Контакт

Економија

Над 70 министри за финансии и гувернери на состанок во Скопје

Објавено пред

Преку седумдесет министри за финансии, гувернери на централни банки, високи претставници на министерства за финансии и централни банки, високи претставници на Светска банка и Меѓународниот монетарен фонд ќе присуствуваат на централниот дел од Состанокот на Холандско-белгиската конституенца, кој се одржува во Скопје. Темата на која ќе се дискутира е „Како до поправеден систем за сите?“. Настанот ќе го отвори премиерот Зоран Заев, по што свои излагања ќе имаат министерот за финасии Драган Тевдовски и гувернерката Анита Ангеловска-Бежоска, чии институции се организатори на настанот.

Меѓу високите претставници на Светската банка и ММФ се извршните директори задолжени за Конституенцата, Кун Давидсе и Антони де Ланој. Од групацијата на Светската банка на Состанокот ќе учествуваат и тројца потпретседатели – потпретседателот на Групацијата на Светска банка за Европа и Централна Азија, Сирил Милер, потпретседателот за човечки капитал, Анет Диксон и потпретседателката на Меѓународната финансиска корпорација (ИФЦ) Георгина Бејкер. Од ММФ ќе присуствуваат и директорите на одделите за Европа и за фискални работи, Пол Томсен и Витор Гашпар. На настанот ќе учествува и истакнатиот професор на Чикашкиот универзитет, Луиџи Зингалез, кој ќе биде главен говорник и учесник на една од панел-дискусиите.

Во рамки на темата „Како до праведен систем за сите?“, на настанот ќе стане збор за сѐ поголемата нееднаквост во доходот, факторите кои влијаат врз овој тренд, долгорочните и краткорочните последици врз економскиот раст, но и во повеќе други сегменти од општеството. Ќе се дискутира и за инструментите и политиките кои им стојат на располагање на носителите на политиките за справување со овие состојби.

На конференцискиот дел од Состанокот, освен премиерот Зоран Заев, министерот за финансии Тевдовски и гувернерката Ангеловска-Бежоска, ќе се обратат и директорите во Групацијата на СБ и ММФ задолжени за Конституенцата, Давидсе и Ланој. Во текот на првиот дел од Состанокот, презентација ќе одржи потпретседателот на Групацијата на СБ, Сирил Милер.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Царовска и Апостолска: За повеќе од 5.000 лица е зголемен бројот на вработени во компаниите што работат во ТИР-зоните

Објавено пред

Вицепремиерката задолжена за економски прашања, Мила Царовска, и министерката за странски инвестиции, Зорица Апостолска, денес ја посетија „ВИК груп“, компанија со германски капитал, која во технолошко-индустриската развојна зона во с. Алинци, Прилеп, во 2018 година почна со изградба на фабрика за производство на електрични апарати наменети за употреба во домаќинствата.

Од страна на вицепремиерката Царовска и министерката Апостолска беше оценето дека интензивната динамика на реализирање на инвестицискиот проект на „ВИК груп“ и воведувањето нови производствени линии, со проектирани инвестиции од над 15 милиони евра и долгорочни планови за дополнителни вложувања, зборува за успешните економски политики на Владата и нејзината две и полгодишна посветеност на стабилизирање и зајакнување на деловниот амбинет.

Вицепремиерката за економски прашања, Мила Царовска, потенцира дека владините мерки за поттикнување нови инвестиции од домашни и странски компании и нивен понатамошен раст и развој даваат одлични резултати, при што нагласи дека во изминатите две и пол години бројот на вработени во компаниите што работат во технолошко-индустриските развојни зони се зголемил за повеќе од 5.000 лица, односно од 8.000 вработени во 2017 година, бројот на вработени во компаниите што функционираат во ТИРЗ сега изнесува 13.900 лица.

„Компанијата ‘ВИК груп’ е една од компаниите што се вклучени во процесот на усогласувањето на образованието за потребите на пазарот на трудот. Во генерацијата ученици запишани во 2019 година во програмата за дуално образование во земјата се вклучени 135 ученици, некои од тие изведуваат практична настава во самите компании и навистина се обидуваме заедно со стопанските комори оваа програма да ја прошириме и да даде добри резултати. Заедно со стопанските комори се обидуваме да ги стимулираме сите поголеми компании, кои имаат и реални услови да се вклучат во програмата за учење преку работа и да вклучат што поголем број ученици уште во средното образование“, нагласи вицепремиерката Царовска.

Министерката Апостолска, зборувајќи за придобивките на оваа инвестиција за Пелагонискиот Регион, истакна дека со финализирањето на целокупниот петгодишен инвестициски проект на „ВИК груп“ планирано е да се отворат над 1.000 работни места, што ветува една долгорочна стабилност за граѓаните на Прилеп и поширокиот регион, за нивната социјална сигурност од аспект на можност за пристап до стабилни работни места.

„Како резултат на стимулативните услови во земјата, на активните владини политики за поддршка на компаниите во делот на инвестициите, на поволниот и предвидлив деловен амбиент за водење бизнис, по првично планираната инвестиција на компанијата од 6 милиони евра во 2018 година, со 60-ина вработени, од компанијата ‘ВИК груп’ одлучија да го прошират инвестицискиот циклус, односно да направат проширување за воведување нов асортиман. Сега, по една и пол година, инвестицијата на ‘ВИК груп’ достигна 13 милиони евра, со можност вкупните инвестиции да се покачат на 15 милиони евра, а во компанијата веќе се вработени над 200 лица“, изјави министерката Апостолска.

Придружувани од генералниот менаџер на „ВИК груп“ за Северна Македонија, Вернер Шоеб, вицепремиерката Царовска и министерката Апостолска посетата на компанијата ја искористија и за обиколка на фабриката и непосредно запознавање со производствениот процес, при што беа информирани за тековните и идните инвестициски активности.

Генералниот менаџер на „ВИК груп“, Шоеб, изјави дека посветеноста и поддршката од Владата во изминатиот период беа клучен елемент оваа компанија да ги зголеми почетните инвестиции и додаде дека оваа компанија ќе продолжи со проширување на своите производствени активности во Северна Македонија.

„ВИК груп“ е германска компанија што се занимава со производство на мали електрични апарати, кои имаат примена во домаќинството. Седиштето на компанијата е лоцирано во Есен, Германија, и во Хонг Конг. Компанијата е основана во почетокот на 50-тите години на 20 век, а освен во Северна Македонија, има свои производствени капацитети во Шенжен, НР Кина, и во Батам, Индонезија, а центарот за иновации, дизајн и развој се наоѓа во Есен, Германија. Од тогаш компанијата има развиено стотици системски решенија и произведени се милиони производи за многу водечки меѓународни брендови. Компанијата глобално вработува околу 6.000 лица.

Прикажи повеќе...

Економија

Сугарески: Во Дојран комплетно ја рехабилитираме патната мрежа за претстојната туристичка сезона

Објавено пред

Како што ја завршивме минатата година во ресорот Транспорт со одлична реализација на инвестициите, така ја започнавме и оваа градежна сезона, која почна многу порано и каде уште на стартот имаме одлична динамика во изградба и санација на целокупната инфраструктура со која менаџираме, истакна министерот за транспорт и врски, Горан Сугарески, при денешната посета во општина Дојран.

Сугарески заедно со градоначалникот на општина Дојран, Анго Ангов, и директорот на ЈП за државни патишта, Зоран Китанов, извршија увид во рехабилитација на државниот пат Раброво – граничен премин Дојран.

Инвестицијта е вредна 830 илјади евра, средства обезбедени од ЈП за државни патишта.

Министерот Сугарески потенцира дека капиталните инвестиции во секторот гасификација, во комуналната, патната и железничката инфраструктура и оваа година се работат со силна динамика и се очекува високо ниво на реализација.

„Околу 200 милиони евра инвестиции во патишта, нови проекти во гасификацијата, преку 30 нови проекти за водоводи и канализации. Оваа година ја започнавме со силно темпо. Денеска извршивме увид на рехабилитација на овој значаен патен правец, посебно значаен бидејќи го поврзува граничниот премин кон соседна Грција и од тој аспект обезбедуваме квалитетно регионално поврзување. Овој дел на државата е значаен, посебно поради развој на туризмот и токму нашите залагања е да обезбедиме подобри услови во патната и комуналната инфраструктура, со цел да го подигнеме квалитетот на услуги што ги нуди Дојранскиот Регион. Инвестираме повеќе од 3 милиони евра само во реконструкција на патната мрежа. Дополнително со проектот за локални патишта што го работиме преку министерството, на Дојран му обезбедивме околу 600 илјади евра за изградба и санација на локалните улици, така да генерално патната мрежа целосно ја обновуваме”, изјави Горан Сугарески, министер за транспорт и врски.

Според директорот на ЈП за државни патишта, Зоран Китанов, рехабилитацијата на овој патен правец ќе заврши до крајот на месец април, почетокот на месец мај.

„Рехабилитацијата на овој пат ја почнавме во ноември минатата година. Го поделивме на четири дела заради поефикасна работа и веќе првиот дел е завршен. Интензивно се работи на асфалтирање на делот од Стар до Нов Дојран, па следува делот до граничниот премин. Очекуваме за мајските празници оваа делница да биде подготвена за туристите, а од друга страна да ја подигнеме безбедноста во сообраќајот. Денеска се асфалтираат и последните метри од делот од Смоквица до Богданци, а морам да најавам дека проектот за обиколница Богданци е завршен и следува тендерирање”, изјави директорот на ЈП за државни патишта, Зоран Китанов.

Според градоначалникот на општина Дојран, овие инвестици ќе придонесат за развој на туризмот и подобрување на услови го општината. Тој додаде дека преку проектот за локални патишта ќе се реконструитраат и три патни правци во населените места Фурка, Црничани и Николич.

Прикажи повеќе...

Економија

Бебе имало дивиденда над 1 милион денари во 2018 година, а скопјанка пријавила приход од 17 милиони евра

Објавено пред

Скопјанка со годишен бруто-приход од 17, 1 милион евра е најбогатата Македонка. Таа во 2018 година пријавила во УЈП годишен бруто-приход од 1.056.992.055 денари или 17,1 милион евра, соопшти денес директорката на Управата за јавни приходи, Сања Лукаревска.

Втор на листата по остварен бруто-приход е исто така жител на Скопје, кој пријавил приход од 453.517.731 денари или 7,3 милиони евра.

Меѓу првите десет во листата со највисоки приходи има и граѓани од Гевгелија со остварен приход од 300.680.561 денари или 4,8 милиони евра, од Струмица со 4 милиони евра и Тетово со 3,6 милиони евра пријавен годишен бруто-приход.

Највисоката годишно бруто-плата и во 2018 година, исто како и претходните години, е исплатена во секторот здравство и изнесува 183.806.532 денари или 2,9 милиони евра.

„На листата на највисоко рангирани бруто-плати се најдоа и платите исплатени во секторот трговија со тутун и тутински производи, компјутерско програмирање, производство на метални производи, аптеки и изградба на станбени и нестанбени објекти. Највисокото лично примање по друг основ изнесува 119.268.921 денар на годишно ниво на граѓанин од Скопје. Во 2018 година е остварен највисок износ на капитална добивка во последните 10 години, односно скопјанец по основ на капитална добивка остварил вкупно 841.164.000 денари бруто-приход“, кажа Лукаревска.

Таа нагласи дека во 2018 година е остварен највисокиот износ на капитална добивка во последните 10 години. Лице од Скопје пријавило добивка во бруто-износ од 841.164.000 денари или 13,6 милиони евра.

Самостојното вршење дејност во 2018 година било најпрофитно за жителите на Скопје кои Лукаревска вели дека доминираат на листата со приходи по овој основ. Во 10-те топ-рангирани на листата се наоѓаат адвокати, нотари, извршители и угостители, а највисокиот приход пријавен по овој основ изнесува 46.024.172 денари или 748.360 евра.

Земјоделството во 2018 година било најисплатливо во Гевгелија каде граѓанин пријавил приход од продажба на сопствени земјоделски производи од 25.319.395 денари или 411 илјади евра. Следен на листата по продажба на земјоделски производи е жител на Валандово со проијавен приход од 19.744.161 денар или 321. 043 евра.

Нјаголем приход од имот и имотни права пријавил жител на Тетово со 84.039.667 денари или 1,3 милиони евра, а обврзник од Скопје пријавил 22.612.966 денари или 367.690 евра, приход од авторски права и индустриска сопственост.

Скопјанец во 2018 година од лото, обложување, казино и учество во наградни игри пријавил бруто-добивка од 871.726 евра.

И најбогатиот пензионер е од Скопје со исплатена бруто-пензија остварена во странство од 5, 7 милиони денари или 93 илјади евра. Највисокиот приход по основ на пензиски надоместок за доброволно пензиско осигурување е пријавен во Скопје и изнаесува 2,7 милиони денари или 45.507 евра.

Директорката Лукаревска рече дека високи приходи Управата забележала и кај возрасните, но и кај младите лица.

„Највозрасното лице кое остварило приход над еден милион денари има 99 години, сега е починато, додека во групата над 10 милиони денари највозрасниот има 93 години. Лице кое се родило во 2018 година остварило доход од дивиденда над еден милион денари, додека во групата над 10 милиони денари најмладиот има 21 година“, рече директорката Лукаревска.

Управата за јавни приходи изгитвила пополнети годишни даночни пријави за 795.953 граѓани со пријавени 309.058.476.787 денари годишни бруто-приходи и 18,4 милијарди персонален данок. Во 2018 година, кога се воведе новата процедура за пријава и пресметување на персоналниот данок, најголемиот број пријави биле автоматски потврдени од страна на УЈП, односно 480.092 пријава, а граѓаните потврдиле 139.968 пријави.
Директорката Лукаревска смета дека како за прва година реформата е успешна посебно поради тоа што го нема метежот на шалтерите за поднесување на пријавата.

Прикажи повеќе...

Најново

Македонија7 часа

МОН: Дадени се препораки на образовните установи за заштита на учениците, студентите и вработените од коронавирусот

Согласно заклучоците донесени на вчерашната владина седница, а во врска со заштита на јавното здравје во услови на брзо ширење...

Македонија9 часа

(Видео) Филипче: Познати сопатниците на жената заразена со коронавирус, ќе останат во излоација 14 дена

Идентификувани се сите патници кои се возеле во комбето со жената која е заразена од коронавирусот, а која утринава допатувала...

Регион9 часа

Во Хрватска потврден трет случај на коронавирус

Во Риека, Хрватска потврден е трет случај на коронавирус, пренесуваат хрватските медиуми. Како што се наведува, се работи за маж...

Македонија12 часа

Спасовски: Нема потреба од паника, сè е под контрола

Претседателот на Владата, Оливер Спасовски, на прес-конференција изјави дека нема потреба од паника во јавноста поради појавата на првиот случај...

Македонија13 часа

(Видео) Прв случај на коронавирус во земјата

Потврден првиот случај на коронавирус во земјата. Се работи за жена, родена 1970 година, од Скопје. Како што изјави министерот...

Економија16 часа

Бебе имало дивиденда над 1 милион денари во 2018 година, а скопјанка пријавила приход од 17 милиони евра

Скопјанка со годишен бруто-приход од 17, 1 милион евра е најбогатата Македонка. Таа во 2018 година пријавила во УЈП годишен...

Свет17 часа

(Видео) Бебе кое има само 17 дена излечено од коронавирус

17-дневно бебе од Вухан, на кое му беше дијагностицирана инфекција со коронавирус КОВИД-19 веднаш по неговото раѓање, заздравило без лекување...

Македонија17 часа

(Видео) Обвинетите за организација на крвавиот четврток во судот рекоа дека ќе докажат оти не се виновни

Заврши главната расправа за организација на насилствата на 27 април. За случајот обвинети се поранешниот собраниски спикер Трајко Вељаноски, поранешните...

Регион17 часа

Во Грција потврден прв случај на коронавирус

Прв случај на новиот коронавирус е потврден денеска во Солун, во соседна Грција, соопшти грчкото Министерство за здравство. Станува збор...

Регион19 часа

Близнаци заразени со коронавирус во Хрватска

Двајцата заразени од коронавирус во Хрватска се близнаци. Како што пишуваат хрватските медиуми, затворена е фирмата каде што работел едниот...

Европа19 часа

Во Италија заразени пет деца, во Австрија почина италијанска туристка

Петмина малолетници се заразени со коронавирус во Италија. Четворица од нив се во Ломбардија, а еден случај е забележан во...

Забава19 часа

НАСА објави видео за Месечината снимена од астрoнаутите на Аполо 13

Дали некогаш сте посакале да ја видите Месечината снимена одблизу од астронаутите од Аполо 13 на нивната мисија во вселената?...

Економија20 часа

Најбогатите во светот за само еден ден изгубија 120 милијарди евра

Најбогатите 500 луѓе во светот во понеделникот изгубија 139 милијарди долари, или над 120 милијарди евра на берзите, што ги...

Македонија21 час

Од денеска до 11 март граѓаните ќе можат да извршат увид во Избирачкиот список

Од денеска до 11 март на полноќ граѓаните ќе можат да извршат увид во Избирачкиот список преку апликацијата на веб-страницата...

Македонија21 час

Патничката од Милано нема коронавирус, покажаа анализите

Резултатите на пациентката која синоќа беше тестирана на коронавирус на Инфективната клиника во Скопје се негативни, соопшти Министерството за здравство,...

Спорт1 ден

За три месеци ќе се знае дали ќе има Олимпијада во Токио

Членот на Интернационалниот олимписки комитет (ИОЦ), Дик Паунд предупредува дека наскоро ќе мора да се донесе одлука за откажување на...

Македонија1 ден

Продолжен притворот за Емил Јакимовски, пресуда на 6 март

Нови 30 дена притвор му биле определени на Емил Јакимовски, поранешниот вработен во Централниот регистар и член на ВМРО-ДПМНЕ, обвинет...

Македонија1 ден

Мицкоски побара да се поведе истрага за Заев: „Слушнавме како ја егзекутира правдата“

„Ова е протестен марш со кој почнува крајот на неславното владеење на СДСМ“. Вака лидерот на ВМРО-ДПМНЕ, Христијан Мицкоски, го...

Македонија2 дена

Филипче: Дојдените од Италија да побараат преглед дома ако почувствуваат симптоми на коронавирус

Министерот за здравство, Венко Филипче, на денешната прес-конференција порача дека оние што допатувале од Италија и имаат симптоми на болеста...

Македонија2 дена

Патникот од Дубаи нема коронавирус

Министерот за здравство, Венко Филипче, соопшти дека патникот од Дубаи, кој јавил симптоми, нема коронавирус. „Вториот случај што го тестиравме...

Досие