Контакт

Економија

Комисијата за хартии од вредност ги вклучува младите да придонесат за развој на пазарот на хартии од вредност

Објавено пред

Комисијата за хартии од вредност (КХС) во својата цврста определба за поттикнување на развојот на пазарот на хартии од вредност се препознава како еден од главните учесници во тој процес. Комисијата вложува особени напори во своето работење за реализација на активности што придонесуваат за развој на пазарот на хартии од вредност и во таа насока ја идентификува и научноистражувачката дејност преку која очекува да го зголеми интересот за истражување во оваа област, како и да ја охрабри младата популација (студентите) да даде придонес во овој процес.

За таа цел, Комисијата за хартии од вредност на Република Македонија распишува конкурс за есеј – осврт на тема: „Влијанието и придобивките на приклучување кон евро-атлантските организации врз работењето на пазарите на хартии од вредност“ и за научно истражување – труд со оригинални научни резултати, на тема: „Влијанието и придобивките на приклучување кон евро-атлантските организации врз работењето на пазарите на хартии од вредност“.

Есејот не смее да надминува 8.000 карактери вклучувајќи ги празните места (но без апстрактот, фуснотите, графиконите, табелите и библиографијата) во фонт Times New Roman, 12pt, единечен проред и препорачливо е да ги содржи следните основни делови:
– апстракт;
– вовед;
– осврт кон македонскиот пазар на хартии од вредност и влијанието на приклучувањето кон ЕУ и НАТО врз работењето на македонскиот пазар на хартии од вредност;
– заклучни согледувања и предлози и
– библиографија.

Научноистражувачкиот труд не смее да надминува 20.000 карактери вклучувајќи ги и празните места (без апстрактот, фуснотите, прилозите, графиконите, табелите, библиографијата и анексите), во фонт Times New Roman, 12pt, единечен проред и препорачливо е да ги содржи следните основни делови:
– апстракт;
– осврт на релевантната литература за детерминатите на развојот на пазарите на хартии од вредност;
– опис на состојбите пред и по зачленувањето во ЕУ или НАТО на земјата што се обработува;
– осврт кон македонскиот пазар на хартии од вредност;
– заклучни согледувања и предлози за развој на македонскиот пазар на хартии од вредност и
– библиографија.

Право на учество на конкурсот имаат сите државјани на Република Македонија, без ограничување на бројот на автори. Вработените во Комисијата и комисионерите немаат право на учество. Еден автор има право да поднесе само еден самостоен труд. Трудовите изработени во коавторство се прифатливи.

На конкурсот за најдобро научно истражување – труд авторите имаат право да конкурираат и со веќе објавени трудови во текот на 2018 година. При поднесувањето на трудот авторот треба да наведе кога и каде бил објавен трудот. Трудовите се поднесуваат на македонски, албански или на англиски јазик.

При поднесувањето на трудот авторот треба да достави и изјава за оригиналноста на трудот, како и согласност за објавување. Трудовите се поднесуваат до Комисијата за хартии од вредност на РМ со назнака: „Конкурс за научноистражувачки труд“, по електронски пат, во Word-формат на е-адресата: [email protected] Одлуката за избор на најдобар есеј/научноистражувачки труд ја носи посебна комисија формирана за таа цел во рамките на Комисијата за хартии од вредност, составена од 5 члена. Краен рок за доставување на трудовите е 23 септември 2018 година.

Комисијата за хартии од вредност на Република Македонија како награда за најдобар есеј доделува благодарница за придонес и учество на една обука по избор на добитникот – обука за инвестициски советници или обука за работа со хартии од вредност (во вредност до 25.000 денари).

Комисијата за хартии од вредност како награда за најдобро научно истражување – труд доделува благодарница за придонес и парична награда во вредност од 30.000,00 денари.
Наградата за најдобар автор/и на есеј/научноистражувачки труд ќе биде доделена на настан организиран од страна на Комисијата за хартии од вредност на Република Македонија на 27 септември 2018 година. Сите пријавени трудови ќе бидат презентирани на посебен настан, кој ќе биде организиран од страна на Комисијата за хартии од вредност.

Економија

Откупната цена на зелката до 20 април минимум 15 денари за килограм

Објавено пред

Откупната цена на зелката до 20 април ќе биде минимум 15 денари за килограм, ова денеска беше договорено на состонакот што министерот за земјоделство, шумарство и водостопанство, Трајан Димовски, го одржа со откупувачите на зелка. Ваквата одлука е поради вонредната состојба и последиците од појавата на коронавирусот врз секторот земјоделство.

Државниот инспекторат за земјоделство во овој период ќе врши засилени контроли со цел да нема манипулиции со договорената минимална цена.

„Министерството за земјоделство, шумарство и водостопанство е во постојана комуникација со производителите, откупувачите и извозниците на сите земјоделски производи, со цел да има непречен извоз. МЗШВ како и досега, продолжува да ја следи состојбата со коронавирусот и последиците врз земјоделскиот сектор, доколку има потреба ќе се наоѓаат решенија преку интервентни мерки, а со цел да го заштитиме земјоделството“, велат од Министерството.

Прикажи повеќе...

Економија

ССК: Економските мерки на Владата се недоволни

Објавено пред

Сојузот на стопански комори соопшти дека се оградува од мерките објавени во вториот сет економски мерки од страна на Владата, со појаснување дека од нивна страна се барале системски мерки за сите засегнати микро, мали и средни претпријатија без оглед на дејноста, а кои се засегнати од кризата. Наместо тоа, велат од ССК, со оваа делумна помош не се постигнува крајната цел, а тоа е да се сочува економијата и да се задржат работните лица, особено за оние правни лица кои се најмали и незаштитени и на кои овие потреси ќе им го уништат целиот труд да се самовработат и да си ги издржуваат семејствата.

Според ССК, економските мерки на Владата се недоволни и нема да ги постигнат очекуваните резултати.

ССК ги предлага следните мерки за претприемачите и микро, малите и средни претпријатија погодени од кризата:

• Владата да одобри поддршка од 100% нето-платата за следните 3 месеци
• Владата да ги покрие сите даноци и придонеси на платите за вработените за следните 3 месеци
• Правните лица кои се погодени од кризата да не плаќаат аконтација на данок на добивка во 2020 година
• Мораториум на сите казнени камати, како и камати на задоцнето плаќање обврски за следните 6 месеци
• Вработените кои припаѓаат на групата лекари, трговци и сите кои сега се најоптоварени и под ризик, од владата да им се исплати еднократен бонус
• По изминувањето на кризата да се изнајде соодветно решение како средствата да се вратат во буџетот согласно можностите на претпријатијата
За да овие мерки ги да дадат очекуваните резултати предложивме едноставни критериуми:

• Да не се дискриминира по дејност, секој кој е погоден од кризата потребно е да има еднаква можност да аплицира, доколку некој несовесно аплицирал средства, неправилности може да се бараат и истражуваат откако кризата ќе заврши
• Бидејќи до сега немаше употребливи мерки кои важат за сите правни лица, дел од нив одјавија вработени, не по своја желба или волја туку под притисок од страв за неликвидност и трупање долгови и обврски. Да се отстрани критериумот намален број работници
• Да не се бара обемна документација, која институциите електронски можат да ја добават по службена должност. Со барање документи да се достават од УЈП, Централен регистар и други, правните и физичките лица се изложуваат во оваа криза на здравствен ризик од трчање по шалтери за издавање документи, но и на непотребни трошоци во време и финансии (да се има во предвид дека голем број од нив особено микро и малите фирми, претприемачите и занаетчии немаат електронско банкарство ниту токени).

Прикажи повеќе...

Економија

Италија до Германија: Помогнете како што ви се помагаше по Втората светска војна

Објавено пред

Градоначалници од Италија и регионални гувернери ја повикаа Германија на солидарност во екот на пандемијата на коронавирусот во писмото објавено во „Франкфуртер алгемајне цајтунг“ потсетувајќи на помошта што оваа земја ја добила по Втората светска војна.

Италија има повеќе жртви од коронавирусот од која било друга земја. Заразени се над 100.000 луѓе, а починаа 11.591, што е една третина од смртните случаи на коронавирусот во светот.

Во писмото се нагласува зголеменото незадоволство на Италијанците од она што го сметаат за германска рамнодушност кон нивната мака.

Италија има кревка финансиска состојба и тешко е во такви услови земјата да се бори против пандемијата, па затоа бара заедничко преземање на долговите во еврозоната поради што предлага т.н. коронаобврзници, но земјите од северот на Европа одбиваат ваков чекор засега.

„Драги германски пријатели, сеќавањето помага да се донесе вистинска одлука“, се вели во писмото во кое се посочува на договорот од 1953 година за намалување на германските долгови со цел повоено закрепнување на таа земја.

Писмото го потпишале градоначалници од левичарски и десничарски партии, кои ги претставуваат северните италијански градови најтешко погодени од епидемијата на коронавирусот, вклучувајќи ги Бергамо и Милано.

Писмото е насочено и кон Холандија, која во Италија се смета за еден вид засолниште од данок на добивка и се нагласува дека оваа земја воспоставила поволен даночен режим кој со години одзема ресурси од сите поголеми европски земји.

Лидерите на девет земји членки, вклучително и Италија и Франција, неодамна во писмото испратено до претседателот на Европскиот совет, Чарлс Мишел, побараа да се овозможи издавање заеднички обврзници за финансирање т.н. коронаобврзници.

Целта на овие оббрзници, кои земјите заеднички би ги гарантирале, е да овозможат поевтино задолжување од одделни членки со цел справување со кризата.

Германија, Холандија, Финска и Австрија се спротивставија на предлогот одржувајќи ја својата традиционална позиција долгот да не се дели со помалку конкурентни економии.

Прикажи повеќе...

Најново

Македонија5 часа

(Видео) Пендаровски: Ситуацијата со коронавирусот останува сложена

Претседателот Стево Пендаровски по седницата на Советот за безбедност посочи дека ситуацијата останува сложена бидејќи не се знае колку долго...

Македонија5 часа

Филипче: Зголемувањето на бројот на пациенти е очекувано, таквиот тренд ќе продолжи до крајот на април

Според министерот за здравство, Венко Филипче, зголемувањето на бројот на пациенти во овој период е очекувано од страна на епидемиолозите,...

Македонија6 часа

Филипче: Инспекторатот утврди пропуст кај охридската болница

Министерот за здравство, Венко Филипче, посочи дека сè уште се чекаат резултатите на 16 пациeнти од Заводот за рехабилитација во...

Македонија6 часа

Седум македонски граѓани од Перу преку Португалија ќе се вратат во државава

Министерството за надворешни работи информира дека уште седум македонски граѓани се вратени од Лима, Перу на европско тло. Утрово авионот...

Македонија6 часа

(Видео) Владата го донесе вториот пакет економски мерки – платите на функционерите скратени на 14.500 денари

Владата ја одржа 32. седница на која беше разгледан и усвоен вториот пакет економски мерки за справување кризата. Деталите за...

Македонија8 часа

Кумановец и дебаранец починаа од коронавирусот, за еден ден регистрирани 44 заразени

Министерството за здравство информира дека на Клиниката за инфективни болести од коронавирусот починале двајца мажи, едниот на возраст од 45...

Економија9 часа

Спасовски: Се одложуваат наплатите за закуп на станови

Пратениците, претседателот на Собранието, директорите и министрите ќе земаат минимална плата од 14.500 денари наместо досегашните над илјада евра за...

Свет9 часа

Светот собори уште еден мрачен рекорд со Ковид-19: повеќе од 800.000 заразени

Бројот на заразени со новиот коронавирус Ковид-19 во светот денеска надмина 800.000 потврдени случаи, посочува Ресурсниот центар за коронавирус „Џон Хопкинс“,...

Македонија10 часа

Владимир Талески осуден на 8 години затвор за проневера на 360 илјади евра

Судечкиот совет во случајот „Транспортер“ донесе пресуда со која го осуди ексградоначалникот на Битола, Владимир Талески, на 8 години затвор...

Свет10 часа

(Видео) Индија и Пакистан ги претвораат возовите во мобилни болници

Националната железница во Пакистан ги претвори сите вагони од бизнис-класата во подвижни одделенија за пациенти со Ковид-19 додавајќи илјадници болнички...

Свет13 часа

Речиси 50 милиони Американци би можеле да останат без работа

Милиони Американци веќе ги загубија своите работни места како резултат на кризата од коронавирусот, а најголемата штета допрва претстои, според...

Македонија13 часа

Тестирањето за Ковид-19 го закажува матичниот лекар и по протокол го следи лекувањето на пациентот

Министерството за здравство информира дека секој матичен лекар, кој преку „Мој термин“ му закажува на својот пациент тестирање на Ковид-19,...

Свет14 часа

Конјунктивитисот може да биде симптом на зараза со коронавирус

Американското друштво на офталмолозите ги предупредува своите членови да водат сметка за тоа дека и конјунктивитисот, познат како црвено око,...

Свет14 часа

СЗО: Не носете маска за лице, освен ако не сте заразени

Претставници на Светската здравствена организација сè уште им препорачуваат на луѓето да не носат маски за лице, освен ако не...

Свет15 часа

Во светот бројот на заболени од коронавирус достигна речиси 800.000

Во светот утрово регистрирани се вкупно 785.807 случаи на заболени од коронавирус, починале 37.820 луѓе, а се излекувале 165.659, покажуваат...

Македонија15 часа

Претседателот свика седница на Советот за безбедност

Денеска, со почеток во 14 часот, во кабинетот на претседателот Стево Пендаровски ќе се одржи седница на Советот за безбедност...

Македонија1 ден

Затворите ќе примаат нови осуденици од септември

Владата ја усвои уредбата со законска сила за роковите во судските постапки за време на вонредната состојба за постапувањето на...

Македонија1 ден

ЕУ ќе издвои 38 милиони евра за медицинска опрема за земјите од Западен Балкан

Европската комисија донесе одлука да им додели 38 милиони евра на земјите од Западен Балкан за помош со заштитна опрема...

Македонија1 ден

Ученичките и студентските домови ќе бидат ставени на располагање на време на епидемијата со коронавирус

На денешната владина седница е усвоена и Уредбата со законска сила за примена на Законот за здравствената заштита за време...

Македонија1 ден

(Видео) МВР најави кривична пријава: Место да седи во изолација заразил повеќемина

МВР ќе поднесе кривична пријава против Ф.К. коj се однесувал спротивно од одлуките на Владата, ги прекршил мерките за самоизолација...

Досие