Контакт

Економија

Македонија ќе биде домаќин на вториот „Светски конгрес на претприемачи”

Објавено пред

Министерката без ресор задолжена за странски инвестиции, Зорица Апостолска вчера во име на Владата на Република Македонија со Меѓународниот економски форум „Перспективи” од Дубровник во Загреб, Република Хрватска, потпиша „Протокол за партнерство и соработка”, со кој се прифаќа иницијативата Република Македонија да биде земја домаќин на вториот „Светски конгрес на претприемачи” во 2019 година. Со прифаќањето на оваа инцијатива, се очекува надоградба на деловниот имиџ на Македонија, како земја која е посветена на економскиот развој и унапредувањето на претприемачките слободи.

На свеченоста на потпишувањето министерката Апостолска истакна дека регионалните иницијативи на бизнисот, кои се фокусирани на развивањето и промоцијата на претприемачката култура, секогаш внесуваат позитивен импут во економскиот амбиент на државата.

„Со изразената волја на Владата на Република Македонија да го поддржи одржувањето на следниот Светски конгрес на претприемачи непосредно се вклучуваме во воспставувањето на партнерски односи и соработка помеѓу бизнис заедниците од регионот на централна и источна Европа, затоа што сме уверени дека развивањето и унапредувањето на економската соработка е важна за развојот на секоја земја“, рече Апостолска.

Претседателот на управниот одбор на Меѓународниот економски форум „Перспективи“, Винко Ќуро изрази благодарност до Владата на Република Македонија за прифатената инцијатива и притоа истакна дека на овој начин ќе се овозможи и одличен регионален канал за промовирање на стопанството и претпремиништвото, како и на можностите за инвестирање во Македонија.

„Преку идентификување и промовирање на успешните претприемачи, добри претприемачки пракси и креативни проекти, квалитетни и иновативни производи и услуги, нови технологии, нови маркетинг трендови и ИК-технологии, овој конгрес за македоноските стопаственици и претприемачи наредната година ќе понуди одлична можност за унапредување на пазарната комуникација“, рече Ќуро.

Овој Конгресот е резултат на работата на „Регионалниот самит на претприемачи на средна и југоисточна Европа – 300 најдобри“, кој традиционално се одржува во Дубровник, Република Хрватска, и произлегува од иницијатива на делегати-претприемачи од Австрија, Босна и Херцеговина, Црна Гора, Хрватска, Косово, Македонија, Норвешка, Германија, Србија, Словенија и Швајцарија.

На овогодишниот прв „Светски конгрес на претрпемачи“, кој се одржува во Загреб, партиципираат над 600 учесници, сопственици на компании, претприемачи, менаџери, политичари, претставници на академската средина од десетина земји од југоисточна и средна Европа.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

НЕПТУН лансираше своја мобилна апликација за онлајн шопинг -Симнете ја на вашиот смартфон и уживајте во купувањето

Објавено пред

Нептун Македонија ја лансираше првата бесплатна мобилна апликација во Македонија за онлајн шопинг на апарати за домаќинство, бела техника, телевизори, смартфони, компјутери и останати апарати кои се во нивното портфолио.

Онлајн купувањето никогаш не било полесно! Преку вашиот смартфон може да ги погледнете сите производи, да ги изберете и платите и истите да ви бидат доставени до вашиот дом или пак да ги подигнете од 25-те Нептун продавници ширум Македонија.

Придобивка плус и голем напредок во онлајн купувањето во државава е овозможувањето на купувачите кои се дел од лојалната програма “haPPy” да можат да ги користат бенефициите и онлајн. Тоа се: повластените “haPPy” цени (цените со попуст), добивање и користење на наградните поени и стекнувањето на нивоа на лојалност. Со најавувањето на вашиот “haPPy” акаунт ќе имате увид во: набавените производи, добиените поени, нивото на лојалност и вашата “haPPy” картичка во дигитална форма.

Со мобилната апликација бидете секогаш во тек со промоциите на Нептун. За секоја голема промоција ќе добивате нотификација на вашиот смартфон!Симнете ја NEPTUN мобилната апликација на линковите:

Play Store: https://play.google.com/store/apps/details?id=mk.neptun.neptunapp
App Store: https://itunes.apple.com/us/app/neptun-makedonija/id1459509929?mt=8

Со NEPTUN – Мобилната апликација потрошувачите ќе може:

• да ги разгледуваат производите и брзо и едноставно да купуваат онлајн
• да се информираат за акции и промоции
• да добиваат Push нотификации за новости, акции, промоцииза стекнат нов “haPPy”ваучер
• преку вграден “barcode reader” во апликацијата ќе може со скен на баркод на одреден производ од портфолиото да го разгледаат детално и во дигитална форма
• да имаат увид во својот online haPPy акаунт: haPPy поени за ваучери и haPPy поени за нивоа на лојалност
• во својот online haPPy акаунт членовите на haPPy лојалната програма ќе ја имаат својата “Дигитална happy картичка”

Нептун Македонија е најголемата малопродажна и дистрибутивна мрежа во Македонија на производи од бела техника, апарати за домаќинство, телевизори, компјутери, лаптопи, телефони, производи за нега и убавина, апарати за ладење и греење. Нептун 20 години е присутна на македонскиот пазар и е застапена со 25 продажни салони во 21 град во Македонија. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, Нептун долго време е апсолутен лидер на пазарот во државава.Нептун Македонија е дел од групацијата „Балфин“ која во Македонија е актуелна со изградбата на трговскиот центар „East Gate”.

(ПР текст)

Прикажи повеќе...

Економија

Николовски: Со заеднички мерки Северна Македонија и Црна Гора ќе го развиваат земјоделството

Објавено пред

Земјоделството е еден од секторите коишто има значаен придонес во економиите на Република Северна Македонија и Република Црна Гора, и затоа е важно двете земји заеднички да креираат мерки за развој на овој сектор, ова денеска го посочи министерот за земјоделство, шумарство и водостопанство, Љупчо Николовски на заедничката меѓувладина седница на Р.Северна Македонија и Р. Црна Гора.

Николовски посочи дека изминатиот период имаат интензивна соработка со вицепремиерот за економски прашања и министер за земјоделство на Република Црна Гора, Милутин Симовиќ, во однос на размена на искуства за моделот на РСМ за ефикасно искористување на ИПАРД програмата, и искуството на Црна Гора во преговарачкиот процес со Европската унија во делот на поглавјата за земјоделство.

„За нас е особено добредојдено искуството на Црна Гора во делот на отворањето на поглавјата 11 и 12, бидејќи Црна Гора веќе ги има отпочнато преговорите, и може на експертско ниво да ни помогнат. Важно ни е секое искуство во делот на скринингот и поглавјата коишто во делот на земјоделството се навистина тешки и поради тоа секое искуство ќе ни биде драгоцено. Од друга страна, ние имаме позитивно искуство во делот на искористеноста на ИПАРД програмата, важиме за лидер во регионот, и ова наше искуство ќе го споделиме со Црна Гора. Како држави ја засиливме соработката помеѓу Платежните агенции на РС Македонија и Црна Гора, тие неодамна потпишаа и Меморандум за соработка, преку кој ќе се зајакнат капацитетите за соработката и размената на искуства особено во делот на ефикасното искористување на средствата од Европскиот земјоделски Фонд за Рурален Развој“, посочи министерот Николовски.

При тоапотенцираше дека двете држави активно работат на олеснување и зголемување на трговската размена особено во делот на земјоделско-прехранбените производи.

Минатата година двете земји потпишаа Декларација со којашто се обврзаа на поедноставување на процедурите во делот на размена на земјоделските производи, конкретно во однос на инспекциските служби и взаемно признавање на резултатите од акредитираните лаборатории на двете земји.

Прикажи повеќе...

Економија

Заев ги повика црногорските бизнисмени да инвестираат во Македонија

Објавено пред

Во рамките на официјалната посета на Република Црна Гора, премиерот Зоран Заев учествуваше на Бизнис форумот меѓу стопанствениците на двете земји.

„Ние сме денеска прв пат овде присутни со нашето ново име, Северна Македонија заради тоа што направивме одлично пријателство со нашиот јужен сосед Грција заради единствената цел да изградиме пријателство и да отвориме економски перспективи. Сe што работиме како политичари го правиме за економијата, заради бизнисот, трговијата, заради нови работни места, за раст на БДП, заради извозот, што на крајот претставува квалитет на живот на нашите граѓани“, рече премиерот Заев во своето обраќање.

Премиерот Заев додаде дека нашата земја ќе го следи искуството на Црна Гора во пристапувањето на нашата земја во НАТО и ЕУ и изрази благодарност до Црна Гора за брзата ратификација на протоколот за наше членство во НАТО и со тоа ги охрабри сите други земји членки со брзо темпо да започнат процес на ратификација.

„Нашите очекувања се дека на почетокот на декември во Лондон на НАТО Самитот ќе имаме полноправно членство. Членството во НАТО, знаете вие во Црна Гора, а ние веќе во Северна Македонија чувствуваме носи економија и траен мир, стабилност и сигурност и безбедност, нешто што е важно за сите бизнисмени како минимум услов за развој на бизнисот. Во такви околности, како земја кандидат, со испорачана покана и 13 ратификации ние во нашата земја почнавме да ги кршиме сите економски рекорди од независноста до сега. Странските инвестиции се 625 милиони евра, најдобрата година беше 2011 со 340 милиони евра, што значи дупло повеќе од најдобрата година. Ова покажува колку е значајна безбедноста и стабилноста за економијата, а со нашето членство во НАТО ја зајакнуваме безбедноста и стабилноста и во целиот регион“ , истакна премиерот Заев.

Во своето обраќање пред црногорските и македонските компании, премиерот Заев истакна повеќе елементи од економската програма за поддршка на инвестициите.

„Сакам да ги поттикнам црногорските компании да инвестираат во нашата земја зашто ќе имате поддршка до 50% од вкупната инвестиција, заедно со олеснувањата со ослободување од даночните обврски по многу основи. Примамливи се условите. Затоа имаме рекордни инвестиции минатата година. Ние добиваме нови работни места, добиваме раст на БДП, и, секако, зголемена јавна потрошувачка која ќе влијае позитивно на нашиот буџет. Економските програми поттикнаа дополнителни домашни инвестиции во висина од 180 милиони евра и тоа доволно зборува за поволностите, зашто сега нема разлика меѓу домашните и странските компании. Ве поканувам да дојдете затоа што ќе имате профит. Затоа дојдоа големите компании од светот во нашата земја. Затоа и нашите компании, од Северна Македонија и Црна Гора треба да ги искористат убавините и предностите на економските програми за поддршка на инвестициите“, нагласи Заев.

 

Прикажи повеќе...

Најново

Македонија45 минути

(Видео) Македонска делегација на молебен и на аудиенција кај папата во Рим

Заменикот на претседателот на Владата задолжен за економски прашања, Кочо Анѓушев, заедно со сопругата, е дел од официјалната државна делегација,...

Топ2 часа

Го погодило струја при обид за кражба на железничката станица во Трубарево

Момче на возраст од 20 до 25 години се здобило со висок степен на изгореници по телото при обид за...

Свет4 часа

Харви Вајнштајн постигна вонсудска спогодба со жртвите од 44 милиони долари

Холивудскиот продуцент Харви Вајнштајн, кој повеќе жени го обвинија за сексуално злоставување, постигна привремена спогодба вредна 44 милиони долари со...

Европа6 часа

(Видео) Британската премиерка Тереза Меј даде оставка

Британската премиерка Тереза Меј денеска објави дека на 7 јуни ќе ја напушти функцијата. За оставката ја информирала и британската...

Македонија7 часа

(Видео) Изгаснат пожарот во Карпош 4, едно лице пренесено во болница

Пожарот кој избувна пред околу еден час во една од кулите во скопската населба Карпош 4 е изгаснат. Во пожарот...

Спорт7 часа

Лоциран домот на Роналдо, ќе добие судски повик за „случајот Мајорга“

Звучи бизарно дека потрагата по Кристијано Роналдо, една од најголемите спортски ѕвезди, може да трае цели шест месеци. Толку време...

Економија8 часа

Трамп: Случајот со „Хуавеј“ би можел да биде дел од трговските преговори со Кина

Претседателот на САД, Доналд Трамп, првпат навести дека случајот со кинескиот телекомуникациски гигант „Хуавеј“ би можел да биде вклучен во...

Свет20 часа

Украинскиот претседател предлага анкета за тоа како да се преговара со Русија

Украинскиот претседател Володимир Зеленски сака да ја праша јавноста како неговата земја би требала да преговара со Русија за војната...

Свет23 часа

„Фејсбук“ отстранил над три милијарди лажни профили

Компанијата „Фејсбук“ соопшти дека од октомври минатата година до март годинава, биле идентификувани и отстранети повеќе од три милијарди лажни...

Свет23 часа

Јункер: Глупавите националисти ги сакаат само своите земји

Претседателот на Европската комисија, Жан клод Јункер изјави дека е свесен за заканата, која ја претставуваат националистичките политичари за европската...

Топ1 ден

(Видео) Груби ја поздрави одлуката за оставка на Богоевски

Пратеникот од ДУИ, Артан Груби, ја поздрави одлуката за оставката на пратеникот Павле Богоевски и изрази жалење за состојбата во...

Бегството на Груевски1 ден

Јовески: Не постојат пречки за Интерпол да објави потерница по Груевски

Јавниот обвинител Љубомир Јовески рече дека верува оти не постојат законски или какви било пречки за да биде објавена потерницата за...

Македонија1 ден

(Видео) Павле Богоевски најави оставка

Пратеникот Павле Богоевски најави дека ќе поднесе оставка по скандалот со аудиоснимката објавена на руската мрежа „Вконтакте“, а на која...

Регион1 ден

Дачиќ бил во Сомалија за време на нападот: „Се слушна силна експлозија“

Во моментот кога се случи терористичкиот напад во престолнината на Сомалија, српскиот министер за надворешни работи, Ивица Дачиќ се наоѓал...

Свет1 ден

Франција бара истрага дали Сирија употребува хемиско оружје

Француското Министерство за надворешни работи соопшти дека мора да се разгледаат последните тврдења дека сириската влада употребува хемиско оружје. Министерството...

Спорт1 ден

Марадона приведен на аеродромот во Буенос Аирес

Еден од најдобрите фудбалери на сите времиња, Диего Армандо Марадона, бил уапсен на аеродромот во Буенос Аирес. Медиумите објавија дека...

Европа1 ден

Над 400 милиони луѓе ќе гласаат за новиот состав на Европскиот парламент

Повеќе од 400 милиони луѓе со право на глас од денеска до недела ќе избираат нов состав на Европскиот парламент....

Забава2 дена

Тамара прва од гласовите на жирито, а седма во финалето, гласовите коригирани

Македонската претставничка на Евровизија, Тамара Тодевска, сепак, заврши на седмото место на евровизиското финале и на првата позиција според гласовите...

Македонија2 дена

(Видео) Заев за изјавата на Груби: Рашомонијадата од изјави на крајот ќе биде поткрепена, ќе видиме која е вистината

Премиерот Зоран Заев и натаму не открива колку лица ќе бидат сменети од функциите, ниту, пак, нивните имиња. Тој вели...

Македонија2 дена

Кривични за експретседателот на Регулаторна и тројца членови, со парното ги оштетиле скопјани за 6,6 милиони евра

Одделот за сузбивање  организиран и сериозен криминал поднесе кривична пријава против лицата Д.П. (51), вработен како претседател и член на ...

Досие