Контакт

Економија

Обезбедени дополнителни 284,9 милиони денари за 1.216 вработувања во реалниот сектор

Објавено пред

Владата на денешната седница го разгледа и прифати ревидираниот оперативен план за активни програми и мерки за вработување и услуги на пазарот на трудот за 2021 година.

Со ревидираниот 0перативен план обезбедени се дополнителни средства за активни програми и мерки за вработување со ребалансот на буџетот на Република Северна Македонија во износ од 284.960.000 денари за да се зајакне пристапот до активните политики за пазарот на труд, особено за нискоквалификувани невработени лица и лица од ранливите категории, како што е предвидено со акциски план за реализација на препораките од заедничките заклучоци од економско-финансискиот дијалог од јули 2021 година.

Од вкупно предвидените средства за оваа намена, 36.900.000 денари се наменети за Програмата 1, односно за поддршка за самовработување (претприемаштво) за дополнителни 115 самовработувања; 153.750.000 денари за мерката за субвенционирање плати за 674 дополнителни невработени лица; за имплементација на нова пилот-мерка за субвенционирање плати во текстилниот сектор во Источниот Плански Регион за 300 невработени лица во висина од 73.800.000 денари, како и 15.289.200 денари за мерката вработување и раст на правни субјекти за 127 дополнителни вработувања.

Со овие измени и дополнувања, со ревидираниот оперативен план за активни програми и мерки за вработување и услуги на пазарот на трудот за 2021 година, ќе се зголеми опфатот на корисниците на програмите за вработување за 1.216 невработени лица.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Бектеши: Пуштен во употреба новиот систем за осветлување во ски-центарот Попова Шапка

Објавено пред

Министерот за економија Крешник Бектеши заедно со министерот за животна средина и просторно планирање Насер Нуредини и директорот на АД ЕЛЕМ ТУРС, Адем Авзиу во текот на денешниот ден го посетија ски центарот „Попова шапка“ каде извршија увид на активностите што се реализираат за модернизација на ски-центарот.

Министерот за економија Крешник Бектеши рече дека туристичкиот центар со работите што континуирано се вршат полека се распоредува со регионалните и европските туристички центри, нудејќи што повеќе услуги за туристите.

„ Им благодарам на менаџментот на господинот Авзиу за неуморната работа што ја направија со цел да се зголеми понудата и да се подобрат услугите во рамките на Попова шапка за да го направат туристичкиот центар да биде поатрактивен за домашните и странските туристи, имајќи предвид дека една од главните определби на Министерството за економија и Владата е токму таа подобрена понуда во туристичките центри во нашата земја да донесат што повеќе туристи, да се зголеми фреквентноста на одредени места и на тој начин директно и индиректно да се влијае на локалниот економски развој не само во Тетово туку и во целиот регион.

Министерот Насер Нуредини упати честитки за досегашната работа во Попова шапка и истакна дека тоа е важен чекор и за граѓаните и за економскиот развој на државата.

„Денеска за прв пат го најавивме отворањето на Попова шапка како национален парк во Шар Планина. Ова е пример како можеме да создадеме економски активности и да им овозможиме на нашите граѓани да дојдат да се релаксираат и да прават различни активности“.

Директорот на АД ЕЛЕМ ТУРС Адем Авзиу рече дека нашол многу недостатоци кога дошол на чело на функцијата но дека веќе се прават неопходните подготовки овој ски центар да реализира успешни зимски сезони.

По увидот на работите, во текот на денот министерот Бектеши ќе го пушти во употреба новиот систем за осветлување во скијачкиот центар, со што и официјално ќе биде објавено отворањето на сезоната за годинава.

Прикажи повеќе...

Економија

По 50 години работа се затвора црногорскиот гигант „Унипром“ – откази добија 500 работници

Објавено пред

Директорот на „Унипром“, сопственик на Комбинатот за алуминиум на Подгорица (КАП), Веселин Пејовиќ, денеска најави затворање на КАП и дека над 500 работници ќе останат без работа.

Пејовиќ рече дека етапното исклучување ќе започне на 15 декември и дека тоа е конечната одлука и дека повеќе нема да има преговори.

„ После 50 години работа на КАП, и осум години откако со него управува „Унипром“, во време кога цената на алуминиумот е многу поволна на берзата, за жал морам да кажам дека направија се за денеска да објават дека Комбинатот за алуминиум се затвора“, рече Пејовиќ.

Ова е првпат, рече тој, проблемите и тешкотиите да се споделат со јавноста.

Тој изрази загриженост поради отпуштањето на над 500 работници и прекинот на соработката со повеќе од 200 домашни компании, пренесува порталот ЦДМ.

„Унипром“, кој е сопственик на КАП, претходно најави дека ќе го прекине производството поради високите цени на струјата и ќе отпушти 500 работници.

Според договорот со „Електропривреда“ (ЕПЦГ), тие досега плаќаа 45 евра за мегават-час (MWh), а сега им се нуди таа цена да биде околу 120 евра поради поскапувањето на струјата на европските берзи.

Прикажи повеќе...

Економија

Шахпаска на состанок со Мисијата на ММФ: Во време на криза државата бележи најниско ниво на невработеност

Објавено пред

Министерката за труд и социјална политика, Јагода Шахпаска, попладнево остварила онлајн состанок со Мисијата на меѓународниот монетарен фонд (ММФ), предводена од Бергљот Бјорнсон Баркбу, на кој меѓудругото, се разговарало за заздравувањето на економијата по пандемијата Ковид-19, вработеноста на младите, формализирањето на неформалната економија, како и движењето на работната сила на долг рок.

Како што информираат од ресорното министерство, Шахпаска посочила дека и во време на економска криза, предизвикана од здравствената криза, нашата држава бележи историски најниско ниво на невработеност од 15,9 проценти, што, како што рекла, е јасен показател дека политиките на Владата, како и шесте пакети економски мерки дале позитивен резултат.

„И минималната и просечната плата во изминатиов период имаат тенденција на раст. Позитивниот тренд на платите продолжи и во 2021 година, просечната нето-плата за септември 2021 година е за 5,3 проценти повисока во однос на истиот месец 2020 година. И во период на пандемија, во согласност со законската регулатива овозможивме усогласување и на минималната плата“, нагласила министерката.

Претставниците на мисијата на ММФ се интересирале какви мерки Владата презема за да им помогне на ранливите категории граѓани, во делот на потребите за електрична енергија и други енергенси.

Шахпаска информирала дека со измените на Законот за социјална заштита, во време на пандемија, за речиси 36.000 приматели на Гарантирана минимална помош, како и за околу 7.500 приматели на социјална пензија обезбеден е додаток од 1.000 денари за енергенс во текот на целата година, а не само за шест месеци како што било претходно.

„Дополнително, Владата подготвува Програма за енергетска поддршка која ќе го зголеми опфатот на граѓани на кои ќе им биде овозможена ваква поддршка“, нагласила министерката.

Шахпаска посочила и дека Владата преку систематски и мултисекторски пристап, како и преку повеќе мерки и проекти, работи на формализација на неформалната економија.

„Во тој контекст се и мерките предвидени во Оперативниот план на активни програми и мерки за вработување, потоа Стратегијата за социјално претприемништво и законската регулатива за социјални претпријатија на која во моментов работиме, а кои ќе овозможат активирање на пазарот на трудот на најтешко вработливите. Секако работиме и на јакнењето на свеста за придобивките од формализирање на неформалната економија, но и организиран пристап во дејностите како што се земјоделието и градежништвото каде што неформалната економија е најзастапена“, додала министерката.

Во однос на вработувањето на младите, таа нагласила дека младинските политики што ги спроведува МТСП и Владата даваат позитивни резултати, односно довеле до пораст на вработеноста кај младите од 15 до 29 години од 30,2 проценти во 2017 година, на 34,6 проценти во вториот квартал од 2021 година.

Прикажи повеќе...

Најново

Македонија16 часа

Бектеши: Цената на струјата нема да поскапи повеќе од 10%

Поскапувањето на струјата нема да биде повеќе од 10%, изјави денеска министерот за економија, Крешник Бектеши. „Согласно сите проекции, зголемување...

Македонија17 часа

419 новозаразени и 14 починати од Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 3.285 тестирања,...

Свет19 часа

Три дози од вакцината на „Фајзер“ штитат од омикрон – официјална изјава од појавата на новиот сој

Фармацевтските компании „Фајзер“ и „Бионтек“ денеска објавија дека нивните три дози од вакцината против коронавирус за време на лабораториски тест...

Европа21 час

Олаф Шолц официјално избран за канцелар на Германија

Германскиот парламент го избра Олаф Шолц за наследник на Ангела Меркел како канцелар на Германија. Лидерот на Социјалдемократската партија (СПД),...

Свет21 час

Швајцарија одобри капсула за евтаназија: Смртта настапува за помалку од една минута

Еутаназијата е поддржана легално во Швајцарија, а оние што ја сакаат ќе имаат на располагање нов метод. Капсулите Сарко го...

Европа22 часа

Рации во Германија поради трговија со работници од Балканот – има уапсени и запленет имот

Германските полицајци и цариници денеска спроведоа десетици рации ширум земјата со цел да ја потиснат наводната трговија со привремени работници...

Свет22 часа

(Видео) Јапонски милијардер стана првиот руски турист во вселената

Јапонскиот милијардер Јусаку Маезава денеска полета до Меѓународната вселенска станица (ISS) во својот прв вселенски лет. Руското вселенско летало Сојуз,...

Свет22 часа

Објавена фотогафија од омикрон со помош на електронски микроскоп

Универзитетот во Хонг Конг објави фотографија од новиот сој на коронавирусот, омикрон, добиена со помош на електронски микроскоп. Омикрон првпат...

Свет23 часа

(Видео) Во Индија се урна хеликоптер во кој бил шефот за безбедност и неговата сопруга

Индиски воен хеликоптер утрово се урна во Тамил Хад. Според светските медиуми, во авионот бил и шефот на индискиот безбедносен...

Свет23 часа

Во разговорот на Путин и Бајден покрај сериозни теми имало и шеги

Разговорот помеѓу претседателите на Русија и САД, Владимир Путин и Џо Бајден бил деловен, но се слушале и шеги и...

Европа2 дена

Белорусија воведува ембарго за производи од непријателски земји, меѓу нив и Македонија

Официјален Минск од следната година ќе воведе ембарго на стоки од земји кои водат непријателска политика кон Белорусија, соопшти прес-службата...

Европа2 дена

Банкнотите на еврото преку нов дизајн ќе промовираат различност и инклузивност

Европската централна банка (ЕЦБ) во понеделникот објави дека планира да ги редизајнира банкнотите на еврото во следните три години за...

Македонија2 дена

Вкупно 16 починати и 375 нови случаи на Ковид-19

Министерството за здравство информира дека во последните 24 часа направени се 2.744 тестирања, а регистрирани се 375 нови случаи на...

Европа2 дена

Објавени нови сателитски снимки од руска војска на украинската граница

Американските медиуми продолжуваат да презентираат докази за руска акумулација на сили по должина на границата со Украина и подготовки за...

Економија2 дена

За еден месец, гасот поскапел повеќе од 5 отсто, а лебот 3,8 проценти

Кај гасот за домаќинствата, лебот и житото и кај туристичките аранжмани во ноември бил забележан најголем пораст на трошоците во споредба...

Македонија2 дена

Лажен оџа и неговите соработници осомничени за полов напад врз 9-годишно девојче и за измами во Гостивар

Основното јавно обвинителство Гостивар донесе наредба за спроведување истражна постапка против едно лице, кое лажно се претставувало како оџа и...

Македонија2 дена

Тетово привремено го укина јавниот превоз, од Општината велат дека претпријатието е во хаос

Јавниот автобуски превоз во Тетово е привремено стопиран по четири месеци. Општина Тетово како причини за прекинот го наведе работењето...

Македонија2 дена

Ангел Димитров: Република Северна Македонија не е подготвена да почне преговори за членство во ЕУ

Тешко е дека постои земја што повеќе од Бугарија би посакувала пристапување на Република Северна Македонија во Европската Унија. Но,...

Европа2 дена

Компанијата „Фајзер“ обвинета за ширење лаги за вакцината на „Астра зенека“, дури и дека предизвикува рак

Фармацевтскиот гигант „Фајзер“ е обвинет дека подмитувал експерти за да ја дискредитираат вакцината против Ковид-19 на „Астра зенека“, пренесуваат светските...

Македонија2 дена

Заев ги информираше коалиционите партнери за постигнатиот договор со Алтернатива

Претседателот на Владата, Зоран Заев имаше средба со лидери на партии од владината коалиција на која ги запозна со постигнатиот...

Досие