и тенко тело од 8 милиметри со посакуван, полиран финиш со висок сјај.

Vivo Y33s може да се пофали со главна камера од 50 мегапиксели како дел од поставувањето на тројна задна камера, обезбедувајќи го вистинскиот сет за потрошувачите да ги доловат своите спомени. Поставувањето на камерата продолжува со супер макро камера за дополнителна јасност при фотографирање одблиску. vivo и овој пат се погрижи перформансите да одговараат на vivo Perfect Shot заложбите: 8GB RAM процесор напојуван од MediaTek Helio G80 SOC со што се гарантира дека сите апликации работат непречено, а сликите се обработуваат брзо.

Понатаму, vivo Y21s нуди можности за паметно фотографирање и снимање видеа исти како и Y33s, со систем од три камери со главна камера од 50 мегапиксели. Овој телефон исто така нуди функции за паметна камера кои им помогаат на клиентите да ја снимат својата совршена снимка во речиси секаква ситуација. Тие вклучуваат ноќен режим и за предните и за задните објективи, Time-Lapse и опција за бавно движење од 120 fps. Неговиот чипсет MediaTek Helio G80 вклучува пар моќни ARM Cortex-A75 процесори кои можат да работат до 2 GHz.

Дизајниран за потрошувачи кои немаат намера да ги искористуваат до крај своите паметни телефони при нивната секојдневна употреба, vivo Y21 е атрактивна алтернатива што го претставува најдобриот можен однос цена-перформанси со процесорот напојуван од MediaTek Helio P35 SoC. Најновиот Funtouch OS на vivo, има систем Multi-Turbo 5.0 кој ја подобрува конекцијата на податоци, брзината на системскиот процесор и штеди енергија, истовремено поседувајќи ажуриран режим за игри за мобилен телефон.

Цена и достапност, гаранција и услуга
Високата категорија претставувана од V21 5G, е достапна со препорачана малопродажна цена од 24.999 денари.

Средната категорија претставувана од серијата Y, ќе биде достапна за 11.999 денари за моделот Y21, а моделот Y21s ќе чини 13.999 денари. Следни се: Y33s со цена од 15.999 денари и Y72 5G за 18.999 денари. Сите модели се достапни за купување во продажната мрежа на Сетек, Нептун и Риверсофт, како и кај телекомуникацискиот партнер А1.

Бидејќи доверливоста и квалитетната поддршка по продажбата се од клучно значење за vivo, сите уреди се поддржани со 2-годишна гаранција на производителот; иако е скоро невозможно, сепак, во случај нешто да тргне наопаку, клиентите во Северна Македонија можат да се потпрат на услугата на Мобико.

###

За vivo
vivo е технолошка компанија која создава врвни производи засновани на вредност водена од дизајнот, со главен фокус врз паметните уреди и интелигентните услуги. Компанијата има цел да изгради мост меѓу луѓето и дигиталниот свет. Преку својата уникатна креативност, vivo им овозможува на корисниците сè поудобен мобилен и дигитален живот. Следејќи ги основните вредности на компанијата кои вклучуваат Benfen*, со фокус на дизајнот и корисничкото искуство, како и континуираното учење и тимскиот дух, vivo имплементира стратегија за одржлив развој со визија да прерасне во поздрава и поодржлива корпорација од светска класа.

Здружувајќи ги и развивајќи ги најдобрите таленти за да испорача извонреден квалитет, vivo е поддржан од мрежа центри за истражување и развој во Шенжен, Донгуан, Нанџинг, Пекинг, Хангжу, Шангај и Ксиан, фокусирајќи се на развојот на најсовремените потрошувачки технологии, вклучително 5G, вештачка интелигенција, индустриски дизајн, систем за фотографирање и други нови технологии. vivo, исто така, воспостави интелигентна производствена мрежа (вклучувајќи ги и оние овластени од vivo), со годишен производствен капацитет од речиси 200 милиони паметни телефони. Досега, vivo ја разграни својата продажна мрежа во повеќе од 60 земји и региони и стана посакуван бренд кај повеќе од 400 милиони корисници ширум светот.

*„Бенфен“ – термин што го објаснува ставот да се сработат вистинските работи на вистински начин – што е најдобар опис на мисијата на vivo да создаде нова вредност за општеството.

Повеќе информации и најновите вести на vivo

Прикажи повеќе...

Најново

Македонија59 минути

Од денес повторно отворена македонската амбасада во Киев

Министерот за надворешни работи, Бујар Османи, во рамките на посетата на Украина ја отвори Амбасадата на Република Северна Македонија во...

Македонија3 часа

Османи: Слободата на Северна Македонија и секоја друга европска земја денеска се брани во Украина

Министерот за надворешни работи, Бујар Османи, во рамките на посетата на Украина оствари средба со својот домаќин Дмитро Кулеба. Ова...

Свет3 часа

Лавров: Западот ѝ објави тотална војна на Русија

Рускиот министер за надворешни работи, Сергеј Лавров, ги обвини западните земји дека водат тотална војна против Русија и рускиот народ...

Македонија4 часа

(Видео) Црвенковски: Договорот со Бугарија со формулацијата „заедничка историја“ беше голема грешка

Договорот со Бугарија не само што не затвори ниту едно прашање туку, напротив, ја отвори Пандорината кутија и создаде основа...

Македонија4 часа

Во Софија вонреден коалициски совет за Северна Македонија

На вонреден состанок на коалицискиот совет вечерва ќе се соберат владините партнери. Средбата е по барање на премиерот Кирил Петков....

Регион5 часа

Русија протера петмина хрватски дипломати

Русија прогласи за непожелни пет хрватски дипломати во хрватската амбасада во Москва, а на хрватскиот амбасадор му беше врачена нота....

Свет5 часа

Најбогатиот човек во Украина и сопственик на „Азовстал“ ќе ја тужи Русија

Најбогатиот човек во Украина и сопственик на фабриката за челик „Азовстал“, Ринат Ахметов, вели во Мариупол дека планира да ја...

Македонија5 часа

Османи во Украина: Она што го видов ме убеди колку е оправдан нашиот став за агресијата

Во рамките на својата работна посета на Украина, министерот за надворешни работи, Бујар Османи, придружуван од претставници на украинската Влада,...

Македонија6 часа

Земјотрес утрово регистриран во Тетовско

Земјотрес од 3,6 степени утрово го стресе Тетовскиот Регион, а беше почувствуван и во Скопје. Според податоците, земјотресот се случил...

Свет7 часа

Медведев: Условите на Зеленски се категорични до идиотизам

Дмитриј Медведев денеска изјави дека условите што му ги постави претседателот на Украина, Володимир Зеленски, за примирје не се остварливи....

Свет8 часа

САД подготвуваат досега најмоќно оружје против Русија

Администрацијата на американскиот претседател Џозеф Бајден се подготвува да го зголеми оружјето на Украина. Администрацијата има намера да го направи...

Свет20 часа

Лавров: Испораката на оружје способно да погоди руска територија е чекор кон неприфатлива ескалација

Рускиот министер за надворешни работи Сергеј Лавров предупреди дека „испораката на оружје за Украина способно да ја погоди руската територија...

Економија21 час

Ковачевски: Во ребалансот на буџетот направиме намалување на непродуктивните трошоци, нè oчекува тешка зима

„Ребалансот на буџетот е насочен главно кон справување со економската криза, ревидирање на фискалните проекции, реконструирање на буџетските расходи, зачувување...

Спорт22 часа

РК Вардар го прегази Тиквеш и го потврди 15. шампионски пехар (ФОТО)

Македонскиот ракометен првак Вардар ја освои двојната круна оваа сезона, откако денеска со триумфот против Тиквеш (37:25) го потврди и...

Економија1 ден

Путин: Санкциите против Русија му се вратија на Западот како бумеранг

Рускиот претседател Владимир Путин денеска оцени дека антируските санкции се вратиле како бумеранг за оние што ги применувале бидејќи, како...

Македонија1 ден

Кривични пријави за двајца управители во ЕВН и за петмина други за продажбата на парцели во Делчево

Управата за финансиска полиција поднесе кривична пријава против седум лица за продажбата на парцели на ЕВН во Делчево за изградба...

Македонија1 ден

Собранието: Деловникот дозволува можност за затворање на вратите на салата на барање на претседателот

Проѕирна е намерата на опозицијата, која сите овие години ја опструира работата на законодавниот дом и оневозможува донесување битни закони...

Топ1 ден

Дете загина во тешка сообраќајна несреќа на автопатот Скопје – Велес

Едно дете загина, а две лица се тешко повредени во сообраќајна несреќа на автопатот Скопје – Велес. Според информациите од...

Македонија1 ден

ВМРО-ДПМНЕ и коалицијата ќе поднесат интерпелација за Талат Џафери

Пратеничката група на ВМРО-ДПМНЕ и коалицијата „Обнова за Македонија“ ќе поднесат интерпелација на претседателот на Собранието, Талат Џафери, најави координаторот...

Европа1 ден

Кадиров ѝ се заканува на Полска: Ако добиеме наредба, за шест секунди ќе ви покажеме на што сме способни

Чеченскиот лидер Рамзан Кадиров ѝ се закани на Полска. Тој на својот канал на „Телеграм“ објави видео во кое вели...