Контакт

Економија

Новата „Opel Astra“ – самоуверена, електрифицирана и ефикасна

Објавено пред

· Eлектрифициранa Astra за прв пат како plug-in хибрид во две нивоа на изведба

· Смел и елегантен дизајн со новиот Vizor и изборна завршна обработка со две бои

· Целосно дигитален Pure Panel и cockpit со широк екран и интуитивни контроли

· Ефикасни мотори со 6-степен мануелен и 8-степен автоматски менувач

· Најновиот Intelli-Lux LED® Pixel светла со 168 LED елементи

· Бројни автоматски системи за асистенција за висока безбедност и удобност

· Ергономски AGR-сертифицирани седишта, по избор во кожа и Алкантара

· Дизајниран, развиен и произведен во седиштето на Опел во Германија

Opel денес ја откри целосно новата, шеста генерација на Astra!

Успешната приказна за бестселерот на Опел започна пред 30 години со потомството на легендарниот Кадет. Со целосно новата Astra, германскиот производител сега го отвора следното поглавје: за прв пат, моделот од компактната класа е достапен со електричен погон.

Opel ќе ја понуди новата Astra во две нивоа на изведба како plug-in хибрид. Како и верзии со високо ефикасни бензински и дизел мотори во комбинација со шест-степен мануелен и осум-степен автоматски менувач.

Новата Opel Astra е динамична како никогаш порано, со пространи, зајакнати површини, детоксиран од излишни елементи и со новото лице на Брендот – Opel Vizor. Со следната генерација на компактна класа, Opel покажува дека Astra е подготвена да дефинира нова ера.

Новата Opel Astra ќе биде лансирана оваа година како спортски модел со пет врати, со низок изглед и уште повеќе простор од неговиот претходник. Со должина од 4.374 mm и ширина од 1.860 mm, пополнува во целост местото на компактниот сектор.

Благодарение на особено краткото преклопување на предниот дел, новата Astra е подолга само 4,0 mm од претходниот модел, и покрај значително зголеменото меѓуоскино растојание од 2,675 mm (+13 mm). Без оглед на мускулестиот, сигурен став, практичниот багажник на новата Astra со прилагодлив под сепак им нуди на возачот и на четворица патници 422 литри волумен.

 

Новата генерација е дизајнирана и развиена во седиштето на Opel во Риселсхајм каде производството ќе започне оваа есен. Како и неговиот претходник лансиран во 2015 година, новодојдениот, носи новини во компактната класа што клиентите претходно ги очекувале само од поскапи возила. На пример, Astra може да ја претвори ноќта во ден: најновата еволуција на адаптивната светлина Intelli-Lux LEDix Pixel доаѓа директно од предводникот на Opel Insignia и со 168 LED елементи, води во компактниот и средниот сектор на пазарот.

Скок во времето се случи во внатрешноста на новата генерација на Astra. Со целосно дигиталниот Pure Panel, аналогните инструменти се пренесуваат низ историјата. Наместо тоа, новиот ”Human Machine Interface (HMI) со свежа, модерна графика им нуди на клиентите чисто, поинтуитивно искуство. Патниците можат да управуваат со новата Astra интуитивно преку екстра-широки екрани на допир, исто како паметен телефон.

Дизајнерите и инженерите на Opel се погрижија навистина многу да се осигураат дека возачот ги добива сите потребни информации и корисни опции за работа, но не е оптоварен со излишни податоци или функции.

Покрај тоа, клучните поставки, како што е контролата на климата, сè уште може да се управуваат преку физички прекинувачи и копчиња.

Предните седишта, се со сертифициран AGR („Aktion Gesunder Rücken e.V.“) и, со својата примерна ергономија, се премногу удобни, особено на долги патувања. Возачот е поддржан од најсовремените системи за асистенција кои се движат од главниот дисплеј до полуавтоматизираниот систем за асистенција Intelli-Drive 2.0 и камерата Intelli-Vision 360 степени.

„Целосно новата Astra – роден е новиот ”Blitz”! Со сензационален дизајн и водечка класа на технологија. Електризиран и високо ефикасен за најниски можни емисии; одејќи во нова ера. Astra е креирана со најголема прецизност до најмалите детали. Уверени сме дека следната генерација на Astra има сè што е потребно за да стане уште еден бестселер и да привлече многу нови клиенти за Брендот “, изјави извршниот директор на Opel, Мајкл Лохшелер.

(ПР текст)

Економија

Тасевска: Средствата за активни мерки за вработување со ребалансот на буџетот се предвидени на историски највисоки 1,66 милијарда денари

Објавено пред

Пратеничката на СДСМ, Лидија Тасевска, во рамките на собраниската расправа посветена на предложениот ребаланс на буџетот за 2021 година истакна дека клучни остануваат здравјето на граѓаните, економијата со стабилни параметри и здрави финансии.

Ребалансот на буџетот за 2021 година е одраз на актуелните економски состојби во државата, со него продолжува финансискиот стимул како за компаниите така и за граѓаните до целосно враќање на економијата на патот на економскиот раст, како и инвестирањето во трајни добра, особено во реализација на капитални инфраструктурни проекти, порача Тасевска.

Таа истакна дека проекциите за приходите се направени врз основа на реализацијата на приходите за тековната година, очекувањата за економските остварувања во 2021 година, промени во даночната област, проширување на даночниот опфат, како и олеснети и поедноставени административни трошоци.

Даночните приходи учествуваат во структурата на вкупните приходи со 55,7 проценти, односно 6 милијарди денари повеќе во однос на иницијалниот буџет, нагласи Тасевска.

Таа истакна дека со предложениот ребаланс се издвојуваат 2,7 милијарди евра за инвестиции во човечкиот капитал, односно во образование, здравство и социјална заштита, што во однос на периодот пред три години е повеќе за половина милијарда евра.

За само три години, имаме зголемување на инвестициите во човечкиот капитал над 30 милијарди денари или над половина милијарда евра, нагласи Тасевска.

Таа порача дека годинава ќе ги зголемат средствата за активни мерки за вработување од 1,3 милијарда денари на историски највисоките 1,66 милијарда денари, а за споредба, во 2016 година од буџетот за оваа намена биле издвоени само 530 милиони денари или трипати пониско.

Тасевска истакна дека со ребалансот на буџетот за образование издвојуваат 28,6 милијарди денари или 3 милијарди повеќе во однос на буџетот од 2018 година, за здравство – 46,7 милијарди денари, што е 14 милијарди повеќе во однос на 2018 година, и за социјална заштита – 91,8 милијарда или 16,6 милијарди денари повеќе пред три години.

Во ребалансот на буџетот се предвидени 615 милиони денари за кредити со нула каматна стапка за најпогодените компании од кризата, кредитна гарантна шема од 300 милиони денари, формирање фонд за поддршка на извозни компании во износ од 610 милиони денари, капитални инвестиции преку ИПАРД-програмата за рурален развој од 500 милиони денари, наведе Тасевска.

Вкупната поддршка ќе обезбеди заздравување на економијата и нејзино враќање на патот на економскиот раст и достигнување на планираните стапки од 4,1 проценти, порача пратеничката на СДСМ, Лидија Тасевска.

Прикажи повеќе...

Економија

Пендаровски на средба со економските советници во Варшава, Анкара, Минхен и Абу Даби

Објавено пред

Претседателот Стево Пендаровски денеска оствари средба со Илија Псалтиров, Сузана Тунева, Бекри Ајдини и Абдилџемил Саити, економски советници во амбасадите на Република Северна Македонија во Варшава, Анкара и Абу Даби и конзулатот во Минхен.

Новоименуваните економски советници го информираа претседателот Пендаровски за своите планови за претставување на потенцијалите на Република Северна Македонија како дестинација за инвестирање, за промоција на извозните потенцијали, како и за промоција на државата како туристичка дестинација.

Претседателот Пендаровски изрази уверување дека со нивниот ангажман четворицата економски советници ќе дадат придонес во насока на зајакнување на економската дипломатија и на привлекување директни странски инвестиции, што ќе придонесе за обезбедување нови работни места и економски раст.

Претседателот Пендаровски на четворицата економски советници им посака успех во претстојниот ангажман и изрази очекување за конкретни резултати во искористувањето на економските потенцијали меѓу нашата држава и државите што економските советници ги покриваат.

Прикажи повеќе...

Економија

(Видео) Поцкова: Иако се прави ребаланс на буџет, пари за здравството нема

Објавено пред

Иако се прави и ребаланс на буџет, пари за здравството нема, а истото функционира на основ на донации, рече пратеничката од ВМРО-ДПМНЕ, Јадранка Поцкова, на собраниската седница на која се дебатира за ребалансот на буџетот за 2021 година.

„Врз основа на планираното и ребалансот на буџетот за годинава излегува дека дефицитот излегува 6,5 од бруто-домашниот производ, а раст од 4,1 посто. Вака високопозиционираниот раст е многу висок и тешко се постигнува затоа што младите се иселуваат, нема продуктивност, не се реализираат капиталните инвестиции“, рече Поцкова.

Пратеничката укажа дека разликата меѓу приходи и расходи се зголемува на сметка на граѓаните или истата ќе ја плаќаат тие.

„Со вакво проектирање секое семејство се задолжува за дополнителни 500 евра или задолжувањето е за купување на социјален мир . Токму тој социјален мир скапо ќе го чини секој граѓанин“, рече Поцкова.

Според Поцкова, за оваа влада секоја година е економска.

„На крајот излегува дека само цените се повисоки и ништо друго нема. Има само предизборен поткуп и грабеж на народните пари“, кажа Поцкова и додаде дека Македонија има еден од најлошите резултати за инвестиции.

„Сите држави од регионот имаат повеќе инвестиции од Македонија. Директните странски инвестиции во Македонија изнесуваат ни повеќе ни помалку од 1,9 проценти од БДП, додека, пак, во соседството бројките се следни, Босна и Херцеговина има странски директни инвестиции во 2020 година во вредност од 2,1 процент од БДП, Косово 4, Србија 4,8, Албанија 5,7, Црна Гора 11 проценти“, рече Поцкова.

Пратеничката се осврна и на тоа дека во ребалансот требало да има пари за здравството особено поради ковид-пандемијата.

„Дали нашето здравство го заслужува ова? Здравството се базира на донации, значи државата одвои многу малку средства за оваа област“, рече Поцкова.

Прикажи повеќе...

Најново

Македонија3 часа

Maкедонците сè уште се вакцинираат на белградскиот саем

Македонските граѓани и понатаму се вакцинираат на белградскиот саем. „Меѓу 300 и 500 граѓани се вакцинираат дневно на саемот во...

Македонија3 часа

Напад врз новинар ќе се смета како напад врз службено лице, се воведува и кривично дело демнење

Министерот за правда, Бојан Маричиќ, објави дека во Владата поминале измените на Кривичниот законик, со кои заштитата на медиумските работници...

Македонија3 часа

Заев по повод 20 години од Рамковниот договор: Успешна историја благодарение на партнерите ЕУ, САД и НАТО

Владата денеска одржа тематска седница посветена на 20-годишнината од Охридскиот рамковен договор. Во своето обраќање на седницата премиерот Заев потенцира...

Македонија4 часа

Дејан Георгиевски ѝ донесе олимписко сребро на Македонија

Дејан Геoргиевски го прекина 20-годишниот пост на Македонија и од Олимписки игри ќе го донесе досега најблескавиот медал во 30-годишната...

Македонија5 часа

Регистрирани 39 нови случаи на Ковид-19

Министерството за здравство информира дека во последните 24 часа се направени 3.839 тестирања, а регистрирани се 39 нови случаи на...

Македонија7 часа

Заев: 17 октомври е датумот за локалните избори

И покрај дилемите за тоа дали кампањата за локалните избори ќе се поклопи со претстојниот попис, премиерот Зоран Заев денеска...

Европа8 часа

(Видео) Силна експлозија го потресе Леверкузен: Жителите добиле предупредување за екстремна опасност

Силна експлозија ги потресе куќите во германскиот град Леверкузен. Снимките од социјалните мрежи покажуваат како се крева огромен облак од...

Македонија8 часа

Само 0,02 отсто од вакцинираните со две дози во Македонија заболеле од коронавирус

Вкупно 92 лица од 330.000 кои се ревакцинирани заболеле со коронавирус, објави министерот за здравство, Венко Филипче. Ова, додаде тој,...

Европа9 часа

Во ЕУ вакцинирани 70 отсто од возрасните, две дози примиле 57 отсто

Претседателката на Европската комисија, Урсула фон дер Лајен, објави дека целта од 70 проценти вакцинирани од возрасните лица во Европската...

Спорт9 часа

Георгиевски обезбеди сребро на ОИ во Токио

Дејан Георгиевски избори пласман во финалето на олимпискиот турнир во таеквондо, во категоријата над 80 килограми. Во полу-финалето, Георгиевски го...

Македонија11 час

Спасени планинари од Чешка на Шар Планина

Група планинари од Чешка вчера вечер се спасени од Шар Планина. Тие залутале, а околу 18 и 30 часот се...

Свет21 час

(Видео) Песочна бура проголта град во Кина

Песочна бура висока речиси 100 метри зафати град во северозападна Кина, при што целиот град остана покриен со прашина. На...

Европа21 час

Украинскиот напад ќе заврши со колапс, одговори Русија по изјавите за нова офанзива на Киев

Коментирајќи ја позицијата на поранешниот заменик-министер за привремено окупираните територии на Украина, Јуриј Гримчак, кој повика на подготовка на армијата...

Европа22 часа

Стапката на заразени од коронавирус во Европа се зголемува, предупредува СЗО

Светската здравствена организација (СЗО) денеска објави дека стапката на ширење на коронавирусот е забрзана во некои европски земји, пренесуваат светските...

Европа22 часа

(Видео) Јужна Европа се бори со пожари, најлошо е во Грција и Италија

Шумските пожари, потпомогнати од горештините и силните ветрови, денеска зедоа замав во јужна Европа, а некои северни земји ги расчистуваат...

Регион24 часа

Радев: Нема да дозволиме кршење на правата на Бугарите во Северна Македонија

Бугарија е најсилниот поддржувач на проширувањето на ЕУ, но не може да дозволи кршење на правата на граѓаните на Република...

Македонија1 ден

Двајца починати и 10 нови случаи на коронавирус во Македонија

Во последните 24 часа во Македонија се потврдени 10 нови случаи на коронавирус, две лица починаа, а 16 пациенти оздравеа,...

Економија1 ден

Поевтинуваат горивата

Бензините и дизелот од ноќеска на полноќ ќе поевтинат за 1,5 и за 1 денар, соопшти Регулаторната комисија за енергетика....

Македонија1 ден

(Видео) Јанакиески за притворот: Ова е малтретирање и изживување со човекови судбини

Ексминистерот за транспорт и врски, Миле Јанакиески, по објавувањето на пресудата за „27 април“ со која беше осуден на 6...

Македонија1 ден

Пресуда за Вељаноски, Ристовски, Јанакиески и Атанасовски – осудените плански го организирале упадот со цел да се зачува власта

Судот ги изрече пресудите за организаторите за упадот во Собранието на 27 април –  поранешниот претседател на Собранието Трајко Вељаноски е...

Досие