Американскиот претседател Џо Бајден го искористи својот прв говор во Овалната канцеларија на неговото претседателствување за да прогласи победа откако двопартискиот договор за зголемување на плафонот на долгот помина во двата дома на Конгресот, со што се избегна економски хаос.

Претседателот ги пофали републиканските и демократските преговарачи и го пофали претседателот на Претставничкиот дом Кевин Мекарти за соработката со него на договорот, кој двајцата го финализираа само неколку дена пред Министерството за финансии да остане без пари за плаќање на сметките на владата.

Но, дури и кога им се заблагодаруваше на своите политички противници, Бајден укажа на разликите. Тој потсети на претходните повици на републиканците за намалување на социјалното осигурување и Медикер и остро ги осуди нивните предложени кратења на Медикеид, на инвестициите во чиста енергија и финансирањето на даночната управа.

„Можеби тоа нема да им се допадне на републиканците, но ќе се погрижам богатите да го платат својот фер дел. Ќе се вратам и со ваша помош ќе победам“, рече Бајден.

Обраќањето во Овалната соба му овозможи директно да разговара со американскиот народ, не во време на непосредна криза, туку да извести, како што ѝ кажа на нацијата, за време на избегната криза.

„Никој не доби сè што сакаше, но американскиот народ го доби она што му беше потребно. Спречивме економска криза, економски колапс“, нагласи тој и рече дека планира да го потпише компромисниот закон за плафонот на долгот.

Предлог-законот, кој вклучува ограничувања на трошоците и некои промени во енергетските дозволи и програмите за социјална помош, ги усвои двата дома на Конгресот со големо мнозинство. Претседателот може да ја искористи оваа победа. Неговата популарност сега е околу 40 отсто поддршка, а падна поради стравот од последиците од непостигнувањето договор.

Освен тоа, Бајден се сопна и падна на бината откако во четвртокот им се обрати на дипломираните студенти на Академијата за воздухопловни сили на САД. Соработник на Белата куќа подоцна објави на Твитер за да ја увери јавноста дека 80-годишниот претседател е добро.

Трамп: Би дозволил банкрот ако треба

Сепак, потенцијалниот републикански противник на Бајден го осуди договорот за плафонот на долгот. Поранешниот претседател Доналд Трамп изјави дека попрво би дозволил банкрот отколку да се согласи со отстапките што ги направија републиканците.

Низ историјата, претседателите ја користеле Овалната соба за да испраќаат пораки од големо значење во време на национални кризи и трагедии. Претседателот Џорџ В. Буш ѝ се обрати на земјата од функцијата веднаш по нападите од 11 септември.

Претседателот Џорџ Х.В. Буш го искористи својот прв говор во Овалната канцеларија за да пренесе порака за опасностите од дрогата додека држеше торба со она што тој го опиша како крек кокаин. Претседателот Барак Обама го одржа својот прв говор во Овалната соба во јуни 2010 година, откако го посети местото на големото истекување нафта во Мексиканскиот залив.

Пред говорот на Бајден, последното обраќање на Трамп во Овалната канцеларија беше на 13 јануари 2021 година, кога Трамп го осуди насилството по нападот на американскиот Капитол на 6 јануари и повика на смиреност пред инаугурацијата на Бајден, настан што ниту го призна, ниту присуствуваше.

Енергетските предизвици се заеднички – наши, на регионот, на Европа, а нивното решавање бара заеднички пристап, заедничко планирање и заеднички акции, порача денеска вицепремиерот Фатмир Битиќи преку видео порака.

Тој ги пренесе импресиите од Самитот на европската политичка заедница кој се одржа во Кишињев, Молдавија, но и очекувањата на главните политички чинители во ЕУ, кои, како што вели, од Северна Македонија очекуваат максимална одговорност за државничката одлука што треба да ја донесеме во наредниот период со измените на нашиот Устав како значаен чекор за просперитет и за европска иднина на сите македонски граѓани.

-Токму затоа се обединуваме низ механизмите како што е Европската политичка заедница – сите заедно, за да постигнеме енергетска транзиција, за да обезбедиме проширување на Унијата, за да ги одбраниме европските демократии од агресиите со кои се соочуваат. По тој повод, чест ми е што заедно со премиерот Ковачевски учествував на Самитот на шефови на држави и влади на Европска политичка заедница која што се одржа во Кишињев во Молдавија, посочува Битиќи.

Тој средбите во Кишињев ги оценува како можност за окрупнување и засилување на поддршката од цела Европа за следни чекори за членство на државава во Европската Унија

-Макрон, Шолц, Фон Дер Лајен, Мишел, Мецола, Зеленски, Рама, Вучиќ, Милатовиќ и многу други. Сите нѝ оддаваат признание за постигнатото досега и за тоа што сме пример за земја која изолацијата ја замени со напредок. И сега, сите наши европски пријатели очекуваат од нас максимална одговорност за државничката одлука што треба да ја донесеме во наредниот период со измените на нашиот Устав. Заеднички е ставот на сите наши пријатели дека со тоа ќе направиме уште еден значаен чекор за просперитет и за европска иднина на сите македонски граѓани, вели Битиќи и порачува дека нема други алтернативи за просперитетна и сигурна иднина.

Министерството за земјоделство, шумарство и водостопанство ги информира земјоделците дека Агенцијата за финансиска поддршка во земјоделството и рурланиот развој изврши исплата за дополнителни директни плаќања од подмерка 1.7 по обработлива земјоделска површина за одделни овошни видови. Исплатата е реализирана кон 10.604 корисници во висина од 286.673.118,00 денари.

Како корисници на оваа подмерка се јавуваат земјоделските стопанства што имаат засадени површини со следниве овошни видови: јаболко, слива, праска, круша, вишна,кајсија ,цреша, јагода на отворено, малина, капина, боровинка ,дуња,мушмула, актинидија, маслинка, калинка, јапонско јаболко,смоква, аронија, шип, рибизла, гоџи бери, барем, лешник, ореви и питоми костени, кои се корисници од подмерка 1.7 од оваа уредба и се регистрирани во Единствениот регистар на земјоделски стопанства.

Висината на директните плаќања изнесуваат 29.000 денари по хектар, односно 38.000 денари по хектар за земјоделски стопанства со пријавена површина за финансиска поддршка од минимум 1 хектар до максимум 5 хектари јаболко.

За слива и праска висината на директните плаќања изнесува 24.000 денари по хектар односно 30.600 денари по хектар со пријавена површина за финансиска поддшка од минимум 1 хектар до максимум 5.

Кај овошните видови круша, вишна, кајсија , цреша, јагода на отворено, малина, капина и боровинка висината на плаќањата изнесува 21.000 денари по хектар, односно 27.600 денари по хектар за земјоделски стопанства со пријавена површина за финансиска подршка од минимум 1 до максимум 5 хектари.

Додека пак 13. 000 денари по хектар односно 18.000 денари по хектар, изнесува висината на директни плаќања за земјоделски стопанства со пријавена површина за финансиска поддршка од минимум 1 хектар до максимум 5 хектари за дуња, мушмула, актинидија, маслинка, калинка, јапонско јаболко, смоква, аронија, шип, рибизла, гоџи бери, бадем и лешник.