Контакт

Економија

Манчевски: Ги дефиниравме заедничките цели за дигитална трансформација на регионот

Објавено пред

Во завршницата од дводневната агенда на првиот Дигитален самит на Западен Балкан министерот за надворешни работи, Никола Димитров, и министерот за информатичко општество и администрација, Дамјан Манчевски, одржаа прес-конференција на која ги пренесоа пораките и заклучоците што произлегоа од првиот самит за дигиталната агенда на регионот.

„За нас како домаќини задоволство и гордост е што овој настан беше позитивно поздравен од сите учесници и од целата меѓународна заедница. Сигурен сум дека успеавме да организираме настан што ќе служи како одличен пример за организаторите на следниот дигитален самит. Овие два дена слушнавме многу нови идеи, разменивме искуства, разговаравме и договоривме заеднички проекти. Со претставниците на земјите од Западен Балкан, бизнисите, академијата, заедно ги дефиниравме заедничките цели за дигитална трансформација на регионот“, истакна министерот Манчевски.

Тој се осврна на конкретните заклучоци за кои се обврзаа сите земји од Западен Балкан.

„Ние сме подготвени да работиме и да ги искористиме можностите. Дадовме ветување дека ќе работиме на намалување на цените за роаминг во регионот и со ЕУ. Се обврзавме дека ќе го подобриме пристапот до широкопојасен интернет, како и да ја следиме имплементацијата на WiFi4EU во земјите членки на ЕУ за да бидеме подготвени за идно негово проширување во ЗБ. Изразивме подготвеност да работиме активно на признавање на дигиталните сертификати и олеснување на прекуграничните доверливи услуги. Заедно ќе работиме и на сајбер-безбедноста и имплементација на директивата за мрежна и информациска безбедност. Договоривме креирање политики за ИКТ-образование и сертифицирање на сите групи на население, како и посветеност за подобрување на дигиталните вештини. Ќе ја зголемиме регионалната соработка и на полето на стартапи, а со размена на искуства ќе создаваме технолошки паркови кои одговараат на критериумите поставени во ЕУ“, информира министерот Манчевски.

Министерот Димитров им се заблагодари на сите поддржувачи на идејата првиот Дигитален самит да се организира во Скопје.

„Агендата на Самитот е дел од стратегијата на Европската Унија, а самитот што ни престои во Софија ќе ги спои напорите на регионот за приближување кон Европската Унија“, рече Димитров.

На прес-конференцијата ѝ претходеше тркалезна маса, на која присуствуваа министрите и шефовите на делегации од земјите од Западен Балкан и ЕУ, на која се дефинираа заклучоците претставени на конференцијата.

Економија

Светскиот ден на пчелата одбележан со конференција во Брдо кај Крањ

Објавено пред

Од

Пчеларството е гранка која има важен придонес во земјоделскиот сектор и во зачувување на животната средина, што Владата на Република Македонија преку Министерството за земјоделство, шумарство и водостопанство, е силно посветена на развојот на оваа значајна гранка, порача министерот за земјоделство шумарство и водостопанство Љупчо Николовски во денешното обраќање на меѓународната министерска конференција „Значењето на пчелите и другите опрашувачи за одржливо земјоделство и безбедност на храна“, во Брдо кај Крањ, Република Словенија. Оваа конференција се одржува по повод денешниот „Светски ден на пчелата“, а по под покровителство на словенечкото Министерство за земјоделство, шумарство и храна.

Министерот Николовски посочи дека Македонија се одликува со сопствен автохтон род пчели, а бројот на пчелини семејства денес е проценет на околу 90.000. „Земајќи ги предвид важноста и бенефитот на пчеларството, Министерството за земјоделство шумарство и водостопанство е силно посветено на развој на оваа земјоделска гранка. Република Македонија и Министерството за земјоделство, шумарство и водостопанство, како партнери, ќе дадат силен придонес во процесите на зачувување на пчелите, бидејќи пчеларството е навистина важна стопанско-прехранбена гранка“, изјави Николовски.

Во своето обраќање, министерот Николовски се осврна на долгата традиција што ја има пчеларството во Македонија, која се одликува со сопствен автохтон род пчели. Преку Програмите за финансиска поддршка во земјоделството и руралниот развој, МЗШВ создава институционална поддршка за пчеларството. Со цел модернизирање на процесот и зголемувањето на пчелните семејства и целокупниот капацитет на пчеларскиот сектор достапни се и мерки од Програмата за рурален развој и ИПАРД фондовите.

На конференцијата на која што присуствуваат министри за земјоделство од цел свет, Организацијата за храна и земјоделство на ОН (ФАО) ги повика државите да сторат повеќе за да ги заштитат пчелите и другите опрашувачи или во спротивно, да ризикуваат пад на разновидноста на храната. Од ФАО предупредија дека пчелите се под голема закана од комбинираните ефекти на климатските промени, интензивното земјоделство, пестицидите, загубата на биодиверзитетот и загадувањето. Со Светската здравствена организација, ФАО го разви Меѓународниот Кодекс на управување со пестициди, што обезбедува најдобри практики кои можат да помогнат во намалување на изложеноста на опрашувачите на пестициди.
Министрите на конференцијата усвоија декларација со која меѓудругото заеднички се обврзуваат за преземање на мерки за поддршка и заштита на пчелите и на другите опрашувачи, како и подигање на јавната свест за улогата на пчелите и другите опрашувачите во зголемување на приходите од земјоделство и зачувување на животната средина. На конференцијата беше заклучено дека одржливите земјоделски практики, а особено агро-екологијата, можат да помогнат во заштитата на пчелите преку намалување на изложеноста на пестициди.

Во рамки на официјалната посета на Словенија, министерот Николовски го покани словенечкиот министер за земјоделство, шумарство и храна, Дејан Жидан да присуствува на завршниот настан во Македонија за проектот за Локалните Акциски групи (ЛАГ), за што изминатиот период словенечкото министерство за земјоделство испрати експерти во МЗШВ кои помогнаа за регистрирањето и финансирањето на ЛАГ-вите. Локалните акциски групи за Македонија се важни за регионалниот рурален развој како алатка која ги спојува земјоделските производители, здруженијата, локалните власти и приватниот сектор

Прикажи повеќе...

Економија

Заев и Анѓушев во посета на фабрика во изградба кофинансирана од ИПАРД

Објавено пред

Од

Премиерот Зоран Заев заедно со заменик претседателот на Владата задолжен за економски прашања и координација со економските ресори, Кочо Анѓушев во рамки на вчерашната посета на Струга одржаа работен состанок со претставници на компанијата „Подгорка“.

Сопственикот на инвестицијата Мевмед Џемајловски на работниот состанок ја претстави својата инвестиција како една од поголемите домашни инвестиции, вредна 5.5 милиони евра и кофинансирана со средства од ИПАРД програмата. Станува збор за компанија којашто ќе се занимава со производство, обработка, расекување и пакување на месо по најсовремени стандарди и која до крајот на 2019 година ќе обезбеди 80 работни места за македонските граѓани.

„Охрабруваат ваквите решителни инвестициски чекори на домашна компанија којашто успеа со квалитетен проект да добие европски средства од ИПАРД програмата. Посебно радува што станува збор за домашна компанија којашто ќе отвори нови работни места и ќе донесе нова вредност во нашата економија. Ве охрабрувам и понатаму да влегувате во нови инвестиции, Владата и институциите се ваш партнер во создавањето поволни услови за раст и развој на вашите бизниси“, порача премиерот Заев.

Сопственикот Џемајловски изрази огромна благодарност до државните институции кои брзо и навремено помогнале во процесот на подготовка и комплетирање на потребната документација во процесот на аплицирање.

„Институциите ја препознаа и разбраа економската важност на нашата инвестиција. Објектот ќе биде изграден според стандардите за енергетска ефикасност, а производствениот процес во фабриката ќе се одвива според најмодерни европски стандарди. Нашата цел е да ги отвориме регионалните пазари и да извезуваме во соседните земји“, соопшти сопственикот на „Подгорка“.

По завршување на работниот состанок претставници на „Подгорка” и сопственикот Џемајловски заедно со премиерот Заев, вицепремиерот Анѓушев и директорот Бабовски се упатија кон локацијата кадешто е во тек изградба на новата фабрика. Сопственикот Џемајловски и градежните работници одблиску му ја претставија на премиерот Заев и владината делегација инвестицијата и прогресот на градежните работи.

„Очекувам во иднина многу домашни компании да изработуваат квалитетни проекти и да аплицираат за поддршка од ИПАРД фондовите. Оваа домашна инвестиција нека мотивира и поттикне многу домашни инвеститори да ги следат ваквите храбри чекори. Целта е да се реализираат што е можно повеќе успешни домашни инвестиции. На компаниите им стојат на располагање и мерките од Планот за економски раст кој поддржува нови инвестиции и раст на конкурентноста“, порача вицепремиерот за економски прашања Кочо Анѓушев на крајот од владината посета на фабриката во изградба „Подгорка“.

Прикажи повеќе...

Економија

(Видео) Тасева: Ме потценија, заработувам многу повеќе од 50 000 евра

Објавено пред

Од

Претседателката на „Транспаренси интернешнал – Скопје’, Слаѓана Тасева, денеска со кратка изјава реагираше на обвинувањата во отвореното писмо на синдикалниот одбор на „Фени индустри“, каде се вели дека Тасева се нудела како правен претставник и помагател на една од компаниите кои се вклуени во процесот на стечај за надомест од 50 000 евра.

„Мислам дека ме потцениле, јас заработувам многу повеќе, не од овој случај, од многу други“, рече Тасева.

Инаку, од синдикалниот одбор на „Фени индустри“ во отворенот писмо побараа Тасева да се откаже од застапување на интересите на „Кунико ресурсис“ и од ревизија на стечајната постапка, бидејќи сега тие земаат редовно плата во комбинатот, притоа потенцирајќи дека не им е потребна нејзината помош.

Прикажи повеќе...

Најново

Македонија2 часа

Во четврток нова средба за името со медијаторот Нимиц во Њујорк

Во четврток и петок ќе се одржи нова средба за името во Њујорк со медијаторот Метју Нимиц. Како што информира...

Македонија2 часа

Поради спор со името, ПСК „Чеплес“ четири години одбиван за членство во Федерацијата на планинари

Планинарскиот спортски клуб (ПСК) „Чеплес“ од Велес четири години се обидува да стане член на Федерацијата на планинарски спортови на...

Македонија3 часа

Шекеринска: Со Илинденска Македонија покажуваме дека ниту сме имале ниту ќе имаме територијални претензии

Вицепремиерката и министерка за одбрана Радмила Шекеринска смета дека предлогот Република Илинденска Македонија е решение со кое сите од процесот...

Македонија7 часа

Република Илинденска Македонија е име со временска одредница, му реплицираат од Владата на Ципрас

Република Илинденска Македонија е име со временска одредница кое се повикува на конкретни датуми од минатото и е реална можност...

Македонија9 часа

Грчките политички лидери не го прифаќаат предлогот за решавање на спорот за името

Грчката влада соопшти дека предлогот за решавање на спорот околу името на Македонија треба да содржи географскa или временска одредница....

Македонија1 ден

(Видео) Иванов: Став за новиот предлог ќе изградам откако ќе го добијам на писмено

Се додека не добијам писмена достава за она што се разговарало на средбите помеѓу Македонија и Грција во врска со...

Македонија1 ден

(Видео) Мицкоски: ВМРО-ДПМНЕ не прифаќа промена на името и Уставот

ВМРО-ДПМНЕ останува на ставот од минатото дека нема да поддржи промена на Уставот и промена на уставното име, рече лидерот...

Македонија1 ден

(Видео) Република Илинденска Македонија е предлогот за името

По денешната лидерска средба премиерот, Зоран Заев, во изјава за медиумите обелодени дека предлогот за кој разговарале со неговиот грчки...

Македонија1 ден

(Видео) Угриновски по трет пат избран за претседател на Федерацијата на планинари

Јовица Угриновски попладнево по трет пат е избран за претседател на Федерацијата на планинари.  Тој беше единствен кандидат за оваа...

Македонија1 ден

Мицкоски: Да се обединиме против злото, а тоа е Зоран Заев

ВМРО-ДПМНЕ ќе ги искористи сите алатки кои што му стојат на располагање да се бори против оваа ненародна власт и...

Македонија1 ден

Група граѓани со транспаренти и патриотски песни ги пречекуваат учесниците на лидерската средба

Група граѓани со транспаренти и пеејќи патриотски песни ги пречекуваат лидерите на партиите кои денеска попладне во Клубот на пратеници...

Свет1 ден

(Во живо) Кралската свадба на принцот Хари и Меган

Меган Маркл официјално ќе стане дел од британското кралско семејство. Церемонијата ќе се одржи напладне во Сент Џорџ капелата и...

Свет1 ден

(Видео) Сe е подготвено за спектакуларната кралска венчавка 

Камерите и фотоапаратите на светските медиуми викендов се свртени кон најголемиот настан за кралското семејство, венчавката на принцот Хари и...

Економија2 дена

(Видео) Тасева обвини дека проблемот во „Фени“ е поголем од оној во „Скопје 2014“, бара државните институции да го испитаат

Стечајната судијка на „Фени“ направила формална повреда на Законот за стечај оти не го отфрлила планот за реорганизација на комбинатот...

Култура2 дена

Петиција против пазарењето со културата – Не шуткајте нè во невидливи ќошиња

Интензивни реакции на социјалните мрежи по шпекулациите дека Владата преговара со Беса за ресорот култура. Оваа информација не ја потврдија...

Македонија2 дена

Грујевски и Бошкоски нема да бидат екстрадирани, одлучи Врховниот суд во Атина

Горан Грујевски и Никола Бошкоски нема да бидат екстрадирани во Македонија за да им се суди за децениското нелегално прислушување. Врховниот...

Македонија2 дена

Од Владата не коментираат за Република Илинденска Македонија

Република Илинденска Македонија неофицијално е последниот предлог за решение на спорот за името за кој вчера во Софија дискутирале премиерите...

Македонија2 дена

„Катимерини“: Името Илинденска Македонија е предлог на ФИРОМ

Името Илинденска Македонија (што означува два историски настана од 1903 и 1945 година), според информациите што доаѓаат од страна на...

Македонија2 дена

Јанушев: Итна лидерска средба за името, Заев да каже кои се опциите што ги договорил со Ципрас

Од ВМРО-ДПМНЕ соопштија дека изминатите денови неколкупати јавно побарале од премиерот Заев одржување лидерска средба во врска со името, но...

Македонија2 дена

Каракачанов: Едно од можните решенија е Илинденска Македонија

Илинденска Македонија е едно од можните имиња за Македонија кое било договорено вчера меѓу премиерите на Македонија и Грција. Слушнав...

Досие