Контакт

Економија

Новата ŠKODA OCTAVIA – висока технологија, врвен дизајн и поголема практичност

Објавено пред

Со четвртата генерација на својот бестселер ŠKODA достигнува нова димензија која буди емоции

Уште подобра, попросторна, поемотивна и со подобра поврзаност од било кога, со претставувањето на четвратата генерација на својот бестселер, ŠKODA достигнува нова димензија. Срцето на брендот ŠKODA, новата Octavia е подолга и поширока од својата претходна генерација, има уште поголем багажен простор и е со поемотивен дизајн благодарение на дизајнерскиот јазик на ŠKODA. Дополнително, со новата Octavia, ŠKODA воведува и нов дизајнерски концепт за ентериерот кој комбинира одлична просторна понуда со високо-квалитетни материјали, неверојатна функционалност и милион паметни детали. Иновативната поврзаност и новиот систем за асистенција го подигнуваат комфорот и безбедноста на многу повисоко ниво.

Новата Octavia е многу попространа од својата претходна генерација. Хечбекот е 19 милиметри подолг, а Combi изведбата е цели 22 милиметри подолг од досегашниот модел. Дополнително, Octavia е поширока за 15 милиметри, што ветува повеќе простор во кабината. Моделот може да се пофали и со поголем багажник со капацитет од дури 640 литри, додека хечбекот има 600 литри, што претставува најголем багажен простор во класата.

Новиот дизајн на предниот браник со остри, потесни предни светла нуди визуелно задоволство благодарение на LED технологија која се користи кај предните и задните светла, како и кај светлата за магла. Ново дизајнираните, плитки шини на покривот ја истакнуваат издолжената силуета на Octavia Combi, додека хечбекот изгледа речиси како купе.

Во ново дизајнираниот ентериер, Octavia нуди нов, двокрак волан, кој може да се добие со систем за загревање, на кој се поставени дури 14 најразлични функционалности кои може да се контролираат без да ги тргнете рацете од управувачот. Централната конзола е редизајнирана и нуди премиум изглед со интересни ситни хромирани детали, кои може да ги најдете и на вратите. Во кабината се користени меки, премиум материјали, а новото LED амбиентално осветлување обезбедува посебен визуелен допир, со избор на десет различни бои.

За првпат во модел на ŠKODA се вградуваат посебни ергономски седишта, кои поседуваат и масажна функција, а во топ верзијата располагаат и со вентилација. Опционалниот head-up дисплеј е уште една функционалност која ŠKODA ја воведува по прв пат. Дисплејот ги покажува најважните информации како брзина, навигација, сообраќајни знаци и системи за помош на возачот, директно на ветробранското стакло. Уште една премиера во новата Octavia е тро-зонскиот Climatronic. Електромеханичката паркирна сопирачка е влегува во стандардниот пакет. Новата генерација на ŠKODA Octavia може да да пофали и со расположливите акустични странични прозори, кои ја намалуваат бучавата од патиштата во кабината.

Octavia е прв модел на ŠKODA што ракувањето со бирачот на менувачот DSG го пренесува по електронски пат (Shift-by-Wire). Со тоа менувачот добива сосема нов дизајн на менувачот, вклучувајќи копче за положбата за паркирање.

Други нови функции ги вклучуваат системите за препознавање на сообраќајни знаци, одржување во лента, асистенција при гужва во сообраќај и асистенција во случај на опасност. Системот Hands-on Detect проверува, речиси на секои 15 секунди дали возачот доследно го допира воланот или дали веќе нема контрола врз возилото заради потенцијален медицински итен случај. Ако се случи таков итен случај, системот за „Помош за итни случаи“ може да го доведе автомобилот да застане во лентата. Доколку е неизбежен судир и покрај трудот на сите овие системи, тогаш возилото ќе се обиде максимално да ги заштити патниците така што автоматски ќе ги затвори прозорците и панорамскиот покрив и ќе ги затегне безбедносните појаси.

Четвртата генерација на ŠKODA Octavia не само што е поекономична и еко-пријателска, таа исто така доаѓа со поголем избор на алтернативни погонски системи од кога било досега. За прв пат, постои plug-in-хибридна варијанта, Octavia iV.

Некои од бензинските мотори, кои се дополнително оптимизирани, сега се опремени со лесна хибридна технологија, а дизел моторите доаѓаат од најновата генерација ЕВО и испуштаат до 80 проценти помалку азотен оксид. Моќноста се движи од 110КС до 204КС.

Поставата вклучува и варијанта која се напојува со природен гас (CNG), моделот Octavia G-TEC. Постои избор на четири варијанти на шасијата, и секако, новата Octavia е достапна со погон на сите тркала.

(ПР-текст)



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Wise.Blue се приклучува на програмата за официјални партнери на Твитер со цел зајакнување на performance огласувачите

Објавено пред

Wise.Blue е сеопфатно решение за огласување на Твитер, кое нуди резултати во поширок обем, избрано од најголемите меѓународни performance огласувачи (огласувачи ценети по учинок). Дизајнирана од Httpool, оваа платформа користи машинско учење и алгоритми за предвидување за управување сложени кампањи и испорака на клучни показатели за успех (KPI) во поширок обем.

Сега, како дел од програмата за официјални партнери на Твитер, програма која им дава признание на компании што нудат извонредни решенија за маркетинг со докажани резултати за успех на клиентите, Wise.Blue им дава дополнителна вредност на performance огласувачите, нудејќи резултати во поширок обем.

Можност за искористување на потенцијалот на огласување на Твитер за performance огласувачи

Некои од најискусните тимови за изведба и експерти за машинско учење си поставија амбициозна цел – да создадат можност за користење на целиот потенцијал на платформата за огласување на Твитер за performance огласувачите. Преку анализи и алгоритми за предвидување, создадовме низа карактеристики скроени за таа намена и го дизајниравме Wise.Blue за да станеме врвно решение за performance огласувачи.

„Твитер е една од најзначајните платформа со висококвалитетна публика која нуди неверојатни можности за најуспешните брендови и бизниси од целиот свет.“, објасни Мариус Ивановас, идејниот автор на Wise.Blue. „Тука настапува Wise.Blue! Ги идентификувавме клучните барања на најголемите performance огласувачи и развивме единствена технологија за напредните корисници да ги постигнат своите клучни показатели за успех на Твитер во поширок обем“.

Решението Wise.Blue API е засновано на обемно искуство, досегашни успеси и разбирање на потребите на performance огласувачите. Развиено е од Httpool, корпоративна компанија на IMS и партнер за продажба на Твитер во повеќе од 25 земји во Европа и Азија, Wise.Blue претставува иновација во најсуштинската смисла. Работејќи со безброј кампањи на Твитер и големи меѓународни performance клиенти, тимот воочи можности за максимално искористување на платформата на Твитер, поедноставувајќи го управувањето со сложените поставувања, а истовремено значително подобрувајќи ги резултатите.

Сеопфатна алатка за напредни корисници низ целиот свет

Повеќеаспектната природа на Wise.Blue е преточена во голем број производи и карактеристики кои претставуваат револуционерна алатка за сите performance огласувачи. На сеопфатното управување со дигиталната стратегија се додава алатка за длабинска аналитика, креативно студио и патентирана автоматизација за машинско учење.

„Овој проект, што го создадовме со сопствени ресурси, се разви во водечка глобална алатка. Постанувањето официјален партнер на Твитер е важно признание за Wise.Blue, и ни претставува задоволство што придонесуваме за екосистемот и додаваме вредност на некои од најсофистицираните performance огласувачи низ целиот свет “. рече Аљоша Јенко, извршен директор на Httpool.

Решението Wise.Blue се состои од технологија и услуги за управување со мрежа обезбедени по потреба, кои ги извршуваат меѓународни тимови на специјалисти за performance на Твитер. Како резултат, големите глобални огласувачи на Wise.Blue обично ги надминуваат своите клучни показатели за успех и креираат нови, претходно несогледани можности.

„Решивме да го довериме целокупното управување со кампањата на Твитер на тимот Wise.Blue и се воодушевивме од резултатите и професионалниот пристап. Тимот извонредно ја исполни задачата. Тие се многу агилни, транспарентни, имаат многу знаење и подготвени се да помогнат кога е потребно“. рече Камерон Ро, Директор за дигитален маркетинг на Change, една од водечките апликации за криптовалути.

Деивид Пранчас, менаџер за аквизиција на корисници во NordVPN се заблагодари на тимот на Wise.Blue за успешната соработка, истакнувајќи дека „знаењето што го комбинирате со практична поддршка е клучот за успешни performance кампањи. Задоволство е да се работи со таква група експерти“.

Решени континуирано да иновираме

Wise.Blue е решена постојано да иновира и да ги дефинира трендовите за performance рекламирање на Твитер.

„Ова е само почетокот на едно неверојатно патување. Постојано ја ажурираме и надградуваме Wise.Blue со нови функции наменети за дополнителна поддршка на напредните корисници на Твитер“, рече Артурс Лукашевиќ, директор на Wise.Blue. „Следните нови елементи на Wise.Blue вклучуваат дел за различни видови публика и специјална алатка за ремаркетинг“.

(ПР текст)

 

Прикажи повеќе...

Економија

(Видео) Трипуновски: Помош при откуп и кредитен револвинг фонд за земјоделците во првите 100 дена

Објавено пред

„Земјоделството е стратешка гранка во Република Македонија. Над 100.000 лица живеат или на некој начин се занимаваат и се поврзани со земјоделство. Изминативе години поради негрижата на власта оваа гранка е во сериозен пад. Откуп нема, а кога го има цените се под секоја рентабилност. Субвенциите доцнат, за модернизација на земјоделството воопшто и да не зборуваме едноставно во буквална смисла катастрофа.
Коронавирусот остави последици и во земјоделството. Власта која не можеше да обезбеди услови за функционирање на земјоделците во нормално време, во кризава се соочи со тотален крах. Токму затоа потребно е итна стратегија за пребродување на последиците, во таа насока ние нудиме преодна стратегија која нашата влада во првите 100 дена од мандатот ќе ја спроведе“, изјави Цветан Трипуновски, член на ИК на ВМРО-ДПМНЕ.

Според него, за заштита од можните негативни состојби, владата на ВМРО-ДПМНЕ веднаш ќе интервенира со комбинација од повеќе сет на мерки, со кои ќе им се помогне на земјоделските производители да се справат со проблемите и да обезбедат соодветен приход. Имено ќе бидат преземени пазарно-ценовни мерки и мерки со кои ќе им помогне на земјоделците, извозниците и на транспортерите настап на светските пазари.
Се обврзуваме да обезбедиме дополнителни плаќања по единица капацитет за производителите на зеленчук и овошје кои нема да можат да ги пласираат своите производи. Оваа мерка ќе овозможи производителите да ги пласираат земјоделските производи и да остварат соодветен доход.

„Поддршката ќе биде насочена и кон извозниците. За да им помогне на извозниците на земјоделско-прехранбени производи да стигнат до постоечките пазари, и во насока на изнаоѓање на алтернативни пазари, владата ќе креира мерки за маркетинг, промоции и кампања. Доколку значително се зголеми цената на транспортните трошоци, поради нарушување на постоечките коридори за транспорт, ќе се имплементираат мерки и во таа насока.

Со мерки на ценовна поддршка ќе ѝ се помогне на преработувачката индустрија да ги откупи сите домашни количини овошје и зеленчук кои нема да може да се пласираат на пазарите како производи за свежа консумација. Во сетот на мерки ќе бидат опфатени лозарите, градинарите, сточарите, односно сите гранки од земјоделскиот сектор.Ова е само мал сегмент од нашите планови за земјоделството, кои опфаќаат 640 милиони евра за субвенции, 80 милиони евра за водоснабдување, неповратни средства за младите земјоделци за набавка на механизација и опрема, инвестиции во земјоделските стопанства, кредитен револвинг фонд за сигурен откуп на земјоделските производи и многу други реални проекти.ВМРО-ДПМНЕ има стратегија. СДСМ покажа дека можат единствено повеќе криминал, можат единствено повеќе корупција и можат само порази. Да ставиме крај на виткањето на кичма“, додаде тој.

Прикажи повеќе...

Економија

Димковски: Постигната согласност за набавка на пластични гајби наменети за берба, складирање и транспорт на овошје

Објавено пред

Министерот за земјоделство, шумарство и водостопантсво Трајан Димковски и директорот на Управата за хидрометеоролошки работи Ивица Тодоровски денеска беа во посета на Општина Ресен и преспанскиот регион.

Во Преспа се наоѓаат најголемите овошни насади со познатото препанско јаболко. Во овој регион има многу земјоделци кои одгледуваат јаболко и други овошни видови и се директно засегнати од мерките кои оваа Влада и МЗШВ ги превземаат за заштита, унапредување и развој на овоштарството во нашата држава.

МЗШВ вчера доби нова согласност за набавка на пластични гајби наменети за берба, складирање и транспорт на овошје, што е од особено значење за производителите на јаболка. Средставата за оваа набавка се обезбедени преку ИПАРД Програмата, Мерка 1- инвестиции во основни средства на земјоделски стопанства.

„Кофинансирањето ќе биде од 50% до 75%, а со набавка на овие пластични гајби кои се со капацитет до 20 килограми, на земјоделците им се олеснува бербата, транспортот и складирањето на јаболката. Пластичните гајби се многу полесни од дрвените, но истовремено се и полесни за одржување, особено во одржувањето на хигиената. Секако останува и понатаму да тече редовната набавка на бокс палети со капацитет од 300 килограми“ изјави министерот Димковски при денешната посета на Општина Ресен.

Една од целите за модернизација на земјоделското производство беше и инвестицијата за набавка на современ систем за заштита од град, бидејќи стариот начин на заштита беше застаран и недоволно ефикасен.

Градоначалникот на Општина Ресен Живко Гошаревски и директорот на УХМР Ивица Тодоровски искажаа благодарност до Владата и МЗШВ за мерките кои беа превземени во изминатиов период, во насока на заштита на земјоделското производство.

Прикажи повеќе...

Најново

Македонија1 час

Сафет Бишевац позитивен на коронавирус

Сафет Бишевац, кандидат за пратеник од листата на ВМРО-ДПМНЕ, на Фејсбук објави дека е позитивен на коронавирус. Тој вели дека...

Регион2 часа

Расте бројот на заразени туристи во Грција, на Скијатос слетала Србинка позитивна на коронавирус

По случајот со семејство од Белград кое било „депортирано“ од Грција, откако било утврдено дека мажот е позитивен на коронавирус,...

Македонија2 часа

Болницата „8 Септември“ тврди: Ова е ковид болница, нема листа на чекање за итни операции

Болницата „8 Септември“ во Скопје соопшти дека не постои листа на чекање за итни хируршки интервенции. „ЈЗУ ГОБ „8 Септември“...

Европа3 часа

Истрага против поранешниот француски премиер и министри поради Ковид-19

Францускиот специјален суд нареди да започне истрага против поранешниот премиер Едуард Филип и двајца министри за здравство во врска со...

Спорт4 часа

Поддршка за Ѓоковиќ од центарот на Загреб (Фото)

Голем транспарент со поддршка за Новак Ѓоковиќ се појави во центарот на хрватската престолнина Загреб. „Имаме право да дишеме. Стоп...

Регион4 часа

На Косово 114 новозаболени од коронавирус – жариште има на подножјето на Шар Планина

Националниот институт за јавно здравје во Приштина објави дека во Косово се регистрирани 114 нови случаи на Ковид 19, пишува...

Свет6 часа

Русија ќе подготви 70 милиони дози вакцини за Ковид-19, привичните тестови се успешни

Две недели откако започнаа клиничките тестирања врз група волонтери на руската вакцина против Ковид-19, нема никакви негативни ефекти, со што...

Свет7 часа

За коронавирус тестирани 10 милиони луѓе во Кина

Градските власти во Пекинг објавија дека 10,4 милиони луѓе, или околу половина од жителите на кинеската престолнина,се тестирани за присуство...

Свет7 часа

Четири лица загинаа, а 97 се повредени во експлозијата во Турција

Четири лица загинаа, а 97 од 186 вработени се повредени при експлозијата во фабрика за пиротехника во Турција. Фабриката е...

Свет7 часа

Првите резултати од лекот против Ковид-19 се очекуваат за две недели

Светската здравствена организација ги очекува во следните две недели првичните резултати од клиничкото тестирање на лекови кои би можеле да...

Регион18 часа

Се запали авион со 164 патници и членови на екипаж, принудно слета во Грција

Авион на ирската компанија „Рајанер“ со 164 патници и членови на екипаж принудно слета на аеродромот во Солун, бидејќи во...

Свет19 часа

Тенгел: Наместо да се смеетe на шведскиот модел, научете нешто од нас

Наместо да се смеете на нашиот модел на борба против Ковид-19, подобро би било да научите нешто од нашето искуство,...

Свет20 часа

СЗО: Засега Ковид-19 нема мутација што го прави посилен

Вирусот Ковид-19 досега нема мутации што ќе го направат посилен или ќе доведат до потешка болест, вели главниот епидемиолог на...

Топ24 часа

Во Охридското Езеро се удави 49-годишен маж

Во водите на Охридското Езеро денеска околу 14.30 часот е пронајдено безживотно тело на плажа на кејот Македонија. На местото...

Македонија1 ден

Регистрирани 165 новозаразени – починаа 7, а оздравеа 128 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на...

Европа1 ден

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија1 ден

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Топ1 ден

Вработен во МВР станал и советник во Општина Арачиново – внатрешна контрола го разгледува случајот

Одделот за внатрешна контрола, криминалистички истраги и професионални стандарди поднесе иницијатива за поведување постапка за утврдување дициплинска одговорност против Ф.Х....

Свет1 ден

(Видео) Најмалку 41 повреден во експлозија во фабрика за огномети во Турција

Најмалку 41 лице е повредено по експлозијата во фабрика за огномети во северозападната турска провинција Сакарија, пренесува „Хуриет дејли њуз“....

Македонија1 ден

Засега нема затворање на границите со Србија и Косово

Границите со Србија и Косово остануваат отворени, откако Комисијата за заразни болести не даде препорака тие да бидат затворени поради...

Досие